காவிரி ஆற்றின் குறுக்கே மேகேதாட்டுவில் அணை கட்ட முயற்சிக்கும் கர்நாடக அரசுக்கு எதிர்ப்பு தெரிவித்தும், புதிய அணை திட்டத்துக்கு எந்த அனுமதியையும் அளிக்கக் கூடாது என்று மத்திய அரசை வலியுறுத்தியும், தமிழக சட்டப்பேரவையில் முதல்வர் விஜய் கொண்டுவந்த அரசினர் தனித் தீர்மானம், அனைத்துக் கட்சிகளின் ஆதரவுடன் ஒருமனதாக நிறைவேற்றப்பட்டது. இந்தத் தீர்மானம், காவிரி நடுவர் மன்றத்தின் 2007 பிப்ரவரி 5 இறுதித் தீர்ப்பு மற்றும் உச்ச நீதிமன்றத்தின் 2018 பிப்ரவரி 16 தீர்ப்பு ஆகியவற்றை மதிக்காமல், படுகை மாநிலங்களின் ஒப்புதலையும் மத்திய அரசின் அனுமதியையும் பெறாமல் கர்நாடகா தன்னிச்சையாக அணை கட்ட முயற்சிப்பதை ஏற்க முடியாது என்று கடுமையாக எதிர்த்தது. காவிரிப் படுகை ஒரு பற்றாக்குறைப் படுகை என்பதால், புதிய திட்டங்களை மேற்கொள்ளவோ, கூடுதலாக நீரை பயன்படுத்தவோ இயலாது எனத் தீர்மானம் வலியுறுத்தியது. மேலும், மேகேதாட்டு அணை திட்டத்துக்குத் தொழில்நுட்பம், சுற்றுச்சூழல் உட்பட எந்த அனுமதியையும் மத்திய அரசு அளிக்கக் கூடாது என்றும், கர்நாடகாவின் விரிவான திட்ட அறிக்கையை மத்திய நீர்வளக் குழுமம் பரிசீலிக்கவோ, நடவடிக்கை மேற்கொள்ளவோ, அனுமதி வழங்கவோ கூடாது என்றும் கோரியது. மாநிலங்களுக்கு இடையிலான நதிநீர் தாவா சட்டத்தின்கீழ் புதிய நடுவர் மன்றத்தை மத்திய அரசு அமைக்க வேண்டும் என்றும் தீர்மானத்தில் குறிப்பிடப்பட்டிருந்தது. தீர்மானத்தை முன்மொழிந்து பேசிய முதல்வர் விஜய், அரசியல் கட்சிகளுக்குள் வேறுபாடுகள் இருக்கலாம், ஆனால் மக்களுக்கான பிரச்சினைகளில் அனைத்துக் கட்சிகளும் மக்கள் பக்கமே நிற்கும் என்றார். விவசாயிகள் மற்றும் மக்களின் நலன் கருதி, கட்சி வேறுபாடுகளை ஒதுக்கிவிட்டு, ஒருமித்த கருத்துடன் இந்த தீர்மானத்தை நிறைவேற்ற வேண்டும் என்று அவர் கேட்டுக்கொண்டார். தீர்மானத்தின் மீதான விவாதத்தில், திமுக, அதிமுக, காங்கிரஸ், விசிக, பாமக, இந்திய கம்யூனிஸ்ட், மார்க்சிஸ்ட், தேமுதிக, கொமதேக, மதிமுக, மமக, மஜக உள்ளிட்ட பல்வேறு கட்சிகளின் உறுப்பினர்களும் தங்கள் ஆதரவைத் தெரிவித்தனர். எதிர்க்கட்சித் தலைவர் உதயநிதி ஸ்டாலின், மாநிலங்களுக்கு இடையிலான நதிநீர் தாவா சட்டத்தின்படி, புதிய நடுவர் மன்றம் அமைக்க வேண்டும் என்ற திருத்தத்தைச் சேர்க்க