મોરબી જિલ્લા કલેક્ટરે માહિતી આપી છે કે સરકાર સકારાત્મક ચર્ચા કરવા માટે તૈયાર છે. આ અંગે સંબંધિત પક્ષોને લેખિત આમંત્રણ પણ મોકલવામાં આવ્યું હોવાનું તેમણે જણાવ્યું છે.

અમરેલીના વાંકીયા ગામમાં દીપડાનો આતંક જોવા મળ્યો છે, જેના કારણે ગામમાં દહેશતનો માહોલ છવાયો છે. એક દીપડાએ ગામમાં પાડાનો શિકાર કર્યો હતો. પાડાનો શિકાર કર્યા બાદ, આ દીપડો ગામમાં આવેલા એક ખાલી પ્રાથમિક આરોગ્ય કેન્દ્ર (PHC સેન્ટર) માં ઘૂસી ગયો હતો, જેના કારણે સ્થાનિકોમાં ભયનો સંચાર થયો છે.

ગોંડલના મોવીયા ગામે હેવી ટ્રાન્સમિશન વીજપોલ અને વીજલાઇનના મુદ્દે ખેડૂતો મેદાને ઉતર્યા છે, જે મોરબીના જેતપર બાદ વધુ એક ખેડૂત આંદોલન છે. ખેડૂતો આક્ષેપ કરી રહ્યા છે કે પૂરતી નોટિસ આપ્યા વિના અને યોગ્ય વળતર ચૂકવ્યા વિના તેમના ખેતરોમાં આ વીજ ટાવર ઉભા કરવામાં આવી રહ્યા છે, જેના કારણે ખેતીને મોટું નુકસાન થશે. આ મુદ્દે ખેડૂતોએ ઉપવાસી છાવણીમાં પ્રતિક ઉપવાસ શરૂ કર્યા છે અને યોગ્ય વળતર આપવાની માંગ કરી રહ્યા છે. તેમણે ચેતવણી આપી છે કે જો તેમની માંગણીઓ સંતોષવામાં નહીં આવે, તો તેઓ એક મહાસંમેલન બોલાવશે અને વીજપોલ કાપી નાખશે. ખેડૂતોએ આ આંદોલનને બિનરાજકીય જાહેર કર્યું છે અને તેમાં રાજકીય આગેવાનોના પ્રવેશ પર પ્રતિબંધ મૂક્યો છે.

બોટાદમાં મોહરમ પર્વ નિમિત્તે મુસ્લિમ સમાજ દ્વારા પોલીસનું સન્માન કરવામાં આવ્યું હતું. મુસ્લિમ સમાજે જિલ્લામાં કાયદો અને વ્યવસ્થા જાળવવા બદલ પોલીસ તંત્રનો આભાર વ્યક્ત કર્યો.

તારીખ ૨૮-૦૬-૨૦૨૬ ના રોજ શ્રીકષ્ટભંજનદેવ દાદાને એમ્બ્રોઈડરી વર્કવાળા વાઘા અર્પણ કરવામાં આવ્યા હતા, અને ૨૦૦ કિલો સુખડીનો અન્નકૂટ ધરાવવામાં આવ્યો હતો. મંદિર પરિસરમાં હાજરીગલ (ગલગોટા) અને ગુલાબના મિક્સ ફૂલોનો ભવ્ય શણગાર કરાયો હતો, જ્યારે સિંહાસને પણ ફૂલોથી દિવ્ય રીતે શણગારવામાં આવ્યું હતું. આ પ્રસંગે મંદિર પરિસરમાં મારુતિ યજ્ઞનું આયોજન કરવામાં આવ્યું હતું. મોટી સંખ્યામાં હરિભક્તોએ આ દિવ્ય દર્શનનો લહાવો લીધો અને ધન્ય બન્યા હતા. સમગ્ર મંદિર પરિસર "કષ્ટભંજનદેવની જય" ના નારાઓથી ગુંજી ઉઠ્યું હતું.

માનવભક્ષણની પુષ્ટિ થયા બાદ વન વિભાગ દ્વારા એક કડક નિર્ણય લેવામાં આવ્યો છે. કોવાયામાં એક યુવકનો ભોગ લેનારા ચારેય સિંહોને આજીવન કેદની સજા ફટકારવામાં આવી છે, જેનો અર્થ છે કે તેમને હવે કાયમી ધોરણે કેદમાં રાખવામાં આવશે.

લોકગાયક રાજ ગઢવીના ભવ્ય લાઈવ કોન્સર્ટ "રાગ રાજ 2.0" અંગે આજે ગાંધીનગરના ઇન્ફોસિટી ક્લબ ખાતે યોજાયેલી પ્રેસ કોન્ફરન્સમાં મહત્વપૂર્ણ માહિતી આપવામાં આવી હતી. આ ભવ્ય સંગીતમય કાર્યક્રમ 4 જુલાઈના રોજ સાંજે 7:00 વાગ્યે ઇન્ફોસિટી ક્લબ, ગાંધીનગરમાં યોજાશે. આ કોન્સર્ટમાં ગુજરાતી લોકસંગીતને આધુનિક સંગીત સાથે એક અનોખી રીતે રજૂ કરવામાં આવશે. આ પ્રસંગે, આયોજકોએ જણાવ્યું હતું કે "રાગ રાજ 2.0" માં આ વખતે દર્શકો માટે એક ખાસ નવી સરપ્રાઈઝ લોકગીતની રજૂઆત કરવામાં આવશે, જે કાર્યક્રમનું મુખ્ય આકર્ષણ બનશે. આ સાથે યુવા પેઢી માટે ગુજરાતી લોકસંગીતમાં એક નવા અધ્યાયની શરૂઆત કરવાનો પણ પ્રયાસ કરવામાં આવી રહ્યો છે. આ કોન્સર્ટનું પ્લાનિંગ "સન ઑફ જમાદાર" ઇવેન્ટ્સ કંપની દ્વારા કરવામાં આવી રહ્યું છે અને તેનું આયોજન રિંજય ઇવેન્ટ્સ દ્વારા કરવામાં આવી રહ્યું છે. રાજ ગઢવીએ જણાવ્યું હતું કે, આ કોન્સર્ટનું આયોજન ગુજરાતી લોકસંગીતને વૈશ્વિક સ્તરે નવી ઓળખ અપાવવાના ઉદ્દેશ્ય સાથે કરવામાં આવ્યું છે. પરંપરાગત લોકસંગીતને આધુનિક સંગીતના રંગ સાથે રજૂ કરીને દરેક વયના સંગીતપ્રેમીઓને એક યાદગાર અનુભવ આપવાનો પ્રયાસ કરવામાં આવશે.

