రాజస్థాన్‌లో భారీ ఇసుక తుఫాన్ బీభత్సం సృష్టించింది. చురు, బికనీర్, భానీపురా వంటి ప్రాంతాల్లో సుమారు 100 అడుగుల ఎత్తు నుంచి ఇసుక తుఫాన్ నగరాలను కమ్మేసింది. ఈ భయానక సంఘటనకు సంబంధించిన వీడియోలు సోషల్ మీడియాలో వైరల్ అవుతున్నాయి. ఇళ్లు, వ్యవసాయ పొలాలు, రోడ్లు అన్నీ ఇసుకతో నిండిపోగా, ప్రజలు, వాహనదారులు తీవ్ర ఇబ్బందులు ఎదుర్కొన్నారు.

జన్నారం మండలంలోని భంగ్యా నాయక్ తండా గ్రామ ప్రజలు తమ గ్రామంలో వీధి దీపాలు లేకపోవడం వల్ల తీవ్ర ఇబ్బందులు పడుతున్నారని ఆవేదన వ్యక్తం చేశారు. గ్రామంలోని పలు కాలనీలలో విద్యుత్ స్తంభాలు ఉన్నప్పటికీ, వీధి దీపాలు లేవని, దీంతో రాత్రి వేళల్లో ప్రజలు ఇబ్బందులు పడకతప్పడం లేదని వారు వాపోయారు. ముఖ్యంగా, అత్యవసర సమయాలలో బయటకు రావాలంటే భయంగా ఉందని గ్రామస్థులు ఆందోళన వ్యక్తం చేశారు. ఈ పరిస్థితిపై గ్రామ పంచాయతీ పాలకవర్గ సభ్యులు, అధికారులు తక్షణమే స్పందించి తమ కాలనీలలో వీధి దీపాలను ఏర్పాటు చేయించాలని వారు విజ్ఞప్తి చేశారు.

దేశానికి స్వాతంత్ర్యం వచ్చి 79 ఏళ్లు గడుస్తున్నా, నేటికీ గిరిజనుల బతుకులు మారకపోవడం పాలకుల నిర్లక్ష్యానికి నిదర్శనమని లంబాడా హక్కుల పోరాట సమితి రాష్ట్ర వర్కింగ్ ప్రెసిడెంట్ భరత్ చౌహాన్ తీవ్ర ఆగ్రహం వ్యక్తం చేశారు. ఆసిఫాబాద్ జిల్లా పర్యటనలో భాగంగా ఆయన కేరామెరి మండలంలోని చిన్నుగూడా, లక్మాపూర్, అనార్ పల్లి తదితర గిరిజన గ్రామాలను సందర్శించి, స్థానిక అడవి బిడ్డల కష్టాలను, మౌలిక వసతుల కొరతను స్వయంగా పరిశీలించారు. ఈ సందర్భంగా గిరిజన నాయకులు, గ్రామ ప్రజలతో కలిసి ఆయన ప్రభుత్వ వైఖరిపై తీవ్రస్థాయిలో మండిపడ్డారు. ఈ పర్యటనలో ఆయన మూడు ప్రధాన డిమాండ్లను లేవనెత్తారు: గిరిజన ప్రాంతాల రవాణా సౌకర్యాలను మెరుగుపరచడానికి ఉట్నూర్ నుండి ఆసిఫాబాద్ వరకు తక్షణమే నాలుగు వరుసల రహదారిని మంజూరు చేయాలి; అత్యంత వెనుకబడిన ఆదివాసి తెగ అయిన కోలాముల సమగ్ర అభివృద్ధి కోసం ప్రత్యేకంగా ₹100 కోట్ల బడ్జెట్‌ను కేటాయించాలి; అలాగే, గిరిజనుల కొంగుబంగారమైన ఐటీడీఏను ప్రభుత్వం మూసేస్తోందా అనే అనుమానాలపై పాలకులు తక్షణమే సమాధానం చెప్పాలని డిమాండ్ చేశారు. గిరిజన గ్రామాల్లో దయనీయ స్థితులను భరత్ చౌహాన్ ప్రత్యేకంగా