હળવદના માનગઢ ગામે જમીનમાંથી શંકાસ્પદ ગેસ જેવી ગરમ હવા નીકળતા ભયનો માહોલ હળવદ: હળવદ તાલુકાના રણકાંઠાના માનગઢ ગામે બુધવારે સવારથી જમીનમાંથી શંકાસ્પદ ગેસ જેવી ગરમ હવા નીકળવાની ઘટના સામે આવતા ગ્રામજનોમાં ભય અને કુતૂહલનો માહોલ સર્જાયો હતો. માનગઢ ગામની શેરીમાં આવેલા ઇલેક્ટ્રિક થાંભલા નજીકથી અચાનક ગરમ હવા નીકળતી હોવાનું સ્થાનિકોના ધ્યાને આવ્યું હતું. ગરમ હવાના કારણે આસપાસની જમીન પણ ગરમ થતી હોવાનું ગ્રામજનોએ જણાવ્યું હતું. ઘટનાની જાણ થતાં ગામના તલાટી મંત્રીએ મામલતદારને જાણ કરી હતી. ત્યારબાદ મામલતદાર સહિત જમીન-ખનીજ વિભાગની ટીમ તાત્કાલિક સ્થળ પર પહોંચી હતી અને સ્થળ પર તપાસ હાથ ધરી હતી. જમીનમાંથી નીકળતી શંકાસ્પદ હવાનું સેમ્પલ લેવામાં આવ્યું હોવાનું જાણવા મળ્યું છે, જે પૃથક્કરણ માટે મોકલવામાં આવ્યું છે. મામલતદાર નીધીબેન રાઠોડે જણાવ્યું હતું કે, જમીનમાંથી નીકળતી આ હવા કયા પ્રકારના ગેસ અથવા ગરમીના કારણે નીકળી રહી છે તે સેમ્પલના રિપોર્ટ આવ્યા બાદ જ સ્પષ્ટ થશે. ‘તંત્રએ સલામત સ્થળે જવાનું કહ્યું, અમારે અત્યારે ક્યાં જવું?’ માનગઢ ગામના જલ્પેશભાઈ પટેલ અને સંતોષભાઈ પટેલે જણાવ્યું હતું કે, “અમારી શેરીમાં રોડ ઉપર જ આ ઘટના બની છે. તંત્ર દ્વારા સલામત સ્થળે જવાનું કહેવામાં આવ્યું છે, પરંતુ અમારે અત્યારે ક્યાં જવું? તંત્ર આ ઘટનાનું સત્વરે નિરાકરણ લાવે અને ગ્રામજનોમાં રહેલો ભય દૂર કરે.” હાલ સમગ્ર ઘટનાને લઈને ગ્રામજનોમાં ચિંતા જોવા મળી રહી છે અને સેમ્પલના રિપોર્ટ બાદ જ હકીકતમાં જમીનમાંથી નીકળતી ગરમ હવાનું કારણ સ્પષ્ટ થશે. રિપોર્ટ રમેશ ઠાકોર હળવદ

Ramesh thakor Halvad Morbi

Local News Reporter હળવદ, મોરબી, ગુજરાત•

19 hrs ago

હળવદના માનગઢ ગામે જમીનમાંથી શંકાસ્પદ ગેસ જેવી ગરમ હવા નીકળતા ભયનો માહોલ હળવદ: હળવદ તાલુકાના રણકાંઠાના માનગઢ ગામે બુધવારે સવારથી જમીનમાંથી શંકાસ્પદ ગેસ જેવી ગરમ હવા નીકળવાની ઘટના સામે આવતા ગ્રામજનોમાં ભય અને કુતૂહલનો માહોલ સર્જાયો હતો. માનગઢ ગામની શેરીમાં આવેલા ઇલેક્ટ્રિક થાંભલા નજીકથી અચાનક ગરમ હવા નીકળતી હોવાનું સ્થાનિકોના ધ્યાને આવ્યું હતું. ગરમ હવાના કારણે આસપાસની જમીન પણ ગરમ થતી હોવાનું ગ્રામજનોએ જણાવ્યું હતું. ઘટનાની જાણ થતાં ગામના તલાટી મંત્રીએ મામલતદારને જાણ કરી હતી. ત્યારબાદ મામલતદાર સહિત જમીન-ખનીજ વિભાગની ટીમ તાત્કાલિક સ્થળ પર પહોંચી હતી અને સ્થળ પર તપાસ હાથ ધરી હતી. જમીનમાંથી નીકળતી શંકાસ્પદ હવાનું સેમ્પલ લેવામાં આવ્યું હોવાનું જાણવા મળ્યું છે, જે પૃથક્કરણ માટે મોકલવામાં

આવ્યું છે. મામલતદાર નીધીબેન રાઠોડે જણાવ્યું હતું કે, જમીનમાંથી નીકળતી આ હવા કયા પ્રકારના ગેસ અથવા ગરમીના કારણે નીકળી રહી છે તે સેમ્પલના રિપોર્ટ આવ્યા બાદ જ સ્પષ્ટ થશે. ‘તંત્રએ સલામત સ્થળે જવાનું કહ્યું, અમારે અત્યારે ક્યાં જવું?’ માનગઢ ગામના જલ્પેશભાઈ પટેલ અને સંતોષભાઈ પટેલે જણાવ્યું હતું કે, “અમારી શેરીમાં રોડ ઉપર જ આ ઘટના બની છે. તંત્ર દ્વારા સલામત સ્થળે જવાનું કહેવામાં આવ્યું છે, પરંતુ અમારે અત્યારે ક્યાં જવું? તંત્ર આ ઘટનાનું સત્વરે નિરાકરણ લાવે અને ગ્રામજનોમાં રહેલો ભય દૂર કરે.” હાલ સમગ્ર ઘટનાને લઈને ગ્રામજનોમાં ચિંતા જોવા મળી રહી છે અને સેમ્પલના રિપોર્ટ બાદ જ હકીકતમાં જમીનમાંથી નીકળતી ગરમ હવાનું કારણ સ્પષ્ટ થશે. રિપોર્ટ રમેશ ઠાકોર હળવદ