అపర భద్రాద్రి ఇల్లందకుంటలో శ్రీరామనవమికి భారీగా ఏర్పాట్లు... ఏర్పాట్లను పరిశీలించి అధికారులకు దిశా నిర్దేశం చేసిన కలెక్టర్ చిత్ర మిశ్రా. అపర భద్రాద్రిగా పేరుగాంచిన కరీంనగర్ జిల్లా ఇల్లందకుంట శ్రీ సీతారామచంద్రస్వామి దేవాలయంలోని ఈనెల 27 న శ్రీరామనవమి బ్రహ్మోత్సవాలు జాతర ఘనంగా నిర్వహించే పనిలో అధికారులు నిమగ్నమయ్యారు. కరీంనగర్ జిల్లా కలెక్టర్ చిత్రా మిశ్రా సీతారామచంద్రస్వామి ఆలయ ప్రాంగణంలో అడిషనల్ కలెక్టర్ లు ఆలయ సిబ్బందితో కలిసి ఏర్పాట్లను పరిశీలించారు. 13 రోజులపాటు జరిగే శ్రీరామనవమి బ్రహ్మోత్సవాల సందర్భంగా భక్తులు ఇబ్బంది పడకుండా పకడ్బందీ ఏర్పాట్లు చేయాలని అధికారులను కలెక్టర్ ఆదేశించారు. ట్రాఫిక్ నిబంధనలను రూట్ మ్యాప్ ను పరిశీలించారు. మంచినీటి సౌకర్యాన్ని ఏర్పాటు చేయాలని అలాగే ఆలయ ప్రాంగణంలో పరిశుభ్రంగా ఉండుటకు శానిటేషన్ ఎప్పటికప్పుడు చేయించాలని, మొబైల్ టాయిలెట్స్ ఏర్పాటు చేయాలని, భారీ గేట్లను ఏర్పాటుతో భక్తులు క్యూ లైన్ పద్ధతిలో వచ్చేలా చూసుకోవాలన్నారు. రాత్రి పగలు ఎంపీడీవో సిబ్బంది ఎప్పటికప్పుడు పరిశీలించాలని సూచించారు. నాలుగు అంబులెన్స్ ను ఆలయ ప్రాంగణంలో ఏర్పాటు చేయాలని ఆలయం మండపం వద్ద డోనర్ పాసులను, వివిఐపి పాసుల వద్ద వేరు వేరుగా గ్యాలరీలు ఏర్పాటు చేయాలని సూచించారు. శ్రీరామనవమికి బ్రహ్మోత్సవాలకు వచ్చే భక్తులకు ఎలాంటి ఇబ్బంది తలెత్తకుండా తగిన జాగ్రత్తలు తీసుకోవాలని అధికారులకు కలెక్టర్ సూచించారు.

అపర భద్రాద్రిగా పేరుగాంచిన కరీంనగర్ జిల్లా ఇల్లందకుంట శ్రీ సీతారామచంద్రస్వామి దేవాలయంలోని ఈనెల 27 న శ్రీరామనవమి బ్రహ్మోత్సవాలు జాతర ఘనంగా నిర్వహించే పనిలో అధికారులు నిమగ్నమయ్యారు. కరీంనగర్ జిల్లా కలెక్టర్ చిత్రా మిశ్రా సీతారామచంద్రస్వామి ఆలయ ప్రాంగణంలో అడిషనల్ కలెక్టర్ లు ఆలయ సిబ్బందితో కలిసి ఏర్పాట్లను పరిశీలించారు. 13 రోజులపాటు జరిగే శ్రీరామనవమి బ్రహ్మోత్సవాల సందర్భంగా భక్తులు ఇబ్బంది పడకుండా పకడ్బందీ ఏర్పాట్లు చేయాలని అధికారులను కలెక్టర్ ఆదేశించారు. ట్రాఫిక్ నిబంధనలను రూట్ మ్యాప్ ను పరిశీలించారు. మంచినీటి సౌకర్యాన్ని ఏర్పాటు చేయాలని అలాగే ఆలయ ప్రాంగణంలో పరిశుభ్రంగా ఉండుటకు శానిటేషన్ ఎప్పటికప్పుడు చేయించాలని, మొబైల్ టాయిలెట్స్ ఏర్పాటు చేయాలని, భారీ గేట్లను ఏర్పాటుతో భక్తులు క్యూ లైన్ పద్ధతిలో వచ్చేలా చూసుకోవాలన్నారు. రాత్రి పగలు ఎంపీడీవో సిబ్బంది ఎప్పటికప్పుడు పరిశీలించాలని సూచించారు. నాలుగు అంబులెన్స్ ను ఆలయ ప్రాంగణంలో ఏర్పాటు చేయాలని ఆలయం మండపం వద్ద డోనర్ పాసులను, వివిఐపి పాసుల వద్ద వేరు వేరుగా గ్యాలరీలు ఏర్పాటు చేయాలని సూచించారు. శ్రీరామనవమికి బ్రహ్మోత్సవాలకు వచ్చే భక్తులకు ఎలాంటి ఇబ్బంది తలెత్తకుండా తగిన జాగ్రత్తలు తీసుకోవాలని అధికారులకు కలెక్టర్ సూచించారు.

రాజన్న సిరిసిల్ల జిల్లాలో ఉద్రిక్త పరిస్థితులు నెలకొన్నాయి. సిరిసిల్ల కోర్టుకు బాంబు బెదిరింపు రావడంతో అధికార యంత్రాంగం అప్రమత్తమైంది. కోర్టు అధికారిక ఈమెయిల్‌కు గుర్తు తెలియని వ్యక్తులు బెదిరింపు సందేశం పంపడం కలకలం రేపుతోంది. సమాచారం అందుకున్న వెంటనే పోలీసులు రంగంలోకి దిగగా, ప్రత్యేక బాంబ్ స్క్వాడ్, డాగ్ స్క్వాడ్‌తో కలిసి కోర్టు ప్రాంగణంలో విస్తృతంగా తనిఖీలు చేపట్టారు. భద్రతా చర్యలను కట్టుదిట్టం చేసి, కోర్టు పరిసరాలను పూర్తిగా సీజ్ చేశారు. ఈ ఘటనపై కేసు నమోదు చేసి, బెదిరింపు మెయిల్ పంపిన వారి కోసం పోలీసులు గాలింపు చర్యలు ముమ్మరం చేశారు.

పత్రికా ప్రకటన సిద్దిపేట 22 మార్చి 2026. రాష్ట్ర ముఖ్యమంత్రి ఎనుముల రేవంత్ రెడ్డి సిద్దిపేట జిల్లా నంగునూరు మండలం నర్మెట్టా గ్రామంలో 300 కోట్ల రూపాయలతో నిర్మించిన టిజీ అయిల్ ఫెడ్ వారి అయిల్ ఫామ్ కర్మాగారాన్ని ప్రారంభించి, ప్రజపాలనలో రైతు ఉత్సవాల్లో భాగంగా వ్యవసాయ మరియు వ్యవసాయ అనుబందరంగాలు, వ్యవసాయ యంత్రికికరణ పై ఏర్పాటు చేసిన 150 స్టాళ్లను సందర్చించి, నూతనంగా 50 కోట్ల రూపాయలతో అయిల్ ఫామ్ రిఫైనరి నిర్మానానికి శంకుస్థాపన చేశారు. అనంతరం సభా వేదిక సమీపంలో సిద్దిపేట నియోజకవర్గంలోని సిద్దిపేట మున్సిపాలిటీలో 141.34 కోట్ల రూపాయలతో UIDF అధ్వర్యంలో నీటి సరఫరా ప్రాజెక్టులు & భూగర్భ డ్రైనేజీ ప్రాజెక్టులకు శంకుస్థాపన, సిద్దిపేట అర్బన్ మండలం ఎన్సన్ పల్లి గ్రామంలో 78 కోట్ల రూపాయలతో నూతనంగా నిర్మించిన జిల్లా జైలు భవనాన్ని, సిద్దిపేట అర్బన్ మండలం ఎన్సాన్పల్లి గ్రామంలో 15 కోట్ల రూపాయలతో నూతనంగా నిర్మించిన 50 పడకల సమీకృత ఆయుష్ ఆసుపత్రిని, 3.60 కోట్ల రూపాయలతో ఎన్సాన్ పల్లి లో నూతనంగా ఏర్పాటు చేసిన సెంట్రల్ మెడిసిన్ స్టోర్ ను, నంగునూరు మండలం గట్ల మల్యాల లో 1.43 కోట్ల రూపాయల తో నూతనంగా నిర్మించిన పిహెచ్సి భవనాన్ని, సిద్దిపేట పట్టణంలోనీ ఎన్జీవోస్ కాలని లో 1.43 కోట్ల రూపాయలతో నూతనంగా నిర్మించిన యూపీహెచ్సీ భవనాన్ని ప్రారంభించారు. గజ్వేల్ నియోజకవర్గంలోని కొండపాక మండల కేంద్రంలో 200 కోట్ల రూపాయలతో ఏర్పాటు చేస్తున్న యంగ్ ఇండియా ఇంటిగ్రేటెడ్ రెసిడెన్షియల్ స్కూల్ కి శంకుస్థాపన చేశారు. మర్కుక్ మండల కేంద్రంలో తెలంగాణ పబ్లిక్ స్కూల్ లో 16.62 కోట్ల రూపాయలతో మౌలిక సదుపాయాలు అదనపు భవనాలకు శంకుస్థాపన చేశారు. జగదేవ్ పూర్ మండల కేంద్రంలో 9.65 కోట్ల తో నిర్మించిన సమీకృత మండల కార్యాలయాల సముదాయం (ఐవోసీ) ని ప్రారంభించారు. అనంతరం సభా వేదికపై రైతుల ఖాతాలో రైతు భరోస నిధులు విడుదల చేసారు.. ఈ సందర్బంగా రాష్ట్ర ముఖ్యమంత్రి ఎనుముల రేవంత్ రెడ్డి మాట్లాడుతూ.. ప్రజాపాలన ప్రగతి ప్రణాళిక లో భాగంగా, సిద్దిపేట లో ఆయిల్ ఫామ్ ఫ్యాక్టరి ప్రాంభించడంతో పాటు రైతు భరోసా దాదాపు 3600 కోట్ల రూపాయలు 70 లక్షల మంది రైతుల ఖాతాల్లో జమ చేయడం జరిగిందని తెలిపారు. వ్యవసాయ పండుగ దినాన ఉగాది పండుగ సందర్భంగా ఆడబిడ్డలకు ఇచ్చిన చీర సారె లతో వచ్చిన ఆడబిడ్డలకు కృతజ్ఞతలు తెలిపారు. ఎద్దెడ్చిన ఎవుసం రైతేడ్చిన రాజ్యం సుభిక్షంగా ఉండదని, ప్రజాపాలన ఎన్ని ఇబ్బందులు ఎదురైనా రైతులకు అందించాల్సిన ఉచిత విద్యుత్, పంట చివరి గింజ వరకూ గిట్టుబాటు ధరతో కొనుగోలు