प्रवासी वाहतूक चालकांनी कल्याणकारी मंडळाचे सभासदत्व घ्यावे ज्येष्ठ चालकांना १० हजार रुपये सन्मान निधी; आरटीओतर्फे जनजागृती मोहीम पुणे, दि. १५ : महाराष्ट्र शासनाच्या ‘धर्मवीर आनंद दिघे साहेब महाराष्ट्र प्रवासी वाहतूक चालक कल्याणकारी मंडळा’मार्फत राज्यातील प्रवासी वाहतूक चालकांच्या सामाजिक, आर्थिक व कौटुंबिक सुरक्षेसाठी विविध कल्याणकारी योजना राबविण्यात येत आहेत. मंडळाच्या पात्र ज्येष्ठ सभासद चालकांना १० हजार रुपये सन्मान निधी देण्यात येत असून, या योजनांची माहिती अधिकाधिक चालकांपर्यंत पोहोचविण्यासाठी प्रादेशिक परिवहन कार्यालय, पुणे यांच्यातर्फे जिल्ह्यात जनजागृती मोहीम राबविण्यात येत आहे. ऑटो रिक्षा, मीटर टॅक्सी, कॅब, अॅपआधारित ओला-उबर वाहने तसेच पर्यटन वाहनांच्या चालकांसाठी आरोग्य विमा व वैद्यकीय मदत, अपघाती विमा संरक्षण, तातडीची आर्थिक मदत, मुलांच्या उच्च शिक्षणासाठी शिष्यवृत्ती, कौशल्यवृद्धी योजना आदी सुविधा उपलब्ध आहेत. नवीन ऑटो रिक्षा किंवा मीटर टॅक्सी तसेच गृहखरेदीसाठी कर्ज सुविधा आणि ६५ वर्षांवरील पात्र चालकांसाठी निवृत्ती सन्मान योजनेंतर्गत सानुग्रह अनुदानाचीही तरतूद आहे. १ जानेवारी २०२६ रोजी वयाची ६५ वर्षे पूर्ण केलेल्या व मंडळाचे सभासद असलेल्या पात्र चालकांना १० हजार रुपयांचा सन्मान निधी देण्यात येत आहे. पात्र चालकांनी मंडळाच्या अधिकृत संकेतस्थळावर ऑनलाइन सभासद नोंदणी करावी. सभासदत्वासाठी नोंदणी व ओळखपत्र शुल्क ५०० रुपये आणि वार्षिक सभासद शुल्क ३०० रुपये, असे एकूण ८०० रुपये शुल्क आहे. अनुज्ञप्ती, बॅच, परवाना, आधार कार्ड, पॅन कार्ड व रेशन कार्ड आदी कागदपत्रे आवश्यक आहेत. कल्याणकारी योजनांचा लाभ घ्या’ या आवाहनासह सर्व पात्र चालकांनी मोठ्या संख्येने सभासदत्व स्वीकारावे, असे आवाहन प्रादेशिक परिवहन कार्यालय, पुणे यांच्यातर्फे करण्यात आले आहे.

Indian crime news pune

हवेली, पुणे, महाराष्ट्र•

4 hrs ago

प्रवासी वाहतूक चालकांनी कल्याणकारी मंडळाचे सभासदत्व घ्यावे ज्येष्ठ चालकांना १० हजार रुपये सन्मान निधी; आरटीओतर्फे जनजागृती मोहीम पुणे, दि. १५ : महाराष्ट्र शासनाच्या ‘धर्मवीर आनंद दिघे साहेब महाराष्ट्र प्रवासी वाहतूक चालक कल्याणकारी मंडळा’मार्फत राज्यातील प्रवासी वाहतूक चालकांच्या सामाजिक, आर्थिक व कौटुंबिक सुरक्षेसाठी विविध कल्याणकारी योजना राबविण्यात येत आहेत. मंडळाच्या पात्र ज्येष्ठ सभासद चालकांना १० हजार रुपये सन्मान निधी देण्यात येत असून, या योजनांची माहिती अधिकाधिक चालकांपर्यंत पोहोचविण्यासाठी प्रादेशिक परिवहन कार्यालय, पुणे यांच्यातर्फे जिल्ह्यात जनजागृती मोहीम राबविण्यात येत आहे. ऑटो रिक्षा, मीटर टॅक्सी, कॅब, अॅपआधारित ओला-उबर वाहने तसेच पर्यटन वाहनांच्या चालकांसाठी आरोग्य विमा व वैद्यकीय मदत, अपघाती विमा संरक्षण, तातडीची आर्थिक मदत, मुलांच्या उच्च शिक्षणासाठी शिष्यवृत्ती, कौशल्यवृद्धी योजना आदी सुविधा उपलब्ध आहेत. नवीन ऑटो रिक्षा किंवा मीटर टॅक्सी तसेच गृहखरेदीसाठी कर्ज सुविधा आणि ६५ वर्षांवरील पात्र चालकांसाठी निवृत्ती सन्मान योजनेंतर्गत सानुग्रह अनुदानाचीही तरतूद आहे. १ जानेवारी २०२६ रोजी वयाची ६५ वर्षे पूर्ण केलेल्या व मंडळाचे सभासद असलेल्या पात्र चालकांना १० हजार रुपयांचा सन्मान निधी देण्यात येत आहे. पात्र चालकांनी मंडळाच्या अधिकृत संकेतस्थळावर ऑनलाइन सभासद नोंदणी करावी. सभासदत्वासाठी नोंदणी व ओळखपत्र शुल्क ५०० रुपये आणि वार्षिक सभासद शुल्क ३०० रुपये, असे एकूण ८०० रुपये शुल्क आहे. अनुज्ञप्ती, बॅच, परवाना, आधार कार्ड, पॅन कार्ड व रेशन कार्ड आदी कागदपत्रे आवश्यक आहेत. कल्याणकारी योजनांचा लाभ घ्या’ या आवाहनासह सर्व पात्र चालकांनी मोठ्या संख्येने सभासदत्व स्वीकारावे, असे आवाहन प्रादेशिक परिवहन कार्यालय, पुणे यांच्यातर्फे करण्यात आले आहे.