રાજકોટ શહેરમાં ભૂતખાના ચોક નજીક આવેલી મોરીશ રેસ્ટોરન્ટમાં આજે અચાનક આગ લાગવાની ઘટના સામે આવી હતી. આ ઘટનાની જાણ થતાં જ ફાયર બ્રિગેડની ટીમ તાત્કાલિક ઘટનાસ્થળે પહોંચી હતી અને આગ પર કાબૂ મેળવવાની કામગીરી શરૂ કરી હતી.

જુનાગઢ પોલીસ સ્ટેશનમાં ફરજ બજાવી રહેલી બંને સિસ્ટર્સને જન્મદિવસની ખૂબ ખૂબ શુભેચ્છાઓ પાઠવવામાં આવી છે.

રાજકોટ શહેરમાં ભૂતખાના ચોક નજીક આવેલી મોરીશ રેસ્ટોરન્ટમાં આજે અચાનક આગ લાગવાની ઘટના સામે આવી હતી. આ ઘટનાની જાણ થતાં જ ફાયર બ્રિગેડની ટીમ તાત્કાલિક ઘટનાસ્થળે પહોંચી હતી અને આગ પર કાબૂ મેળવવાની કામગીરી શરૂ કરી હતી.

મોરબીના જેતપરમાં ચાલી રહેલા ખેડૂત આંદોલન દરમિયાન ખેડૂતોએ સરકાર દ્વારા મોકલવામાં આવેલું આમંત્રણ ફગાવી દીધું છે. ખેડૂતોએ સ્પષ્ટપણે જણાવ્યું છે કે તેઓ માત્ર આમંત્રણ સ્વીકારવા તૈયાર નથી, પરંતુ તેમની માંગણીઓ અંગે સરકાર પાસેથી લેખિત ખાતરી ઈચ્છે છે. આ બાબતે કલેકટરે જણાવ્યું હતું કે સરકાર સકારાત્મક ચર્ચા કરવા માટે તૈયાર છે, જોકે ખેડૂતોએ ફરી ભારપૂર્વક કહ્યું કે તેઓ માત્ર આમંત્રિત કરવામાં રસ નથી ધરાવતા, પરંતુ તેમની માંગણીઓ અંગે લેખિતમાં જ ખાતરી મળવી જોઈએ.

જસદણ તાલુકાના આંબરડી ગામમાં ભાડાના મકાનમાં રહેતા એક ખાનગી શાળાના 25 વર્ષીય શિક્ષક કશ્યપભાઈ જયેશભાઈ જળુએ પોતાના ઘરે સ્લેબના હુકમાં દોરડા વડે ગળાફાંસો ખાઈને આપઘાત કરી લીધો હતો. મૂળ માણાવદર તાલુકાના જાંબુડા ગામના વતની કશ્યપભાઈ આંબરડીની સ્વામી વિવેકાનંદ સ્કૂલમાં નોકરી કરતા હતા, જ્યારે તેમની પત્ની સરકારી શાળામાં શિક્ષિકા તરીકે કાર્યરત છે. ઘટનાની જાણ થતા જસદણ પોલીસ તાત્કાલિક સ્થળ પર પહોંચી હતી અને મૃતદેહને પોસ્ટમોર્ટમ અર્થે જસદણ સરકારી હોસ્પિટલ ખાતે ખસેડવામાં આવ્યો હતો. જોકે, શિક્ષકના આપઘાત પાછળનું ચોક્કસ કારણ હજુ અકબંધ છે અને જસદણ પોલીસ દ્વારા આ બનાવ અંગે વધુ તપાસ હાથ ધરવામાં આવી રહી છે.

