बुलढाणा, दि. २२ (जिमाका): महाराष्ट्र शासनाच्या दिव्यांग कल्याण आयुक्तालय, पुणे आणि जिल्हा परिषद, सांगली यांच्या अंतर्गत मिरज येथील शासकीय प्रौढ दिव्यांग प्रशिक्षण केंद्र व वसतिगृहात सन २०२६-२७ या शैक्षणिक वर्षासाठी दिव्यांग युवकांसाठी मोफत संगणकीय आणि व्यावसायिक प्रशिक्षणाची प्रवेश प्रक्रिया सुरू झाली आहे. पश्चिम महाराष्ट्रातील दिव्यांगांना मोफत प्रशिक्षण देणारी ही एकमेव शासकीय संस्था असून, तिला अखिल भारतीय स्तरावरील 'फिक्की अवॉर्ड १९९९' हा प्रतिष्ठेचा पुरस्कार मिळाला आहे. या संस्थेमध्ये ‘सर्टिफिकेट इन कॉम्प्युटर ऑपरेशन विथ एम.एस. ऑफिस’ तसेच ‘मोटार अँड आर्मेचर वायंडिंग व सबमर्सिबल पंप (सिंगल फेज)’ हे एक वर्षाचे अभ्यासक्रम उपलब्ध आहेत. या अभ्यासक्रमांना महाराष्ट्र राज्य कौशल्य व्यवसाय शिक्षण व प्रशिक्षण मंडळ, मुंबई यांची मान्यता आहे. प्रवेशासाठी अर्जदाराचे वय १६ ते ४० वर्षांदरम्यान असणे आवश्यक आहे आणि हे प्रवेश केवळ दिव्यांग मुलांसाठी आहेत. संगणक अभ्यासक्रमासाठी किमान आठवी उत्तीर्ण, तर इलेक्ट्रिक अभ्यासक्रमासाठी किमान नववी उत्तीर्ण ही शैक्षणिक पात्रता आवश्यक आहे. प्रशिक्षणार्थींना निवास, भोजन आणि प्रशिक्षणाची संपूर्ण मोफत सुविधा दिली जाणार आहे. याशिवाय, अद्ययावत संगणक प्रयोगशाळा, इंटरनेट सुविधा, भरपूर प्रात्यक्षिक प्रशिक्षण, अनुभवी प्रशिक्षकांचे मार्गदर्शन आणि स्वयंरोजगारासाठी समाज कल्याण विभागाच्या बीजभांडवल योजनेचा लाभ मिळण्याची संधी उपलब्ध आहे. प्रवेश अर्ज आणि माहितीपत्रक शासकीय प्रौढ दिव्यांग प्रशिक्षण केंद्र व वसतिगृह, टाकळी रोड, म्हेत्रे मळा, गोदड मळ्याजवळ, मिरज (जि. सांगली) येथे विनामूल्य उपलब्ध आहेत. हे अर्ज पोस्टाने किंवा संस्थेत प्रत्यक्ष जमा करता येतील. अर्जासोबत शाळा सोडल्याचा दाखला, गुणपत्रिका, अपंगत्व प्रमाणपत्र, आधार कार्ड, यूडीआयडी कार्ड, अधिवास प्रमाणपत्र आणि उत्पन्नाचा दाखला यांच्या छायाप्रती जोडणे अनिवार्य आहे. मर्यादित जागा उपलब्ध असल्याने पात्र दिव्यांग युवकांनी त्वरित अर्ज करण्याचे आवाहन संस्थेने केले आहे. तसेच, ग्रामीण आणि शहरी भागातील नागरिकांना त्यांच्या परिसरातील गरजू दिव्यांग बांधवांपर्यंत या योजनेची माहिती पोहोचवून त्यांना लाभ घेण्यासाठी प्रोत्साहित करण्याचे आवाहनही करण्यात आले आहे. अधिक माहितीसाठी ०२३३-२२२२९०८, ९९२२५७७५६१ किंवा ९३२५५५५९८१ या क्रमांकांवर संपर्क साधता येईल.

