देशभरातील परीक्षा व्यवस्थेतील कथित गैरप्रकार, पेपरफुटीच्या घटना आणि विद्यार्थ्यांवरील लाठीमाराच्या निषेधार्थ विद्यार्थी-युवक संघर्ष समितीच्या वतीने शुक्रवारी जालना जिल्हाधिकारी कार्यालयासमोर जोरदार ठिय्या आंदोलन करण्यात आले. आंदोलनादरम्यान विद्यार्थ्यांनी प्रशासन आणि केंद्र सरकारविरोधात जोरदार घोषणाबाजी करत संपूर्ण परिसर दणाणून सोडला. आंदोलनानंतर आंदोलकांनी जिल्हाधिकाऱ्यांमार्फत भारताच्या राष्ट्रपतींना निवेदन सादर करून परीक्षा प्रक्रियेत पारदर्शकता आणणे व दोषींवर कठोर कारवाई करण्याची मागणी केली. निवेदनात दिल्लीतील शांततापूर्ण विद्यार्थी आंदोलनावर झालेल्या कथित लाठीमाराचा तीव्र निषेध नोंदवण्यात आला असून, हा प्रकार लोकशाही मूल्यांच्या विरोधात असल्याचे नमूद करण्यात आले आहे. विद्यार्थी-युवक संघर्ष समितीने आपल्या प्रमुख मागण्यांमध्ये राष्ट्रीय परीक्षा एजन्सी (NTA) बरखास्त करणे, NEET, TET व इतर परीक्षांमधील पेपरफुटीची उच्चस्तरीय चौकशी करणे, तसेच केंद्रीय शिक्षणमंत्री धर्मेंद्र प्रधान व राज्याचे शालेय शिक्षणमंत्री दादा भुसे यांनी नैतिक जबाबदारी स्वीकारून राजीनामा देण्याची मागणी केली आहे. यासोबतच लाठीमाराची चौकशी करून संबंधितांवर कारवाई करावी आणि २०२६ च्या महाराष्ट्र पोलीस भरतीसाठी वयोमर्यादा वाढवून द्यावी, असा आग्रह धरण्यात आला आहे. या आंदोलनात विविध विद्यार्थी संघटनांचे पदाधिकारी व कार्यकर्ते मोठ्या संख्येने सहभागी झाले होते. परीक्षा व्यवस्थेवरील जनतेचा विश्वास पुन्हा प्रस्थापित करण्यासाठी या मागण्यांवर तातडीने सकारात्मक निर्णय घ्यावा, अशी मागणी आंदोलकांनी केली आहे. सादर करण्यात आलेल्या निवेदनावर अनिल मिसाळ, वैजिनाथ लोंढे, ऍड. राहुल बोबडे, समाधान खरात, समाधान खाडे, पवन दांडगे, मुजीब शेख, अंगद धनवे, पूनम लांडगे, बाबासाहेब पाटोळे, सचिन गाडगे आणि बाबासाहेब अंबडकर यांच्या स्वाक्षऱ्या आहेत.

सय्यद अबरार

Press advisory जालना, जालना, महाराष्ट्र•

3 hrs ago

देशभरातील परीक्षा व्यवस्थेतील कथित गैरप्रकार, पेपरफुटीच्या घटना आणि विद्यार्थ्यांवरील लाठीमाराच्या निषेधार्थ विद्यार्थी-युवक संघर्ष समितीच्या वतीने शुक्रवारी जालना जिल्हाधिकारी कार्यालयासमोर जोरदार ठिय्या आंदोलन करण्यात आले. आंदोलनादरम्यान विद्यार्थ्यांनी प्रशासन आणि केंद्र सरकारविरोधात जोरदार घोषणाबाजी करत संपूर्ण परिसर दणाणून सोडला. आंदोलनानंतर आंदोलकांनी जिल्हाधिकाऱ्यांमार्फत भारताच्या राष्ट्रपतींना निवेदन सादर करून परीक्षा प्रक्रियेत पारदर्शकता आणणे व दोषींवर कठोर कारवाई करण्याची मागणी केली. निवेदनात दिल्लीतील शांततापूर्ण विद्यार्थी आंदोलनावर झालेल्या कथित लाठीमाराचा तीव्र निषेध नोंदवण्यात आला असून, हा प्रकार लोकशाही मूल्यांच्या विरोधात असल्याचे नमूद करण्यात आले आहे. विद्यार्थी-युवक संघर्ष समितीने आपल्या प्रमुख मागण्यांमध्ये राष्ट्रीय परीक्षा एजन्सी (NTA) बरखास्त करणे, NEET, TET व इतर परीक्षांमधील पेपरफुटीची उच्चस्तरीय चौकशी करणे, तसेच केंद्रीय शिक्षणमंत्री धर्मेंद्र प्रधान व राज्याचे शालेय शिक्षणमंत्री दादा भुसे यांनी नैतिक जबाबदारी स्वीकारून राजीनामा देण्याची मागणी केली आहे. यासोबतच लाठीमाराची चौकशी करून संबंधितांवर कारवाई करावी आणि २०२६ च्या महाराष्ट्र पोलीस भरतीसाठी वयोमर्यादा वाढवून द्यावी, असा आग्रह धरण्यात आला आहे. या आंदोलनात विविध विद्यार्थी संघटनांचे पदाधिकारी व कार्यकर्ते मोठ्या संख्येने सहभागी झाले होते. परीक्षा व्यवस्थेवरील जनतेचा विश्वास पुन्हा प्रस्थापित करण्यासाठी या मागण्यांवर तातडीने सकारात्मक निर्णय घ्यावा, अशी मागणी आंदोलकांनी केली आहे. सादर करण्यात आलेल्या निवेदनावर अनिल मिसाळ, वैजिनाथ लोंढे, ऍड. राहुल बोबडे, समाधान खरात, समाधान खाडे, पवन दांडगे, मुजीब शेख, अंगद धनवे, पूनम लांडगे, बाबासाहेब पाटोळे, सचिन गाडगे आणि बाबासाहेब अंबडकर यांच्या स्वाक्षऱ्या आहेत.