రాజీ మాత్రమే రాజ మార్గం- అనపర్తి జూనియర్ సివిల్ కోర్టు జడ్జి వంశీకృష్ణ అనపర్తి జూనియర్ సివిల్ కోర్టు వద్ద న్యాయమూర్తి వంశీకృష్ణ ఆధ్వర్యంలో న్యాయవాదులు రాజీమార్గంపై అవగాహన ర్యాలీ నిర్వహించారు ఈ సందర్భంగా న్యాయమూర్తి మాట్లాడుతూ.. ఉభయపక్షాలు మధ్యవర్తిత్వం ద్వారా వివాదాలు పరిష్కరించుకోవడం శ్రేయస్కరమన్నారు. దీనివల్ల సమయం, ధనం ఆదా అవ్వడమే కాక ఇరువర్గాల మధ్య సఖ్యత పెరుగుతుందన్నారు. రాజీపడదగిన కేసుల్లో ఈ వేగవంతమైన, చట్టబద్ధమైన పరిష్కారాన్ని ప్రజలు వినియోగించుకోవాలని కోరారు.

రాజీ మాత్రమే రాజ మార్గం- అనపర్తి జూనియర్ సివిల్ కోర్టు జడ్జి వంశీకృష్ణ అనపర్తి జూనియర్ సివిల్ కోర్టు వద్ద న్యాయమూర్తి వంశీకృష్ణ ఆధ్వర్యంలో న్యాయవాదులు రాజీమార్గంపై అవగాహన ర్యాలీ నిర్వహించారు ఈ సందర్భంగా న్యాయమూర్తి మాట్లాడుతూ.. ఉభయపక్షాలు మధ్యవర్తిత్వం ద్వారా వివాదాలు పరిష్కరించుకోవడం శ్రేయస్కరమన్నారు. దీనివల్ల సమయం, ధనం ఆదా అవ్వడమే కాక ఇరువర్గాల మధ్య సఖ్యత పెరుగుతుందన్నారు. రాజీపడదగిన కేసుల్లో ఈ వేగవంతమైన, చట్టబద్ధమైన పరిష్కారాన్ని ప్రజలు వినియోగించుకోవాలని కోరారు.

*శ్రీ శ్రీ శ్రీ వీరుళ్ళమ్మ ఫోటో అండ్ వీడియోగ్రాఫర్స్ అసోసియేషన్ నూతన కార్యవర్గ ప్రమాణ స్వీకారం* *శ్రీ శ్రీ శ్రీ వీరుళ్ళమ్మ ఫోటో అండ్ వీడియోగ్రాఫర్స్ అసోసియేషన్ నూతన కార్యవర్గ ప్రమాణ స్వీకారం* అనపర్తి:- తూర్పుగోదావరి జిల్లా అనపర్తి మండలం అనపర్తి పట్టణంలో శ్రీశ్రీశ్రీ వీరుళ్ళమ్మ ఫోటో అండ్ వీడియోగ్రాఫర్ వెల్ఫేర్ అసోసియేషన్ నూతన కార్యవర్గ ప్రమాణ స్వీకారోత్సవం బుధవారం ఘనంగా నిర్వహించారు. సంఘం నూతన కార్యవర్గ సభ్యులు జిల్లా, మండల స్థాయి నాయకుల సమక్షంలో ప్రమాణ స్వీకారం చేసి బాధ్యతలు స్వీకరించారు. కార్యక్రమం ఉత్సాహభరిత వాతావరణంలో నిర్వహించగా, ఫోటో అండ్ వీడియోగ్రాఫర్స్ పెద్ద సంఖ్యలో పాల్గొని నూతన కార్యవర్గానికి అభినందనలు తెలిపారు. ఈ కార్యక్రమానికి ఉమ్మడి పశ్చిమగోదావరి జిల్లా చైర్మన్ ఎం. రాము, తూర్పుగోదావరి జిల్లా అధ్యక్షులు గెల్లా రాజు ముఖ్య అతిథులుగా విచ్చేశారు. వారితో పాటు తూర్పుగోదావరి జిల్లా మండల యూనియన్ నాయకులు, అధ్యక్షులు, కార్యదర్శులు పాల్గొని నూతన కార్యవర్గ సభ్యులకు శుభాకాంక్షలు తెలిపారు. జిల్లా నాయకుల సమక్షంలో నిర్వహించిన ప్రమాణ స్వీకార మహోత్సవంలో నూతన కార్యవర్గ సభ్యులు తమ పదవీ బాధ్యతలను స్వీకరించారు. అధ్యక్షులుగా కొవ్వూరి చంద్రశేఖర్ రెడ్డి, కార్యదర్శిగా మానేపల్లి మహేష్, గౌరవ అధ్యక్షులుగా వీరభద్రరావు, ఓబులాపురం నరసింహారావు, కోశాధికారిగా ఓబులాపురం నాగలక్ష్మి, ప్రమాణ స్వీకారం చేశారు. ఉపాధ్యక్షులుగా పైల శ్రీహరి, నాతి రవి, సంయుక్త కార్యదర్శిగా నిడదవోలు నరేష్, సంయుక్త కోశాధికారిగా ఎం. సరిత, ప్రజా సంబంధాల అధికారిగా (పీఆర్‌ఓ) సతీష్, ఆర్గనైజింగ్ సెక్రటరీగా వానపల్లి వనజ, టెక్నికల్ ఇన్‌చార్జిగా ఎం. శివ సుబ్రహ్మణ్యం బాధ్యతలు స్వీకరించారు. బోర్డు సభ్యులుగా కొవ్వూరి ఉదయ భాస్కర్ రెడ్డి, సీరం సుబ్రహ్మణ్యం, సురేష్ కుమార్, వి. సుబ్బారావు, దిలీప్ ప్రమాణ స్వీకారం చేశారు. నూతన కార్యవర్గం సంఘ అభివృద్ధికి, సభ్యుల సంక్షేమానికి సమష్టిగా కృషి చేయాలని ఈ సందర్భంగా జిల్లా నాయకులు ఆకాంక్షించారు. *ఐకమత్యంతో సంఘ బలోపేతానికి కృషి చేయాలి* అనంతరం ఉమ్మడి పశ్చిమగోదావరి జిల్లా చైర్మన్ ఎం. రాము మాట్లాడుతూ ఫోటో అండ్ వీడియోగ్రాఫర్స్ వృత్తిలో ఎదురవుతున్న సమస్యలను పరిష్కరించుకోవడంతో పాటు, సభ్యుల సంక్షేమం కోసం సంఘటితంగా పనిచేయాల్సిన అవసరం ఉందన్నారు. సంఘ సభ్యుల మధ్య ఐకమత్యం, పరస్పర సహకారం, సమన్వయంతో ముందుకు సాగితే యూనియన్ మరింత బలోపేతం అవుతుందని పేర్కొన్నారు. తూర్పుగోదావరి జిల్లా అధ్యక్షులు గెల్లా రాజు మాట్లాడుతూ యూనియన్ అభివృద్ధి, సభ్యుల సంక్షేమం, వృత్తిపరమైన సమస్యల పరిష్కారం కోసం ప్రతి ఒక్కరూ బాధ్యతాయుతంగా వ్యవహరించాలని సూచించారు. నూతన కార్యవర్గం సమర్థవంతమైన నాయకత్వంతో సంఘాన్ని ప్రగతి పథంలో నడిపించాలని ఆకాంక్షించారు. కార్యక్రమంలో తూర్పుగోదావరి జిల్లా గౌరవాధ్యక్షులు పోకల రవి, జిల్లా గౌరవ సలహాదారు గాంధీ, పశ్చిమగోదావరి జిల్లా వ్యవస్థాపకులు భాష, జిల్లా గౌరవాధ్యక్షులు శ్యామ్, నల్లజర్ల యూనియన్ అధ్యక్షులు గోపాలకృష్ణ, తాళ్లపూడి యూనియన్ అధ్యక్షులు ఆశీర్వాదం, నల్లజర్ల యూనియన్ కార్యదర్శి చందర్రావు, కొవ్వూరు యూనియన్‌కు చెందిన శ్రీను, తాళ్లపూడి యూనియన్‌కు చెందిన వెంకటేష్, కొవ్వూరు యూనియన్‌కు చెందిన శశి తదితర ఫోటో అండ్ వీడియోగ్రాఫర్స్ పాల్గొన్నారు. ప్రమాణ స్వీకార కార్యక్రమం అనంతరం ఏర్పాటు చేసిన విందులో జిల్లా, మండల స్థాయి నాయకులు, యూనియన్ ప్రతినిధులు, ఫోటో అండ్ వీడియోగ్రాఫర్స్ పాల్గొని నూతన కార్యవర్గ సభ్యులకు అభినందనలు తెలిపారు.