வேண்டும் என்று கோரிக்கை விடுத்தார். இக்கோரிக்கையை ஏற்றுக்கொண்ட முதல்வர் விஜய், மே 26 அன்று நடைபெற்ற ஆலோசனைக் கூட்டத்தில் தனி நடுவர் மன்றம் அமைப்பது குறித்து சட்ட வல்லுநர்களுடன் ஆலோசிக்கப்பட்டதாகவும், இதற்கான சட்ட நடவடிக்கைகள் ஏற்கெனவே எடுக்கப்பட்டு வருவதாகவும் தெரிவித்தார். இதையடுத்து, முதல்வர் முன்மொழிந்த திருத்தப்பட்ட தீர்மானம், பேரவையில் குரல் வாக்கெடுப்பு மூலமாக ஒருமனதாக நிறைவேற்றப்பட்டது. முதல்வர், தீர்மானத்துக்கு ஆதரவளித்த அனைத்துக் கட்சிகளுக்கும் நன்றி தெரிவித்தார். மேலும், சட்டப்பேரவையில் முன்னாள் எம்எல்ஏக்கள் ராமசுவாமி, வீராசாமி, கண்ணன், ஆறுமுகம், சுவாமிநாதன், நாஞ்சில் முருகேசன் ஆகியோரது மறைவுக்கு இரங்கல் குறிப்புகள் வாசிக்கப்பட்டன. இந்திய கம்யூனிஸ்ட் மூத்த தலைவர் ஆர்.நல்லகண்ணு, சட்டப்பேரவை முன்னாள் செயலர் சி.கு.ராமசாமி, திரைப்படத் தயாரிப்பாளர்கள் ஆர்.பி.சவுத்ரி, கே.ராஜன், இயக்குநர் பாரதிராஜா ஆகியோரது மறைவுக்கு இரங்கல் தீர்மானங்கள் கொண்டு வரப்பட்டு, அனைத்து உறுப்பினர்களும் 2 நிமிடம் எழுந்து நின்று மவுன அஞ்சலி செலுத்தினர்.
காவிரி ஆற்றின் குறுக்கே மேகேதாட்டுவில் அணை கட்ட முயற்சிக்கும் கர்நாடக அரசுக்கு எதிர்ப்பு தெரிவித்தும், புதிய அணை திட்டத்துக்கு எந்த அனுமதியையும் அளிக்கக் கூடாது என்று மத்திய அரசை வலியுறுத்தியும், தமிழக சட்டப்பேரவையில் முதல்வர் விஜய் கொண்டுவந்த அரசினர் தனித் தீர்மானம், அனைத்துக் கட்சிகளின் ஆதரவுடன் ஒருமனதாக நிறைவேற்றப்பட்டது. இந்தத் தீர்மானம், காவிரி நடுவர் மன்றத்தின் 2007 பிப்ரவரி 5 இறுதித் தீர்ப்பு மற்றும் உச்ச நீதிமன்றத்தின் 2018 பிப்ரவரி 16 தீர்ப்பு ஆகியவற்றை மதிக்காமல், படுகை மாநிலங்களின் ஒப்புதலையும் மத்திய அரசின் அனுமதியையும் பெறாமல் கர்நாடகா தன்னிச்சையாக அணை கட்ட முயற்சிப்பதை ஏற்க முடியாது என்று கடுமையாக எதிர்த்தது. காவிரிப் படுகை ஒரு பற்றாக்குறைப் படுகை என்பதால், புதிய திட்டங்களை மேற்கொள்ளவோ, கூடுதலாக நீரை பயன்படுத்தவோ இயலாது எனத் தீர்மானம் வலியுறுத்தியது. மேலும், மேகேதாட்டு அணை திட்டத்துக்குத் தொழில்நுட்பம், சுற்றுச்சூழல் உட்பட எந்த அனுமதியையும் மத்திய அரசு அளிக்கக் கூடாது என்றும், கர்நாடகாவின் விரிவான திட்ட அறிக்கையை மத்திய