୨୬ରୁ ଘଣ୍ଟାଏ ରୋଗୀ ସେବା କରିବେନି ଡାକ୍ତର ଓମସା କୁଚିଣ୍ଡା ଶାଖା ପକ୍ଷରୁ ଉପଜିଲ୍ଲାପାଳଙ୍କୁ ଦାବିପତ୍ର କୁଚିଣ୍ଡା,୨୫।୧୨ ସମ୍ବଲପୁର ଜିଲ୍ଲା କୁଚିଣ୍ଡା ଉପଖଣ୍ଡରେ ଡ଼ାକ୍ତରଖାନାରେ ଗୁରୁବାର ଠାରୁ ଦାବି ପୂରଣ ପର୍ଯ୍ୟନ୍ତ ଉପଖଣ୍ଡ ଓମସା(ଓଡ଼ିଶା ମେଡ଼ିକାଲ ସର୍ଭିସ୍ ଆସୋସିଏସନ୍) ପକ୍ଷରୁ କୁଚିଣ୍ଡା ଉପଜିଲ୍ଲାପାଳଙ୍କୁ ଏକ ସ୍ମାରକପତ୍ର ପ୍ରଦାନ କରାଯାଇଛି। ଉପଖଣ୍ଡ ଓମସା ସଭାପତି ଡ଼ା.ସୁବୋଧ କୁମାର ନାୟକ ଓ ସମ୍ପାଦକ ଡା.ସିଦ୍ଧାର୍ଥ କୁମାର ମିଶ୍ରଙ୍କ ନେତୃତ୍ୱରେ ବୁଧବାର ଉପଜିଲ୍ଲାପାଳ ସରୱନନ୍ ସଙ୍କୁ ସ୍ମାରକପତ୍ର ପ୍ରଦାନ କରିଛନ୍ତି।ପ୍ରଦତ୍ତ ପତ୍ରରେ ସେମାନେ ସୂଚିତ କରିଛନ୍ତି ପ୍ରାୟ ଦୁଇ ବର୍ଷ ହେବ ଓମସା ବିଭିନ୍ନ ଦାବି ଏବଂ ତୁରନ୍ତ ଏହାର ସମାଧାନ ପାଇଁ ନିରନ୍ତର ଭାବେ ଦାଵି କରି ଆସୁଛି।ହେଲେ ସରକାରରଙ୍କ ପକ୍ଷରୁ ଏଦିଗରେ ସାମାନ୍ୟତମ ଆନ୍ତରିକତା ପ୍ରକାଶ ପାଇନାହିଁ। ଯେଉଁଥିପାଇଁ କି ଗତ ନଭେମ୍ବର ୨୦ରୁ ଡାକ୍ତରମାନେ କଳା ବ୍ୟାଚ ପରିଧାନ ପୂର୍ବକ ପ୍ରତିବାଦ କରି ଆସୁଛନ୍ତି।ତେଣୁ ବାଧ୍ୟହୋଇ ଗୁରୁବାର ଠାରୁ ଅନିର୍ଦ୍ଦିଷ୍ଟ ସମୟ ପର୍ଯ୍ୟନ୍ତ ପୂର୍ବାହ୍ନ ୧୦ରୁ ୧୧ଟା ପର୍ଯ୍ୟନ୍ତ ବହିର୍ଵିଭାଗ(ଓପିଡି)ରେ ଯୋଗ ଦେବେ ନାହିଁ।ଏଥିସହ ସ୍ୱାସ୍ଥ୍ୟ ସମ୍ପର୍କିତ ସମସ୍ତ ଜାତୀୟ କାର୍ଯ୍ୟକ୍ରମକୁ ବର୍ଜନ କରିବାକୁ ଚେତାବନୀ ଦେଇଛନ୍ତି। ଉପଜିଲ୍ଲାପାଳଙ୍କ ଅନୁପସ୍ଥିତିରେ ଡେପୁଟି କଲେକ୍ଟର ଲୋଚନ ଶବର ଦାବିପତ୍ର ଗ୍ରହଣ କରିଥିଲେ।ଏହି କାର୍ଯ୍ୟକ୍ରମରେ ବା.ମନୋଜ କୁମାର ପଟେଲ,ଡ଼ା.ସୁଶାନ୍ତ କୁମାର ମିଶ୍ର,ଡ଼ା.ଚିତ୍ତରଞ୍ଜନ ଦାସ,ଡ଼ା.ଵିଜୟ କୁମାର ପ୍ରଧାନ,ଡ଼ା.ସୁଦୀପ୍ତ ନାଏକ ପ୍ରମୁଖ ସାମିଲ ହୋଇଥିଲେ।

Tanaya Mahapatra

Journalist Kochinda, Sambalpur•

9 hrs ago

Sundargarh Rajapur ka khabar