చేయడమే కాకుండా , బోనస్ కూడా ఇచ్చి రైతుల కళ్ళల్లో ఆనందం నింపాలని ప్రభుత్వం చర్యలు తీసుకుంటుందని అన్నారు. ఇదే వేదిక నుండి దాదాపుగా 70 లక్షల మంది రైతుల ఖాతాల్లో 3600 కోట్ల రైతు బరోసా నిధులు విడుదల చేసానని, రేపటి నుండే అవి రైతుల ఖాతాల్లో జమ కానున్నాయి అని తెలిపారు. ఆర్ధిక ఇబ్బందులు ఉన్నప్పటికీ, మిగిలిన 5400 కోట్లు 80 రోజుల్లో, మరో 2700 కోట్లు అ తరువాత 20 రోజుల్లో 2700 దాదాపుగా 45 రోజుల్లో 9000 కోట్ల 70 లక్షల ఖాతాల్లో వేసి రైతుల కళ్ళల్లో ఆనందం నింపుతామని స్పష్టం చేశారు. ప్రభుత్వం అధికారంలోకి వచ్చిన 28 నెలలలో ప్రతి నెల 5500 కోట్ల రూపాయలు రైతుల సంక్షేమం కోసం ఖర్చు చేస్తున్నామని. 24 గంటల ఉచిత కరెంటు, బోనస్, రైతు బరోసా, రైతుభీమా లాంటి పథకాలకు కేటాయించామని, అకాల వర్షాలతో ఇసుకమేటలతో , వడగండ్ల వానలతో నష్టపోయిన రైతులకు ప్రతి ఎకరాకు రూ 10 వేల రూపాయల చొప్పున ఇప్పటి వరకు లక్షా 30 నుండి లక్ష 40 వేల రూపాయల వరకు ఖర్చు చేశామని వెల్లడించారు. గత సంవత్సరం తెలంగాణలో 2 కోట్ల 58 లక్షల మెట్రిక్ టన్నులు ధాన్యం పండించి దేశంలోనే నెంబర్ వన్ స్థానంలో రాష్ట్రం నిలిచిందన్నారు. చైతన్యం కలిగిన నిజామాబాద్, మెదక్ జిల్లాల రైతులు నిజాం సర్కార్ ఉన్నపుడే నిజాం చక్కెర కర్మాగారాన్ని కట్టారని, కమర్షియల్ పంటలైన చెరుకు, సోయా, మొక్కజొన్న, పసుపు పంటలు పండించారని, ఆనాడు పసుపు అమ్మితే తులం బంగారం వచ్చేదని ఇప్పుడు ఆ పరిస్థితి లేదని అన్నారు. వ్యవసాయంలో మార్పులు రావాలని, పామ్ ఆయిల్ ఫ్యాక్టరీని దాదాపు 300 కోట్లతో ప్రారంభించుకున్నామని, ఈ నాడు ఆయిల్ ఫామ్ పంట 3 లక్షల ఎకరాలకు చేరిందని, భవిష్యత్తులో 10 ఎకరాల్లో పంట సాగు చేసిన ప్రభుత్వం గిట్టుబాటు ధరతో కొంటుందని హామీ ఇచ్చారు. వ్యవసాయం, పాడి పరిశ్రమ గణనీయంగా ఉండేదని, ఇప్పుడు కాలం మారిందని, ఇతర రాష్ట్రం, దేశాల నుండిఆహార ఉత్పత్తులు దిగుమతి చేసుకుంటున్నారని, అది సరి కాదని, కష్టం తక్కువగా ఉన్న వరిని పండిస్తే భారత దేశంతొ పాటు ప్రపంచంలోని ఇతర దేశాలకు ఎగుమతి చేసిన ఇంకా మిగిలిపోయే పరిస్థితి ఉందని, ఇప్పటికే 71 లక్షల మెట్రిక్ టన్నుల ధాన్యం కొనుగోలు చేశామని, ఇంకా ధాన్యం నిలువ ఉందని, రైతులు పంట మార్పిడి చేసుకోవాలని, మిల్లెట్స్ కూరగాయలు, ఆకు కూరలు, ఇతర పంటలు పండించాలని, ఆ దిశగా రైతులను ప్రోత్సహించాల్సిన అవసరం ఉందని, ఇందుకు అవసరమైన పంట మార్పిడి ద్వారా లాభసాటి ధరలు అందేలా చర్యలు చేపట్టాలని మంత్రులు తుమ్మల నాగేశ్వర రావును కోరారు. సిద్దిపేటలో కట్టినట్లే కొడంగల్ నియోజక వర్గంలో కూడా ఆయిల్ ఫ్యాక్టరీ నిర్మాణానికి చర్యలు తీసుకోవాలని మంత్రులు దామోదర, తుమ్మల కోరారు. రాష్ట్రంలోని 12,728 గ్రామపంచాయతీలు ఒక అంకాపూర్ లా వ్యవసాయంలో అభివృద్ధి చెంది ప్రతి రైతు ఇంటికి ఓ కార్ కొనుకున్నెల మార్చాల్సిన అవసరం ప్రభుత్వంపై ఉందని అన్నారు. దిగుమతి చేసుకునే అవసరం లేకుండా ఇక్కడే లాభసాటి ఆర్గానిక్ పంటలు పండించాలని. తెలంగాణలో సారవంతమైన భూమి ఉందని, వ్యవసాయంలో సాంకేతిక స్థాయిలో పని చేసి కష్ట పడాల్సిన అవసరం ఉందని. ప్రభుత్వాలు రైతులకు సాంకేతిక పరిజ్ఞానాన్ని అందించి అవగాహన కల్పించాలని, పంట పండించడానికి అవకాశం ఇచ్చి, రైతులు పండించిన పంటలను అమ్మడానికి కొనుగోలు