भारतीय जनता पार्टी, महाराष्ट्र आयोजित 'जनकल्याण शिबीर' उपक्रमांतर्गत आमगाव तालुक्यातील कवडी येथे बुधवार, २४ जून २०२६ रोजी 'महाआरोग्य रोगनिदान व नेत्र तपासणी शिबिर' मोठ्या उत्साहात पार पडले. ६६ आमगाव-देवरी-सालेकसा विधानसभा क्षेत्रातील या शिबिराचे अध्यक्षपद आमगाव पंचायत समितीच्या सभापती योगिता ताई पुंड यांनी भूषवले, तर माजी जिल्हा परिषद सदस्य जियालाल पंधरे यांच्या हस्ते त्याचे उद्घाटन झाले. हे शिबिर आमदार संजय पुराम मित्र परिवार आणि शालिनीताई मेघे हॉस्पिटल ॲन्ड रिसर्च सेंटर, नागपूर यांच्या संयुक्त विद्यमाने आयोजित करण्यात आले होते, ज्यात परिसरातील नागरिकांनी मोठ्या संख्येने सहभाग घेतला. शिबिराच्या आयोजक तथा जिल्हा परिषद सदस्या सौ. सविता संजय पुराम यांनी सांगितले की, पंतप्रधान नरेंद्र मोदी यांच्या १२ वर्षांच्या कार्यकाळाच्या निमित्ताने हा सेवा उपक्रम राबवण्यात आला आहे. पंतप्रधानांच्या स्पष्ट निर्देशानुसार बॅनरबाजीऐवजी जनतेच्या थेट सेवेसाठी आरोग्य शिबिरासारखे लोकउपयोगी उपक्रम राबवून ग्रामीण जनतेला उत्तम आरोग्य सुविधा उपलब्ध करून देणे आणि आरोग्य जनजागृती करणे, हाच प्रामाणिक प्रयत्न असल्याचे त्यांनी नमूद केले. आमगाव पंचायत समितीचे पूर्व उपसभापती नोहेरलालजी चौधरी यांनी यावर प्रतिक्रिया देताना म्हटले की, पंतप्रधानांच्या १२ वर्षांच्या यशस्वी कार्यकाळात जनसामान्यांच्या आरोग्याची काळजी घेतली जात आहे आणि आरोग्याशिवाय जीवन समृद्ध होऊ शकत नाही, हे ओळखून कवडी येथे हे शिबिर आयोजित करण्यात आले आहे. या शिबिरातून गोरगरीब जनतेला मोफत नेत्र तपासणी, चष्मे वाटप आणि विविध आजारांवर उपचार मिळाल्याने त्यांनी समाधान व्यक्त केले. सकाळी ११ ते दुपारी ३ या वेळेत झालेल्या या शिबिरात मेडिसिन, हृदयरोग, किडनीरोग, मेंदुरोग, सर्जरी, बालरोग, नेत्ररोग, स्त्रीरोग, कान-नाक-घसा, अस्थिरोग, त्वचारोग आणि मुखरोग अशा विविध विभागांतील तज्ज्ञ डॉक्टरांनी सेवा दिली. यामध्ये रक्तदाब व मधुमेह तपासणी करून रुग्णांना मोफत औषधोपचार देण्यात आले. विशेष म्हणजे, पहिल्या ३०० नेत्र रुग्णांना मोफत चष्मे वाटप करण्यात आले, तर पुढील उपचारांची गरज असलेल्या रुग्णांसाठी हॉस्पिटलमध्ये मोफत तपासणीची सुविधाही उपलब्ध करून देण्यात आली. या यशस्वी आयोजनासाठी नोहेरलालजी चौधरी, कार्तिक भावे, अनिल बिसेन, शत्रुघ्न रहांगडाले, गुड्डू बिसेन, ओंकारजी पारधी आणि टेकचंदजी चौधरी यांनी विशेष परिश्रम घेतले, तर आयोजक सौ. सविता संजय पुराम (माजी महिला व बालकल्याण सभापती, जिल्हा परिषद गोंदिया) आणि त्यांच्या मित्र परिवाराने हे शिबिर यशस्वीपणे नियोजित केले.

