రాజన్న సిరిసిల్ల జిల్లాలోని సిరిసిల్ల మున్సిపల్ చైర్‌పర్సన్ జిందం కళ చక్రపాణి ఆధ్వర్యంలో నిర్వహించాల్సిన మున్సిపల్ సాధారణ సమావేశం 27వ వార్డు కౌన్సిలర్ కాసర్ల పద్మ ఆకస్మిక మరణం కారణంగా వాయిదా పడింది. ఈ సందర్భంగా కాసర్ల పద్మ మృతి పట్ల ప్రగాఢ సంతాపం తెలియజేస్తూ రెండు నిమిషాలు మౌనం పాటించారు. ఈ సందర్భంగా మున్సిపల్ చైర్‌పర్సన్ జిందం కళా చక్రపాణి మాట్లాడుతూ, శుక్రవారం 27వ వార్డు కౌన్సిలర్ కాసర్ల పద్మ గుండెపోటుతో మరణించారని తెలుపడానికి చింతిస్తున్నానని, వారి లేని లోటు ఎవరు తీర్చలేనిదని అన్నారు. కాసర్ల పద్మ తండ్రి కాసర్ల రామయ్య కూడా ప్రజాసేవలో ఉంటూ, ప్రజల సమస్యలపై పోరాడుతూ, అన్ని వర్గాల మద్దతుతో ప్రజా ప్రతినిధిగా, కౌన్సిలర్‌గా సిరిసిల్ల అభివృద్ధికి కృషి చేశారని ఆమె గుర్తుచేశారు. తన తండ్రి స్ఫూర్తితో కాసర్ల పద్మ ప్రజాసేవనే ధ్యేయంగా రాజకీయాల్లోకి వచ్చి 2000 సంవత్సరంలో కౌన్సిలర్‌గా గెలిచి ప్రజలకు విశేష సేవలు అందించారని, తిరిగి 2026లో జరిగిన మున్సిపల్ ఎన్నికల్లోనూ కౌన్సిలర్‌గా గెలిచి నాలుగు నెలలు కూడా నిండకుండానే మరణించడం అత్యంత బాధాకరమని చైర్‌పర్సన్ వ్యాఖ్యానించారు. చైర్‌పర్సన్‌గా వారితో తక్కువ కాలం పరిచయం ఉన్నప్పటికీ, ఈ స్వల్ప కాలంలోనే ప్రజా సమస్యలు, మున్సిపల్ సేవల పట్ల ఆమెకు ఎంతో అవగాహన, అనుభవం ఉండేవని, తనతో చర్చించేవారని జిందం కళా చక్రపాణి గుర్తు చేసుకున్నారు. కాసర్ల పద్మ ప్రతి ఒక్కరితో కుటుంబ సభ్యురాలిగా వరుసలు కలుపుతూ ఆప్యాయంగా పలకరించేవారని, ఆమె లేని లోటు కచ్చితంగా తెలుస్తుందని భావోద్వేగంతో మాట్లాడారు. కాసర్ల పద్మ భౌతికంగా మనతో లేకపోయినా, వారి ఆశయాలకు అనుగుణంగా 27వ వార్డును ఇతర వార్డులతో సమానంగా అభివృద్ధి పథంలో ముందుకు తీసుకెళ్తూ, మెరుగైన సేవలు అందించడానికి తమ పాలకవర్గం కృషి చేస్తుందని ఈ సందర్భంగా ఆమె హామీ ఇచ్చారు. ఈ సమావేశంలో మున్సిపల్ కమిషనర్ ఎండి ఖాదిర్ పాషా, వైస్ చైర్మన్ దార్ల సందీప్, కౌన్సిలర్ సభ్యులు, కో-ఆప్షన్ సభ్యులు కూడా కాసర్ల పద్మ ఆకస్మిక మృతి పట్ల ప్రగాఢ సానుభూతి తెలియజేస్తూ తమ సందేశాన్ని అందించారు.