కేంద్రాలను ఏర్పాటు చేయడం మాత్రమే కాకుండా, అంతర్జాతీయ స్థాయిలో ఎగుమతి చేసే అవకాశం కల్పించేలా ప్రభుత్వం చర్యలు తీసుకుని బంగారు తెలంగాణ దిశగా ముందుకు సాగాలని అన్నారు. మహిళలకే అన్ని సంక్షేమ పథకాలు అమలు చేస్తున్న ఘనత తెలంగాణ ప్రభుత్వానిదేనని, ప్రతి ఆడబిడ్డ ఉచితంగా ఆర్టీసీలో ప్రయాణం చేస్తున్నారని, ఇందుకు 9 వేల కోట్లు ఖర్చు చేశామని, ప్రతి నెల ఉచిత ప్రయాణం కోసం 350 కోట్ల రూపాయలు చెల్లిస్తున్నామని తెలిపారు, అదేవిధంగా 1000 బస్సులకు కొని ఆ బస్సులకు ఆర్టీసీకి స్వయం సహాయక సంఘా మహిళల ద్వారా అద్దెకు ఇవ్వడం ద్వారా యజమానులను చేశామని, సంఘా మహిళలకు పెట్రోల్ బంకులు ఇవ్వడం జరిగిందని, 67 లక్షల మంది స్వయం సహాయక సంఘాల మహిళలు ఉన్నారని, 2034 నాటికి కోటి మంది ఆడబిడ్డలను కోటీశ్వరులను చేసేల సంఘం బాధ్యత తీసుకోవాలని తెలిపారు. పట్టణాలలో కూడా మహిళల సంఘాలను పెంచాలని పిలుపునిచ్చారు. 57 వేల బ్యాంకు లింకేజీ ద్వారా 1350 కోట్లు ప్రభుత్వం కట్టిందని తెలిపారు. సోలార్ విద్యుత్ అంటే అదాని, అంబానీ లే ఉండేవారని, నేడు వారికి సమానంగా మా ఆడబిడ్డలు ఎదిగారని అన్నారు. శిల్పారామంలో పక్కన 106 స్టాల్స్ ఏర్పాటు చేసి ప్రపంచానికి ప్రదర్శించి అమ్మేలా ఇందిరా మహిళా శక్తి సెంటర్ ను ఆడబిడ్డలకు అందించాం. ఆడబిడ్డలు ఉత్పత్తి చేసిన వస్తువులకు అమెజాన్ లాంటి ద్వారా అంతర్జాతీయ స్టాయిలో అమ్మకాలు జరుగుతున్నాయని. ఆడ బిడ్డలు ఆర్థికంగా, ఆత్మగౌరవంతో స్వయం శక్తితో నిలబడాలని, దేశ ఆర్ధిక వ్యవస్థ లో ఆడ బిడ్డల ఎదుగుదల అవసరమని తెలిపారు. మహిళలు ఆర్థికంగా ఎదగాలని, రాష్ట్రం 2034 నాటికి వన్ బిలియన్ డాలర్ ఎకనామిగా ఎదుగుతుందని, దేశ ఆర్ధిక వ్యవస్థలో ఆడబిడ్డకు అర్ధ భాగం వచ్చినప్పుడే దేశ ఆర్ధిక వ్యవస్థ బలపడుతుందని అందుకు సంపూర్ణ సహకారం అందిస్తామని అన్నారు. ఈ విద్యా సంవత్సరం నుండి నర్సరీని నుండి అన్ని ప్రభుత్వ స్కూళ్లలో ప్రతి రోజు ఒకరోజు పాలు మరో రోజు రాగి జావా, వారం రోజుల్లో మంచి ఆహారాన్ని అందిస్తామని, ప్రైవేటుకు దీటుగా ప్రభుత్వ స్కూళ్లను తీర్చిదిద్దుతామని తెలిపారు. ప్రైవేట్ స్కూళ్లలో కన్నా ప్రైవేట్ స్కూల్లోలలో ఎక్కువగా చదువుకున్న వారు ఉన్నారని, ఈ రోజు మంచి స్థానంలో ఉన్న వారు అందరూ ప్రభుత్వ పాఠశాలలో చదువుకున్న వారేనని గుర్తు చేశారు. రాష్ట్రంలోని దాదాపు 18 వేల పాఠశాలను ప్రక్షాళన చేస్తున్నామని, అందుకునే విద్యా శాఖ నా దగ్గరే ఉందని అన్నారు. సాంకేతిక నైపుణ్యం పెంచుకోవాలని, గతకాలానికి భిన్నంగా కులాలకు అతీతంగా వృత్తి పనులు చేస్తున్నారని, అందుకు శిక్షణ అవసరమని, ఏ టీ సి లో చదువుకునే ప్రతి విద్యార్థికి 2000 స్కాలర్షిప్ ఇస్తామని, ట్యాలెంట్ ఉంటే ఏదైనా సాధించగలమని, సాంకేతిక నైపుణ్యం ఉన్న విద్యపై దృష్టి పెట్టాలని, ఇవే మన భవిష్యత్తు మారుస్తాయని అన్నారు. ఇజ్రాయల్ ఇరాన్ యుద్ధం జరుగుతుంది, యుద్ధం కొనసాగితే యూరియా కొరత ఏర్పడే అవకాశం ఉందని ఇబ్బంది లేకుండా రామగుండం ఫ్యాక్టరి ద్వారా, కేంద్ర ప్రభుత్వం ద్వారా అధికంగా యూరియా తెపించుకోవాలని, అభివృద్ధి కోసం అంకితమై ప్రజలు, రైతుల 3500 చొప్పున ఇందిరమ్మ ఇండ్లు సిద్దిపేట , గజ్వేల్, సిరిసిల్ల నియోజక వర్గంలో మొత్తం 10500 మంజూరు చేశామని తెలిపారు. కొడంగల్ నియోజకవర్గంలో ఇంత పెద్ద మొత్తంలో అభివృద్ధి పనులు చేపట్టలేదని అన్నారు. 