পৰ্বতঝোৰাত চোৰাং কাঠ মাফিয়াৰ বিৰুদ্ধে বন বিভাগে কৰিব নোৱাৰা কাম এইবাৰ বগৰিবাৰী আৰক্ষীয়ে কৰি দেখুৱালে। আৰক্ষীৰ এক মাৰাথন অভিযানত জঙ্গিৰ কিল্লা ছাতাগুৰী আৰু খৰখৰীৰ পৰা চাৰিজন কুখ্যাত চোৰাং কাঠ মাফিয়াক আটক কৰা হৈছে। আটক কৰা চোৰাং কাঠ মাফিয়াকেইজন ক্ৰমে জঙ্গিৰ কিল্লা দ্বিতীয় খণ্ড ছাতাগুৰী গাঁৱৰ ময়জুদ্দিন সেখ, সাহিনুৰ ইছলাম, শ্বহীদ আলী আৰু পাষাণ আলী। ইপিনে, আৰক্ষী সূত্ৰে জানিব পৰা গৈছে যে খৰখৰীৰ পৰা গ্ৰেপ্তাৰ কৰা ব্যক্তিজন ফজলুল সেখ ওৰফে মফিজুল আলী। বগৰীবাৰী আৰক্ষীয়ে মুঠ চাৰিজন কুখ্যাত চোৰাং কাঠ মাফিয়াক আটক কৰিছে। এই সন্দৰ্ভত আৰক্ষীৰ তদন্ত বৰ্তমানেও অব্যাহত আছে।

ধুবুৰী সমষ্টিৰ বিধায়িকা বেবী বেগমে মহিলাৰ বাবে ৩৩% সংৰক্ষণ বিধেয়ক আৰু UCC বিল সন্দৰ্ভত নিজৰ প্ৰতিক্ৰিয়া প্ৰকাশ কৰিছে। তেওঁ স্পষ্ট কৰিছে যে তেওঁ মহিলাৰ ৩৩% সংৰক্ষণ বিধেয়ক আৰু UCC বিলৰ বিৰোধিতা কৰা নাই, বৰঞ্চ সমৰ্থন কৰিছে, কিন্তু তেওঁৰ কথাখিনি কোনোৱে বুজিবলৈ চেষ্টা কৰা নাই বুলি আক্ষেপ কৰিছে। বিধায়িকা গৰাকীয়ে কয় যে ডেলিমিটেশ্যন হোৱাৰ পিছত মহি কিয় আজিয়ে ৩৩% সংৰক্ষণ আইন বলবৎ কৰিব নালাগে। তেওঁৰ মতে, যদি এই আইন আজিয়ে বলবৎ কৰা হয়, তেন্তে কংগ্ৰেছৰ সকলো বিধায়কে ইয়াক সমৰ্থন কৰিব। UCC বিল সন্দৰ্ভত, তেওঁ প্ৰশ্ন উত্থাপন কৰিছে যে যি সময়ত মূল্যবৃদ্ধিয়ে মহিলাসকলক গ্ৰাস কৰিছে, তেনে সময়ত কিয় UCC বিল অনা হৈছে। তেওঁ চৰকাৰক সমালোচনা কৰি কয় যে যদি মহিলাৰ প্ৰতি ইমান দৰদ আছে, তেন্তে গেছ চিলিণ্ডাৰ আৰু অত্যাৱশ্যকীয় সামগ্ৰীৰ দাম নিয়ন্ত্ৰণ নকৰি UCC বিল কিয় অনা হৈছে। বেবী বেগমে বহু বিবাহক কেতিয়াও সমৰ্থন নকৰ বুলি দৃঢ়তাৰে মন্তব্য কৰে, কাৰণ কোনো মহিলাই নিবিচাৰে যে তেওঁৰ স্বামীয়ে আন এখন বিয়া পাতিব। তেওঁ লগতে এটা গুৰুত্বপূৰ্ণ প্ৰশ্ন উত্থাপন কৰে যে যদি UCC বিল সদনত গৃহীত হয় আৰু কোনো স্বামীৰ পত্নী জটিল ৰোগত আক্ৰান্ত হৈ মৃত্যুমুখত পৰে, তেন্তে স্বামীয়ে দ্বিতীয় বিয়া নকৰিব নেকি। বিধায়িকা গৰাকীয়ে অভিযোগ কৰে যে সদনত UCC সন্দৰ্ভত তেওঁৰ বক্তব্যৰ বিৰোধিতা কৰা আৰু তেওঁক ভাল নোপোৱা একাংশ লোক হৈছে বিজেপিৰ এজেণ্ট। তেওঁ শেষত কয় যে জনপ্ৰতিনিধি হিচাপে তেওঁলোকে সদায় ৰাইজৰ বাবে মাত মাতিব লাগিব।

