অসমৰ মুখ্যমন্ত্রী ড° হিমন্ত বিশ্ব শর্মাই ঘোষণা কৰিছে যে অসম চৰকাৰ স্বাধীনতা সংগ্ৰামীসকল আৰু তেওঁলোকৰ উত্তৰাধিকাৰী পৰিয়ালসমূহৰ কল্যাণ, মর্যাদা আৰু ঐতিহ্য সংৰক্ষণৰ ক্ষেত্ৰত সদায় দায়বদ্ধ। মুখ্যমন্ত্ৰীয়ে গুৱাহাটীৰ ৰূপনগৰস্থিত স্বতন্ত্র সেনানী ভৱনত অনুষ্ঠিত শ্বহীদ কুশল কোঁৱৰৰ ৮৩ সংখ্যক মৃত্যুবাৰ্ষিকী উপলক্ষে আয়োজিত 'শ্বহীদ দিৱস'ৰ এক গাম্ভীৰ্যপূৰ্ণ অনুষ্ঠানত অংশগ্ৰহণ কৰে। অসম ৰাজ্যিক মুক্তিযুঁজাৰু সন্মিলনৰ উদ্যোগত এই অনুষ্ঠানৰ আয়োজন কৰা হৈছিল। অনুষ্ঠানত মুখ্যমন্ত্ৰীয়ে দেশপ্ৰেম, ত্যাগ আৰু আত্মবলিদানৰ অনন্য প্ৰতীক শ্বহীদ কুশল কোঁৱৰৰ প্ৰতি গভীৰ শ্ৰদ্ধাঞ্জলি অৰ্পণ কৰাৰ লগতে ভাৰতৰ স্বাধীনতা সংগ্ৰামত অতুলনীয় অৱদান আগবঢ়োৱা অসমৰ প্ৰতিগৰাকী অমৰ শ্বহীদ আৰু মুক্তিযুঁজাৰুৰ প্ৰতিও শ্ৰদ্ধা নিবেদন কৰে। তেওঁ ভাষণ প্ৰসংগত কয় যে ১৯৪২ চনৰ ঐতিহাসিক 'ভাৰত ত্যাগ আন্দোলন'ত অংশগ্ৰহণ কৰি ফাঁচী কাঠত ওলমিবলগীয়া হোৱা সমগ্ৰ দেশৰ ভিতৰতে অন্যতম আৰু ৰাজ্যৰ একমাত্ৰ বীৰ সংগ্ৰামী আছিল কুশল কোঁৱৰ। মুখ্যমন্ত্ৰী ড° শৰ্মাই লগতে উল্লেখ কৰে যে কুশল কোঁৱৰৰ আপোচবিহীন স্থিতি, সত্যনিষ্ঠা আৰু দেশৰ বাবে হাঁহিমুখে কৰা আত্মবলিদানে স্বাধীনতা আন্দোলনক এক নতুন গতি প্ৰদান কৰিছিল। শ্বহীদ কুশল কোঁৱৰৰ ৮৩ সংখ্যক মৃত্যুবাৰ্ষিকীত মুখ্যমন্ত্ৰীয়ে নৱপ্ৰজন্মক মুক্তিযুঁজাৰুসকলৰ জীৱনৰ পৰা দেশপ্ৰেম, সততা আৰু কৰ্তব্যবোধৰ মূল্যবোধ আহৰণ কৰিবলৈ আহ্বান জনায়।

DSL LIVE

গুৱাহাটী, কামৰূপ মেট্ৰো, অসম•

on 15 June

অসমৰ মুখ্যমন্ত্রী ড° হিমন্ত বিশ্ব শর্মাই ঘোষণা কৰিছে যে অসম চৰকাৰ স্বাধীনতা সংগ্ৰামীসকল আৰু তেওঁলোকৰ উত্তৰাধিকাৰী পৰিয়ালসমূহৰ কল্যাণ, মর্যাদা আৰু ঐতিহ্য সংৰক্ষণৰ ক্ষেত্ৰত সদায় দায়বদ্ধ। মুখ্যমন্ত্ৰীয়ে গুৱাহাটীৰ ৰূপনগৰস্থিত স্বতন্ত্র সেনানী ভৱনত অনুষ্ঠিত শ্বহীদ কুশল কোঁৱৰৰ ৮৩ সংখ্যক মৃত্যুবাৰ্ষিকী উপলক্ষে আয়োজিত 'শ্বহীদ দিৱস'ৰ এক গাম্ভীৰ্যপূৰ্ণ অনুষ্ঠানত অংশগ্ৰহণ কৰে। অসম ৰাজ্যিক মুক্তিযুঁজাৰু সন্মিলনৰ উদ্যোগত এই অনুষ্ঠানৰ আয়োজন কৰা হৈছিল। অনুষ্ঠানত মুখ্যমন্ত্ৰীয়ে দেশপ্ৰেম, ত্যাগ আৰু আত্মবলিদানৰ অনন্য প্ৰতীক শ্বহীদ কুশল কোঁৱৰৰ প্ৰতি গভীৰ শ্ৰদ্ধাঞ্জলি অৰ্পণ কৰাৰ লগতে ভাৰতৰ স্বাধীনতা সংগ্ৰামত অতুলনীয় অৱদান আগবঢ়োৱা অসমৰ প্ৰতিগৰাকী অমৰ শ্বহীদ আৰু মুক্তিযুঁজাৰুৰ প্ৰতিও শ্ৰদ্ধা নিবেদন কৰে। তেওঁ ভাষণ প্ৰসংগত কয় যে ১৯৪২ চনৰ ঐতিহাসিক 'ভাৰত ত্যাগ আন্দোলন'ত অংশগ্ৰহণ কৰি ফাঁচী কাঠত ওলমিবলগীয়া হোৱা সমগ্ৰ দেশৰ ভিতৰতে অন্যতম আৰু ৰাজ্যৰ একমাত্ৰ বীৰ সংগ্ৰামী আছিল কুশল কোঁৱৰ। মুখ্যমন্ত্ৰী ড° শৰ্মাই লগতে উল্লেখ কৰে যে কুশল কোঁৱৰৰ আপোচবিহীন স্থিতি, সত্যনিষ্ঠা আৰু দেশৰ বাবে হাঁহিমুখে কৰা আত্মবলিদানে স্বাধীনতা আন্দোলনক এক নতুন গতি প্ৰদান কৰিছিল। শ্বহীদ কুশল কোঁৱৰৰ ৮৩ সংখ্যক মৃত্যুবাৰ্ষিকীত মুখ্যমন্ত্ৰীয়ে নৱপ্ৰজন্মক মুক্তিযুঁজাৰুসকলৰ জীৱনৰ পৰা দেশপ্ৰেম, সততা আৰু কৰ্তব্যবোধৰ মূল্যবোধ আহৰণ কৰিবলৈ আহ্বান জনায়।