भोकरदन येथे भाजप युती सरकारने अनुसूचित जातीतील अ, ब, क, ड आरक्षण उपवर्गीकरण करण्याचा घाट घातल्याच्या विरोधात बुधवारी, २४ रोजी बौद्ध समाजाच्या वतीने प्रचंड जनआक्रोश मोर्चा काढण्यात आला. पंचायत समितीपासून उपविभागीय अधिकारी कार्यालयापर्यंत ७ हजार बौद्ध समाज बांधवांच्या उपस्थितीत हे "निळे वादळ" धडकले. दुपारी १२.३० वाजता रमाई नगर येथील डॉ. बाबासाहेब आंबेडकरांच्या पुतळ्याला अभिवादन करून मोर्चाला सुरुवात झाली. यावेळी उपवर्गीकरण प्रक्रिया रद्द करा, शासकीय नोकरीतील अनुसूचित जातीचा अनुशेष तत्काळ भरा, माजी न्यायमूर्ती अनंत बदर समितीचा अहवाल तात्काळ रद्द करा, पदोन्नतीमधील आरक्षण तात्काळ लागू करा आणि जातनिहाय जनगणना तात्काळ करा या मागण्यांचे फलक हाती घेऊन व डॉ. बाबासाहेब आंबेडकरांचा जयघोष करत मोर्चा उपविभागीय अधिकारी कार्यालयावर पोहोचला. कृती समितीच्या वतीने अण्णाभाऊ साठे, छत्रपती शिवाजी महाराज आणि सिल्लोड रोडवरील डॉ. बाबासाहेब आंबेडकर यांच्या पुतळ्यांनाही अभिवादन करण्यात आले. मोर्चा नगर परिषद कार्यालयासमोर आल्यानंतर त्याचे रूपांतर जाहीर सभेत झाले. या मोर्चाचे वैशिष्ट्य म्हणजे त्याचे नेतृत्व सकल बौद्ध समाजाने केले होते, त्यामुळे व्यासपीठावर फक्त बौद्ध भिक्खू शिवली श्याक्यपुत्र महाथेरो, प्रा. ह. नी. कांबळे आणि इंजिनिअर विश्वदीप करंजीकर हेच उपस्थित होते. शिवली श्याक्यपुत्र महाथेरो यांनी त्रिशरण पंचशील दिले, तर प्रा. सोनकांबळे यांनी सरकारच्या उपवर्गीकरण करण्यामागील उद्देश आणि त्याचे परिणाम यावर सविस्तर भूमिका मांडत सरकार कसे संविधानाला नख लावण्याचा प्रयत्न करत आहे, हे समजावून सांगितले. इंजिनिअर करंजीकर यांनी आक्रमक शैलीत सरकार अनुसूचित जातींमध्ये उपवर्गीकरण करून भांडणे लावत असल्याचे स्पष्ट केले. शेवटी, तहसीलदार व पोलीस निरीक्षक यांच्यामार्फत महाराष्ट्र राज्याच्या मुख्यमंत्र्यांना उपवर्गीकरण तात्काळ रद्द करण्यासह इतर मागण्यांचे निवेदन लहान मुलांच्या हस्ते देण्यात आले. भोकरदन शहरासह तालुक्यातील हजारो महिला, पुरुष आणि भीमसैनिक या मोर्चात सहभागी झाले होते.

Bharat 24Taas News

TV News Anchor Bhokardan, Jalna•

2 hrs ago

भोकरदन येथे भाजप युती सरकारने अनुसूचित जातीतील अ, ब, क, ड आरक्षण उपवर्गीकरण करण्याचा घाट घातल्याच्या विरोधात बुधवारी, २४ रोजी बौद्ध समाजाच्या वतीने प्रचंड जनआक्रोश मोर्चा काढण्यात आला. पंचायत समितीपासून उपविभागीय अधिकारी कार्यालयापर्यंत ७ हजार बौद्ध समाज बांधवांच्या उपस्थितीत हे "निळे वादळ" धडकले. दुपारी १२.३० वाजता रमाई नगर येथील डॉ. बाबासाहेब आंबेडकरांच्या पुतळ्याला अभिवादन करून मोर्चाला सुरुवात झाली. यावेळी उपवर्गीकरण प्रक्रिया रद्द करा, शासकीय नोकरीतील अनुसूचित जातीचा अनुशेष तत्काळ भरा, माजी न्यायमूर्ती अनंत बदर समितीचा अहवाल तात्काळ रद्द करा, पदोन्नतीमधील आरक्षण तात्काळ लागू करा आणि जातनिहाय जनगणना तात्काळ करा या मागण्यांचे फलक हाती घेऊन व डॉ. बाबासाहेब आंबेडकरांचा जयघोष करत मोर्चा उपविभागीय अधिकारी कार्यालयावर पोहोचला. कृती समितीच्या वतीने अण्णाभाऊ साठे, छत्रपती शिवाजी महाराज आणि सिल्लोड रोडवरील डॉ. बाबासाहेब आंबेडकर यांच्या पुतळ्यांनाही अभिवादन करण्यात आले. मोर्चा नगर परिषद कार्यालयासमोर आल्यानंतर त्याचे रूपांतर जाहीर सभेत झाले. या मोर्चाचे वैशिष्ट्य म्हणजे त्याचे नेतृत्व सकल बौद्ध समाजाने केले होते, त्यामुळे व्यासपीठावर फक्त बौद्ध भिक्खू शिवली श्याक्यपुत्र महाथेरो, प्रा. ह. नी. कांबळे आणि इंजिनिअर विश्वदीप करंजीकर हेच उपस्थित होते. शिवली श्याक्यपुत्र महाथेरो यांनी त्रिशरण पंचशील दिले, तर प्रा. सोनकांबळे यांनी सरकारच्या उपवर्गीकरण करण्यामागील उद्देश आणि त्याचे परिणाम यावर सविस्तर भूमिका मांडत सरकार कसे संविधानाला नख लावण्याचा प्रयत्न करत आहे, हे समजावून सांगितले. इंजिनिअर करंजीकर यांनी आक्रमक शैलीत सरकार अनुसूचित जातींमध्ये उपवर्गीकरण करून भांडणे लावत असल्याचे स्पष्ट केले. शेवटी, तहसीलदार व पोलीस निरीक्षक यांच्यामार्फत महाराष्ट्र राज्याच्या मुख्यमंत्र्यांना उपवर्गीकरण तात्काळ रद्द करण्यासह इतर मागण्यांचे निवेदन लहान मुलांच्या हस्ते देण्यात आले. भोकरदन शहरासह तालुक्यातील हजारो महिला, पुरुष आणि भीमसैनिक या मोर्चात सहभागी झाले होते.