భద్రాద్రి కొత్తగూడెం జిల్లా పినపాక నియోజకవర్గంలోని ప్రైవేట్ పాఠశాలలు జిల్లా విద్యాశాఖ అధికారుల ఆదేశాలను బేఖాతరు చేస్తూ పాఠశాల ఆవరణలోనే యూనిఫాంలు, పుస్తకాలు, స్టడీ మెటీరియల్‌ను అధిక ధరలకు విక్రయిస్తున్నాయి. ఈ నిబంధనల ఉల్లంఘనలపై తక్షణమే కఠిన చర్యలు తీసుకోవాలని సామాజిక సేవకులు కర్నే బాబురావు డిమాండ్ చేశారు. పాఠశాలల ప్రాంగణంలో ఎలాంటి విక్రయాలు జరపకూడదని జిల్లా విద్యాశాఖ అధికారులు స్పష్టమైన ఆదేశాలు ఇచ్చినా యాజమాన్యాలు నిర్లక్ష్యం చేస్తున్నాయని ఆయన ఆరోపించారు. గతంలో జిల్లా విద్యాశాఖ అధికారి ఎం. వెంకటాచారి జారీ చేసిన ఆదేశాలతో (Ref. No. 2066/A-7/Pvt. Schools/2023) పాటు, జిల్లా విద్యాశాఖ అధికారి శ్రీమతి డి. వాసంతి 19-06-2026న జారీ చేసిన No. 2066/A7/Pvt. Schools/2026 సర్క్యులర్ ప్రకారం పాఠశాలల్లో విక్రయాలు జరిపితే చర్యలు తప్పవని స్పష్టం చేసిన విషయాన్ని ఆయన గుర్తు చేశారు. ఈ నిబంధనలను ఉల్లంఘిస్తూ ప్రైవేట్ పాఠశాలలు వివిధ రకాల ఫీజులు, పుస్తకాల పేరుతో అధిక మొత్తాలు వసూలు చేస్తూ తల్లిదండ్రులపై తీవ్ర ఆర్థిక భారం మోపుతున్నాయని కర్నే బాబురావు ఆవేదన వ్యక్తం చేశారు. దీనివల్ల మధ్యతరగతి, పేద కుటుంబాల తల్లిదండ్రులు తమ పిల్లలను చదివించేందుకు అప్పులు చేయాల్సి వస్తోందని పేర్కొన్నారు. జిల్లా విద్యాశాఖ అధికారులు వెంటనే ప్రత్యేక తనిఖీలు నిర్వహించి, నిబంధనలు ఉల్లంఘించే పాఠశాలల గుర్తింపు రద్దు వంటి కఠిన చర్యలు చేపట్టాలని, ఈ ఆర్థిక దోపిడీకి అడ్డుకట్ట వేసి తల్లిదండ్రులకు న్యాయం చేయాలని ఆయన జిల్లా యంత్రాంగాన్ని కోరారు.

Ramprasad Pothuganti

Local News Reporter బుర్గుంపహాడ్, భద్రాద్రి కొత్తగూడెం, తెలంగాణ•

3 hrs ago

భద్రాద్రి కొత్తగూడెం జిల్లా పినపాక నియోజకవర్గంలోని ప్రైవేట్ పాఠశాలలు జిల్లా విద్యాశాఖ అధికారుల ఆదేశాలను బేఖాతరు చేస్తూ పాఠశాల ఆవరణలోనే యూనిఫాంలు, పుస్తకాలు, స్టడీ మెటీరియల్‌ను అధిక ధరలకు విక్రయిస్తున్నాయి. ఈ నిబంధనల ఉల్లంఘనలపై తక్షణమే కఠిన చర్యలు తీసుకోవాలని సామాజిక సేవకులు కర్నే బాబురావు డిమాండ్ చేశారు. పాఠశాలల ప్రాంగణంలో ఎలాంటి విక్రయాలు జరపకూడదని జిల్లా విద్యాశాఖ అధికారులు స్పష్టమైన ఆదేశాలు ఇచ్చినా యాజమాన్యాలు నిర్లక్ష్యం చేస్తున్నాయని ఆయన ఆరోపించారు. గతంలో జిల్లా విద్యాశాఖ అధికారి ఎం. వెంకటాచారి జారీ చేసిన ఆదేశాలతో (Ref. No. 2066/A-7/Pvt. Schools/2023) పాటు, జిల్లా విద్యాశాఖ అధికారి శ్రీమతి డి. వాసంతి 19-06-2026న జారీ చేసిన No. 2066/A7/Pvt. Schools/2026 సర్క్యులర్ ప్రకారం పాఠశాలల్లో విక్రయాలు జరిపితే చర్యలు తప్పవని స్పష్టం చేసిన విషయాన్ని ఆయన గుర్తు చేశారు. ఈ నిబంధనలను ఉల్లంఘిస్తూ ప్రైవేట్ పాఠశాలలు వివిధ రకాల ఫీజులు, పుస్తకాల పేరుతో అధిక మొత్తాలు వసూలు చేస్తూ తల్లిదండ్రులపై తీవ్ర ఆర్థిక భారం మోపుతున్నాయని కర్నే బాబురావు ఆవేదన వ్యక్తం చేశారు. దీనివల్ల మధ్యతరగతి, పేద కుటుంబాల తల్లిదండ్రులు తమ పిల్లలను చదివించేందుకు అప్పులు చేయాల్సి వస్తోందని పేర్కొన్నారు. జిల్లా విద్యాశాఖ అధికారులు వెంటనే ప్రత్యేక తనిఖీలు నిర్వహించి, నిబంధనలు ఉల్లంఘించే పాఠశాలల గుర్తింపు రద్దు వంటి కఠిన చర్యలు చేపట్టాలని, ఈ ఆర్థిక దోపిడీకి అడ్డుకట్ట వేసి తల్లిదండ్రులకు న్యాయం చేయాలని ఆయన జిల్లా యంత్రాంగాన్ని కోరారు.