ప్రస్తావించారు. చిన్నుగూడా, లక్మాపూర్, అనార్ పల్లి వంటి గ్రామాల్లో నేటికీ అంగన్‌వాడీ కేంద్రాలు లేకపోవడం అత్యంత విచారకరమన్నారు. చిన్నపిల్లలు, గర్భిణీ స్త్రీల ఆరోగ్యాన్ని ప్రభుత్వం పూర్తిగా గాలికొదిలేసిందని మండిపడ్డారు. అంతేకాకుండా, వర్షాకాలంలో అనార్పల్లి, లక్మాపూర్ గ్రామ ప్రజలు బాహ్యప్రపంచంతో సంబంధాలు తెగిపోకుండా ఉండేందుకు, అక్కడి వాగులపై బ్రిడ్జీల నిర్మాణాన్ని యుద్ధప్రాతిపదికన చేపట్టాలని ప్రభుత్వాన్ని గట్టిగా డిమాండ్ చేశారు. ఈ క్షేత్రస్థాయి పరిశీలన పర్యటనలో భరత్ చౌహాన్‌తో పాటు ఎన్ హెచ్ ఆర్ సి జిల్లా చైర్మన్ రాథోడ్ రమేష్, పి వి టి సి ఆదిలాబాద్ జిల్లా అధ్యక్షులు టేకం వసంతరావు, బంజారా జాగృతి భజన మండలి కన్వీనర్ జాదవ్ ప్రవీణ్ మహారాజ్, స్థానిక గిరిజన నాయకులు, యువకులు మరియు గిరిజన మహిళలు, గ్రామ ప్రజలు పెద్ద సంఖ్యలో పాల్గొని LHPS పోరాటానికి మద్దతు పలికారు.

నార్నూర్ మండల కేంద్రంలోని ఆదర్శ పాఠశాల, కళాశాలలో 2026-27 విద్యాసంవత్సరానికి గాను ప్రవేశాలు ప్రారంభమైనట్లు ప్రిన్సిపాల్ ఎం.ప్రశాంత్ శనివారం వెల్లడించారు. ఆరో తరగతి మరియు ఇంటర్ మొదటి సంవత్సరానికి ఎంపికైన విద్యార్థుల మెరిట్ జాబితాను పాఠశాల నోటీసు బోర్డులో అందుబాటులో ఉంచినట్లు ఆయన తెలిపారు. ప్రవేశం పొందగోరే విద్యార్థులు తమ ఒరిజినల్ ధ్రువపత్రాలతో జూన్ 6వ తేదీ లోపు పాఠశాలకు రావాలని ప్రిన్సిపాల్ ప్రశాంత్ సూచించారు. జూన్ 6వ తేదీ ప్రవేశాలకు ఆఖరి తేదీగా నిర్ణయించినట్లు ఆయన స్పష్టం చేశారు.

చెన్నూర్‌లోని స్టేట్ బ్యాంక్ ఆఫ్ ఇండియా శాఖ ఎదుట గోల్డ్ లోన్ ఖాతాదారులు శనివారం నిరాహార దీక్షకు దిగారు. బ్యాంకులో తాము తనఖా పెట్టిన బంగారం చోరీకి గురై నెలలు గడుస్తున్నా, అధికారులు తమ సొమ్మును తిరిగి ఇవ్వకుండా కాలయాపన చేస్తున్నారని బాధితులు తీవ్ర ఆగ్రహం వ్యక్తం చేశారు. పైగా, ఇప్పుడు నోటీసుల పేరిట తమను భయభ్రాంతులకు గురిచేస్తున్నారని ఖాతాదారులు ఆవేదన వ్యక్తం చేశారు. దీక్షలో పాల్గొన్న మహిళా ఖాతాదారులు, “మా బంగారం పోయి నష్టపోయింది మేము. పైగా మమ్మల్నే బెదిరిస్తున్నారు” అని వాపోయారు. ఉన్నతాధికారులు వెంటనే స్పందించి తమ బంగారాన్ని తక్షణమే ఇప్పించాలని వారు డిమాండ్ చేశారు.