నాయకులు కార్యకర్తల సమక్షంలో మాజీ శాసనసభ్యులు జ్యోతుల చంటిబాబు పుట్టినరోజు వేడుకలు* * కాకినాడ జిల్లా: జగ్గంపేట మండలం స్థానిక జగ్గంపేట గ్రామంలో జగ్గంపేట నియోజకవర్గం మాజీ శాసనసభ్యులు మరియు వైయస్సార్ కాంగ్రెస్ పార్టీ సీఈసీ మెంబర్ జ్యోతుల చంటిబాబు పుట్టినరోజు సందర్భంగా, నాయకులు కార్యకర్తలు సమక్షంలో జగ్గంపేటలోని వారి పార్టీ కార్యాలయంలో అత్యంత ఘనంగా పుట్టినరోజు వేడుకలు నిర్వహించారు. ఈ కార్యక్రమంలో ముందుగా కార్యకర్తలతో కలిసి జ్యోతుల రామస్వామి ఆధ్వర్యంలో కేక్ కటింగ్ చేసి కార్యకర్తలకు తినిపించారు.ఈ సందర్భంగా జగ్గంపేట గ్రామం మాజీ ఉపసర్పంచ్ బండారు రాజా మాట్లాడుతూ, ప్రజల మనిషి, ప్రజల కోసం నిరంతరం శ్రమించే వ్యక్తి, జ్యోతుల చంటిబాబు అని, అధికారంలో ఉన్నప్పుడు జగ్గంపేట నియోజకవర్గం అభివృద్ధి కోసం పనిచేసారని, అలాంటి నాయకుడు మళ్ళీ తమ నియోజకవర్గ ప్రజలకు నాయకత్వం వహించాలని, నిత్యం ప్రజలకు అండగా నిలుస్తూ, ప్రజలతో మమేకమై వారి సమస్యలను తెలుసుకుంటూ, ప్రజా మనిషిగా పేరుపొందిన జ్యోతుల చంటిబాబు పుట్టినరోజు సందర్భంగా కార్యకర్తలతో కలిసి కేక్ కట్ చేసి ఆయన పుట్టినరోజు వేడుకలు నిర్వహించడం ఆనందకరమని తెలియజేశారు. ఈ కార్యక్రమంలో కంచి లక్ష్మణ్ దొర, దోమల గంగాధర్, అప్పారావు కాపు, పెద్దకాపు, బుద్దిరెడ్డి చెక్కరరావు, నగేష్, సబ్బి శీను , వీధి శ్రీను, కౌశిక్, గౌస్, చిట్టిబాబు, వివేక్, బుజ్జి, తదితర కార్యకర్తలు జ్యోతుల చంటిబాబు అభిమానులు పాల్గొన్నారు...

అత్యంత ఘనంగా పిఠాపురం ఆర్ఆర్బీ హెచ్ ఆర్ విద్యాసంస్థల పూర్వ విద్యార్థుల ఆత్మీయ సమ్మేళనం. కాకినాడ జిల్లా...పిఠాపురం ఆర్ఆర్బి హెచ్ఆర్ జూనియర్ కళాశాల మరియు హైస్కూల్‌లో చదువుకున్న అన్ని గ్రూపుల పూర్వ విద్యార్థుల ఆత్మీయ సమ్మేళనం రీయూనియన్ అత్యంత ఘనంగా నిర్వహించారు.ప్రముఖులు బొజ్జ వీరవెంకట అప్పారావు ఆధ్వర్యంలో అత్యంత ఘనంగా నిర్వహించారు.ఈ కార్యక్రమం వారి జ్ఞాపకానులు గుర్తు చేసుకుంటూ మరుపురాని రోజులుగా పాత జ్ఞాపకాలను తలుచుకుంటూ ఒకరినొకరు ఆత్మీయంగా కలుసుకొన్నారు.ఈ సందర్భంగా వారు మాట్లాడుతూ పిఠాపురం మహారాజా వారి కోటలో గల రెడ్డి రాజాకళ్యాణ మండపంలో హైస్కూల్ మరియు ఇంటర్మీడియట్ చదివిన పూర్వ విద్యార్థులందరూ ఈ ఆత్మీయ సమ్మేళనం పిఠాపురం ఆర్ఆర్బి హెచ్ఆర్ జూనియర్ కళాశాల మరియు హైస్కూల్‌లో చదువుకున్న అన్ని గ్రూపుల పూర్వ విద్యార్థుల ఆత్మీయ సమ్మేళనం రీయూనియన్ లో సుమారు 180 మంది చేశారని,పిఠాపురం ఆర్ఆర్బీ హెచ్ ఆర్ విద్యాసంస్థల పూర్వ విద్యార్థుల నూతన కార్యవర్గాన్ని ఎన్నుకోవడం జరిగిందని అన్నారు.