కరీంనగర్ పోలీస్ కమిషనర్ గౌష్ ఆలం బుధవారం చొప్పదండి సర్కిల్ ఇన్స్పెక్టర్ కార్యాలయాన్ని వార్షిక తనిఖీల్లో భాగంగా సందర్శించారు. ఈ సందర్భంగా ఆయనకు సాయుధ బలగాలు గౌరవ వందనం సమర్పించగా, సీపీ కార్యాలయ ప్రాంగణంలో మొక్కను నాటారు. అనంతరం కార్యాలయాన్ని, పెండింగ్ కేసులను మరియు రికార్డులను క్షుణ్ణంగా తనిఖీ చేశారు. ఈ సందర్భంగా సీపీ గౌష్ ఆలం పలు కీలక ఆదేశాలు జారీ చేశారు. పాత, కొత్త కేసుల వివరాలను ఎప్పటికప్పుడు సీసీటీఎన్‌ఎస్-2.0లో అప్‌లోడ్ చేయాలని, కేసుల ఆధారాల సేకరణలో ‘ఈ-సాక్ష్య’ను సమర్థవంతంగా వినియోగించాలని ఆదేశించారు. గత నెలలో జరిగిన పీఎంజే నగల షోరూం దారిదోపిడీ ఘటనను దృష్టిలో ఉంచుకుని కమిషనరేట్ పరిధిలో భద్రతను కట్టుదిట్టం చేశామని ఆయన పేర్కొన్నారు. జిల్లా, మండల స్థాయిల్లోని నగల దుకాణాలు, బ్యాంకులు, లాడ్జీలు, హోటళ్లలో భద్రతా ప్రమాణాలను సమీక్షించి, సీసీ కెమెరాల ఏర్పాటుపై స్పష్టమైన నిబంధనలు జారీ చేసినట్లు తెలిపారు. భద్రతా లోపాలున్న యాజమాన్యాలకు ఇప్పటికే నోటీసులు కూడా ఇచ్చారు. నేరాల నియంత్రణలో భాగంగా బేసిక్ పోలీసింగ్‌పై దృష్టి సారించినట్లు సీపీ వెల్లడించారు. వలస కార్మికులు, ఇతర రాష్ట్రాల నుండి వచ్చిన వ్యక్తుల పూర్తి వివరాలను అన్ని పోలీస్ స్టేషన్లలో పటిష్టంగా నిర్వహిస్తున్నట్లు చెప్పారు. అనుమానాస్పద ప్రాంతాలు, రైల్వే స్టేషన్లు, హోటళ్లు, లాడ్జీలలో కార్డన్ అండ్ సెర్చ్, వాహన తనిఖీలను ముమ్మరం చేయడంతో పాటు, పాత నేరస్థులపై నిరంతర నిఘా ఉంచామని తెలిపారు. మాదకద్రవ్యాల నిర్మూలనకై నార్కోటిక్స్‌లో శిక్షణ పొందిన ప్రత్యేక పోలీస్ డాగ్స్ సహాయంతో పాన్ షాపులు, హాస్టళ్లు, పబ్లిక్ ప్రదేశాలను తనిఖీ చేస్తున్నామన్నారు. డ్రగ్ టెస్ట్ కిట్‌లు అందుబాటులో ఉన్నాయని, అనుమానితులకు పరీక్షలు నిర్వహించి పట్టుబడితే ఎన్‌డిపిఎస్ చట్టం ప్రకారం కఠిన కేసులు నమోదు చేస్తామని హెచ్చరించారు. మహిళలు, విద్యార్థినుల రక్షణ కోసం 'షీ లీడ్స్', 'స్నేహిత' కార్యక్రమాలకు ప్రాధాన్యత ఇస్తున్నామని, నిరుపయోగంగా ఉన్న సీసీ కెమెరాలను తక్షణమే మరమ్మతులు చేయించి పునరుద్ధరిస్తున్నామని సీపీ వివరించారు. తనిఖీల్లో చొప్పదండి సర్కిల్‌లోని చొప్పదండి, గంగాధర, రామడుగు పోలీసుల పనితీరు, రికార్డుల నిర్వహణ పట్ల సీపీ గౌష్ ఆలం సంతోషం వ్యక్తం చేస్తూ ‘భేష్’ అని అభినందించారు. ఈ సమీక్షలో చర్చించిన అంశాలను క్షేత్రస్థాయిలో పూర్తి స్థాయిలో అమలు చేస్తారనే ఆశాభావాన్ని వ్యక్తం చేశారు. ఈ కార్యక్రమంలో కరీంనగర్ రూరల్ ఏసీపీ విజయకుమార్, చొప్పదండి సర్కిల్ ఇన్‌స్పెక్టర్ ప్రదీప్, ఎస్‌ఐలు నరేష్ రెడ్డి, వంశీకృష్ణ, రాజుతో పాటు ఇతర పోలీస్ అధికారులు, సిబ్బంది పాల్గొన్నారు.

OM NAMSHIVAYA

Karimnagar, Telangana•

1 hr ago

కరీంనగర్ పోలీస్ కమిషనర్ గౌష్ ఆలం బుధవారం చొప్పదండి సర్కిల్ ఇన్స్పెక్టర్ కార్యాలయాన్ని వార్షిక తనిఖీల్లో భాగంగా సందర్శించారు. ఈ సందర్భంగా ఆయనకు సాయుధ బలగాలు గౌరవ వందనం సమర్పించగా, సీపీ కార్యాలయ ప్రాంగణంలో మొక్కను నాటారు. అనంతరం కార్యాలయాన్ని, పెండింగ్ కేసులను మరియు రికార్డులను క్షుణ్ణంగా తనిఖీ చేశారు. ఈ సందర్భంగా సీపీ గౌష్ ఆలం పలు కీలక ఆదేశాలు జారీ చేశారు. పాత, కొత్త కేసుల వివరాలను ఎప్పటికప్పుడు సీసీటీఎన్‌ఎస్-2.0లో అప్‌లోడ్ చేయాలని, కేసుల ఆధారాల సేకరణలో ‘ఈ-సాక్ష్య’ను సమర్థవంతంగా వినియోగించాలని ఆదేశించారు. గత నెలలో జరిగిన పీఎంజే నగల షోరూం దారిదోపిడీ ఘటనను దృష్టిలో ఉంచుకుని కమిషనరేట్ పరిధిలో భద్రతను కట్టుదిట్టం చేశామని ఆయన పేర్కొన్నారు. జిల్లా, మండల స్థాయిల్లోని నగల దుకాణాలు, బ్యాంకులు, లాడ్జీలు, హోటళ్లలో భద్రతా ప్రమాణాలను సమీక్షించి, సీసీ కెమెరాల ఏర్పాటుపై స్పష్టమైన నిబంధనలు జారీ చేసినట్లు తెలిపారు. భద్రతా లోపాలున్న యాజమాన్యాలకు ఇప్పటికే నోటీసులు కూడా ఇచ్చారు. నేరాల నియంత్రణలో భాగంగా బేసిక్ పోలీసింగ్‌పై దృష్టి సారించినట్లు సీపీ వెల్లడించారు. వలస కార్మికులు, ఇతర రాష్ట్రాల నుండి వచ్చిన వ్యక్తుల పూర్తి వివరాలను అన్ని పోలీస్ స్టేషన్లలో పటిష్టంగా నిర్వహిస్తున్నట్లు చెప్పారు.

అనుమానాస్పద ప్రాంతాలు, రైల్వే స్టేషన్లు, హోటళ్లు, లాడ్జీలలో కార్డన్ అండ్ సెర్చ్, వాహన తనిఖీలను ముమ్మరం చేయడంతో పాటు, పాత నేరస్థులపై నిరంతర నిఘా ఉంచామని తెలిపారు. మాదకద్రవ్యాల నిర్మూలనకై నార్కోటిక్స్‌లో శిక్షణ పొందిన ప్రత్యేక పోలీస్ డాగ్స్ సహాయంతో పాన్ షాపులు, హాస్టళ్లు, పబ్లిక్ ప్రదేశాలను తనిఖీ చేస్తున్నామన్నారు. డ్రగ్ టెస్ట్ కిట్‌లు అందుబాటులో ఉన్నాయని, అనుమానితులకు పరీక్షలు నిర్వహించి పట్టుబడితే ఎన్‌డిపిఎస్ చట్టం ప్రకారం కఠిన కేసులు నమోదు చేస్తామని హెచ్చరించారు. మహిళలు, విద్యార్థినుల రక్షణ కోసం 'షీ లీడ్స్', 'స్నేహిత' కార్యక్రమాలకు ప్రాధాన్యత ఇస్తున్నామని, నిరుపయోగంగా ఉన్న సీసీ కెమెరాలను తక్షణమే మరమ్మతులు చేయించి పునరుద్ధరిస్తున్నామని సీపీ వివరించారు. తనిఖీల్లో చొప్పదండి సర్కిల్‌లోని చొప్పదండి, గంగాధర, రామడుగు పోలీసుల పనితీరు, రికార్డుల నిర్వహణ పట్ల సీపీ గౌష్ ఆలం సంతోషం వ్యక్తం చేస్తూ ‘భేష్’ అని అభినందించారు. ఈ సమీక్షలో చర్చించిన అంశాలను క్షేత్రస్థాయిలో పూర్తి స్థాయిలో అమలు చేస్తారనే ఆశాభావాన్ని వ్యక్తం చేశారు. ఈ కార్యక్రమంలో కరీంనగర్ రూరల్ ఏసీపీ విజయకుమార్, చొప్పదండి సర్కిల్ ఇన్‌స్పెక్టర్ ప్రదీప్, ఎస్‌ఐలు నరేష్ రెడ్డి, వంశీకృష్ణ, రాజుతో పాటు ఇతర పోలీస్ అధికారులు, సిబ్బంది పాల్గొన్నారు.