বৰপেটা জিলাৰ বাঘবৰ অঞ্চলত এক ভয়ংকৰ নাওঁ দুৰ্ঘটনা সংঘটিত হৈছে।

বৰপেটা SC সমষ্টিৰ অন্তৰ্গত বৈঠাভাঙা অঞ্চলত টিহু নদী পাৰাপাৰ কৰিবলৈ ছাত্ৰ-ছাত্ৰী আৰু স্থানীয় ৰাইজে প্ৰাণৰ ঝুঁকি ল'বলগীয়া হৈছে। বিদ্যালয়লৈ যোৱাৰ ক্ষেত্ৰত ছাত্ৰ-ছাত্ৰীসকলে টুলুঙা নাওঁৰ সহায়ত বিপদসংকুলভাৱে নদীখন পাৰ হ'বলগীয়া হয়। এই সমস্যা কেৱল ছাত্ৰ-ছাত্ৰীৰ মাজতে সীমাবদ্ধ নহয়, স্থানীয় ৰাইজো দৈনন্দিন জীৱনত একেই দুৰ্ভোগৰ সন্মুখীন হৈ আহিছে, যাৰ ফলত তেওঁলোকৰ জীৱনলৈ এক গুৰুতৰ বিপদ কঢ়িয়াই আনিছে।

বজালীৰ বিধায়ক ধৰ্মেশ্বৰ ৰয়ে কৰা মন্তব্য অনুসৰি, বজালীত বিদ্যুতৰ লুকাভাকুৰ সমস্যা সমাধান কৰা হ’ব। এই মন্তব্যত বিধায়কগৰাকীয়ে লগতে জনাই যে বজালীয়ে এটা জিলা পুথিভঁৰাল লাভ কৰিব।

অভয়াপুৰীৰ চৌটাকীত এক চাঞ্চল্যকৰ হত্যাকাণ্ড সংঘটিত হৈছে, য'ত পুত্ৰই পিতৃক মৰিয়াই মৰিয়াই হত্যা কৰাৰ অভিযোগ উঠিছে। মৃত পিতৃজনৰ নাম নৰোত্তম নাথ (৫৭) আৰু অভিযুক্ত পুত্ৰজনৰ নাম কমল নাথ (২৪)। এই শোকাৱহ ঘটনাটো যোৱা নিশা সংঘটিত হৈছিল। নৰোত্তম নাথৰ ঘৈণীয়েক চম্পা নাথে প্ৰকাশ কৰা অনুসৰি, সুৰাৰ বাবেই এই হত্যাকাণ্ড সংঘটিত হৈছে। তেওঁ জনোৱা মতে, নৰোত্তম নাথে প্ৰতিদিনে সুৰা সেৱন কৰি ঘৰত অত্যাচাৰ কৰিছিল। ইয়াৰ ফলত অতিষ্ঠ হৈ পুত্ৰ কমল নাথে কালি নিশা পিতৃক মাৰপিট কৰিছিল। মাতৃয়ে লগতে উল্লেখ কৰে যে পুত্ৰ কমল নাথে প্ৰায়েই পিতৃক মাৰপিট কৰিছিল। পুত্ৰৰ মাৰপিটত গুৰুতৰভাৱে আহত হোৱা নৰোত্তম নাথক নিশাই বঙাইগাঁও অসামৰিক চিকিৎসালয়ত ভৰ্তি কৰোৱা হৈছিল। কিন্তু চিকিৎসালয় পোৱাৰ পূৰ্বেই তেওঁৰ মৃত্যু হয়। ঘটনাৰ পিছতে ঘটনাস্থলীত আৰক্ষীৰ উচ্চপদস্থ বিষয়া উপস্থিত হৈ তদন্ত আৰম্ভ কৰে। এই সন্দৰ্ভত উত্তৰ শালমাৰা আৰক্ষীয়ে ইতিমধ্যে অভিযুক্ত পুত্ৰ কমল নাথক আটক কৰিছে।

মুছলপুৰত বিটিচি প্ৰধান হাগ্ৰামা মহিলাৰীৰ কনভয় দেখা গৈছে। এখন সভা সামৰি উভতি অহাৰ পথত এই দৃশ্য দেখা পোৱা গৈছিল।

চিৰাঙত আই নদীত এক ভয়াৱহ ৰূপ দেখা গৈছে। নদীৰ এই সংহাৰী ৰূপৰ বাবেই অঞ্চলটোৰ দুখন চৰকাৰী বিদ্যালয় আই নদীৰ কৱলত পৰিছে, যাৰ ফলত স্কুল দুখন নদীৰ বুকুত বিলীন হৈছে।

ৰঙিয়াত সংঘটিত ধাৰাবাহিক চুৰিকাণ্ডই জনসাধাৰণক আতংকিত কৰি তোলাৰ লগতে আৰক্ষীৰ বাবেও এক মূৰৰ কামোৰণি হৈ পৰিছে। পূৰ্বৰ চাঞ্চল্যকৰ চুৰি কাণ্ডসমূহৰ ঢৌ মাৰ নৌযাওঁতেই যোৱানিশা পুনৰ ৰঙিয়াৰ ৫ নং ৱাৰ্ডৰ লেঞ্চকাৰ্ডৰ সমীপৰ ৰেনু শইকীয়া ডেকা নামৰ এগৰাকী মহিলাৰ ঘৰত চোৰে “চাফাই অভিযান” চলায়। ঘৰত কোনো নথকাৰ সুযোগ লৈ চোৰৰ দলে ৰডেৰে তলা ভাঙি ঘৰৰ ভিতৰত প্ৰৱেশ কৰে। ইয়াৰ পিছতে তেওঁলোকে পাচ লক্ষাধিক মূল্যৰ সোণৰ আ-অলংকাৰ, প্ৰায় ৬০ হাজাৰ টকা নগদ ধনৰ লগতে বহু মূল্যৱান কাপোৰ লুট কৰি নিৰ্বিঘ্নে পলায়ন কৰিবলৈ সক্ষম হয়। পিছত ঘৰৰ গৰাকী উপস্থিত হৈহে এই ঘটনাৰ বিষয়ে অৱগত হয়। এই সন্দৰ্ভত ৰঙিয়া আৰক্ষী থানাত খবৰ দিয়াত আৰক্ষীৰ এটা দল ঘটনাস্থলীত উপস্থিত হৈ তদন্ত আৰম্ভ কৰে যদিও এই পৰ্যন্ত এই চুৰিকাণ্ডত জড়িত কাকো আটক কৰিবলৈ সক্ষম হোৱা নাই।

হাউলী বৰপেটা সংযোগী পথত এক ভয়ংকৰ পথ দুৰ্ঘটনা সংঘটিত হৈছে। এই দুৰ্ঘটনাত চাৰিচকীয়া বাহনৰ চালকজনে কোনোমতে প্ৰাণ ৰক্ষা কৰিবলৈ সক্ষম হৈছে।