ৰাজ্যৰ লাখ লাখ ৰেচন কাৰ্ডধাৰী পৰিয়ালৰ বাবে এক বেয়া খবৰ আহিছে, যিহেতু সুলভ মূল্যত চেনি, নিমখ আৰু মচুৰ দাইল যোগান ধৰা আঁচনিৰ ভৱিষ্যৎক লৈ পুনৰ অনিশ্চয়তা সৃষ্টি হোৱাৰ আশংকাই হিতাধিকাৰীসকলৰ মাজত উদ্বেগ বৃদ্ধি কৰিছে। উল্লেখ্য যে, ৰাজ্য চৰকাৰে ২০২৫ চনৰ শেষৰ ফালে ৰাষ্ট্ৰীয় খাদ্য সুৰক্ষা আইন (NFSA)-ৰ অন্তৰ্গত প্ৰায় ৭০ লাখ পৰিয়াল আৰু ২.৪৫ কোটিতকৈ অধিক হিতাধিকাৰীক লাভান্বিত কৰিবলৈ এই বিশেষ আঁচনিখন আৰম্ভ কৰিছিল। এই আঁচনিৰ অধীনত প্ৰথম অৱস্থাত মচুৰ দাইল ৬৯ টকা, চেনি ৩৮ টকা আৰু নিমখ ১০ টকা মূল্যত প্ৰদান কৰা হৈছিল; পিছলৈ এই সামগ্ৰীসমূহৰ মূল্য অধিক হ্ৰাস কৰি মুঠ ১০০ টকাৰ ভিতৰত প্ৰদান কৰাৰ কথাও ঘোষণা কৰা হৈছিল। কিন্তু শেহতীয়া পৰিস্থিতিত বজাৰত খাদ্য সামগ্ৰীৰ মূল্য বৃদ্ধি, যোগান ব্যৱস্থাৰ ওপৰত চাপ আৰু চৰকাৰী ব্যয় বৃদ্ধিৰ ফলত এই সুবিধা অব্যাহত থাকিব নে নাই, তাক লৈ বিভিন্ন মহলত জল্পনা-কল্পনা আৰম্ভ হৈছে। ইয়াৰ ফলত বহু হিতাধিকাৰীয়ে আগন্তুক মাহসমূহত পুনৰ বজাৰ মূল্যত চেনি, নিমখ আৰু দাইল কিনিবলগীয়া হ’ব নেকি বুলি চিন্তা প্ৰকাশ কৰিছে। বিশেষজ্ঞসকলৰ মতে, ৰাজ্যৰ দৰিদ্ৰ আৰু নিম্ন মধ্যবিত্ত পৰিয়ালসমূহৰ বাবে এই আঁচনি এক ডাঙৰ সহায় আছিল আৰু যদি এই সুলভ মূল্যৰ সুবিধা বন্ধ হয় বা হ্ৰাস পায়, তেন্তে দৈনন্দিন জীৱনৰ ব্যয় অধিক বৃদ্ধি পোৱাৰ সম্ভাৱনা আছে। ইফালে, চৰকাৰৰ ফালৰ পৰা এতিয়ালৈকে এই আঁচনি সম্পূৰ্ণৰূপে বন্ধ কৰাৰ কোনো আনুষ্ঠানিক ঘোষণা প্ৰকাশ হোৱা নাই। তথাপিও হিতাধিকাৰীসকলৰ মাজত অনিশ্চয়তা অব্যাহত আছে আৰু সাধাৰণ জনতাই এই সন্দৰ্ভত চৰকাৰৰ স্পষ্টীকৰণৰ অপেক্ষাত আছে।

বিধায়ক থানেশ্বৰ বসুমতাৰী আৰু বিধায়ক মনেশ্বৰ ব্ৰহ্মৰ তত্ত্বাবধানত এটা স্বাস্থ্য শিবিৰ অনুষ্ঠিত কৰা হৈছে।

Post by Sahanur Hosen

Post by User5848

পৰ্বতঝোৰাত চোৰাং কাঠ মাফিয়াৰ বিৰুদ্ধে বন বিভাগে কৰিব নোৱাৰা কাম এইবাৰ বগৰিবাৰী আৰক্ষীয়ে কৰি দেখুৱালে। আৰক্ষীৰ এক মাৰাথন অভিযানত জঙ্গিৰ কিল্লা ছাতাগুৰী আৰু খৰখৰীৰ পৰা চাৰিজন কুখ্যাত চোৰাং কাঠ মাফিয়াক আটক কৰা হৈছে। আটক কৰা চোৰাং কাঠ মাফিয়াকেইজন ক্ৰমে জঙ্গিৰ কিল্লা দ্বিতীয় খণ্ড ছাতাগুৰী গাঁৱৰ ময়জুদ্দিন সেখ, সাহিনুৰ ইছলাম, শ্বহীদ আলী আৰু পাষাণ আলী। ইপিনে, আৰক্ষী সূত্ৰে জানিব পৰা গৈছে যে খৰখৰীৰ পৰা গ্ৰেপ্তাৰ কৰা ব্যক্তিজন ফজলুল সেখ ওৰফে মফিজুল আলী। বগৰীবাৰী আৰক্ষীয়ে মুঠ চাৰিজন কুখ্যাত চোৰাং কাঠ মাফিয়াক আটক কৰিছে। এই সন্দৰ্ভত আৰক্ষীৰ তদন্ত বৰ্তমানেও অব্যাহত আছে।