ఈ కార్యక్రమంలో ప్రెసిడెంట్ బొజ్జ వీరవెంకట అప్పారావు,వైస్ ప్రెసిడెంట్ పైడా సత్యనారాయణ, సెక్రటరీ చక్రవర్తుల సూర్యారావు, కోశాధికారి తోట ఏడుకొండలు, ఎగ్జిక్యూటివ్ మెంబర్స్ చెక్క రామకృష్ణ, కే.శ్రీనివాస్ రెడ్డి, పెండ్యాల సుదర్శనరావు, కొత్తేం రాంబాబు,పైండా శ్రీనివాసరావు, తాటికొండ సత్యనారాయణ, రెడ్డెం సత్యనారాయణమూర్తి, చక్రవర్తుల జగన్నాథరావు,పేకేటి రమేష్,కొట్టెం మోహన్ రావు, బాలెం నూకరాజు, దూల కృష్ణ, పట్టణ ప్రముఖులు తదితరులు పాల్గొన్నారు.

న్యాయవాదుల రక్షణ చట్టాన్ని తక్షణమే అమలు చేయాలి వైఎస్సార్సీపీ ఇంచార్జి వడ్డి రఘురామ్ నాయుడు న్యాయవాదుల రిలే నిరాహార దీక్ష శిబిరాన్ని సందర్శించి సంఘీభావం తెలిపిన వైఎస్సార్ సీపీ నియోజకవర్గ ఇంచార్జి వడ్డి రఘురామ్ నాయుడు తాడేపల్లిగూడెం పట్టణంలో న్యాయవాదుల రక్షణ చట్టాన్ని తక్షణమే అమలు చేయాలని డిమాండ్ చేస్తూ న్యాయవాదులు చేపట్టిన రిలే నిరాహార దీక్షకు వైఎస్సార్ కాంగ్రెస్ పార్టీ నియోజకవర్గ ఇంచార్జి వడ్డి రఘురామ్ నాయుడు సంఘీభావం తెలిపారు. న్యాయవాదుల రిలే నిరాహార దీక్ష శిబిరాన్ని సందర్శించిన వడ్డి రఘురామ్ నాయుడు, దీక్ష చేస్తున్న న్యాయవాదులను కలిసి వారి సమస్యలను అడిగి తెలుసుకున్నారు. న్యాయవాదుల భద్రతకు సంబంధించి వారు చేస్తున్న పోరాటానికి తన సంపూర్ణ మద్దతు ఉంటుందని తెలిపారు. న్యాయవాదులు ప్రజలకు న్యాయం అందించడంలో కీలక పాత్ర పోషిస్తున్నారని, తమ విధులను నిర్వహించే సమయంలో న్యాయవాదులకు భద్రత కల్పించడం ప్రభుత్వ బాధ్యత అని వడ్డి రఘురామ్ నాయుడు పేర్కొన్నారు. న్యాయవాదులపై దాడులు, బెదిరింపులు వంటి ఘటనలు చోటుచేసుకోకుండా వారికి ప్రత్యేక రక్షణ కల్పించే విధంగా అడ్వకేట్స్ ప్రొటెక్షన్ యాక్ట్‌ను తక్షణమే అమలు చేయాల్సిన అవసరం ఉందని ఆయన అన్నారు. న్యాయవాదుల న్యాయబద్ధమైన డిమాండ్లను రాష్ట్ర ప్రభుత్వం సానుకూలంగా పరిశీలించి, వారి సమస్యలకు త్వరితగతిన పరిష్కారం చూపాలని వడ్డి రఘురామ్ నాయుడు ప్రభుత్వాన్ని కోరారు. న్యాయవాదుల భద్రత కోసం వారు చేస్తున్న రిలే నిరాహార దీక్షకు వైఎస్సార్ కాంగ్రెస్ పార్టీ తరఫున సంపూర్ణ సంఘీభావం ప్రకటించారు. న్యాయవాదుల పోరాటానికి అండగా నిలిచేందుకు తాడేపల్లిగూడెం నియోజకవర్గానికి చెందిన వైఎస్సార్ సీపీ నాయకులు, కార్యకర్తలు, పార్టీ శ్రేణులు పెద్దఎత్తున రిలే నిరాహార దీక్ష శిబిరం వద్దకు చేరుకున్నారు. న్యాయవాదుల రక్షణ చట్టం అమలు కోసం చేపట్టిన ఉద్యమానికి తమ మద్దతును ప్రకటించారు. న్యాయవాదుల భద్రతకు ప్రత్యేక రక్షణ చట్టం అవసరమని, అడ్వకేట్స్ ప్రొటెక్షన్ యాక్ట్‌ను ఇక ఆలస్యం చేయకుండా తక్షణమే అమలు చేయాలని ఈ సందర్భంగా వడ్డి రఘురామ్ నాయుడు రాష్ట్ర ప్రభుత్వాన్ని కోరారు.

