छत्रपती संभाजीनगर ग्रामीण पोलिसांची ‘उद्योग-पोलीस समन्वय’ बैठक संपन्न; सुरक्षित उद्योग संकल्पनेवर भर खंडणी, धमकी आणि बळजबरीने वर्गणी मागणाऱ्यांवर एमपीडीए अंतर्गत कारवाईचा पोलीस अधीक्षकांचा इशारा ढोरकीन/प्रतिनिधी पैठण व गंगापूर औद्योगिक परिसरात देश-विदेशातील मोठ्या प्रमाणावर गुंतवणूक होत असून विविध राज्यांमधून हजारो कामगार रोजगारासाठी येत आहेत. या पार्श्वभूमीवर उद्योगांची सुरक्षितता आणि कायदा-सुव्यवस्था अधिक बळकट करण्यासाठी छत्रपती संभाजीनगर ग्रामीण पोलीस दलाच्या वतीने बुधवार (दि.१६) ‘उद्योग-पोलीस समन्वय’ बैठकीचे आयोजन करण्यात आले होते. एमआयडीसी पैठण येथील अजिंता फार्मा कंपनीच्या मीटिंग हॉलमध्ये झालेल्या या बैठकीस पोलीस अधीक्षक प्रकाश जाधव यांच्या मार्गदर्शनाखाली व प्रमुख उपस्थितीत संपन्न झाली. यावेळी गंगापूर व पैठण एमआयडीसी पोलीस ठाणे हद्दीतील राष्ट्रीय व बहुराष्ट्रीय कंपन्यांचे संचालक, व्यवस्थापकीय संचालक, सीईओ, प्लांट हेड, सुरक्षा प्रमुख, औद्योगिक संघटनांचे पदाधिकारी, एमआयडीसी अधिकारी व संबंधित विभागांचे अधिकारी मोठ्या संख्येने उपस्थित होते. यावेळी मार्गदर्शन करताना पोलीस अधीक्षक प्रकाश जाधव म्हणाले, "औद्योगिक विकास आणि कायदा व सुव्यवस्था या एकमेकांना पूरक बाबी आहेत. उद्योगांसाठी Reactive Policing पेक्षा Preventive Policing वर आमचा भर असणार आहे. संभाव्य गुन्हे आधीच ओळखून त्यांना प्रतिबंध करणे, उद्योग व्यवस्थापनाशी सातत्यपूर्ण संवाद ठेवणे ही आमची भूमिका राहील. उद्योग सुरक्षित, कामगार सुरक्षित आणि गुंतवणूकदारांचा पोलिसांवर विश्वास असेल तरच या परिसराचा सर्वांगीण विकास वेगाने होईल." खंडणी-धमकी देणाऱ्यांवर कठोर कारवाईचा इशारा औद्योगिक क्षेत्रातील गुन्हेगारीबाबत भूमिका स्पष्ट करताना पोलीस अधीक्षकांनी कठोर इशारा दिला. कोणत्याही कंपनीकडे बळजबरीने वर्गणी मागणे, खंडणी मागणे, धमकी देणे, व्यवस्थापनावर दबाव आणणे, कामात अडथळा निर्माण करणे किंवा कामगारांना त्रास देणे या प्रकारांची गंभीर दखल घेतली जाईल. अशा प्रकरणी तात्काळ गुन्हा दाखल करून कठोर कारवाई केली जाईल. विशेषतः जयंती व उत्सव काळात बळजबरीने वर्गणी मागण्यास कोणत्याही परिस्थितीत थारा दिला जाणार नाही. तसेच औद्योगिक आस्थापनांमध्ये वारंवार गुन्हे करणाऱ्या सराईत गुन्हेगारांविरुद्ध एमपीडीए (महाराष्ट्र झोपडपट्टीदादा, हातभट्टीवाले, औषधी द्रव्य विषयक गुन्हेगार...) कायद्यान्वये स्थानबद्धतेची कारवाई करण्यात येईल, असा इशाराही त्यांनी दिला. उद्योजकांनी कोणत्याही दबावाला बळी न पडता तात्काळ पोलिसांकडे तक्रार दाखल करावी, असे आवाहन त्यांनी केले. बैठकीतील प्रमुख निर्णय व सूचना १) सीसीटीव्ही व सुरक्षा यंत्रणा: प्रत्येक उद्योगात १०० टक्के उच्च प्रतीचे सीसीटीव्ही, पुरेसा डेटा बॅकअप आणि आवश्यकतेनुसार संबंधित पोलीस ठाण्याला लाइव्ह अक्सेस द्यावा. आर एफ आय डी आधारित प्रवेश नियंत्रण, भंगाराची चोरी आणि अनधिकृत प्रवेश रोखण्यासाठी सक्षम यंत्रणा उभारावी. डार्क स्पॉट्स व बंद उद्योगांच्या सुरक्षेवर विशेष लक्ष द्यावे. २)कामगार पडताळणी: राज्य व परराज्यातून येणाऱ्या सर्व कामगारांचे चारित्र्य पडताळणी तातडीने पूर्ण करून माहिती स्थानिक पोलीस ठाण्याशी शेअर करावी. ३) महिला सुरक्षा: रात्रीच्या शिफ्टमध्ये विशेष पोलीस गस्त, महिला पोलीस कर्मचाऱ्यांची मदत आणि महिला कर्मचाऱ्यांसंदर्भात कोणतीही घटना घडल्यास तात्काळ एफआयआर व कायदेशीर कारवाई केली जाईल. ४) इतर विषय: सायबर गुन्हे, अतिक्रमणे, वाहतूक कोंडी व अपघात रोखण्यासाठी संयुक्त कृती आराखडा, बंद उद्योगांची सुरक्षा आणि स्थानिक शेतकरी-उद्योजक समन्वय यावरही सविस्तर चर्चा झाली. यावेळी उपस्थित उद्योग प्रतिनिधींनी पोलीस प्रशासनाच्या विकासाभिमुख व उद्योगपूरक भूमिकेचे स्वागत करीत वाहतूक, सुरक्षा, महिला संरक्षण, सायबर गुन्हे प्रतिबंध आणि कामगार पडताळणीसाठी संपूर्ण सहकार्य करण्याची ग्वाही दिली. या बैठकीस उपविभागीय पोलीस अधिकारी सुनील पाटील, पोलीस निरीक्षक महादेव गोमारे, प्रभारी अधिकारी एमआयडीसी पैठण भरत मोरे यांच्यासह संबंधित अधिकारी व उद्योग व्यवस्थापनाचे प्रतिनिधी उपस्थित होते. ‘सुरक्षित उद्योग’ ही संकल्पना प्रत्यक्षात आणण्यासाठी पोलीस-उद्योग समन्वय अधिक दृढ करण्याचा निर्धार यावेळी करण्यात आला.

विलास लाटे

Local News Reporter पैठण, औरंगाबाद, महाराष्ट्र•

2 hrs ago

छत्रपती संभाजीनगर ग्रामीण पोलिसांची ‘उद्योग-पोलीस समन्वय’ बैठक संपन्न; सुरक्षित उद्योग संकल्पनेवर भर खंडणी, धमकी आणि बळजबरीने वर्गणी मागणाऱ्यांवर एमपीडीए अंतर्गत कारवाईचा पोलीस अधीक्षकांचा इशारा ढोरकीन/प्रतिनिधी पैठण व गंगापूर औद्योगिक परिसरात देश-विदेशातील मोठ्या प्रमाणावर गुंतवणूक होत असून विविध राज्यांमधून हजारो कामगार रोजगारासाठी येत आहेत. या पार्श्वभूमीवर उद्योगांची सुरक्षितता आणि कायदा-सुव्यवस्था अधिक बळकट करण्यासाठी छत्रपती संभाजीनगर ग्रामीण पोलीस दलाच्या वतीने बुधवार (दि.१६) ‘उद्योग-पोलीस समन्वय’ बैठकीचे आयोजन करण्यात आले होते. एमआयडीसी पैठण येथील अजिंता फार्मा कंपनीच्या मीटिंग हॉलमध्ये झालेल्या या बैठकीस पोलीस अधीक्षक प्रकाश जाधव यांच्या मार्गदर्शनाखाली व प्रमुख उपस्थितीत संपन्न झाली. यावेळी गंगापूर व पैठण एमआयडीसी पोलीस ठाणे हद्दीतील राष्ट्रीय व बहुराष्ट्रीय कंपन्यांचे संचालक, व्यवस्थापकीय संचालक, सीईओ, प्लांट हेड, सुरक्षा प्रमुख, औद्योगिक संघटनांचे पदाधिकारी, एमआयडीसी अधिकारी व संबंधित विभागांचे अधिकारी मोठ्या संख्येने उपस्थित होते. यावेळी मार्गदर्शन करताना पोलीस अधीक्षक प्रकाश जाधव म्हणाले, "औद्योगिक विकास आणि कायदा व सुव्यवस्था या एकमेकांना पूरक बाबी आहेत. उद्योगांसाठी Reactive Policing पेक्षा Preventive Policing वर आमचा भर असणार आहे. संभाव्य गुन्हे आधीच ओळखून त्यांना प्रतिबंध करणे, उद्योग व्यवस्थापनाशी सातत्यपूर्ण संवाद ठेवणे ही आमची भूमिका राहील. उद्योग सुरक्षित, कामगार सुरक्षित आणि गुंतवणूकदारांचा पोलिसांवर विश्वास असेल तरच या परिसराचा सर्वांगीण विकास वेगाने होईल." खंडणी-धमकी देणाऱ्यांवर कठोर कारवाईचा इशारा औद्योगिक क्षेत्रातील गुन्हेगारीबाबत भूमिका स्पष्ट करताना पोलीस अधीक्षकांनी कठोर इशारा दिला. कोणत्याही कंपनीकडे बळजबरीने वर्गणी मागणे, खंडणी मागणे, धमकी देणे, व्यवस्थापनावर दबाव आणणे, कामात अडथळा निर्माण करणे किंवा कामगारांना त्रास देणे या प्रकारांची गंभीर दखल घेतली जाईल. अशा प्रकरणी तात्काळ गुन्हा दाखल करून कठोर कारवाई केली जाईल. विशेषतः जयंती व