119 శాసన సభ నియోజక వర్గాలకు సమాన ప్రాతినిధ్యం ఇస్తామని తెలిపారు. వ్యవసాయ శాఖ మంత్రి తుమ్మల నాగేశ్వర రావు మాట్లాడుతూ, వ్యవసాయంలో రైతన్న, నేతన్నలకు ఎన్ని కష్టాలు వచ్చినా సమర్థవంతంగా ఎదురుకుని, రైతాంగానికి మొదటి సంవత్సరంలోనే ఒకే సారి 21 వేల కోట్ల రూపాయల రుణమాఫీ చేసిన ఏకైక ముఖ్యమంత్రి రేవంత్ రెడ్డి అని అన్నారు. రైతుభరోసా 9 వేల కోట్లు 9 రోజుల్లో జమ చేశారని, సన్నబియ్యం పండించిన రైతులకు బోనస్ ఇచ్చారని, రైతు ఏ పంటను పండించుకోవాలన్న దానికి బోనస్ ఇచ్చే ఆలోచన ఉందని అన్నారు., 50 వేల కోట్లతో రిఫైండరీ కూడా ఏర్పాటు చేయడం జరిగిందన్నారు. 9రోజునే 9 వేల కోట్ల రైతు బరోసా కూడా మంజూరు చేశారని తెలిపారు. ఎన్ని పంటలు పండించిన ఏం ఎస్ పి ఇప్పించిన ప్రభుత్వం, ప్రపంచంలో యుద్ధ వాతావరణం ఉన్నప్పటికీ రాష్ట్రంలో ఎలాంటి సమస్యలు లేకుండా చూస్తున్న ప్రభుత్వం. ఒక పంట కాలానికి అవసరమైన దాదాపు 50 వేల కోట్ల మెట్రిక్ టన్నుల యూరియా తెప్పించారని అన్నారు. తెలంగాణను పామ్ ఆయిల్ పంట ను అధికంగా పండించిన రాష్ట్రంగా దేశంలో తెలంగాణ నిలిచిందని అన్నారు. మంత్రి పొన్నం ప్రభాకర్ మాట్లాడుతూ, నర్మెట్ట ఆయిల్ పామ్ ఆయిల్ ప్రారంభించుకోవడంతో పాటు రిఫైండరీ శంకుస్థాపన కూడా చేశారని తెలిపారు. ఎలాంటి నష్టానైన సమర్ధవంతంగా తట్టుకోగల ఆయిల్ పామ్ పంటను సాగు చేయాలని సూచించారు. ఆయిల్ ఫామ్ పంటలో అంతర్ పంటలు కూడా సాగు చేసుకోవచ్చని తెలిపారు. రైతు రాజ్యం, రైతులకోసం పాటుపడే ప్రభుత్వం అని అన్నారు. మంత్రి పొంగులేటి శ్రీనివాసరెడ్డి మాట్లాడుతూ, తెలంగాణలో ప్రతి ఒక్కరికి అండదండగా ఉంటూ ప్రభుత్వం ముందుకు వెళ్తోందని అన్నారు. రైతును రాజును చేసేలా కృషి చేస్తున్న ప్రభుత్వం, భూబారతి ద్వారా అనేక సమస్యలకు పరిష్కారం చూపాం, సాదా బైనామలకు కూడా పరీక్షారం చూపిస్తాం అని, అర్హుడైన ప్రతి పేద వారికి ఇందిరమ్మ ఇళ్లు మంజూరు చేస్తామని తెలిపారు. జిల్లా ఇంచార్జ్ మంత్రి వివేక్ మాట్లాడుతూ, రైతుల పక్షాన 21 వేల కోట్లు ఖర్చు చేసి రుణమాఫీ చేశామాని, 120 నియోజక వర్గాల్లో అడ్వాన్స్ టెక్నాలజీ సెంటర్ ఏర్పాటు చేశామని తెలిపారు. సిద్దిపేట జిల్లాలో సమస్యల పరిష్కారానికి ప్రతేక చర్యలు తీసుకుంటామని ప్రజలకు విశ్వాసం కల్పించారని తెలిపారు. వైద్య ఆరోగ్యశాఖ మంత్రి దామోదర రాజా నరసింహ మాట్లాడుతూ, నాణ్యత తొ కూడిన విద్యను అందించే విధంగా ప్రభుత్వం చర్యలు తీసుకుంటుందని, పంట మార్పిడి తెలంగాణలో చాల అవసరమని, సుమారు 75 వేల పోస్టులు భర్తీ చేశామని, అందులో ఆరోగ్య శాఖ 10 వేల పోస్టులు, రానున్న రోజుల్లో మరో 10 వేల పోస్టులు మంజూరు చేస్తామని, సమస్యలు ఎన్ని ఉన్నా వాటిని సానుకూలంగా పరిష్కరించేందుకు ప్రభుత్వం కృషి చేస్తుందని తెలిపారు. ఈ కార్యక్రమంలో మాజీ స్పీకర్, బాన్స్ వాడ ఎమ్మెల్యే పోచారం శ్రీనివాస్ రెడ్డి, మెదక్ ఎంపీ రఘునందన్ రావు, రాష్ట్ర ప్రభుత్వ సలహాదారు సుదర్శన్ రెడ్డి, ఎంఎల్సిలు అంజిరెడ్డి, మల్క కొమురయ్య, అయిల్ ఫెడ్ చైర్మన్ జంగా రాఘవరెడ్డి, జిల్లా కలెక్టర్ కే. హైమావతి తదితరులు పాల్గొన్నారు. ఈ కార్యక్రమాన్ని రాష్ట్రవ్యాప్తంగా 16 వందల రైతు వేదికల ద్వారా 4 లక్షల మంది రైతులు వీక్షించారు.