શ્રી કષ્ટભંજનદેવ દાદાને ભક્તિભાવપૂર્વક એમ્બ્રોઈડરી વર્કવાળા સુંદર વાઘા અર્પણ કરવામાં આવ્યા છે. આ સાથે જ દાદાના સિંહાસનને વિવિધ ફૂલોથી ભવ્ય રીતે શણગારવામાં આવ્યું હતું, જેનાથી સમગ્ર વાતાવરણ દિવ્ય અને આહ્લાદક બન્યું હતું. આ પ્રસંગે ભક્તો દ્વારા દાદાને ૨૦૦ કિલો સુખડીનો મહાપ્રસાદ રૂપે અન્નકૂટ પણ ધરાવવામાં આવ્યો હતો.

રાજકોટ જિલ્લાના ઉપલેટા તાલુકાના ખારચીયા ગામે બનેલી એક ચોંકાવનારી ઘટનામાં, શરૂઆતમાં આત્મહત્યા જણાતો બનાવ ખરેખરમાં એક ક્રૂર હત્યા હોવાનું પોલીસ તપાસમાં બહાર આવ્યું છે. ચારિત્ર્યની શંકા રાખીને એક હોમગાર્ડ પતિએ જ પોતાની પત્નીનું ગળું દબાવી હત્યા કરી હતી અને પછી તેને આત્મહત્યાનું રૂપ આપવાનો પ્રયાસ કર્યો હતો, જે ધોરાજી પોલીસે (ભાયાવદર) નિષ્ફળ બનાવ્યો છે. મૃતક ઇલાબેન (ઉર્ફે ઇશાબેન) બગડાનો મૃતદેહ ગામની સીમમાં ગળાફાંસો ખાધેલી હાલતમાં શંકાસ્પદ રીતે મળી આવતા ચકચાર મચી હતી. ઇલાબેનના લગ્નને આશરે 14 વર્ષ થયા હતા અને તેમને એક દીકરો તથા એક દીકરી છે. તેમના પતિ હિતેન્દ્રભાઈ બગડા દિવસ દરમિયાન સેન્ટિંગનું કામ કરતા હતા અને રાત્રે ભાયાવદર પોલીસ મથકમાં હોમગાર્ડ તરીકે ફરજ બજાવતા હતા. લગ્નના 14 વર્ષ દરમિયાન પતિ હિતેન્દ્રભાઈ સતત પોતાની પત્ની પર માનસિક અને શારીરિક ત્રાસ ગુજારતા હતા તથા તેના ચારિત્ર્ય પર કુશંકા રાખતા હતા. આ જ શંકાના આધારે આરોપી હિતેન્દ્રએ પત્નીને રસ્તામાંથી હટાવવાનો ખતરનાક પ્લાન ઘડ્યો હતો. તે ઇલાબેનને વાડી વિસ્તારમાં કામના બહાને લઈ ગયો અને ત્યાં મોકો મળતા જ તેમનું ગળું દબાવી નિર્મમ હત્યા કરી દીધી હતી. હત્યા કર્યા બાદ આ સમગ્ર બનાવ આત્મહત્યા જેવો લાગે તે માટે આરોપી પતિએ પોતાના ભાઈનો સહારો લીધો અને લાશને એવી રીતે ગોઠવી જેથી કોઈને શંકા ન જાય. જોકે, મૃતકના માવતરે દીકરીની હત્યા થઈ હોવાના સ્પષ્ટ આક્ષેપો કરતા મામલો ગરમાયો હતો. સત્ય બહાર લાવવા માટે મૃતદેહને ફોરેન્સિક પીએમ અર્થે રાજકોટ ખસેડવામાં આવ્યો હતો. ભાયાવદર પોલીસ તંત્રએ આ ગંભીર મામલાની ઊંડાણપૂર્વક તપાસ શરૂ કરી, જેમાં અંતે પતિનો જ ભાંડો ફૂટી ગયો હતો. ફોરેન્સિક રિપોર્ટ અને કડક પૂછપરછ સામે હત્યારો પતિ ટકી શક્યો નહીં. ધોરાજીના ASP સિમરન ભારદ્વાજે આ ખુલાસો કર્યો હતો અને પોલીસે હત્યાનો ગુનો નોંધી આરોપી પતિ હિતેન્દ્ર બગડાની ધરપકડ કરી લીધી છે. એક શંકાના કારણે આજે બે સંતાનોએ માતાની છત્રછાયા ગુમાવી છે અને પિતા જેલના સળિયા પાછળ ધકેલાયા છે.