ଡ୍ରେନ ନାହିଁ, ପୂର୍ତ୍ତ ରାସ୍ତାରେ ବର୍ଷାଜଳ - କୋଟିକୋଟି ଟଙ୍କା ବ୍ୟୟ ପରେ ବି ରାସ୍ତାର ଅବସ୍ଥା ଦୟନୀୟ - ରାସ୍ତାର ଉଭୟ ପାର୍ଶ୍ବରେ ଡ୍ରେନ ନିର୍ମାଣ ଦାବି - ଆବଶ୍ୟକ ସ୍ଥାନରେ ହେବ ଡ୍ରେନ ନିର୍ମାଣ: ବିଭାଗୀୟ ଏସ ଡି ଓ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁରରୁ ଅମରପାଲି ଦେଇ ସମ୍ବଲପୁର ଜିଲ୍ଲା ସୀମା ପର୍ଯ୍ୟନ୍ତ ଯାଇଥିବା ପୂର୍ତ୍ତ ବିଭାଗର ରାସ୍ତା ଏବେ ବର୍ଷାଜଳ ନିଷ୍କାସନ ସମସ୍ୟାରେ ଜର୍ଜରିତ। ରାସ୍ତା ନିର୍ମାଣ ସମୟରେ ଆବଶ୍ୟକ ସ୍ଥାନରେ ଡ୍ରେନ ନିର୍ମାଣ ହୋଇ ନ ଥିବାରୁ ବର୍ଷା ହେଲେ ରାସ୍ତା ଉପରେ ପାଣି ପ୍ରବାହିତ ହେଉଛି। ଏପରିକି କେତେକ ସ୍ଥାନରେ ନର୍ଦ୍ଦମାଜଳ ମଧ୍ୟ ରାସ୍ତା ଉପରେ ଯାଉଛି। ଏହା ଯୋଗୁଁ ରାସ୍ତା ନଷ୍ଟ ହେବା ସହ ଯାତାୟାତରେ ମଧ୍ୟ ସମସ୍ୟା ଉପୁଜୁଛି। ପୂର୍ବରୁ ଏହି ରାସ୍ତା ଗ୍ରାମ୍ୟ ଉନ୍ନୟନ ବିଭାଗ (ଆରଡି) ଅଧୀନରେ ଥିଲା। ତତ୍କାଳୀନ ମୁଖ୍ୟମନ୍ତ୍ରୀ ତଥା ବର୍ତ୍ତମାନର ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ବୀରମହାରାଜପୁର ଗସ୍ତ ସମୟରେ ଏହି ରାସ୍ତାକୁ ପୂର୍ତ୍ତ ବିଭାଗ ଅଧୀନକୁ ନେଇ ନୂତନ ଭାବେ ନିର୍ମାଣ କରାଯିବ ବୋଲି ଘୋଷଣା ହୋଇଥିଲା। ପରବର୍ତ୍ତୀ ସମୟରେ ରାସ୍ତାଟି ପୂର୍ତ୍ତ ବିଭାଗକୁ ହସ୍ତାନ୍ତର ହୋଇଥିଲା। ସୁବର୍ଣ୍ଣପୁର ପୂର୍ତ୍ତ ବିଭାଗ ପକ୍ଷରୁ ବୀରମହାରାଜପୁରରୁ ଜିଲ୍ଲା ସୀମାବର୍ତ୍ତୀ ଅମରପାଲି ପର୍ଯ୍ୟନ୍ତ ଏବଂ ସମ୍ବଲପୁର ପୂର୍ତ୍ତ ବିଭାଗ ପକ୍ଷରୁ ଜିଲ୍ଲା ସୀମାରୁ ରେଢ଼ାଖୋଲ ବ୍ଲକ ମୋଚିବାହାଲଠାରେ ୫୫ ନମ୍ବର ଜାତୀୟ ରାଜପଥ ସହ ସଂଯୋଗ କରାଯାଇଛି। ସୁବର୍ଣ୍ଣପୁର ଜିଲ୍ଲା ଅଂଶର ଏହି ରାସ୍ତା ପ୍ରାୟ ୨୩ କିଲୋମିଟର ଦୀର୍ଘ। ପ୍ରାୟ ୬ ବର୍ଷ ପୂର୍ବେ ଏହାର ନିର୍ମାଣରେ ୩୨ କୋଟିରୁ ଅଧିକ ଟଙ୍କା ବ୍ୟୟ ହୋଇଥିବା କୁହାଯାଉଛି। ତେବେ ନିର୍ମାଣ ସମୟରେ ବିଭାଗୀୟ ଅଧିକାରୀ ଓ ଠିକାସଂସ୍ଥା ଆବଶ୍ୟକତାକୁ ଗୁରୁତ୍ୱ ନ ଦେଇ କାମ କରିଥିବା ସାଧାରଣ ଲୋକ ଅଭିଯୋଗ କରିଛନ୍ତି। ରାସ୍ତାର ଅନେକ ସ୍ଥାନରେ ଡ୍ରେନ ନିର୍ମାଣ ହୋଇ ନ ଥିବାରୁ ବର୍ଷାଜଳ ସିଧାସଳଖ ରାସ୍ତା ଉପରେ ପ୍ରବାହିତ ହେଉଛି। ବହଳପଦର ଗ୍ରାମର ପ୍ରକାଶ ପ୍ରଧାନ କହିଛନ୍ତି, "ରାସ୍ତା ନିର୍ମାଣ ସମୟରେ ଆମେ ଗାଁ ଭିତରେ ରାସ୍ତାର ଉଭୟ ପାର୍ଶ୍ୱରେ ଡ୍ରେନ ନିର୍ମାଣ ପାଇଁ ଠିକାସଂସ୍ଥାକୁ କହିଥିଲୁ। ମାତ୍ର ଡ୍ରେନର ଆବଶ୍ୟକତା ନାହିଁ ବୋଲି କହି ସେମାନେ ମନା କରିଦେଇଥିଲେ।" ଅନବରତ ବର୍ଷାଜଳ ରାସ୍ତା ଉପରେ ପ୍ରବାହିତ ହେଉଥିବାରୁ ବିଭିନ୍ନ ସମୟରେ ରାସ୍ତାରେ ଘାଇ ସୃଷ୍ଟି ହେବା ସହ ପିଚୁ ଉଠି ରାସ୍ତା ନଷ୍ଟ ହେଉଛି। ଗତ ଲଗାଣ ବର୍ଷାରେ ବୀରମହାରାଜପୁର ନିକଟସ୍ଥ ବାଗମାରୀ ପୋଖରୀ ପାର୍ଶ୍ୱରେ ରାସ୍ତାରେ ଘାଇ ହୋଇଥିବାବେଳେ ଏସବିଆଇ ସମ୍ମୁଖରେ ମଧ୍ୟ ଗାତ ସୃଷ୍ଟି ହୋଇଥିଲା। ପରେ ଏହାର ମରାମତି କରାଯାଇଥିଲା। ଅମରପାଲି ସୀମାବର୍ତ୍ତୀ ଆମ୍ବପାଲ, ଅମରପାଲି-ବହଳପଦର ମଧ୍ୟରେ ଥିବା ନାଳ ନିକଟରେ ମଧ୍ୟ ରାସ୍ତାର ଉଭୟ ପାର୍ଶ୍ୱ ଖାଲ ହୋଇଯାଇଛି। କେତେକ ସ୍ଥାନରେ ପିଚୁ ପଡ଼ିଥିଲେ ମଧ୍ୟ ତଳଭାଗରେ ମାଟି ନ ଥିବା ଅଭିଯୋଗ ହେଉଛି। ଅମରପାଲି, ବହଳପଦର, ଭୂତିଆପାଲି, ମୁର୍ଷୁଣ୍ଢୀ ଭଳି ଗ୍ରାମାଞ୍ଚଳ ସମେତ ବ୍ଲକ ସଦର ମହକୁମା ଓ ନବଗଠିତ ବୀରମହାରାଜପୁର ଏନଏସି ଅଞ୍ଚଳରେ ମଧ୍ୟ ଡ୍ରେନ ସମସ୍ୟା ଦେଖାଦେଇଛି। ଏହି ସବୁ ଅଞ୍ଚଳରେ ବର୍ଷା ହେଲେ ରାସ୍ତା ଉପରେ ପାଣି ପ୍ରବାହିତ ହେବାରୁ ରାସ୍ତା ଖରାପ ହେଉଛି। ରାସ୍ତା ଖରାପ ହେଲେ ମାତ୍ର କେତେକ ସ୍ଥାନରେ ଲୋକ ଦେଖାଣିଆ ଭାବେ ଏହାର ମରାମତି କରାଯାଇଥିବା ବେଳେ ଉପାନ୍ତ ଅଞ୍ଚଳରେ ଏହାର ମରାମତି କରାଯାଉ ନ ଥିବା ଅଭିଯୋଗ ହେଉଛି। ରାସ୍ତା କଡ଼ରେ ଡ୍ରେନ ନ ଥିବାର ସୁଯୋଗ ନେଇ କେତେକ ସ୍ଥାନରେ ରାସ୍ତା ଅଞ୍ଚଳ ମଧ୍ୟ ଜବରଦଖଲ ହେଉଥିବା ଅଭିଯୋଗ ରହିଛି। ଅମରପାଲିର ବିନୋଦ ସେଠୀ କହିଛନ୍ତି, "ଯେଉଁ ସ୍ଥାନରେ ରାସ୍ତା ଉପରେ ପାଣି ପ୍ରବାହିତ ହେଉଛି, ସେଠାରେ ଡ୍ରେନ ନିର୍ମାଣ କରାଗଲେ ବର୍ଷାଜଳ ରାସ୍ତା ଉପରେ ଯିବ ନାହିଁ। ଏହାଦ୍ୱାରା ରାସ୍ତା ଶୀଘ୍ର ନଷ୍ଟ ହେବ ନାହିଁ।" ମୁର୍ଷୁଣ୍ଢୀ ଗ୍ରାମର ବଳରାମ ପଧାନ କହିଛନ୍ତି, "ରାସ୍ତା ଉପରେ ବର୍ଷାଜଳ ଯାଉଥିବାରୁ ରାସ୍ତା ନଷ୍ଟ ହେଉଛି। ଯେଉଁ ସ୍ଥାନରେ ଡ୍ରେନର ଆବଶ୍ୟକତା ରହିଛି, ସେଠାରେ ବିଭାଗ ପକ୍ଷରୁ ବ୍ୟବସ୍ଥା କରାଯାଇ ନାହିଁ। ତେଣୁ ଏବେ ଆବଶ୍ୟକ ସ୍ଥାନରେ ଡ୍ରେନ ନିର୍ମାଣ କରାଯିବା ଦରକାର।" ସ୍ଥାନୀୟ ଲୋକଙ୍କ ଅଭିଯୋଗ ଅନୁଯାୟୀ, ଗାଁ ଅଞ୍ଚଳରେ ରାସ୍ତା ଖରାପ ହେଲେ ମଧ୍ୟ ନିୟମିତ ଭାବେ ମରାମତି ହେଉନାହିଁ। ବିଭିନ୍ନ ସ୍ଥାନରେ ଡ୍ରେନ ନିର୍ମାଣ ପାଇଁ ବିଭାଗୀୟ ଅଧିକାରୀଙ୍କୁ ଜଣାଇଥିଲେ ମଧ୍ୟ ସମସ୍ୟାର ସ୍ଥାୟୀ ସମାଧାନ ହେଉ ନ ଥିବା ଲୋକେ କହିଛନ୍ତି। ଏନେଇ ସୁବର୍ଣ୍ଣପୁର ଜିଲ୍ଲା ପୂର୍ତ୍ତ ବିଭାଗର ର ସହକାରୀ ନିର୍ବାହୀ ଯନ୍ତ୍ରୀ ଫାକିଙ୍ଗ ସିଂଙ୍କୁ ପଚାରିବାରୁ, "ଯେଉଁ ସ୍ଥାନରେ ଡ୍ରେନର ଆବଶ୍ୟକତା ରହିଛି, ସେହି ସ୍ଥାନରେ ବିଭାଗ ପକ୍ଷରୁ ଡ୍ରେନ ନିର୍ମାଣ କରାଯିବ" ବୋଲି କହିଛନ୍ତି। ବର୍ଷାଜଳ ନିଷ୍କାସନ ପାଇଁ ତୁରନ୍ତ ଆବଶ୍ୟକ ସ୍ଥାନ ଚିହ୍ନଟ କରି ଡ୍ରେନ ନିର୍ମାଣ ସହ ରାସ୍ତାର ଦୁର୍ବଳ ସ୍ଥାନଗୁଡ଼ିକର ସ୍ଥାୟୀ ମରାମତି କରାଯାଉ ବୋଲି ଅଞ୍ଚଳବାସୀ ଦାବି କରିଛନ୍ତି।

Pitambar Sahu