వేములవాడలోని శ్రీ రాజరాజేశ్వర స్వామి దేవస్థానంలో నిర్వహిస్తున్న శ్రీ సీతారాముల కళ్యాణోత్సవాల్లో భాగంగా 5వ రోజు సోమవారం పూజా కార్యక్రమాలు భక్తిశ్రద్ధలతో వైభవంగా నిర్వహించబడ్డాయి. ఈ సందర్భంగా శ్రీ సీతారాముల స్వామి వారికి పంచోపనిషత్తు విధానంలో అభిషేకం నిర్వహించారు. అనంతరం శ్రీ రామచంద్ర స్వామివారికి ప్రత్యేక పూజలు నిర్వహించారు. అలాగే శ్రీ రాజరాజేశ్వర స్వామివారికి మహాన్యాస పూర్వక ఏకాదశ రుద్రాభిషేకం, పరివార దేవతార్చనలు ఘనంగా నిర్వహించారు.శ్రీరామ నవరాత్రి సందర్భంగా ఆలయ అర్చకులు రామాయణ పారాయణం, శ్రీరామ గీత, ఆధ్యాత్మిక రామాయణ పారాయణాలను ఏకాంతంగా నిర్వహించారు. సోమవారం సాయంత్రం 4:30 గంటలకు శంకరమఠంలో రామాయణ ప్రవచనం నిర్వహించినట్లు దేవస్థాన అధికారులు తెలిపారు.అలాగే రాజన్న ఆలయ అభివృద్ధి కార్యక్రమాల్లో భాగంగా ఆలయ అర్చకులు, వేద పండితులు ఏకాంత పూజలు నిర్వహించి దేవస్థానం మరింత అభివృద్ధి చెందాలని ప్రత్యేక ప్రార్థనలు చేశారు.

జనగాం జిల్లా:జనగామ పట్టణంలో భగత్ సింగ్, రాజగురు, సుఖ్ దేవ్ 95వ వర్ధంతి సందర్భంగా సీపీఎం జిల్లా కార్యాలయంలో నివాళి కార్యక్రమం నిర్వహించారు. పార్టీ రాష్ట్ర కార్యదర్శివర్గ సభ్యుడు ఎం.డి. అబ్బాస్, జిల్లా కార్యదర్శి మోకు కనకరెడ్డి చిత్రపటాలకు పూలమాలలు వేసి నివాళులర్పించారు. వారి త్యాగాలను స్మరించుకుంటూ ఆశయ సాధనకు కృషి చేయాలని పిలుపునిచ్చారు.

జగిత్యాల, మార్చి 23: జగిత్యాల పట్టణంలోని ఇందిరమ్మ డబుల్ బెడ్‌రూం అర్బన్ కాలనీ (నూకపల్లి) సమీపంలో ఉన్న మున్సిపల్ డంపింగ్ యార్డ్ వల్ల కాలనీ వాసులు తీవ్ర ఇబ్బందులు ఎదుర్కొంటున్నారు. ప్రతిరోజూ భారీగా చెత్తను పడేయడం, తరచుగా దానిని కాల్చడం వల్ల విషపూరిత పొగ, దుర్వాసన కాలనీ అంతటా వ్యాపిస్తున్నాయి. దీంతో చిన్నపిల్లలు, వృద్ధులు, మహిళలు ముఖ్యంగా శ్వాసకోశ సమస్యలు, దగ్గు, అలర్జీలతో బాధపడుతున్నారు. కొందరు ఆసుపత్రుల్లో చేరాల్సిన పరిస్థితి ఏర్పడిందని స్థానికులు తెలిపారు. దీనికి సంబంధించిన వైద్య ఆధారాలు కూడా ఉన్నాయని చెప్పారు. ఈ సమస్యపై మున్సిపల్ అధికారులకు పలుమార్లు ఫిర్యాదు చేసినప్పటికీ ఇప్పటివరకు ఎలాంటి చర్యలు తీసుకోలేదని కాలనీ వాసులు ఆరోపిస్తున్నారు. ప్రజల ఆరోగ్యాన్ని పూర్తిగా నిర్లక్ష్యం చేస్తున్నారని మండిపడుతున్నారు. ఇప్పటికే అనేకసార్లు విజ్ఞప్తులు చేసి విసుగొచ్చిన కాలనీ వాసులు, ఈ పరిస్థితుల్లో అక్కడ నివసించడం సురక్షితం కాదని స్పష్టం చేశారు. డంపింగ్ యార్డ్‌ను వెంటనే తొలగించకపోతే తాము అక్కడ ఉండలేమని, లేకపోతే తమను సురక్షిత ప్రాంతానికి తరలించాలని డిమాండ్ చేశారు. అదేవిధంగా, ప్రస్తుతం కొనసాగుతున్న చెత్త కాల్చే చర్యలను తక్షణమే నిలిపివేసి, ఇప్పటికే ఉన్న మంటలను ఆర్పివేసి పొగ వ్యాప్తిని అరికట్టాలని కోరుతున్నారు. లేకపోతే, ఆందోళనలు, నిరసనలు మరియు చట్టపరమైన చర్యలు చేపట్టడం తప్ప మరో మార్గం ఉండదని కాలనీ వాసులు హెచ్చరించారు.