ఈ రోజునే ప్రధాని శ్రీ నరేంద్ర మోదీ వరుసగా రెండోసారి ప్రధానమంత్రిగా ప్రమాణ స్వీకారం చేసి, 'నూతన భారతదేశం' సంకల్పానికి కొత్త వేగాన్ని అందించారు. 2014లో ప్రాథమిక సౌకర్యాల విస్తరణతో ప్రారంభమైన ఈ ప్రయాణం, నేడు డిజిటల్ చెల్లింపులు, సెమీకండక్టర్లు, హరిత ఇంధనం, రక్షణ ఆత్మనిర్భరత, మరియు అంతరిక్ష రంగంలో నూతన శిఖరాలకు చేరుకుంది. ఇది కేవలం ప్రభుత్వ విజయాల కథ కాదు, 140 కోట్ల మంది భారతీయుల కలలు మరియు విశ్వాసం యొక్క అభివృద్ధి గాథ. సంకల్పం నుండి సిద్ధి వరకు, ఆత్మనిర్భర్ భారత్ నుండి వికసిత భారత్ వరకు, నూతన భారతదేశం నిరంతరం ముందుకు సాగుతోంది. 2019 సంవత్సరం నూతన భారతదేశ ప్రయాణంలో ఒక నిర్ణయాత్మక మైలురాయిగా నిలిచింది.

ఏఐటీయూసీ రాష్ట్ర కార్యదర్శి టేకుమల్ల సమ్మయ్య, జగిత్యాల జిల్లాలోని మెట్‌పల్లి ఐసీడీఎస్ ప్రాజెక్టులో 2008 నుండి 2025 వరకు గర్భిణీ స్త్రీలు, పసిపిల్లల కోసం కేటాయించిన నిధులను అధికారులు కాజేసి, రికార్డులను మాయం చేశారని ఆరోపించారు. ఈ విషయమై ఐసీడీఎస్ అధికారులపై తక్షణమే చట్టరీత్యా చర్యలు తీసుకోవాలని, విజిలెన్స్ ద్వారా విచారణ చేపట్టాలని ఆయన ప్రభుత్వాన్ని డిమాండ్ చేశారు. 2005 సమాచార హక్కు చట్టం ప్రకారం మెట్‌పల్లి ఐసీడీఎస్ అధికారుల నుండి సమాచారం కోరగా, తమకు కావలసిన రికార్డులను తనిఖీ చేసుకోమని వారు చెప్పినట్లు సమ్మయ్య పేర్కొన్నారు. అయితే, అడిగిన రికార్డులు లేవని, రికార్డులు కాలిపోయాయని యూడీసీ, సీడీపీఓలు నిర్లక్ష్యంగా మౌఖిక సమాధానం ఇచ్చారని ఆయన ఆరోపించారు. ఈ అంశంపై సమాచార హక్కు చట్టం రాష్ట్ర కమిషనర్‌ను కోరగా, ఐసీడీఎస్ అధికారులకు ఆయనకు కావలసిన సమాచారం ఇవ్వాలని ఆదేశించారు. 2008 నుండి 2025 వరకు కార్యాలయంలో ఉన్న రికార్డులను తనిఖీ చేయగా, గర్భిణీ స్త్రీలు, పసిపిల్లలకు అందించాల్సిన బాలామృతం, కోడిగుడ్లు, పప్పులు, బియ్యం, నూనెల పంపిణీకి సంబంధించిన రికార్డులలో అనేక తప్పులు, అవినీతి జరిగినట్లు కనిపించిందని సమ్మయ్య తెలిపారు. రికార్డులపై సంతకాలు లేకుండానే బిల్లులు కాజేసి, ఒకే బిల్లును మళ్లీ మళ్లీ చేసుకుంటూ అనేక రకాలుగా అవినీతికి పాల్పడిన వారిపై ఎటువంటి చర్యలు తీసుకోకపోవడం సిగ్గుచేటన్నారు. కావాల్సిన రికార్డులు లేవని, అడిగినా అస్పష్టమైన సమాధానాలు వస్తున్నాయని, ఇది రికార్డులు లేకపోవడంపై అనేక అనుమానాలకు తావిస్తోందని ఆయన అన్నారు. సమాచార హక్కు చట్టం రాష్ట్ర కమిషనర్‌కు అన్ని రికార్డులు చూపించామని తప్పుడు సమాచారం ఇచ్చిన అధికారులపై చట్టరీత్యా చర్యలు తీసుకోవాలని కమిషనర్‌ను కోరుతున్నామని టేకుమల్ల సమ్మయ్య చెప్పారు. ప్రభుత్వం వెంటనే జోక్యం చేసుకొని, గర్భిణీ స్త్రీలు, పసిపిల్లల సొమ్మును కాజేసి రికార్డులు మాయం చేసిన ఐసీడీఎస్ అధికారులు, సిబ్బందిపై చట్టరీత్యా చర్యలు తీసుకోవాలని, మాయమైన రికార్డులపై విజిలెన్స్ అధికారులతో విచారణ చేపట్టాలని డిమాండ్ చేశారు. పౌష్టికాహార లోపంతో ఎవరూ బాధపడకూడదనే ఉద్దేశంతో కేంద్ర, రాష్ట్ర ప్రభుత్వాలు బడ్జెట్‌లో కోట్ల రూపాయల నిధులు కేటాయిస్తుంటే, ఐసీడీఎస్ అధికారులు తప్పుడు రికార్డులు సృష్టించి పసిపిల్లల సొమ్మును కాజేసినట్లు స్పష్టంగా కనబడుతోందని ఆయన అన్నారు. సమాచార హక్కు చట్టం 2005ను దుర్వినియోగం చేసి, తప్పుడు సమాచారం ఇచ్చిన అధికారులపై చర్యలు తీసుకొని, దుర్వినియోగమైన పసిపిల్లల సొమ్మును రికవరీ చేసి ప్రభుత్వ ఖజానాకు జమ చేయాలని ఆయన ప్రభుత్వాన్ని కోరారు. అలాగే, 2024 జులై నెలలో 220 మంది అంగన్‌వాడీ ఆయాలకు రెండు సంవత్సరాల వేతనం పెండింగ్‌లో ఉందని, వేతనాలు ఇవ్వమని అడిగితే అధికారులు తప్పుడు సమాచారం ఇస్తున్నారని సమ్మయ్య ఆరోపించారు. సీడీపీఓ, యూడీసీ, సూపర్వైజర్లు, డీడబ్ల్యుఓలపై శాఖాపరమైన చర్యలు తీసుకొని, అంగన్‌వాడీ ఆయాల జీతాలను వెంటనే ఇప్పించాలని టేకుమల్ల సమ్మయ్య ప్రభుత్వాన్ని కోరారు. పిల్లల పౌష్టికాహారం కోసం ప్రభుత్వం కోట్ల రూపాయలు వెచ్చిస్తుంటే, ఐసీడీఎస్ అధికారులు పందికొక్కుల్లా స్వాహా చేస్తున్న పట్టించుకునే నాథుడు లేకపోవడం సిగ్గుచేటని ఆయన విమర్శించారు. అవినీతిని ఆధారాలతో చూపించినా అధికారుల్లో చలనం లేకపోవడం ఐసీడీఎస్‌లో అవినీతి ఏ విధంగా జరుగుతుందో తెలియజేస్తోందని అన్నారు.

