কামৰূপ জিলাৰ ছমৰীয়াৰ মাকালি গাঁৱত মহিন্দ্ৰ চন্দ্ৰ বিশ্বাসৰ পুত্ৰ নাৰায়ণ বিশ্বাসৰ দাগ নং ৫১৬ আৰু পাট্টা নং ১৮ ৰ অধীনৰ ২ বিঘা ৩ কঠা মাটি বলপূৰ্বকভাৱে বেদখল কৰা বুলি এক গুৰুতৰ অভিযোগ উত্থাপন হৈছে। এই ভূমি বেদখলক লৈ ভুক্তভোগী পৰিয়ালটোৱে ন্যায় বিচাৰি কামৰূপ জিলা আয়ুক্ত, ছমৰীয়া ৰাজহ চক্ৰৰ চক্ৰ বিষয়া, লগতে বকো আৰু ছমৰীয়া আৰক্ষী বিষয়াক আহ্বান জনাইছে।

কামৰূপ জিলাৰ ছমৰীয়াৰ মাকালি গাঁৱত মহিন্দ্ৰ চন্দ্ৰ বিশ্বাসৰ পুত্ৰ নাৰায়ণ বিশ্বাসৰ দাগ নং ৫১৬ আৰু পাট্টা নং ১৮ ৰ অধীনৰ ২ বিঘা ৩ কঠা মাটি বলপূৰ্বকভাৱে বেদখল কৰা বুলি এক গুৰুতৰ অভিযোগ উত্থাপন হৈছে। এই ভূমি বেদখলক লৈ ভুক্তভোগী পৰিয়ালটোৱে ন্যায় বিচাৰি কামৰূপ জিলা আয়ুক্ত, ছমৰীয়া ৰাজহ চক্ৰৰ চক্ৰ বিষয়া, লগতে বকো আৰু ছমৰীয়া আৰক্ষী বিষয়াক আহ্বান জনাইছে।

সৰ্থেবাৰী আৰক্ষীয়ে এক বৃহৎ সফলতা লাভ কৰিছে। সৰ্থেবাৰীৰ নলীৰ পথাৰত অভিযান চলাই বৃহৎ পৰিমাণৰ সন্দেহযুক্ত হেৰোইন জব্দ কৰা হৈছে। এই অভিযান সৰ্থেবাৰী আৰক্ষী থানাৰ ভাৰপ্ৰাপ্ত আৰক্ষী বিষয়া বিকাশজৌতি ডেকাৰ নেতৃত্বত চলোৱা হৈছিল। নলীৰ পথাৰৰ হাচেন আলী আৰু মামনী খাটুনক এই সন্দৰ্ভত আটক কৰা হৈছে।

সৰ্থেবাৰী আৰক্ষীৰ এজন বিষয়া ভাস্কৰ জ্যোতি ডেকাৰ গোপন সূত্ৰৰ ভিত্তিত নলী পথাৰৰ পৰা হাছেন আলী নামৰ এজন ড্ৰাগছ সৰবৰাহকাৰীক আটক কৰা হৈছে।

উমৰাহ আৰু পবিত্ৰ হাজ্জ পালন কৰিবলৈ ইচ্ছুক লোকসকলৰ বাবে এক সুখবৰ আহিছে। বৰপেটা জিলাৰ কয়াকুছি বজাৰত আনুষ্ঠানিকভাৱে H. Jannat International Umrah & Hajj Travels-ৰ নতুন কাৰ্যালয় মুকলি কৰা হৈছে। ইয়াৰ লগে লগে উমৰাহ আৰু হাজ্জ যাত্ৰাৰ বাবে বুকিং প্ৰক্ৰিয়াও আৰম্ভ হৈছে। সংস্থাটোৱে জনোৱা মতে, সাধাৰণ ৰাইজৰ সামৰ্থ্যৰ প্ৰতি লক্ষ্য ৰাখি বিভিন্ন সুলভ মূল্যৰ উমৰাহ আৰু হাজ্জ পেকেজ উপলব্ধ কৰা হৈছে, য'ত যাত্ৰীসকলে নিজৰ সুবিধা আৰু বাজেট অনুসৰি পেকেজ বাছনি কৰিব পাৰিব। কেৱল বুকিং ব্যৱস্থাই নহয়, এই কাৰ্যালয়তে ভিছা আৰু পাছপ'ৰ্ট সম্পৰ্কীয় সহায়, বিমান টিকট বুকিং, হোটেলত থকা-খোৱাৰ ব্যৱস্থা আৰু অন্যান্য অনলাইন সেৱাসমূহো আগবঢ়োৱা হ'ব বুলি সংস্থাটোৱে জানিবলৈ দিয়ে। সংস্থাটোৰ অন্যতম স্বত্বাধিকাৰী তথা কয়াকুছি জামে মছজিদৰ ইমাম হাফিজ মৌলানা মুফতি আজমত আলী কাছিমীয়ে উল্লেখ কৰে যে তেওঁলোকৰ কথা আৰু কামৰ মাজত মিল থাকিব। তেওঁ স্পষ্ট কৰি দিয়ে যে তেওঁলোকৰ মূল লক্ষ্য কেৱল ব্যৱসায় নহয়, বৰং ৰাইজক পবিত্ৰ মক্কা-মদিনাৰ ঐতিহাসিক আৰু ধৰ্মীয় স্থানসমূহ জিয়াৰত কৰাৰ সুযোগ প্ৰদান কৰা, যাৰ জৰিয়তে আখিৰাতৰ ছোৱাব লাভ কৰিব পৰা যায়। এই পবিত্ৰ উদ্দেশ্যৰে সেৱা আগবঢ়োৱা হৈছে বুলিও তেওঁ জনাইছে।