நீர்வளக் குழுமம் பரிசீலிக்கவோ, நடவடிக்கை மேற்கொள்ளவோ, அனுமதி வழங்கவோ கூடாது என்றும் கோரியது. மாநிலங்களுக்கு இடையிலான நதிநீர் தாவா சட்டத்தின்கீழ் புதிய நடுவர் மன்றத்தை மத்திய அரசு அமைக்க வேண்டும் என்றும் தீர்மானத்தில் குறிப்பிடப்பட்டிருந்தது. தீர்மானத்தை முன்மொழிந்து பேசிய முதல்வர் விஜய், அரசியல் கட்சிகளுக்குள் வேறுபாடுகள் இருக்கலாம், ஆனால் மக்களுக்கான பிரச்சினைகளில் அனைத்துக் கட்சிகளும் மக்கள் பக்கமே நிற்கும் என்றார். விவசாயிகள் மற்றும் மக்களின் நலன் கருதி, கட்சி வேறுபாடுகளை ஒதுக்கிவிட்டு, ஒருமித்த கருத்துடன் இந்த தீர்மானத்தை நிறைவேற்ற வேண்டும் என்று அவர் கேட்டுக்கொண்டார். தீர்மானத்தின் மீதான விவாதத்தில், திமுக, அதிமுக, காங்கிரஸ், விசிக, பாமக, இந்திய கம்யூனிஸ்ட், மார்க்சிஸ்ட், தேமுதிக, கொமதேக, மதிமுக, மமக, மஜக உள்ளிட்ட பல்வேறு கட்சிகளின் உறுப்பினர்களும் தங்கள் ஆதரவைத் தெரிவித்தனர். எதிர்க்கட்சித் தலைவர் உதயநிதி ஸ்டாலின், மாநிலங்களுக்கு இடையிலான நதிநீர் தாவா சட்டத்தின்படி, புதிய நடுவர் மன்றம் அமைக்க வேண்டும் என்ற திருத்தத்தைச் சேர்க்க வேண்டும் என்று கோரிக்கை விடுத்தார். இக்கோரிக்கையை ஏற்றுக்கொண்ட முதல்வர் விஜய், மே 26 அன்று நடைபெற்ற ஆலோசனைக் கூட்டத்தில் தனி நடுவர் மன்றம் அமைப்பது குறித்து சட்ட வல்லுநர்களுடன் ஆலோசிக்கப்பட்டதாகவும், இதற்கான சட்ட நடவடிக்கைகள் ஏற்கெனவே எடுக்கப்பட்டு வருவதாகவும் தெரிவித்தார். இதையடுத்து, முதல்வர் முன்மொழிந்த திருத்தப்பட்ட தீர்மானம், பேரவையில் குரல் வாக்கெடுப்பு மூலமாக ஒருமனதாக நிறைவேற்றப்பட்டது. முதல்வர், தீர்மானத்துக்கு ஆதரவளித்த அனைத்துக் கட்சிகளுக்கும் நன்றி தெரிவித்தார். மேலும், சட்டப்பேரவையில் முன்னாள் எம்எல்ஏக்கள் ராமசுவாமி, வீராசாமி, கண்ணன், ஆறுமுகம், சுவாமிநாதன், நாஞ்சில் முருகேசன் ஆகியோரது மறைவுக்கு இரங்கல் குறிப்புகள் வாசிக்கப்பட்டன. இந்திய கம்யூனிஸ்ட் மூத்த தலைவர் ஆர்.நல்லகண்ணு, சட்டப்பேரவை முன்னாள் செயலர் சி.கு.ராமசாமி, திரைப்படத் தயாரிப்பாளர்கள் ஆர்.பி.சவுத்ரி, கே.ராஜன், இயக்குநர் பாரதிராஜா ஆகியோரது மறைவுக்கு இரங்கல் தீர்மானங்கள் கொண்டு வரப்பட்டு, அனைத்து உறுப்பினர்களும் 2 நிமிடம் எழுந்து நின்று மவுன அஞ்சலி செலுத்தினர்.