उत्सव काळात बळजबरीने वर्गणी मागण्यास कोणत्याही परिस्थितीत थारा दिला जाणार नाही. तसेच औद्योगिक आस्थापनांमध्ये वारंवार गुन्हे करणाऱ्या सराईत गुन्हेगारांविरुद्ध एमपीडीए (महाराष्ट्र झोपडपट्टीदादा, हातभट्टीवाले, औषधी द्रव्य विषयक गुन्हेगार...) कायद्यान्वये स्थानबद्धतेची कारवाई करण्यात येईल, असा इशाराही त्यांनी दिला. उद्योजकांनी कोणत्याही दबावाला बळी न पडता तात्काळ पोलिसांकडे तक्रार दाखल करावी, असे आवाहन त्यांनी केले. बैठकीतील प्रमुख निर्णय व सूचना १) सीसीटीव्ही व सुरक्षा यंत्रणा: प्रत्येक उद्योगात १०० टक्के उच्च प्रतीचे सीसीटीव्ही, पुरेसा डेटा बॅकअप आणि आवश्यकतेनुसार संबंधित पोलीस ठाण्याला लाइव्ह अक्सेस द्यावा. आर एफ आय डी आधारित प्रवेश नियंत्रण, भंगाराची चोरी आणि अनधिकृत प्रवेश रोखण्यासाठी सक्षम यंत्रणा उभारावी. डार्क स्पॉट्स व बंद उद्योगांच्या सुरक्षेवर विशेष लक्ष द्यावे. २)कामगार पडताळणी: राज्य व परराज्यातून येणाऱ्या सर्व कामगारांचे चारित्र्य पडताळणी तातडीने पूर्ण करून माहिती स्थानिक पोलीस ठाण्याशी शेअर करावी. ३) महिला सुरक्षा: रात्रीच्या शिफ्टमध्ये विशेष पोलीस गस्त, महिला पोलीस कर्मचाऱ्यांची मदत आणि महिला कर्मचाऱ्यांसंदर्भात कोणतीही घटना घडल्यास तात्काळ एफआयआर व कायदेशीर कारवाई केली जाईल. ४) इतर विषय: सायबर गुन्हे, अतिक्रमणे, वाहतूक कोंडी व अपघात रोखण्यासाठी संयुक्त कृती आराखडा, बंद उद्योगांची सुरक्षा आणि स्थानिक शेतकरी-उद्योजक समन्वय यावरही सविस्तर चर्चा झाली. यावेळी उपस्थित उद्योग प्रतिनिधींनी पोलीस प्रशासनाच्या विकासाभिमुख व उद्योगपूरक भूमिकेचे स्वागत करीत वाहतूक, सुरक्षा, महिला संरक्षण, सायबर गुन्हे प्रतिबंध आणि कामगार पडताळणीसाठी संपूर्ण सहकार्य करण्याची ग्वाही दिली. या बैठकीस उपविभागीय पोलीस अधिकारी सुनील पाटील, पोलीस निरीक्षक महादेव गोमारे, प्रभारी अधिकारी एमआयडीसी पैठण भरत मोरे यांच्यासह संबंधित अधिकारी व उद्योग व्यवस्थापनाचे प्रतिनिधी उपस्थित होते. ‘सुरक्षित उद्योग’ ही संकल्पना प्रत्यक्षात आणण्यासाठी पोलीस-उद्योग समन्वय अधिक दृढ करण्याचा निर्धार यावेळी करण्यात आला.