నాతవరం మండలం,డి.ఎర్రవరం హైస్కూల్‌లో అభయ అవగాహన కార్యక్రమం... నాతవరం (సత్య ఆంధ్ర): అనకాపల్లి జిల్లా ఎస్పీ తుహిన్ సిన్హా, ఐపీఎస్ ఆదేశాల మేరకు నాతవరం మండలం డి.ఎర్రవరం జిల్లా పరిషత్ ఉన్నత పాఠశాలలో గురువారం అభయ అవగాహన కార్యక్రమం నిర్వహించారు. మహిళలు, బాలికలపై నేరాలు, వేధింపులు, బాల్య వివాహాల నివారణ, సమస్యలు ఎదురైనప్పుడు పోలీసులకు ఫిర్యాదు చేసే విధానం, 112 అత్యవసర సేవలపై విద్యార్థులకు అవగాహన కల్పించారు. పాఠశాలలో ఏర్పాటు చేసిన అభయ ఫిర్యాదు పెట్టె వినియోగాన్ని వివరించారు.కమ్యూనిటీ పోలీసింగ్‌లో భాగంగా 8, 9వ తరగతి విద్యార్థులకు ఎస్‌ఐ నాతవరం ఎన్‌సీసీ కిట్లు, డ్రెస్సులు అందజేశారు. ఈ కార్యక్రమంలో ఇన్‌చార్జి హెచ్‌ఎం పద్మావతి, గ్రామ పెద్దలు బెన్నయ్య నాయుడు, ఇనపసప్పల సత్యవతి, ఉపాధ్యాయులు, విద్యార్థులు, పోలీస్ సిబ్బంది పాల్గొన్నారు.

కృష్ణా : పెడన లో హిందూ స్మశాన వాటిక అభివృద్ధి ...... బొడ్డు వేణు గోపాల రావు మాట్లాడుతూ గత బ్రిటిష్ కాలం నుండి కూడా హిందూ స్మశాన వాటిక కి ఎంతో ప్రాధాన్యత ఉందని తెలిపారు. ఎంపీ బాలసౌరి గారు కోటి ఎనభై లక్షల ఇరవై రెండు వేల రూపాయలు నిధులు కేటాయించి నందుకు పెడన పట్టణ ప్రజలు ఎప్పుడు తమ వెంట ఉంటామని తెలిపారు. పెడన హిందూ స్మశాన వాటిక పది కాలాల పాటు చిరస్తాయి గా నిలబడేలా తీర్చుదిద్దుతామని ఈ సందర్భం గా తెలిపారు.

మహిళల ఆరోగ్య పరిరక్షణ లక్ష్యం - ఎమ్మెల్యే నల్లమిల్లి రామకృష్ణా రెడ్డి మహిళల ఆరోగ్య పరిరక్షణ కోసం ప్రభుత్వం అనేక కార్యక్రమాలు నిర్వహిస్తుందని ఎమ్మెల్యే నల్లమిల్లి రామకృష్ణారెడ్డి అన్నారు. అనపర్తి మండలం రామవరంలోని జట్ల రెడ్డి కళ్యాణమండపంలో గురువారం నిర్వహించిన 9వ రాష్ట్రీయ పోషణ మాసం కార్యక్రమంలో ఎమ్మెల్యే నల్లమిల్లి రామకృష్ణారెడ్డి పాల్గొన్నారు. గర్భిణీలకు సామూహిక సీమంతాలు చేసి పౌష్టికాహారం కిట్లను పంపిణీ చేశారు. చిన్నారులకు అన్నప్రాసన నిర్వహించారు.