- இரவு இன்னிசையுடன் கூடிய ஒரு இனிய இரவு வணக்கம் தெரிவிக்கப்பட்டுள்ளது.1NAMADHU ARASU(Krishna M Com)
- காஞ்சிபுரம் மாவட்டம், வாலாஜாபாத் ஒன்றியம், இலுப்பப்பட்டு ஊராட்சியில் கடந்த ஒரு வருட காலமாக குடிநீர் விநியோகம் சீராக இல்லாததால், மக்கள் கடும் ஆவேசத்தில் உள்ளனர். இந்த விவகாரம் தொடர்பாக மக்கள் நேற்று முன்தினம் ஊரக வளர்ச்சி அதிகாரியிடம் மனு அளித்ததோடு, நேரில் வந்து ஆய்வு செய்யுமாறு கோரிக்கை விடுத்திருந்தனர். மக்களின் கோரிக்கையை ஏற்று, அந்த அதிகாரி இன்று இலுப்பப்பட்டு ஊராட்சிக்கு ஆய்வு செய்ய வந்தார். அப்போது, மக்கள் அந்த அதிகாரியிடம் சரமாரியாக கேள்விகளை எழுப்பி தங்கள் அதிருப்தியை வெளிப்படுத்தினர். இதையடுத்து, அதிகாரி அனைத்து பிரச்சினைகளையும் விரைவில் சரி செய்து தருவதாக உறுதியளித்தார். அதிகாரியின் வாக்குறுதியைத் தொடர்ந்து, மக்கள் அங்கிருந்து கலைந்து சென்றனர்.4த.சரவணன்
- திருப்பத்தூர் மாவட்டம், ஆம்பூர் நகராட்சிக்குட்பட்ட புதுமனை பகுதியில், ரஜினிகாந்தி என்பவர் உரிய மருத்துவ படிப்பு படிக்காமல் பொதுமக்களுக்கு பொதுமருத்துவம் பார்த்து வருவதாக ஆம்பூர் அரசு மருத்துவமனை, மருத்துவ அலுவலருக்கு ரகசிய தகவல் கிடைத்தது. இந்த தகவலின் பேரில், மருத்துவ அதிகாரிகள் அப்பகுதியில் சோதனை நடத்தினர். சோதனையில், ரஜினிகாந்தி முறையான மருத்துவ படிப்பு இல்லாமல் மருத்துவம் பார்த்து வந்தது தெரியவந்தது. இதைத்தொடர்ந்து, மருத்துவ அதிகாரிகள் அவரை ஆம்பூர் நகர காவல்துறையினரிடம் ஒப்படைத்தனர், மேலும் அவரது கிளினிக்கிற்கு சீல் வைத்தனர். பின்னர், ரஜினிகாந்தி மீது வழக்கு பதிவு செய்யப்பட்டு, நீதிமன்றத்தில் ஆஜர்படுத்தப்பட்டு வேலூர் பெண்கள் சிறையில் அடைக்கப்பட்டார்.1ARVINDAN TV VNG
- திருப்பத்தூர் மாவட்டம், வாணியம்பாடி - ஆலங்காயம் சாலையில் உள்ள ஆலங்காயம் பெரிய ஏரியில் இருந்து, இன்று இரவு 8 மணியளவில் அரிய வகை பெண் ஆமைகள் இனப்பெருக்கத்திற்காக வெளியேறி வருகின்றன. ஏரிக் கரை பகுதியில் இருந்து வெளிவரும் இந்த ஆமைகள், சாலையில் செல்லும் வாகனங்களில் சிக்கிக் கொள்ளும் அபாயம் உள்ளதால், ஆலங்காயம் வனத்துறையினர் உடனடியாக நடவடிக்கை எடுத்து அவற்றை பாதுகாக்க வேண்டும் என இயற்கை ஆர்வலர்கள் கோரிக்கை விடுத்துள்ளனர்.1Flower
- கடலூர் மாவட்டத்தில் தொடர்ச்சியாக நிலவி வந்த கடும் வெப்பம் மற்றும் வறண்ட வானிலை காரணமாக மக்கள் மிகுந்த அவதிக்குள்ளாகி வந்தனர். இந்த சூழலில், நேற்று இரவு (19.06.2026) விருத்தாசலம் மற்றும் அதன் சுற்றுவட்டாரப் பகுதிகளில் பலத்த காற்றுடன் கூடிய கனமழை பெய்தது. இந்த மழையால் பல்வேறு இடங்களில் மின் விநியோகம் துண்டிக்கப்பட்டாலும், குளிர்ந்த சூழ்நிலை நிலவியதால் அப்பகுதி மக்கள் பெரும் மகிழ்ச்சி அடைந்தனர்.1Premkumar prem Prem