नरेश बोपचे

Journalist आमगाव, गोंदिया, महाराष्ट्र•

1 hr ago

भारतीय जनता पार्टी, महाराष्ट्र आयोजित 'जनकल्याण शिबीर' उपक्रमांतर्गत आमगाव तालुक्यातील कवडी येथे बुधवार, २४ जून २०२६ रोजी 'महाआरोग्य रोगनिदान व नेत्र तपासणी शिबिर' मोठ्या उत्साहात पार पडले. ६६ आमगाव-देवरी-सालेकसा विधानसभा क्षेत्रातील या शिबिराचे अध्यक्षपद आमगाव पंचायत समितीच्या सभापती योगिता ताई पुंड यांनी भूषवले, तर माजी जिल्हा परिषद सदस्य जियालाल पंधरे यांच्या हस्ते त्याचे उद्घाटन झाले. हे शिबिर आमदार संजय पुराम मित्र परिवार आणि शालिनीताई मेघे हॉस्पिटल ॲन्ड रिसर्च सेंटर, नागपूर यांच्या संयुक्त विद्यमाने आयोजित करण्यात आले होते, ज्यात परिसरातील नागरिकांनी मोठ्या संख्येने सहभाग घेतला. शिबिराच्या आयोजक तथा जिल्हा परिषद सदस्या सौ. सविता संजय पुराम यांनी सांगितले की, पंतप्रधान नरेंद्र मोदी यांच्या १२ वर्षांच्या कार्यकाळाच्या निमित्ताने हा सेवा उपक्रम राबवण्यात आला आहे. पंतप्रधानांच्या स्पष्ट निर्देशानुसार बॅनरबाजीऐवजी जनतेच्या थेट सेवेसाठी आरोग्य शिबिरासारखे लोकउपयोगी उपक्रम राबवून ग्रामीण जनतेला उत्तम आरोग्य सुविधा उपलब्ध करून देणे आणि आरोग्य जनजागृती करणे, हाच प्रामाणिक प्रयत्न असल्याचे त्यांनी नमूद केले. आमगाव पंचायत समितीचे पूर्व उपसभापती नोहेरलालजी चौधरी यांनी यावर प्रतिक्रिया देताना म्हटले की, पंतप्रधानांच्या १२ वर्षांच्या यशस्वी कार्यकाळात जनसामान्यांच्या आरोग्याची काळजी घेतली जात आहे आणि आरोग्याशिवाय जीवन समृद्ध होऊ शकत नाही, हे ओळखून कवडी येथे हे शिबिर आयोजित करण्यात आले आहे. या शिबिरातून गोरगरीब जनतेला मोफत नेत्र तपासणी, चष्मे वाटप आणि विविध आजारांवर उपचार मिळाल्याने त्यांनी समाधान व्यक्त केले. सकाळी ११ ते दुपारी ३ या वेळेत झालेल्या या शिबिरात मेडिसिन, हृदयरोग, किडनीरोग, मेंदुरोग, सर्जरी, बालरोग, नेत्ररोग, स्त्रीरोग, कान-नाक-घसा, अस्थिरोग, त्वचारोग आणि मुखरोग अशा विविध विभागांतील तज्ज्ञ डॉक्टरांनी सेवा दिली. यामध्ये रक्तदाब व मधुमेह तपासणी करून रुग्णांना मोफत औषधोपचार देण्यात आले. विशेष म्हणजे, पहिल्या ३०० नेत्र रुग्णांना मोफत चष्मे वाटप करण्यात आले, तर पुढील उपचारांची गरज असलेल्या रुग्णांसाठी हॉस्पिटलमध्ये मोफत तपासणीची सुविधाही उपलब्ध करून देण्यात आली. या यशस्वी आयोजनासाठी नोहेरलालजी चौधरी, कार्तिक भावे, अनिल बिसेन, शत्रुघ्न रहांगडाले, गुड्डू बिसेन, ओंकारजी पारधी आणि टेकचंदजी चौधरी यांनी विशेष परिश्रम घेतले, तर आयोजक सौ. सविता संजय पुराम (माजी महिला व बालकल्याण सभापती, जिल्हा परिषद गोंदिया) आणि त्यांच्या मित्र परिवाराने हे शिबिर यशस्वीपणे नियोजित केले.