બનાસકાંઠાના થરાદમાં અગિયારસના પાવન દિવસે કૈલાશ માનસરોવર યાત્રા અને શ્રી શિવ કથાના વિરામ બાદ દેવાધિદેવ મહાદેવ તથા ઠાકોરજીની અસીમ કૃપાથી પરિવારના આંગણે શ્રી શિવ મહાપુરાણ પોથીની ભવ્ય પધરામણી કરવામાં આવી છે. તા. ૧૧/૭/૨૦૨૭ ના રોજ આ પવિત્ર પ્રસંગે શ્રદ્ધાળુ પરિવારે પોતાના આંગણે પોથીજીનું ભાવભેર સ્વાગત કરીને ધન્યતાની અનુભૂતિ કરી છે. આ મંગલમય અવસરે સમગ્ર પરિવારે 'જય સીયારામ', 'મહાદેવ હર' અને 'જય શ્રી કૃષ્ણ' ના જયઘોષ સાથે ભક્તિભાવપૂર્વક ધન્યતા વ્યક્ત કરી છે।

બનાસકાંઠાના વાવ-થરાદ પંથકના સવપુરા ગામે ઠાકોર સમાજનું એક ભવ્ય મહાસંમેલન યોજાયું હતું.

બનાસકાંઠા જિલ્લાના થરાદ તાલુકાના ઈઢાટા સીમ વિસ્તારમાં એક આખલો ઢીમા બ્રાંચમાં ખાબક્યો હતો. આ ઘટના સામે આવ્યા બાદ સ્થાનિક ગૌ ભક્તોએ તાત્કાલિક ભારે મહેનત હાથ ધરીને આ આખલાને સુરક્ષિત રીતે બહાર કાઢી તેનો જીવ બચાવી લીધો હતો.

પાટણ જિલ્લાના રાધનપુર ખાતે ઠાકોર સમાજની છાત્રાલયના વિવાદમાં હવે ડૉ. ગોવિંદજી ઠાકોરે કડક અલ્ટીમેટમ આપી દીધું છે.

પાટણ જિલ્લામાં રથયાત્રા પૂર્વે પોલીસ દ્વારા ચલાવવામાં આવેલી કોમ્બિંગ નાઇટ દરમિયાન એલસીબીને મોટી સફળતા મળી છે. હારીજ તાલુકાના જાસ્કા ગામની સીમમાં અરીઠાવાળા આંટા વિસ્તારમાં આવેલી એક ખેતરની ઓરડીમાં જાણીતી બ્રાન્ડ બ્લેન્ડર્સ પ્રાઇડના નામે ડુપ્લીકેટ વિદેશી દારૂ બનાવતી ગેરકાયદેસર ફેક્ટરી પર પોલીસે દરોડો પાડ્યો હતો. આ કાર્યવાહી દરમિયાન પોલીસે ભરતસિંહ ભીખુજી રાઠોડ, ચાંપરાજ સોમભાઈ કાઠી અને કુંવરસિંહ શીવુજી ઝાલા નામના ત્રણ આરોપીઓને ઝડપી પાડ્યા છે, જ્યારે રાજસ્થાનનો શિવરાજ મારવાડી નામનો એક આરોપી ફરાર થઈ ગયો છે. આ દરોડો પોલીસ મહાનિરીક્ષક પરીક્ષિતા રાઠોડ અને જિલ્લા પોલીસ અધિક્ષક વી.કે. નાયીના માર્ગદર્શન હેઠળ એલસીબીના પોલીસ ઇન્સ્પેક્ટર આર.જી. ઉનાગરની ટીમે ચોક્કસ બાતમીના આધારે પાડ્યો હતો. પોલીસે ઘટનાસ્થળેથી 60 શીલબંધ વિદેશી દારૂની બોટલો, 700 ખાલી બોટલો, 700 ઢાંકણાં, સ્ટીકરના રોલ, સીલિંગ સામગ્રી અને મોબાઇલ ફોન સહિત કુલ રૂ. 77,100નો મુદ્દામાલ જપ્ત કર્યો છે. આ મામલે હારીજ પોલીસ સ્ટેશનમાં ગુનો નોંધીને નકલી દારૂના આ રેકેટમાં અન્ય કોઈ વ્યક્તિ સામેલ છે કે નહીં તે દિશામાં તપાસ શરૂ કરવામાં આવી છે.

વાવ થરાદ જિલ્લાના થરાદ તાલુકાના પીરગઢ ગામે એક મારામારીની ઘટના સામે આવી છે. આ ઘટના દરમિયાન એક મહિલા સહિત તેના પરિવાર પર હુમલો કરવામાં આવ્યો હોવાનો આક્ષેપ કરવામાં આવ્યો છે.

પાટણના રાધનપુરમાં કચ્છ-વાગડ-પાટણ-વઢિયાર-ગાંધીનગર વિસ્તારના કોલી ઠાકોર નિરાશ્રીત સમાજનું ભવ્ય મહાસંમેલન યોજાયું હતું. આ મહાસંમેલનમાં સગાઈ, લગ્ન અને અન્ય સામાજિક પ્રસંગોમાં થતા બિનજરૂરી દેખાડા અને ખોટા ખર્ચા અટકાવીને તેમાંથી બચેલા નાણાં બાળકોના શિક્ષણ પાછળ વાપરવાનો સંકલ્પ લેવાયો છે. રાધનપુરના મસાલી રોડ સ્થિત સમાજની વાડીમાં આયોજિત આ કાર્યક્રમમાં વરાણા ભાણ સાહેબ આશ્રમના ભાણ સાહેબ, સુખદેવ બાપુ, જયપાલ બાપુ સહિત મોટી સંખ્યામાં સંતો, અગ્રણીઓ, યુવાનો અને મહિલાઓ જોડાયા હતા. સંમેલનમાં શિક્ષણનો વ્યાપ વધારવા, સંગઠનને મજબૂત કરવા અને બચતના નાણાં સ્પર્ધાત્મક પરીક્ષાઓની તૈયારીઓ તેમજ સમાજના વિકાસ પાછળ વાપરવા અપીલ કરાઈ હતી. સાથોસાથ વિદ્યાર્થીઓ માટે આધુનિક હોસ્ટેલ, લાઈબ્રેરી અને નવી ભવ્ય વાડી બનાવવાની યોજનાઓની પણ જાહેરાત કરાઈ છે.

થરાદ વાવ રોડ પર આવેલા ગોકુળ ગામમાં ગુરુ બ્રાહ્મણ સમાજની વાડીમાં એક સામાજિક પ્રસંગ દરમિયાન સસરા અને જમાઈ વચ્ચે ભારે હોબાળો અને ઝઘડો થયો હતો. આ વિવાદમાં જમાઈ અને તેમના કાકાને ઢોર માર મારવામાં આવ્યો હતો. આ હુમલા બાદ ઈજાગ્રસ્ત થયેલા બંને લોકોને તાત્કાલિક ૧૦૮ એમ્બ્યુલન્સ મારફતે થરાદની સરકારી હોસ્પિટલમાં સારવાર અર્થે દાખલ કરવામાં આવ્યા છે.