মা কামাখ্যাৰ অম্বুবাচীৰ মহা মেলাৰ মহাযোগ সমাপ্ত হোৱাৰ পিছত ভক্তসকলৰ বাবে মন্দিৰৰ দুৱাৰ পুনৰ মুকলি কৰা হৈছে। এই মহাযোগৰ সময়ছোৱাত উদ্ভৱ হোৱা অনাকাংক্ষিত পৰিস্থিতিৰ সন্দৰ্ভত কামাখ্যা মন্দিৰৰ দলৈয়ে গভীৰ উদ্বেগ প্ৰকাশ কৰিছে। দলৈয়ে মন্তব্য কৰিছে যে মানুহৰ মাজৰ পৰা মানৱতা নোহোৱা হৈছে। তেওঁ উল্লেখ কৰে যে মা কামাখ্যা এক আধ্যাত্মিক দৰ্শনৰ স্থলী হোৱা স্বত্বেও, ভিৰৰ মাজত যদি কোনোবাই মূৰ ঘূৰাই পৰি যায়, তেন্তে মানৱীয় দৃষ্টিভংগীৰে সহায় নকৰি আগবাঢ়ি যোৱাটো শুভলক্ষণ নহয়। ইয়াৰ উপৰিও, তেওঁ সাধু-সন্ন্যাসীসকলৰ মাজত কাজিয়া, মাৰপিট আৰু খেদা-খেদি হোৱাটো উচিত নহয় বুলি স্পষ্ট কৰি কয়। দলৈয়ে দৃঢ়তাৰে কয় যে মানুহে তেওঁলোকৰ পৰা এনে আচৰণ কেতিয়াও আশা নকৰে। সাধু-সন্ন্যাসী আৰু দৰ্শনাৰ্থীসকলৰ এনে আচৰণক লৈ দলৈ সমাজ স্তম্ভিত হৈ পৰিছে।

কলগাছিয়াৰ খাৰবাল্লীৰ ভঙা কাঠৰ দলং নিৰ্মাণক কেন্দ্ৰ কৰি সৃষ্টি হোৱা প্ৰতিক্ৰিয়াৰ মাজতে মাটিৰ মালিক হাইদৰ আলীয়ে এক গুৰুত্বপূৰ্ণ স্পষ্টীকৰণ দিছে। তেওঁ স্পষ্টকৈ কৈছে যে মাটিৰ বাবে কোনো ধৰণৰ টকা দাবী কৰা হোৱা নাই। হাইদৰ আলীয়ে এই বুলিও মন্তব্য কৰে যে বিধায়ক শ্বেৰমান আলী আহমেদে ফেচবুক লাইভত মিছা তথ্যৰ ওপৰত ভিত্তি কৰি অভিযোগ উত্থাপন কৰিছিল। এই পৰিস্থিতিৰ মাজতে স্থানীয় ৰাইজে ভঙা কাঠৰ দলংখন নিজেই খুলি দিলে। লগতে, জনসাধাৰণে বিকল্প পথৰ ব্যৱস্থাও গ্ৰহণ কৰে।

সমগ্ৰ দেশৰ লগতে গুৱাহাটীৰ জাহিৰ আউলিয়া দৰগাহত দশম মহৰম অত্যন্ত উলহ-মালহেৰে উদযাপন কৰা হয়।

শেৰমান আলী আহমেদে এক গুৰুত্বপূৰ্ণ মন্তব্য কৰিছে যে যদি কোনোবাই পেট ভৰাই খায় আৰু তেওঁৰ কাষৰ মানুহজনে ভোকত থাকে, তেন্তে গোটেই ৰাতি ইবাদত কৰিলেও সেই ব্যক্তি মুছলমান হ'ব নোৱাৰে।