Satheesh gangu

జర్నలిస్ట్ సిరిసిల్ల, రాజన్న సిరిసిల్ల, తెలంగాణ•

5 hrs ago

రాజన్న సిరిసిల్ల జిల్లాలోని సిరిసిల్ల మున్సిపల్ చైర్‌పర్సన్ జిందం కళ చక్రపాణి ఆధ్వర్యంలో నిర్వహించాల్సిన మున్సిపల్ సాధారణ సమావేశం 27వ వార్డు కౌన్సిలర్ కాసర్ల పద్మ ఆకస్మిక మరణం కారణంగా వాయిదా పడింది. ఈ సందర్భంగా కాసర్ల పద్మ మృతి పట్ల ప్రగాఢ సంతాపం తెలియజేస్తూ రెండు నిమిషాలు మౌనం పాటించారు. ఈ సందర్భంగా మున్సిపల్ చైర్‌పర్సన్ జిందం కళా చక్రపాణి మాట్లాడుతూ, శుక్రవారం 27వ వార్డు కౌన్సిలర్ కాసర్ల పద్మ గుండెపోటుతో మరణించారని తెలుపడానికి చింతిస్తున్నానని, వారి లేని లోటు ఎవరు తీర్చలేనిదని అన్నారు. కాసర్ల పద్మ తండ్రి కాసర్ల రామయ్య కూడా ప్రజాసేవలో ఉంటూ, ప్రజల సమస్యలపై పోరాడుతూ, అన్ని వర్గాల మద్దతుతో ప్రజా ప్రతినిధిగా, కౌన్సిలర్‌గా సిరిసిల్ల అభివృద్ధికి కృషి చేశారని ఆమె గుర్తుచేశారు. తన తండ్రి స్ఫూర్తితో కాసర్ల పద్మ ప్రజాసేవనే ధ్యేయంగా రాజకీయాల్లోకి వచ్చి 2000 సంవత్సరంలో కౌన్సిలర్‌గా గెలిచి ప్రజలకు విశేష సేవలు అందించారని, తిరిగి 2026లో జరిగిన మున్సిపల్ ఎన్నికల్లోనూ కౌన్సిలర్‌గా గెలిచి నాలుగు నెలలు కూడా నిండకుండానే మరణించడం అత్యంత బాధాకరమని చైర్‌పర్సన్ వ్యాఖ్యానించారు. చైర్‌పర్సన్‌గా వారితో తక్కువ కాలం పరిచయం ఉన్నప్పటికీ, ఈ స్వల్ప కాలంలోనే ప్రజా సమస్యలు, మున్సిపల్ సేవల పట్ల ఆమెకు ఎంతో అవగాహన, అనుభవం ఉండేవని, తనతో చర్చించేవారని జిందం కళా చక్రపాణి గుర్తు చేసుకున్నారు. కాసర్ల పద్మ ప్రతి ఒక్కరితో కుటుంబ సభ్యురాలిగా వరుసలు కలుపుతూ ఆప్యాయంగా పలకరించేవారని, ఆమె లేని లోటు కచ్చితంగా తెలుస్తుందని భావోద్వేగంతో మాట్లాడారు. కాసర్ల పద్మ భౌతికంగా మనతో లేకపోయినా, వారి ఆశయాలకు అనుగుణంగా 27వ వార్డును ఇతర వార్డులతో సమానంగా అభివృద్ధి పథంలో ముందుకు తీసుకెళ్తూ, మెరుగైన సేవలు అందించడానికి తమ పాలకవర్గం కృషి చేస్తుందని ఈ సందర్భంగా ఆమె హామీ ఇచ్చారు. ఈ సమావేశంలో మున్సిపల్ కమిషనర్ ఎండి ఖాదిర్ పాషా, వైస్ చైర్మన్ దార్ల సందీప్, కౌన్సిలర్ సభ్యులు, కో-ఆప్షన్ సభ్యులు కూడా కాసర్ల పద్మ ఆకస్మిక మృతి పట్ల ప్రగాఢ సానుభూతి తెలియజేస్తూ తమ సందేశాన్ని అందించారు.