सामाजिक, पर्यावरण व शिक्षण क्षेत्रातील संशोधक सोनम वांगचुक यांच्या शांततामय आंदोलनावर झालेल्या कथित कारवाईचा तीव्र निषेध नोंदवत महाराष्ट्र अंधश्रद्धा निर्मूलन समितीच्या (म.अं.नि.स.) बीड शाखेच्या वतीने भारताच्या राष्ट्रपतींना बीड जिल्हाधिकार्‍यांमार्फत निवेदन सादर करण्यात आले आहे. लोकशाही व्यवस्थेत नागरिकांना शांततापूर्ण आंदोलन करण्याचा घटनात्मक अधिकार असून, विद्यार्थ्यांच्या भविष्याशी निगडित प्रश्नांवर आवाज उठविणाऱ्या सोनम वांगचुक यांच्या आंदोलनाकडे संवेदनशीलतेने पाहण्याऐवजी त्यांना जंतर-मंतर येथून हटविण्याच्या कारवाईचा या निवेदनात निषेध व्यक्त करण्यात आला. समितीने आपल्या निवेदनात आंदोलनादरम्यान झालेली पोलिसी कारवाई आणि आंदोलनकर्त्यांवरील कथित बळाच्या वापराचा मुद्दा उपस्थित केला आहे. सोनम वांगचुक यांच्या आरोग्याविषयी पारदर्शक माहिती तात्काळ उपलब्ध करून देण्याची मागणी करतानाच, त्यांच्या प्रकृतीबाबत कुटुंबियांना संपूर्ण माहिती देण्यात यावी आणि आवश्यक असल्यास स्वतंत्र वैद्यकीय सल्ल्याची संधी उपलब्ध करून द्यावी, असेही निवेदनात म्हटले आहे. याशिवाय, राष्ट्रीय स्तरावरील नीट (NEET), टीईटी (TET) आणि इतर परीक्षांमधील कथित गैरव्यवहार, पेपरफुटी व परीक्षा प्रक्रियेतील त्रुटींमुळे विद्यार्थ्यांचे मोठे नुकसान होत असल्याचे स्पष्ट करत, ही संपूर्ण परीक्षा व्यवस्था अधिक पारदर्शक, सुरक्षित आणि विश्वासार्ह करण्याची मागणी करण्यात आली आहे. केंद्र शासनाने विद्यार्थ्यांच्या भविष्याशी संबंधित प्रश्नांवर सकारात्मक संवाद साधून योग्य तो निर्णय घ्यावा, असे आवाहनही करण्यात आले आहे. राष्ट्रपतींकडे पाठवलेल्या या निवेदनात सोनम वांगचुक व त्यांच्या सहकाऱ्यांच्या सुरक्षिततेची हमी देऊन त्यांच्या मागण्यांचा गांभीर्याने विचार करावा आणि लोकशाही मूल्यांचा सन्मान राखावा, अशी आग्रही मागणी करण्यात आली आहे. हे निवेदन सादर करताना प्राचार्य डॉ. सविता शेटे (राज्य कार्यवाह, विवेकवाहिनी), प्राचार्य कॉ. डी. जी. तांदळे (जिल्हा उपाध्यक्ष, म.अं.नि.स.), विजय घेवारे (कार्याध्यक्ष), अॅड. करुणा टाकसाळ (प्रधान सचिव), शुभांगी कुलकर्णी (जिल्हा सहकार्यवाह, महिला सहभाग विभाग) आणि अॅड. अंबादास आगे यांच्यासह महाराष्ट्र अंधश्रद्धा निर्मूलन समितीचे पदाधिकारी, कार्यकर्ते आणि नागरिक मोठ्या संख्येने उपस्थित होते.

बालाजी जगतकर

Farmer बीड, बीड, महाराष्ट्र•

18 hrs ago

सामाजिक, पर्यावरण व शिक्षण क्षेत्रातील संशोधक सोनम वांगचुक यांच्या शांततामय आंदोलनावर झालेल्या कथित कारवाईचा तीव्र निषेध नोंदवत महाराष्ट्र अंधश्रद्धा निर्मूलन समितीच्या (म.अं.नि.स.) बीड शाखेच्या वतीने भारताच्या राष्ट्रपतींना बीड जिल्हाधिकार्‍यांमार्फत निवेदन सादर करण्यात आले आहे. लोकशाही व्यवस्थेत नागरिकांना शांततापूर्ण आंदोलन करण्याचा घटनात्मक अधिकार असून, विद्यार्थ्यांच्या भविष्याशी निगडित प्रश्नांवर आवाज उठविणाऱ्या सोनम वांगचुक यांच्या आंदोलनाकडे संवेदनशीलतेने पाहण्याऐवजी त्यांना जंतर-मंतर येथून हटविण्याच्या कारवाईचा या निवेदनात निषेध व्यक्त करण्यात आला. समितीने आपल्या निवेदनात आंदोलनादरम्यान झालेली पोलिसी कारवाई आणि आंदोलनकर्त्यांवरील कथित बळाच्या वापराचा मुद्दा उपस्थित केला आहे. सोनम वांगचुक यांच्या आरोग्याविषयी पारदर्शक माहिती तात्काळ उपलब्ध करून देण्याची मागणी करतानाच, त्यांच्या प्रकृतीबाबत कुटुंबियांना संपूर्ण माहिती देण्यात यावी आणि आवश्यक असल्यास स्वतंत्र वैद्यकीय सल्ल्याची संधी उपलब्ध करून द्यावी, असेही निवेदनात म्हटले आहे. याशिवाय, राष्ट्रीय स्तरावरील नीट (NEET), टीईटी (TET) आणि इतर परीक्षांमधील

कथित गैरव्यवहार, पेपरफुटी व परीक्षा प्रक्रियेतील त्रुटींमुळे विद्यार्थ्यांचे मोठे नुकसान होत असल्याचे स्पष्ट करत, ही संपूर्ण परीक्षा व्यवस्था अधिक पारदर्शक, सुरक्षित आणि विश्वासार्ह करण्याची मागणी करण्यात आली आहे. केंद्र शासनाने विद्यार्थ्यांच्या भविष्याशी संबंधित प्रश्नांवर सकारात्मक संवाद साधून योग्य तो निर्णय घ्यावा, असे आवाहनही करण्यात आले आहे. राष्ट्रपतींकडे पाठवलेल्या या निवेदनात सोनम वांगचुक व त्यांच्या सहकाऱ्यांच्या सुरक्षिततेची हमी देऊन त्यांच्या मागण्यांचा गांभीर्याने विचार करावा आणि लोकशाही मूल्यांचा सन्मान राखावा, अशी आग्रही मागणी करण्यात आली आहे. हे निवेदन सादर करताना प्राचार्य डॉ. सविता शेटे (राज्य कार्यवाह, विवेकवाहिनी), प्राचार्य कॉ. डी. जी. तांदळे (जिल्हा उपाध्यक्ष, म.अं.नि.स.), विजय घेवारे (कार्याध्यक्ष), अॅड. करुणा टाकसाळ (प्रधान सचिव), शुभांगी कुलकर्णी (जिल्हा सहकार्यवाह, महिला सहभाग विभाग) आणि अॅड. अंबादास आगे यांच्यासह महाराष्ट्र अंधश्रद्धा निर्मूलन समितीचे पदाधिकारी, कार्यकर्ते आणि नागरिक मोठ्या संख्येने उपस्थित होते.