గజ్వేల్ సిద్దిపేట జిల్లా మార్చి 22 ప్రజా తెలంగాణ న్యూస్/ గజ్వేల్ పట్టణంలోని ఈద్గా వద్ద మరియు ప్రజ్ఞాపూర్ లోని ఈద్గా వద్ద ముస్లిం సోదరులను కలిసి ఈద్-ఉల్-ఫితుర్ ఈద్ ముబారక్ తెలిపిన వంటేరు ప్రతాప్ రెడ్డి మీకు మీ కుటుంబ సభ్యులకు ఈదుల్ ఫితర్ రంజాన్ పండుగ శుభాకాంక్షలు ఈ సందర్భంగా వంటేరు ప్రతాప్ రెడ్డి మాట్లాడుతూ ఆ అల్లా ఆశీస్సులు ఎల్లప్పుడూ మీ పై ఉండాలని కోరుకుంటున్నాను క్రమశిక్షణకు మారుపేరుగా నిలిచే ఈ రంజాన్ పండుగ మీ జీవితంలో సరికొత్త వెలుగులు నింపాలని, ప్రేమ శాంతి సంపదలతో మీ ఇంట్లో సంతోషాలను నింపాలని, రంజాన్ నింపే స్ఫూర్తి నిరంతరం ఉండాలని, సిరి సంపదలతో ఆయురారోగ్యాలతో వర్ధిల్లాలని కోరుకుంటూ మీకు మీ కుటుంబ సభ్యులకు ఈద్ ముబారక్ రంజాన్ పండుగ శుభాకాంక్షలు తెలిపారు మాట్లాడుతూ తెలంగాణ ముఖ్యమంత్రి కేసీఆర్ పాలనలో మైనార్టీలకు రక్షణ ఉండేది అన్నారు, కెసిఆర్ గారు మైనార్టీల అభివృద్ధికి పెద్దపీట వేశారన్నారు. షాదీ ముబారక్ తో పేదింటి ఆడబిడ్డల పెండ్లికి ఆసరాగా ఉన్నారన్నారు. ఇమా మోజోన్లకు సగరవేతరణం చెల్లించాలన్నారు, తెలంగాణ రాష్ట్రంలోని మైనార్టీ సోదరులందరికీ రంజాన్ తోఫా తో పాటు ఇఫ్తార్ విందులను ఇచ్చారన్నారు, తొమ్మిదేళ్ల కెసిఆర్ పాలనలో దాదాపు పదివేల కోట్ల రూపాయలతో మైనార్టీల సంక్షేమం జరిగిందన్నారు, చిరు వ్యాపారులకు 100% సబ్సిడీతో రుణాలను అందించిన ఘనత కేసీఆర్ ది అన్నారు, 3110 మంది యువకులకు స్వయం ఉపాధి కల్పించి శిక్షణ ఇచ్చారన్నారు, 1744 మందికి ఆటోలు 940 మందికి క్యాబ్ లు ఇచ్చి ఆదుకున్నారన్నారు, మహిళల ఉపాధికి చేయూత తెలంగాణ రాష్ట్ర వ్యాప్తంగా కుట్టుమిషన్లు పంపిణీ చేశారన్నారు దాదాపు గజ్వేల్ లోనే 420 కుట్టుమిషన్లు ఇచ్చారన్నారు, అనాథల కోసం 39 కోట్ల రూపాయలతో అనీసులు గుర్భ కార్యక్రమాన్ని చేపట్టి పేదలను ఆదుకున్నారన్నారు, రూపాయలు 8.48 కోట్లతో మక్కా మసీదు పునరుద్ధరణ కార్యక్రమం చేపట్టారన్నారు, తెలంగాణ రాష్ట్ర వ్యాప్తంగా 205 మైనార్టీ గురుకులాలు, 204 జూనియర్ కళాశాలలో లక్షలాదిమంది విద్యార్థులకు ఒక్క విద్యార్థికి లక్ష రూపాయలు ఖర్చు చేసి నాణ్యమైన విద్యతోపాటు భోజనాన్ని అందించి హాస్టల్ వసతులను కల్పించిన ఘనత కేసిఆర్ ది అన్నారు, ఓవర్సీస్ స్కాలర్షిప్ కింద 3310 మంది విదేశీ విద్యకు 20 లక్షల చొప్పున సాయం అందించిన ఘనత కేసిఆర్ ది అన్నారు, మైనార్టీ స్టడీ సర్కిస్తూ తొమ్మిది 9313 మందికి ఉచిత శిక్షణ ఇచ్చిన ఘనత కేసీఆర్ది అన్నారు గజ్వేల్ పట్టణంలో మైనార్టీల సంక్షేమం కోసం దాదాపు 20 కోట్ల రూపాయలతో అభివృద్ధి సంక్షేమ కార్యక్రమాలు చేశారన్నారు, మదీనా మస్జిద్ వద్ద షాపింగ్ కాంప్లెక్స్ నిర్మాణం, షాదీ ఖానా నిర్మాణం, ఈద్గాకు స్థలాల కేటాయింపు, మహిళల కోసం 420 కుట్టు మిషన్లు పంపిణీ, రంజాన్ తోఫా, మైనార్టీ బంధు, లాంటి ఎన్నో సంక్షేమ అభివృద్ధి ఫలాలను గజ్వేల్ పట్టణంలో అందించిన ఘనత కేసీఆర్ గారిది