Reporter ବୀରମହାରାଜପୁର, ସୋନପୁର, ଓଡ଼ିଶା•

1 hr ago

ଡ୍ରେନ ନାହିଁ, ପୂର୍ତ୍ତ ରାସ୍ତାରେ ବର୍ଷାଜଳ - କୋଟିକୋଟି ଟଙ୍କା ବ୍ୟୟ ପରେ ବି ରାସ୍ତାର ଅବସ୍ଥା ଦୟନୀୟ - ରାସ୍ତାର ଉଭୟ ପାର୍ଶ୍ବରେ ଡ୍ରେନ ନିର୍ମାଣ ଦାବି - ଆବଶ୍ୟକ ସ୍ଥାନରେ ହେବ ଡ୍ରେନ ନିର୍ମାଣ: ବିଭାଗୀୟ ଏସ ଡି ଓ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁରରୁ ଅମରପାଲି ଦେଇ ସମ୍ବଲପୁର ଜିଲ୍ଲା ସୀମା ପର୍ଯ୍ୟନ୍ତ ଯାଇଥିବା ପୂର୍ତ୍ତ ବିଭାଗର ରାସ୍ତା ଏବେ ବର୍ଷାଜଳ ନିଷ୍କାସନ ସମସ୍ୟାରେ ଜର୍ଜରିତ। ରାସ୍ତା ନିର୍ମାଣ ସମୟରେ ଆବଶ୍ୟକ ସ୍ଥାନରେ ଡ୍ରେନ ନିର୍ମାଣ ହୋଇ ନ ଥିବାରୁ ବର୍ଷା ହେଲେ ରାସ୍ତା ଉପରେ ପାଣି ପ୍ରବାହିତ ହେଉଛି। ଏପରିକି କେତେକ ସ୍ଥାନରେ ନର୍ଦ୍ଦମାଜଳ ମଧ୍ୟ ରାସ୍ତା ଉପରେ ଯାଉଛି। ଏହା ଯୋଗୁଁ ରାସ୍ତା ନଷ୍ଟ ହେବା ସହ ଯାତାୟାତରେ ମଧ୍ୟ ସମସ୍ୟା ଉପୁଜୁଛି। ପୂର୍ବରୁ ଏହି ରାସ୍ତା ଗ୍ରାମ୍ୟ ଉନ୍ନୟନ ବିଭାଗ (ଆରଡି) ଅଧୀନରେ ଥିଲା। ତତ୍କାଳୀନ ମୁଖ୍ୟମନ୍ତ୍ରୀ ତଥା ବର୍ତ୍ତମାନର ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ବୀରମହାରାଜପୁର ଗସ୍ତ ସମୟରେ ଏହି ରାସ୍ତାକୁ ପୂର୍ତ୍ତ ବିଭାଗ ଅଧୀନକୁ ନେଇ ନୂତନ ଭାବେ ନିର୍ମାଣ କରାଯିବ ବୋଲି ଘୋଷଣା ହୋଇଥିଲା। ପରବର୍ତ୍ତୀ ସମୟରେ ରାସ୍ତାଟି ପୂର୍ତ୍ତ ବିଭାଗକୁ ହସ୍ତାନ୍ତର ହୋଇଥିଲା। ସୁବର୍ଣ୍ଣପୁର ପୂର୍ତ୍ତ ବିଭାଗ ପକ୍ଷରୁ ବୀରମହାରାଜପୁରରୁ ଜିଲ୍ଲା ସୀମାବର୍ତ୍ତୀ ଅମରପାଲି ପର୍ଯ୍ୟନ୍ତ ଏବଂ ସମ୍ବଲପୁର ପୂର୍ତ୍ତ ବିଭାଗ ପକ୍ଷରୁ ଜିଲ୍ଲା ସୀମାରୁ ରେଢ଼ାଖୋଲ ବ୍ଲକ ମୋଚିବାହାଲଠାରେ ୫୫ ନମ୍ବର ଜାତୀୟ ରାଜପଥ ସହ ସଂଯୋଗ କରାଯାଇଛି। ସୁବର୍ଣ୍ଣପୁର ଜିଲ୍ଲା ଅଂଶର ଏହି ରାସ୍ତା ପ୍ରାୟ ୨୩ କିଲୋମିଟର ଦୀର୍ଘ। ପ୍ରାୟ ୬ ବର୍ଷ ପୂର୍ବେ ଏହାର ନିର୍ମାଣରେ ୩୨ କୋଟିରୁ ଅଧିକ ଟଙ୍କା ବ୍ୟୟ ହୋଇଥିବା କୁହାଯାଉଛି। ତେବେ ନିର୍ମାଣ ସମୟରେ ବିଭାଗୀୟ ଅଧିକାରୀ ଓ ଠିକାସଂସ୍ଥା ଆବଶ୍ୟକତାକୁ ଗୁରୁତ୍ୱ ନ ଦେଇ କାମ କରିଥିବା ସାଧାରଣ ଲୋକ ଅଭିଯୋଗ କରିଛନ୍ତି। ରାସ୍ତାର ଅନେକ ସ୍ଥାନରେ ଡ୍ରେନ ନିର୍ମାଣ ହୋଇ ନ ଥିବାରୁ ବର୍ଷାଜଳ ସିଧାସଳଖ ରାସ୍ତା ଉପରେ ପ୍ରବାହିତ ହେଉଛି। ବହଳପଦର ଗ୍ରାମର ପ୍ରକାଶ ପ୍ରଧାନ କହିଛନ୍ତି, "ରାସ୍ତା ନିର୍ମାଣ ସମୟରେ ଆମେ ଗାଁ ଭିତରେ ରାସ୍ତାର ଉଭୟ ପାର୍ଶ୍ୱରେ ଡ୍ରେନ ନିର୍ମାଣ ପାଇଁ ଠିକାସଂସ୍ଥାକୁ କହିଥିଲୁ। ମାତ୍ର ଡ୍ରେନର ଆବଶ୍ୟକତା ନାହିଁ ବୋଲି କହି ସେମାନେ ମନା କରିଦେଇଥିଲେ।" ଅନବରତ ବର୍ଷାଜଳ ରାସ୍ତା ଉପରେ ପ୍ରବାହିତ ହେଉଥିବାରୁ ବିଭିନ୍ନ ସମୟରେ ରାସ୍ତାରେ ଘାଇ ସୃଷ୍ଟି ହେବା ସହ ପିଚୁ ଉଠି ରାସ୍ତା ନଷ୍ଟ ହେଉଛି। ଗତ ଲଗାଣ

ବର୍ଷାରେ ବୀରମହାରାଜପୁର ନିକଟସ୍ଥ ବାଗମାରୀ ପୋଖରୀ ପାର୍ଶ୍ୱରେ ରାସ୍ତାରେ ଘାଇ ହୋଇଥିବାବେଳେ ଏସବିଆଇ ସମ୍ମୁଖରେ ମଧ୍ୟ ଗାତ ସୃଷ୍ଟି ହୋଇଥିଲା। ପରେ ଏହାର ମରାମତି କରାଯାଇଥିଲା। ଅମରପାଲି ସୀମାବର୍ତ୍ତୀ ଆମ୍ବପାଲ, ଅମରପାଲି-ବହଳପଦର ମଧ୍ୟରେ ଥିବା ନାଳ ନିକଟରେ ମଧ୍ୟ ରାସ୍ତାର ଉଭୟ ପାର୍ଶ୍ୱ ଖାଲ ହୋଇଯାଇଛି। କେତେକ ସ୍ଥାନରେ ପିଚୁ ପଡ଼ିଥିଲେ ମଧ୍ୟ ତଳଭାଗରେ ମାଟି ନ ଥିବା ଅଭିଯୋଗ ହେଉଛି। ଅମରପାଲି, ବହଳପଦର, ଭୂତିଆପାଲି, ମୁର୍ଷୁଣ୍ଢୀ ଭଳି ଗ୍ରାମାଞ୍ଚଳ ସମେତ ବ୍ଲକ ସଦର ମହକୁମା ଓ ନବଗଠିତ ବୀରମହାରାଜପୁର ଏନଏସି ଅଞ୍ଚଳରେ ମଧ୍ୟ ଡ୍ରେନ ସମସ୍ୟା ଦେଖାଦେଇଛି। ଏହି ସବୁ ଅଞ୍ଚଳରେ ବର୍ଷା ହେଲେ ରାସ୍ତା ଉପରେ ପାଣି ପ୍ରବାହିତ ହେବାରୁ ରାସ୍ତା ଖରାପ ହେଉଛି। ରାସ୍ତା ଖରାପ ହେଲେ ମାତ୍ର କେତେକ ସ୍ଥାନରେ ଲୋକ ଦେଖାଣିଆ ଭାବେ ଏହାର ମରାମତି କରାଯାଇଥିବା ବେଳେ ଉପାନ୍ତ ଅଞ୍ଚଳରେ ଏହାର ମରାମତି କରାଯାଉ ନ ଥିବା ଅଭିଯୋଗ ହେଉଛି। ରାସ୍ତା କଡ଼ରେ ଡ୍ରେନ ନ ଥିବାର ସୁଯୋଗ ନେଇ କେତେକ ସ୍ଥାନରେ ରାସ୍ତା ଅଞ୍ଚଳ ମଧ୍ୟ ଜବରଦଖଲ ହେଉଥିବା ଅଭିଯୋଗ ରହିଛି। ଅମରପାଲିର ବିନୋଦ ସେଠୀ କହିଛନ୍ତି, "ଯେଉଁ ସ୍ଥାନରେ ରାସ୍ତା ଉପରେ ପାଣି ପ୍ରବାହିତ ହେଉଛି, ସେଠାରେ ଡ୍ରେନ ନିର୍ମାଣ କରାଗଲେ ବର୍ଷାଜଳ ରାସ୍ତା ଉପରେ ଯିବ ନାହିଁ। ଏହାଦ୍ୱାରା ରାସ୍ତା ଶୀଘ୍ର ନଷ୍ଟ ହେବ ନାହିଁ।" ମୁର୍ଷୁଣ୍ଢୀ ଗ୍ରାମର ବଳରାମ ପଧାନ କହିଛନ୍ତି, "ରାସ୍ତା ଉପରେ ବର୍ଷାଜଳ ଯାଉଥିବାରୁ ରାସ୍ତା ନଷ୍ଟ ହେଉଛି। ଯେଉଁ ସ୍ଥାନରେ ଡ୍ରେନର ଆବଶ୍ୟକତା ରହିଛି, ସେଠାରେ ବିଭାଗ ପକ୍ଷରୁ ବ୍ୟବସ୍ଥା କରାଯାଇ ନାହିଁ। ତେଣୁ ଏବେ ଆବଶ୍ୟକ ସ୍ଥାନରେ ଡ୍ରେନ ନିର୍ମାଣ କରାଯିବା ଦରକାର।" ସ୍ଥାନୀୟ ଲୋକଙ୍କ ଅଭିଯୋଗ ଅନୁଯାୟୀ, ଗାଁ ଅଞ୍ଚଳରେ ରାସ୍ତା ଖରାପ ହେଲେ ମଧ୍ୟ ନିୟମିତ ଭାବେ ମରାମତି ହେଉନାହିଁ। ବିଭିନ୍ନ ସ୍ଥାନରେ ଡ୍ରେନ ନିର୍ମାଣ ପାଇଁ ବିଭାଗୀୟ ଅଧିକାରୀଙ୍କୁ ଜଣାଇଥିଲେ ମଧ୍ୟ ସମସ୍ୟାର ସ୍ଥାୟୀ ସମାଧାନ ହେଉ ନ ଥିବା ଲୋକେ କହିଛନ୍ତି। ଏନେଇ ସୁବର୍ଣ୍ଣପୁର ଜିଲ୍ଲା ପୂର୍ତ୍ତ ବିଭାଗର ର ସହକାରୀ ନିର୍ବାହୀ ଯନ୍ତ୍ରୀ ଫାକିଙ୍ଗ ସିଂଙ୍କୁ ପଚାରିବାରୁ, "ଯେଉଁ ସ୍ଥାନରେ ଡ୍ରେନର ଆବଶ୍ୟକତା ରହିଛି, ସେହି ସ୍ଥାନରେ ବିଭାଗ ପକ୍ଷରୁ ଡ୍ରେନ ନିର୍ମାଣ କରାଯିବ" ବୋଲି କହିଛନ୍ତି। ବର୍ଷାଜଳ ନିଷ୍କାସନ ପାଇଁ ତୁରନ୍ତ ଆବଶ୍ୟକ ସ୍ଥାନ ଚିହ୍ନଟ କରି ଡ୍ରେନ ନିର୍ମାଣ ସହ ରାସ୍ତାର ଦୁର୍ବଳ ସ୍ଥାନଗୁଡ଼ିକର ସ୍ଥାୟୀ ମରାମତି କରାଯାଉ ବୋଲି ଅଞ୍ଚଳବାସୀ ଦାବି କରିଛନ୍ତି।