बीड शहरातील नाळवंडी नाका ते पिंपळनेर मार्गाची अवस्था अत्यंत दयनीय झाली असून, नगरपालिकेची पाणीपुरवठा पाईपलाईन फुटल्यामुळे रस्त्यावर मोठ्या प्रमाणात पाणी साचले आहे. यामुळे रस्त्यावर दीड ते दोन फूट खोल खड्डे पडले असून, त्यात पावसाचे पाणी साचल्यामुळे वाहनचालक, महाविद्यालयीन विद्यार्थी आणि पादचाऱ्यांना प्रचंड त्रास सहन करावा लागत आहे. हा मार्ग बीड-नाथापूर, पिंपळनेर आणि माजलगाव या भागांना जोडणारा अत्यंत महत्त्वाचा रस्ता आहे. याच मार्गावरून दररोज आदित्य मेडिकल कॉलेज, खंडेश्वरी मंदिर, शासकीय आयटीआय, एमआयडीसी आणि नवीन मोंढा परिसरात हजारो नागरिकांची ये-जा सुरू असते. मात्र, फुटलेल्या पाईपलाईनमधून सतत वाहणारे पाणी आणि सध्या सुरू असलेला पाऊस यामुळे रस्त्याची स्थिती आणखी गंभीर झाली असून, अनेक ठिकाणी गुडघ्याएवढे खड्डे निर्माण झाले आहेत. या जीवघेण्या खड्ड्यांमुळे अपघातांचा धोका मोठ्या प्रमाणात वाढला असून, दुचाकीस्वारांना येथून प्रवास करताना मोठी कसरत करावी लागत आहे. पादचाऱ्यांनाही जीव मुठीत धरून प्रवास करावा लागत असल्याने स्थानिक नागरिक, विद्यार्थी आणि वाहनचालकांनी नगरपालिकेच्या कार्यपद्धतीबाबत तीव्र नाराजी व्यक्त केली आहे. फुटलेली पाईपलाईन तात्काळ दुरुस्त करून रस्त्यावरील खड्डे बुजवावेत आणि नगरपालिकेने यावर कायमस्वरूपी उपाययोजना करावी, अशी जोरदार मागणी नागरिकांकडून केली जात आहे.

बालाजी जगतकर

Farmer बीड, बीड, महाराष्ट्र•

1 day ago

बीड शहरातील नाळवंडी नाका ते पिंपळनेर मार्गाची अवस्था अत्यंत दयनीय झाली असून, नगरपालिकेची पाणीपुरवठा पाईपलाईन फुटल्यामुळे रस्त्यावर मोठ्या प्रमाणात पाणी साचले आहे. यामुळे रस्त्यावर दीड ते दोन फूट खोल खड्डे पडले असून, त्यात पावसाचे पाणी साचल्यामुळे वाहनचालक, महाविद्यालयीन विद्यार्थी आणि पादचाऱ्यांना प्रचंड त्रास सहन करावा लागत आहे. हा मार्ग बीड-नाथापूर, पिंपळनेर आणि माजलगाव या भागांना जोडणारा अत्यंत महत्त्वाचा रस्ता आहे. याच मार्गावरून दररोज आदित्य मेडिकल कॉलेज, खंडेश्वरी मंदिर, शासकीय आयटीआय, एमआयडीसी आणि नवीन मोंढा परिसरात हजारो नागरिकांची ये-जा सुरू असते. मात्र, फुटलेल्या पाईपलाईनमधून सतत वाहणारे पाणी आणि सध्या सुरू असलेला पाऊस यामुळे रस्त्याची स्थिती आणखी गंभीर झाली असून, अनेक ठिकाणी गुडघ्याएवढे खड्डे निर्माण झाले आहेत. या जीवघेण्या खड्ड्यांमुळे अपघातांचा धोका मोठ्या प्रमाणात वाढला असून, दुचाकीस्वारांना येथून प्रवास करताना मोठी कसरत करावी लागत आहे. पादचाऱ्यांनाही जीव मुठीत धरून प्रवास करावा लागत असल्याने स्थानिक नागरिक, विद्यार्थी आणि वाहनचालकांनी नगरपालिकेच्या कार्यपद्धतीबाबत तीव्र नाराजी व्यक्त केली आहे. फुटलेली पाईपलाईन तात्काळ दुरुस्त करून रस्त्यावरील खड्डे बुजवावेत आणि नगरपालिकेने यावर कायमस्वरूपी उपाययोजना करावी, अशी जोरदार मागणी नागरिकांकडून केली जात आहे.