అన్నారు. అబద్దాల పునాదుల మీద ఏర్పడిన కాంగ్రెస్ రేవంత్ రెడ్డి ప్రభుత్వం మైనార్టీలకు చేసింది శూన్యమన్నారు, కాంగ్రెస్ రేవంత్ రెడ్డి ప్రభుత్వంలో ముస్లిం మైనారిటీలకు రక్షణ లేకుండా పోయిందన్నారు, ముస్లిం మైనార్టీల అభివృద్ధి సంక్షేమాన్ని రేవంత్ రెడ్డి గాలికి వదిలేసారని కాంగ్రెస్ పార్టీ ముస్లిం మైనార్టీలను కేవలం ఓటు బ్యాంకుగానే వాడుకుంటుందని మండిపడ్డారు రంజాన్ తోఫాలు అందించడంలో పూర్తిగా రేవంత్ రెడ్డి విఫలమయ్యారన్నారు, కేవలం కాంగ్రెస్ పార్టీ నాయకులకు మాత్రమే రంజాన్ తోఫాలు ఇవ్వడం చాలా దారుణం అన్నారు, కాంగ్రెస్ ప్రభుత్వం రేవంత్ రెడ్డి రంజాన్ తోఫాలను తమ ఇంటి నుంచి ఇవ్వడం లేదని ప్రభుత్వ ఖజానా నుండి ఇస్తున్నారని ఆ మాట మరిచి కేవలం కాంగ్రెస్ నాయకులకు మాత్రమే ఇస్తున్నారని,పేద ముస్లింలకు ఇవ్వకుండా విస్మరించడం చాలా దారుణమని మండిపడ్డారు, కాంగ్రెస్ ప్రభుత్వం రేవంత్ రెడ్డి ముస్లిం మైనార్టీల ఆర్థిక పరిస్థితిని దిగజార్చే విధంగా పాలన విధానాలు ఉన్నాయని మండిపడ్డారు, ముస్లిం మైనార్టీల అభివృద్ధి సంక్షేమ పట్టని ప్రభుత్వం కాంగ్రెస్ ప్రభుత్వం అసమర్థ ముఖ్యమంత్రి రేవంత్ రెడ్డి అన్నారు, ఇప్పటికైనా కాంగ్రెస్ ప్రభుత్వం రేవంత్ రెడ్డి తమ వక్రబుద్ధిని మార్చుకొని ప్రజలందరినీ సమానంగా చూడాలని హితవు పలికారు. ఈ కార్యక్రమంలో గజ్వేల్ మున్సిపాలిటీ చైర్మన్ గంగిశెట్టి చందన రవీందర్, వైస్ చైర్మన్ పద్మాబాయి నర్సింగరావు, మాజీ మార్కెట్ కమిటీ చైర్మన్ మాదాసు శ్రీనివాస్ రాష్ట్ర నాయకులు విరాసత్ అలీ, పట్టణ అధ్యక్షుడు నవాజ్ మీరా, మాజీ మున్సిపల్ వైస్ చైర్మన్ జక్కియోద్దీన్, మాజీ సదర్ సయ్యద్ యూసుఫోదీన్ , కౌన్సిలర్ను బొగ్గుల స్వప్న సురేష్, కాముణి మురళి,మామిడి శ్రీధర్, కప్ప మమతా సంతోష్, మాజీ కౌన్సిలర్లు రహీం, చీర్ల మల్లేశం గుంటూరు రాజు నాయకులు జాఫర్ ఖాన్, అజీజ్, మాజీ ఎంపిటిసి రియాజ్ స్వామి, స్వామి చారి, హనుమంత్ రెడ్డి పుల్ల బీరయ్య , బిఆర్ఎస్ పార్టీ ప్రజా ప్రతినిధులు నాయకులు కార్యకర్తలు ముస్లిం సోదరులు తదితరులు ఉన్నారు

కరీంనగర్ జిల్లా చిగురుమామిడి మండలం రామంచ గ్రామపంచాయతీ పరిధిలోని నర్సింహులపల్లేలో పోచమ్మ బోనాలను ఘనంగా నిర్వహించారు. ప్రకృతి వైపరీత్యాలతో ప్రజలంతా ఇబ్బంది పడుతున్న నేపథ్యంలో రామంచ గ్రామ పంచాయతీ పరిధిలోని నరసింహులపల్లే వాసులు పోచమ్మ బోనాలు నిర్వహించారు. చిన్నాపెద్దా తేడా లేకుండా పెద్దసంఖ్యలో ర్యాలీగా అమ్మవారి ఆలయానికి చేరుకుని బోనాలతో ప్రత్యేక పూజలు నిర్వహించారు. ధూప దీప నైవేద్యాలు సమర్పించి మొక్కులు చెల్లించారు. పాడిపంటలతో ప్రజలందరిని చల్లంగా చూడాలని అమ్మవారిని వేడుకున్నారు. బోనాల వేడుకల్లో సర్పంచ్ ఒంటెల కిషన్ రెడ్డి, రెడ్డి సంఘం ప్రతినిధులు సుధాకర్ రెడ్డి, సాగర్ రెడ్డి, సమ్మిరెడ్డి, విజేందర్ రెడ్డి, రాజిరెడ్డి, శ్రీనివాస్ రెడ్డి, తిరుపతి రెడ్డి, మల్లారెడ్డి పాల్గొన్నారు.