छत्रपती संभाजीनगर येथील दोन मित्रांचा पैठण येथील जायकवाडी धरणात बुडून दुर्दैवी मृत्यू झाल्याची हृदयद्रावक घटना रविवारी (३१ मे) सायंकाळी घडली. या घटनेमुळे परिसरात हळहळ व्यक्त होत असून संभाजीनगर शहरात शोककळा पसरली आहे. मृतांमध्ये १९ वर्षीय अनिकेत मनू भारती आणि १४ वर्षीय संकेत सिद्धार्थ खरात या दोघांचा समावेश आहे. दोघेही अंबिका नगर, मुकुंदवाडी, छत्रपती संभाजीनगर येथील रहिवासी होते. मिळालेल्या माहितीनुसार, हे दोन मित्र जायकवाडी धरण परिसर पाहण्यासाठी पैठण येथे आले होते. जलाशयात पोहण्यासाठी उतरले असता, त्यांना पाण्याची खोली न समजल्याने दोघेही बुडाले. घटनेची माहिती मिळताच स्थानिक प्रशासन आणि बचाव पथकाने तातडीने शोधमोहीम सुरू केली. रविवारी रात्री उशिरापर्यंत संकेत खरात याचा मृतदेह हाती लागला, मात्र अंधारामुळे शोधकार्य काही काळासाठी थांबवण्यात आले. त्यानंतर सोमवारी सकाळी पुन्हा शोधमोहीम राबविण्यात आली आणि दुसऱ्या युवकाचाही मृतदेह सापडल्याची माहिती समोर आली. या दुर्दैवी घटनेमुळे जायकवाडी परिसरात खळबळ उडाली असून मृतांच्या कुटुंबीयांवर दुःखाचा डोंगर कोसळला आहे.

पत्रकार ओमप्रकाश उढाण

घनसावंगी, जालना, महाराष्ट्र•

2 hrs ago

छत्रपती संभाजीनगर येथील दोन मित्रांचा पैठण येथील जायकवाडी धरणात बुडून दुर्दैवी मृत्यू झाल्याची हृदयद्रावक घटना रविवारी (३१ मे) सायंकाळी घडली. या घटनेमुळे परिसरात हळहळ व्यक्त होत असून संभाजीनगर शहरात शोककळा पसरली आहे. मृतांमध्ये १९ वर्षीय अनिकेत मनू भारती आणि १४ वर्षीय संकेत सिद्धार्थ खरात या दोघांचा समावेश आहे. दोघेही अंबिका नगर, मुकुंदवाडी, छत्रपती संभाजीनगर येथील रहिवासी होते. मिळालेल्या माहितीनुसार, हे दोन मित्र जायकवाडी धरण परिसर पाहण्यासाठी पैठण येथे आले होते. जलाशयात पोहण्यासाठी उतरले असता, त्यांना पाण्याची खोली न समजल्याने दोघेही बुडाले. घटनेची माहिती मिळताच स्थानिक प्रशासन आणि बचाव पथकाने तातडीने शोधमोहीम सुरू केली. रविवारी रात्री उशिरापर्यंत संकेत खरात याचा मृतदेह हाती लागला, मात्र अंधारामुळे शोधकार्य काही काळासाठी थांबवण्यात आले. त्यानंतर सोमवारी सकाळी पुन्हा शोधमोहीम राबविण्यात आली आणि दुसऱ्या युवकाचाही मृतदेह सापडल्याची माहिती समोर आली. या दुर्दैवी घटनेमुळे जायकवाडी परिसरात खळबळ उडाली असून मृतांच्या कुटुंबीयांवर दुःखाचा डोंगर कोसळला आहे.