सागर वानखेडे sagar wankhede

Teacher मोताळा, बुलढाणा, महाराष्ट्र•

8 hrs ago

बुलढाणा, दि. २२ (जिमाका): महाराष्ट्र शासनाच्या दिव्यांग कल्याण आयुक्तालय, पुणे आणि जिल्हा परिषद, सांगली यांच्या अंतर्गत मिरज येथील शासकीय प्रौढ दिव्यांग प्रशिक्षण केंद्र व वसतिगृहात सन २०२६-२७ या शैक्षणिक वर्षासाठी दिव्यांग युवकांसाठी मोफत संगणकीय आणि व्यावसायिक प्रशिक्षणाची प्रवेश प्रक्रिया सुरू झाली आहे. पश्चिम महाराष्ट्रातील दिव्यांगांना मोफत प्रशिक्षण देणारी ही एकमेव शासकीय संस्था असून, तिला अखिल भारतीय स्तरावरील 'फिक्की अवॉर्ड १९९९' हा प्रतिष्ठेचा पुरस्कार मिळाला आहे. या संस्थेमध्ये ‘सर्टिफिकेट इन कॉम्प्युटर ऑपरेशन विथ एम.एस. ऑफिस’ तसेच ‘मोटार अँड आर्मेचर वायंडिंग व सबमर्सिबल पंप (सिंगल फेज)’ हे एक वर्षाचे अभ्यासक्रम उपलब्ध आहेत. या अभ्यासक्रमांना महाराष्ट्र राज्य कौशल्य व्यवसाय शिक्षण व प्रशिक्षण मंडळ, मुंबई यांची मान्यता आहे. प्रवेशासाठी अर्जदाराचे वय १६ ते ४० वर्षांदरम्यान असणे आवश्यक आहे आणि हे प्रवेश केवळ दिव्यांग मुलांसाठी आहेत. संगणक अभ्यासक्रमासाठी किमान आठवी उत्तीर्ण, तर इलेक्ट्रिक अभ्यासक्रमासाठी किमान नववी उत्तीर्ण ही शैक्षणिक पात्रता आवश्यक आहे. प्रशिक्षणार्थींना निवास, भोजन आणि प्रशिक्षणाची संपूर्ण मोफत सुविधा दिली जाणार आहे. याशिवाय, अद्ययावत संगणक प्रयोगशाळा, इंटरनेट सुविधा, भरपूर प्रात्यक्षिक प्रशिक्षण, अनुभवी प्रशिक्षकांचे मार्गदर्शन आणि स्वयंरोजगारासाठी समाज कल्याण विभागाच्या बीजभांडवल योजनेचा लाभ मिळण्याची संधी उपलब्ध आहे. प्रवेश अर्ज आणि माहितीपत्रक शासकीय प्रौढ दिव्यांग प्रशिक्षण केंद्र व वसतिगृह, टाकळी रोड, म्हेत्रे मळा, गोदड मळ्याजवळ, मिरज (जि. सांगली) येथे विनामूल्य उपलब्ध आहेत. हे अर्ज पोस्टाने किंवा संस्थेत प्रत्यक्ष जमा करता येतील. अर्जासोबत शाळा सोडल्याचा दाखला, गुणपत्रिका, अपंगत्व प्रमाणपत्र, आधार कार्ड, यूडीआयडी कार्ड, अधिवास प्रमाणपत्र आणि उत्पन्नाचा दाखला यांच्या छायाप्रती जोडणे अनिवार्य आहे. मर्यादित जागा उपलब्ध असल्याने पात्र दिव्यांग युवकांनी त्वरित अर्ज करण्याचे आवाहन संस्थेने केले आहे. तसेच, ग्रामीण आणि शहरी भागातील नागरिकांना त्यांच्या परिसरातील गरजू दिव्यांग बांधवांपर्यंत या योजनेची माहिती पोहोचवून त्यांना लाभ घेण्यासाठी प्रोत्साहित करण्याचे आवाहनही करण्यात आले आहे. अधिक माहितीसाठी ०२३३-२२२२९०८, ९९२२५७७५६१ किंवा ९३२५५५५९८१ या क्रमांकांवर संपर्क साधता येईल.