- கள்ளக்குறிச்சி மாவட்டம், கல்வராயன் மலையின் வெள்ளிமலை அருகே அமைந்துள்ள மொட்டையனூர் கிராமத்தில் உள்ள அரசு பள்ளி மற்றும் நூலகத்தை சங்கராபுரம் சட்டமன்ற உறுப்பினர் ராகேஷ் நேரில் பார்வையிட்டு ஆய்வு செய்தார். இந்த ஆய்வின்போது, அப்பகுதி பொதுமக்களை சந்தித்து அவர்களின் குறைகள் மற்றும் அடிப்படைத் தேவைகள் குறித்து கேட்டறிந்தார். மேலும், நீண்ட நாட்களாக பயன்பாடின்றி மூடப்பட்டிருக்கும் நூலகத்தை மீண்டும் பொதுமக்கள் பயன்பாட்டிற்குக் கொண்டுவர தேவையான நடவடிக்கைகள் எடுக்கப்படும் என்று சட்டமன்ற உறுப்பினர் உறுதியளித்தார். அத்துடன், மாணவர்களின் விளையாட்டுத் திறனை மேம்படுத்தும் வகையில் புதிய விளையாட்டு மைதான வசதியை ஏற்படுத்தவும், போதிய பாதுகாப்பு இல்லாத அரசுப் பள்ளிக்கு தடுப்புச் சுவர் அமைக்கவும் நடவடிக்கை எடுக்கப்படும் என்றும் அவர் தெரிவித்தார். சட்டமன்ற உறுப்பினரின் இந்த ஆய்வு மற்றும் அவர் அளித்த வாக்குறுதிகளால் அப்பகுதி மக்களும், மாணவர்களும் மிகுந்த மகிழ்ச்சி அடைந்துள்ளனர். தங்களின் நீண்டகாலக் கோரிக்கைகள் அனைத்தும் விரைவில் நிறைவேறும் என்ற நம்பிக்கை மக்களிடையே ஏற்பட்டுள்ளது.1M.P.Palani Samy
- சமோசா பிரியர்களுக்கு எச்சரிக்கை விடுக்கும் வகையில், சமூக வலைத்தளங்களில் ஒரு வீடியோ வைரலாக பரவி வருகிறது. இந்த வீடியோவில், ஒருவர் சமோசாக்களுக்கு மஞ்சள் நிறத்தையும் பளபளப்பையும் கொடுப்பதற்காக ஏதோ ஒரு ரசாயன திரவத்தைப் பூசுவது தெளிவாகப் பதிவாகியுள்ளது. இந்தச் சம்பவம் உணவுப் பொருட்களின் தரம் மற்றும் சுகாதாரம் குறித்த தீவிர விவாதங்களை சமூக வலைத்தளங்களில் தூண்டியுள்ளது. மேலும், சில தவறான வியாபாரிகளால் நேர்மையாக உழைப்பவர்களும் பாதிக்கப்படுவதாக நெட்டிசன்கள் பலரும் பதிவிட்டு வருகின்றனர். அனைவரும் இந்த வீடியோவைப் பகிருமாறு கேட்டுக்கொள்ளப்பட்டுள்ளது.1SKYN MEDIA LIVE...
- மகாராஷ்டிராவில் புதிதாக கட்டப்பட்டு வந்த அனுமன் கோயிலின் மண்டபம் இடிந்து விழுந்த கோர விபத்தில், தற்போது வரை மூன்று பேர் உயிரிழந்துள்ளனர். யஷ்வாடி என்னும் கிராமத்தில் நிகழ்ந்த இந்த சம்பவத்தில், பூஜைக்காக கட்டப்பட்டு வந்த அந்த மண்டபத்தில் சிலர் வழிபாடு செய்துகொண்டிருந்தபோது, திடீரென இடிந்து விழுந்ததாக தெரிவிக்கப்பட்டுள்ளது. இந்த துயர சம்பவத்தைத் தொடர்ந்து, மீட்புக் குழுவினர் உடனடியாக சம்பவ இடத்திற்கு விரைந்துள்ளனர். தற்போது, இடிபாடுகளை அகற்றி, தொடர்ந்து மீட்புப் பணிகளை மேற்கொண்டு வருவதாக தகவல்கள் தெரிவிக்கின்றன.1SKYN MEDIA LIVE...