సిర్పూర్ మాజీ ఎమ్మెల్యే కోనేరు కోనప్ప, ఐకేపీ కేంద్రాల్లో రైతులు ఎదుర్కొంటున్న తీవ్ర కష్టాలపై స్పందిస్తూ, కొత్త గోనె సంచులు మాయం కావడంతో చినిగిన బస్తాలతోనే కొనుగోళ్లు జరుగుతున్నాయని ఆవేదన వ్యక్తం చేశారు. కల్లాళ్లలో ధాన్యం ఎండిపోతున్నా ప్రభుత్వం మొద్దునిద్ర వీడడం లేదని ఆయన మండిపడ్డారు. "వారం రోజుల్లోగా రైతుల వడ్లను కొనుగోలు చేయకుంటే, వారు తిరగబడటం ఖాయం. అన్నదాతలు తమ హక్కుల కోసం నేతలకు బుద్ధి చెబుతారు" అని కోనేరు కోనప్ప హెచ్చరించారు. సిర్పూర్ బీజేపీ ఎమ్మెల్యే డాక్టర్ పాల్వాయి హరీష్ బాబు తీరుపై కూడా స్థానిక రైతులు అసంతృప్తిగా ఉన్నారని కోనప్ప తెలిపారు. సిర్పూర్ నియోజకవర్గంలో వడ్ల కొనుగోళ్లు సరిగ్గా సాగడం లేదని రైతులు ఆవేదన చెందుతుంటే, హరీష్ బాబు మాత్రం ఇతర జిల్లాల కొనుగోలు కేంద్రాలను సందర్శిస్తూ అక్కడి లోపాలను ఎత్తిచూపుతున్నారని, సొంత నియోజకవర్గ రైతులను పట్టించుకోవడం లేదని రైతులు తీవ్ర ఆగ్రహం వ్యక్తం చేస్తున్నారు. అధికార కాంగ్రెస్ పార్టీ ఎమ్మెల్సీ దండే విఠల్ వడ్లు కొనడానికి నిధులు లేవని కాలయాపన చేస్తుండగా, సర్పంచులను, ఇతర పార్టీల నేతలను కొనుగోలు చేయడానికి మాత్రం కోట్ల రూపాయలు ఖర్చు పెడుతూ రాజకీయాలు చేస్తున్నారని కోనేరు కోనప్ప ఆరోపించారు. ధాన్యం కొనుగోళ్లపై సర్వత్రా విమర్శలు వ్యక్తమవుతున్న నేపథ్యంలో, ఐకేపీ కేంద్రాల నిర్వాహకులు రైతులకు చినిగిన, పాత గోనె సంచులను పంపిణీ చేస్తుండటం తీవ్ర దుమారం రేపుతోంది. ఆరుగాలం శ్రమించి పండించిన పంటను అమ్ముకుందామని కొనుగోలు కేంద్రాలకు వస్తే, అక్కడ కనీస సదుపాయాలు కల్పించడంలో అధికారులు విఫలమయ్యారని కోనప్ప గారు ఆవేదన వ్యక్తం చేశారు.

రాజస్థాన్‌లో భారీ ఇసుక తుఫాన్ బీభత్సం సృష్టించింది. చురు, బికనీర్, భానీపురా వంటి ప్రాంతాల్లో సుమారు 100 అడుగుల ఎత్తు నుంచి ఇసుక తుఫాన్ నగరాలను కమ్మేసింది. ఈ భయానక సంఘటనకు సంబంధించిన వీడియోలు సోషల్ మీడియాలో వైరల్ అవుతున్నాయి. ఇళ్లు, వ్యవసాయ పొలాలు, రోడ్లు అన్నీ ఇసుకతో నిండిపోగా, ప్రజలు, వాహనదారులు తీవ్ర ఇబ్బందులు ఎదుర్కొన్నారు.