జగిత్యాల జిల్లాలోని కోరుట్ల సర్కిల్ ఇన్‌స్పెక్టర్ కార్యాలయంలో ఏర్పాటు చేసిన విలేకరుల సమావేశంలో మెట్‌పల్లి డిఎస్పి ఎ. రాములు కీలక వివరాలు వెల్లడించారు. నిన్న రాత్రి అలమయ్యగుట్టలో హత్యకు గురైన 35 ఏళ్ల ఇప్ప కాశిరాం కేసులో, అతడి భార్య రజినిని అరెస్టు చేసినట్లు తెలిపారు. డిఎస్పి వివరించిన వివరాల ప్రకారం, ఇప్ప కాశిరాంకు 14 సంవత్సరాల క్రితం కోరుట్లకు చెందిన రజినీతో వివాహం జరిగింది. వీరికి ఇద్దరు ఆడపిల్లలు, ఒక బాబు ఉన్నారు. గత కొన్ని రోజులుగా కాశిరాం మద్యం తాగి వచ్చి భార్య రజినిని కొడుతూ, పిల్లలను ఇబ్బంది పెడుతున్నాడు. దీనివల్ల తమకు, పిల్లలకు సమస్యలు ఎదురవుతున్నాయని భావించిన రజిని, ఎలాగైనా భర్తను అడ్డు తొలగించుకోవాలని నిర్ణయించుకుంది. సుమారు 20 రోజుల క్రితం కర్రతో దాడి చేసి చంపడానికి ప్రయత్నించగా, ఇరుగుపొరుగు వారు కాపాడి, ఆసుపత్రికి తరలించి కాశిరాం ప్రాణాలు నిలిపారు. అయితే, నిన్న తేదీ 8-7-2026న కాశిరాం కుటుంబ సభ్యులతో మధ్యాహ్నం చెట్ల పండగకు వెళ్లి సాయంత్రం ఇంటికి తిరిగి వచ్చాడు. రాత్రి మళ్లీ బయటకు వెళ్లి ఇంటికి వచ్చిన కాశిరాంను చంపాలనే ఉద్దేశంతో రజిని, తన పిల్లలను ముందుగానే తల్లిగారింటికి పంపింది. రాత్రి 11 గంటల 45 నిమిషాలకు మద్యం సేవించి ఇంటికి వచ్చిన భర్తతో ఉద్దేశపూర్వకంగా గొడవపడిన రజిని, అదే సరైన సమయంగా భావించి ఇంట్లో ఉన్న రోకలిబండతో కాశిరాం తలపై, ఇతర చోట్ల బలంగా కొట్టింది. ఈ దాడిలో తలకు తీవ్ర రక్త గాయాలు కావడంతో కాశిరాం అక్కడికక్కడే మృతి చెందాడు. హత్య అనంతరం రజిని ఇంటి నుంచి పారిపోయి అయ్యప్ప స్వామి ఆలయం వెనకాల ఉన్న బంధువుల ఇంట్లో పడుకుంది. ఈ రోజు పారిపోతుండగా, నమ్మదగిన సమాచారంతో సీఐ, ఎస్ఐ తమ సిబ్బందితో కలిసి నిందితురాలిని అదుపులోకి తీసుకున్నారు. హత్యకు ఉపయోగించిన రోకలిబండను స్వాధీనం చేసుకున్నారు. ఈ దర్యాప్తులో నేరాన్ని రుజువు చేయడానికి సాంకేతిక పరిజ్ఞానాన్ని ఉపయోగించిన సీఐ, ఎస్ఐలను డిఎస్పి అభినందించారు.

అబ్దుల్ ముసవ్విర్

కోరుట్ల, జగిత్యాల, తెలంగాణ•

1 hr ago

జగిత్యాల జిల్లాలోని కోరుట్ల సర్కిల్ ఇన్‌స్పెక్టర్ కార్యాలయంలో ఏర్పాటు చేసిన విలేకరుల సమావేశంలో మెట్‌పల్లి డిఎస్పి ఎ. రాములు కీలక వివరాలు వెల్లడించారు. నిన్న రాత్రి అలమయ్యగుట్టలో హత్యకు గురైన 35 ఏళ్ల ఇప్ప కాశిరాం కేసులో, అతడి భార్య రజినిని అరెస్టు చేసినట్లు తెలిపారు. డిఎస్పి వివరించిన వివరాల ప్రకారం, ఇప్ప కాశిరాంకు 14 సంవత్సరాల క్రితం కోరుట్లకు చెందిన రజినీతో వివాహం జరిగింది. వీరికి ఇద్దరు ఆడపిల్లలు, ఒక బాబు ఉన్నారు. గత కొన్ని రోజులుగా కాశిరాం మద్యం తాగి వచ్చి భార్య రజినిని కొడుతూ, పిల్లలను ఇబ్బంది పెడుతున్నాడు. దీనివల్ల తమకు, పిల్లలకు సమస్యలు ఎదురవుతున్నాయని భావించిన రజిని, ఎలాగైనా భర్తను అడ్డు తొలగించుకోవాలని నిర్ణయించుకుంది. సుమారు 20 రోజుల క్రితం కర్రతో దాడి చేసి చంపడానికి ప్రయత్నించగా, ఇరుగుపొరుగు వారు కాపాడి, ఆసుపత్రికి తరలించి కాశిరాం ప్రాణాలు నిలిపారు. అయితే, నిన్న తేదీ 8-7-2026న కాశిరాం కుటుంబ సభ్యులతో మధ్యాహ్నం చెట్ల పండగకు వెళ్లి సాయంత్రం ఇంటికి తిరిగి వచ్చాడు. రాత్రి మళ్లీ బయటకు వెళ్లి ఇంటికి వచ్చిన కాశిరాంను చంపాలనే ఉద్దేశంతో రజిని, తన పిల్లలను ముందుగానే తల్లిగారింటికి పంపింది. రాత్రి 11 గంటల 45 నిమిషాలకు మద్యం సేవించి ఇంటికి వచ్చిన భర్తతో ఉద్దేశపూర్వకంగా గొడవపడిన రజిని, అదే సరైన సమయంగా భావించి ఇంట్లో ఉన్న రోకలిబండతో కాశిరాం తలపై, ఇతర చోట్ల బలంగా కొట్టింది. ఈ దాడిలో తలకు తీవ్ర రక్త గాయాలు కావడంతో కాశిరాం అక్కడికక్కడే మృతి చెందాడు. హత్య అనంతరం రజిని ఇంటి నుంచి పారిపోయి అయ్యప్ప స్వామి ఆలయం వెనకాల ఉన్న బంధువుల ఇంట్లో పడుకుంది. ఈ రోజు పారిపోతుండగా, నమ్మదగిన సమాచారంతో సీఐ, ఎస్ఐ తమ సిబ్బందితో కలిసి నిందితురాలిని అదుపులోకి తీసుకున్నారు. హత్యకు ఉపయోగించిన రోకలిబండను స్వాధీనం చేసుకున్నారు. ఈ దర్యాప్తులో నేరాన్ని రుజువు చేయడానికి సాంకేతిక పరిజ్ఞానాన్ని ఉపయోగించిన సీఐ, ఎస్ఐలను డిఎస్పి అభినందించారు.