फेक अकाउंट्स आणि बदनामीला लगाम घालणार; सरकारची विशेष समिती स्थापन करण्याची घोषणा फेक अकाउंट्स आणि बदनामीला लगाम घालणार; सरकारची विशेष समिती स्थापन करण्याची घोषणा सोशल मीडियावरील बदनामी रोखण्यासाठी कायदेशीर उपाययोजनांचा अभ्यास सोशल मीडियाच्या माध्यमातून केली जाणारी नाहक बदनामी आणि ‘फेक अकाउंट्स’चा वाढता सुळसुळाट रोखण्यासाठी राज्य सरकारने आता कंबर कसली आहे. यासाठी पोलीस महासंचालकांच्या नेतृत्वाखाली विशेष उच्चस्तरीय समिती स्थापन करण्यात येणार असल्याची घोषणा मुख्यमंत्री देवेंद्र फडणवीस यांनी आज विधानसभेत केली. विधानसभेतील प्रश्नोत्तराच्या तासादरम्यान भाजप आमदार राहुल कुल यांनी सोशल मीडियावरील बदनामीचा मुद्दा आक्रमकपणे उपस्थित केला. सोशल मीडियावर सध्या काही गटांकडून फेक अकाउंट्सच्या माध्यमातून व्यक्तींची प्रतिमा मलीन करण्याचा प्रकार वाढला असून, यामागे एक प्रकारची यंत्रणाच कार्यरत असल्याचा आरोप त्यांनी केला. प्रत्येक नागरिकाला अभिव्यक्ती स्वातंत्र्याचा अधिकार आहे आणि ते जपण्याची जबाबदारी राज्य सरकारची आहे. मात्र फेक अकाउंट्सद्वारे खोटी माहिती पसरवून व्यक्तींची बदनामी केली जात असल्याने यावर सरकार काही कायदा करणार आहे का, असा प्रश्न राहुल कुल यांनी उपस्थित केला. या प्रश्नाला उत्तर देताना मुख्यमंत्री देवेंद्र फडणवीस यांनी सरकारची भूमिका स्पष्ट केली. सोशल मीडियावरील बदनामी रोखण्यासाठी ठोस कायदेशीर तरतूद करणे आवश्यक असल्याचे त्यांनी सांगितले. त्यासाठी पोलीस महासंचालकांच्या अध्यक्षतेखाली एक उच्चस्तरीय समिती स्थापन करण्यात येणार असून, ही समिती सध्याच्या कायद्यात सुधारणा कराव्यात की यासाठी स्वतंत्र नवा कायदा आणावा, याचा सखोल अभ्यास करून सरकारला शिफारस करणार असल्याचे त्यांनी जाहीर केले. मागील काही वर्षांत सोशल मीडियावर अनेक फेक अकाउंट्स सक्रिय झाल्याचे दिसून येत आहे. या अकाउंट्सच्या माध्यमातून द्वेष पसरवणारा मजकूर, चिथावणीखोर वक्तव्ये तसेच खोटी माहिती प्रसारित केली जात असल्याच्या तक्रारी वाढल्या आहेत. त्यामुळे समाजात तेढ निर्माण होण्याची शक्यताही व्यक्त केली जात आहे. या पार्श्वभूमीवर फेक अकाउंट्सवर कठोर कारवाई करण्याची मागणी अनेकदा पुढे आली असून, सरकारच्या या निर्णयामुळे सोशल मीडियावरील गैरप्रकारांवर नियंत्रण येण्याची अपेक्षा व्यक्त केली जात आहे.

पत्रकार ओमप्रकाश उढाण

घनसावंगी, जालना, महाराष्ट्र•

6 hrs ago

फेक अकाउंट्स आणि बदनामीला लगाम घालणार; सरकारची विशेष समिती स्थापन करण्याची घोषणा फेक अकाउंट्स आणि बदनामीला लगाम घालणार; सरकारची विशेष समिती स्थापन करण्याची घोषणा सोशल मीडियावरील बदनामी रोखण्यासाठी कायदेशीर उपाययोजनांचा अभ्यास सोशल मीडियाच्या माध्यमातून केली जाणारी नाहक बदनामी आणि ‘फेक अकाउंट्स’चा वाढता सुळसुळाट रोखण्यासाठी राज्य सरकारने आता कंबर कसली आहे. यासाठी पोलीस महासंचालकांच्या नेतृत्वाखाली विशेष उच्चस्तरीय समिती स्थापन करण्यात येणार असल्याची घोषणा मुख्यमंत्री देवेंद्र फडणवीस यांनी आज विधानसभेत केली. विधानसभेतील प्रश्नोत्तराच्या तासादरम्यान भाजप आमदार राहुल कुल यांनी सोशल मीडियावरील बदनामीचा मुद्दा आक्रमकपणे उपस्थित केला. सोशल मीडियावर सध्या काही गटांकडून फेक अकाउंट्सच्या माध्यमातून व्यक्तींची प्रतिमा मलीन करण्याचा प्रकार वाढला असून, यामागे एक प्रकारची यंत्रणाच कार्यरत असल्याचा आरोप त्यांनी केला. प्रत्येक नागरिकाला अभिव्यक्ती स्वातंत्र्याचा अधिकार आहे आणि ते जपण्याची जबाबदारी राज्य सरकारची आहे. मात्र फेक अकाउंट्सद्वारे खोटी माहिती पसरवून व्यक्तींची बदनामी केली जात असल्याने यावर सरकार काही कायदा करणार आहे का, असा प्रश्न राहुल कुल यांनी उपस्थित केला. या प्रश्नाला उत्तर देताना मुख्यमंत्री देवेंद्र फडणवीस यांनी सरकारची भूमिका स्पष्ट केली. सोशल मीडियावरील बदनामी रोखण्यासाठी ठोस कायदेशीर तरतूद करणे आवश्यक असल्याचे त्यांनी सांगितले. त्यासाठी पोलीस महासंचालकांच्या अध्यक्षतेखाली एक उच्चस्तरीय समिती स्थापन करण्यात येणार असून, ही समिती सध्याच्या कायद्यात सुधारणा कराव्यात की यासाठी स्वतंत्र नवा कायदा आणावा, याचा सखोल अभ्यास करून सरकारला शिफारस करणार असल्याचे त्यांनी जाहीर केले. मागील काही वर्षांत सोशल मीडियावर अनेक फेक अकाउंट्स सक्रिय झाल्याचे दिसून येत आहे. या अकाउंट्सच्या माध्यमातून द्वेष पसरवणारा मजकूर, चिथावणीखोर वक्तव्ये तसेच खोटी माहिती प्रसारित केली जात असल्याच्या तक्रारी वाढल्या आहेत. त्यामुळे समाजात तेढ निर्माण होण्याची शक्यताही व्यक्त केली जात आहे. या पार्श्वभूमीवर फेक अकाउंट्सवर कठोर कारवाई करण्याची मागणी अनेकदा पुढे आली असून, सरकारच्या या निर्णयामुळे सोशल मीडियावरील गैरप्रकारांवर नियंत्रण येण्याची अपेक्षा व्यक्त केली जात आहे.