રાજકોટ જિલ્લાના ભાયાવદરમાં વ્યાજખોરોના અસહ્ય ત્રાસથી કંટાળીને રવિભાઈ મકવાણા નામના એક યુવકે પોતાના ઘરે ગળાફાંસો ખાઈને આત્મહત્યા કરી લીધી છે, જેના પગલે સમગ્ર પંથકમાં ચકચાર મચી ગઈ છે. આ મામલે મૃતકની માતા નિર્મળાબેન મકવાણાએ ભાયાવદર પોલીસ મથકે ચાર વ્યાજખોરો — દેવાંગ ભાવેશભાઈ વિરડા, જસ્મીન અરવિંદભાઈ ચાવડા, મિહીર જીતેશભાઇ ચોવટીયા અને ઇન્દ્રજીતસિંહ ખીમસીહ ચૌહાણ — સામે નામજોગ ગંભીર આક્ષેપો સાથે ફરિયાદ નોંધાવી છે. પોલીસે તાત્કાલિક કાર્યવાહી કરીને ત્રણ આરોપીઓની ધરપકડ કરી લીધી છે, જ્યારે એક ફરાર આરોપીને પકડવા માટે વધુ તપાસ હાથ ધરી છે. ફરિયાદ મુજબ, રવિભાઈને ખેતીકામમાં સુધારણા માટે નાણાંની જરૂરિયાત હોવાથી ગયા વર્ષે શ્રાવણ માસમાં સીદસર ગૌશાળા ખાતે દેવાંગ ભાવેશભાઈ વિરડા સાથે તેમનો સંપર્ક થયો હતો. રવિભાઈએ દેવાંગ પાસેથી પહેલા રૂ. ૨ લાખ અને પછી રૂ. ૪ લાખ, એમ કુલ રૂ. ૬ લાખ ૩ ટકા વ્યાજે લીધા હતા, જે વ્યાજ અને મૂળ રકમ સાથે ચૂકવી દેવાયા હતા. જોકે, છ મહિના પહેલા રવિભાઈએ ફરી દેવાંગ પાસેથી ૩ ટકા વ્યાજે રૂ. ૭ લાખ લીધા હતા, જેનું તેઓ દર મહિને રૂ. ૨૧,૦૦૦ વ્યાજ ચૂકવતા હતા. આ વ્યાજની રકમ ભરવા માટે રવિભાઈએ અન્ય વ્યાજખોરો પાસેથી પણ નાણાં લીધા હતા, જેમાં જસ્મીન અરવિંદભાઈ ચાવડા પાસેથી રૂ. ૩ લાખ ૧૦ ટકા વ્યાજે, મિહીર જીતેશભાઇ ચોવટીયા પાસેથી રૂ. ૫૦ હજાર ૩ ટકા વ્યાજે, અને ઇન્દ્રજીતસિંહ ખીમસીહ ચૌહાણ પાસેથી રૂ. ૩ લાખ ૩ ટકા વ્યાજે મેળવ્યા હતા. રવિભાઈ આ તમામ લોકોને નિયમિત વ્યાજ ચૂકવતા હોવા છતાં, લોકડાઉન કે અન્ય આર્થિક ભીંસના કારણે જ્યારે વ્યાજ ચૂકવવામાં વિલંબ થતો ત્યારે આ વ્યાજખોરો અવારનવાર રૂબરૂ આવીને અને ફોન પર ગાળો ભાંડી જાનથી મારી નાખવાની ધમકીઓ આપતા હતા. આત્મહત્યા કરતા પહેલા રવિભાઈએ પોતાની માતાને જણાવ્યું હતું કે તેઓ વ્યાજના ડાકણમાં ખરાબ રીતે ફસાઈ ગયા છે અને વ્યાજખોરો મૂળ રકમ કરતાં પણ વધુ રૂપિયાની માંગણી કરી રહ્યા છે. માતાએ તેમને સાંત્વના આપી હતી કે બધું સારું થઈ જશે, પરંતુ વ્યાજખોરો દ્વારા આપવામાં આવેલો માનસિક ત્રાસ સહન ન થતાં અંતે રવિભાઈએ ગળાફાંસો ખાઈને પોતાનું જીવન ટૂંકાવ્યું. ભાયાવદર પોલીસે માતાની ફરિયાદના આધારે ચારેય આરોપીઓ વિરુદ્ધ ગુનો નોંધી દેવાંગ વિરડા, જસ્મીન ચાવડા અને ઇન્દ્રજીતસિંહ ચૌહાણની ધરપકડ કરી લીધી છે. ફરાર આરોપી મિહીર ચોવટીયાને ઝડપી પાડવા માટે પોલીસે ચક્રો ગતિમાન કર્યા છે. ધોરાજીના ASP સિમરન ભારદ્વાજે પણ આ બનાવની પુષ્ટિ કરી હતી કે વ્યાજખોરોના ત્રાસથી કંટાળીને એક યુવકે આત્મહત્યા કરી લીધી છે અને મૃતકની માતાએ ચાર વ્યાજખોરો સામે ફરિયાદ નોંધાવી છે.

અમરેલી જિલ્લાના બગસરા શહેરમાં મોહરમ પર્વ દરમિયાન કોમી એકતાનું ઉત્તમ ઉદાહરણ પૂરું પાડવામાં આવ્યું. બગસરાના નટવર નગરના દલિત સમાજના યુવાનો દ્વારા કાળઝાળ ગરમીમાં લોકોને આઇસક્રીમનું વિતરણ કરીને ભાઈચારા અને કોમી સદ્ભાવનો સંદેશો આપવામાં આવ્યો.

સાવરકુંડલામાં ચાલી રહેલા ગટર લાઇનના કામ દરમિયાન એક મોટી બેદરકારી સામે આવી છે, જેના કારણે ગુજરાત ગેસની મેઈન લાઇન તોડી નાખવામાં આવી હતી. આ ઘટનાને બેદરકારીનો મોટો ફડાકો ગણાવવામાં આવ્યો છે.

Post by Vijay Kumar Parmar