बुलढाणा जिल्ह्यातील मेहकर येथील पेन्टाकळी प्रकल्पावर सध्या भीषण पाणी टंचाईचे संकट घोंगावत असून, प्रशासनाच्या डोळ्यांदेखत मोठ्या प्रमाणावर पाणी चोरी सुरू आहे. प्रकल्पातील जलसाठा आता केवळ २१ टक्क्यांवर येऊन ठेपला आहे. आगामी काळात पिण्याच्या पाण्याची गरज लक्षात घेता, जिल्हाधिकाऱ्यांनी प्रकल्पातून पाण्याचा उपसा थांबवण्याचे आणि पाणी आरक्षित ठेवण्याचे स्पष्ट निर्देश दिले होते. असे असतानाही, परिसरातील शेकडो मोटार पंप दिवसा-रात्र सुरू ठेवून मोठ्या प्रमाणावर पाण्याची अवैध उचल केली जात आहे. प्रशासनाच्या ढिम्म कारभारावर आणि संबंधित विभागाच्या दुर्लक्षामुळे या नियमांचे सर्रास उल्लंघन होत आहे. आज प्रकल्पात ३३ टक्के जलसाठा उपलब्ध असला तरी, अनधिकृतपणे पाणी उपसले जात असल्याने पिण्याच्या पाण्याचे संकट अधिक गडद होण्याची शक्यता निर्माण झाली आहे. या अनधिकृत पाणी उपशामुळे शेती आणि पिण्याच्या पाण्याचा प्रश्न गंभीर बनला असून, आता वरिष्ठ अधिकारी याकडे गांभीर्याने लक्ष देऊन ठोस कारवाई कधी करणार, याकडे संपूर्ण जिल्ह्याचे लक्ष लागले आहे.

जिजाऊ एक्सप्रेस २८ न्यूज

News Anchor बुलडाणा, बुलढाणा, महाराष्ट्र•

2 hrs ago

बुलढाणा जिल्ह्यातील मेहकर येथील पेन्टाकळी प्रकल्पावर सध्या भीषण पाणी टंचाईचे संकट घोंगावत असून, प्रशासनाच्या डोळ्यांदेखत मोठ्या प्रमाणावर पाणी चोरी सुरू आहे. प्रकल्पातील जलसाठा आता केवळ २१ टक्क्यांवर येऊन ठेपला आहे. आगामी काळात पिण्याच्या पाण्याची गरज लक्षात घेता, जिल्हाधिकाऱ्यांनी प्रकल्पातून पाण्याचा उपसा थांबवण्याचे आणि पाणी आरक्षित ठेवण्याचे स्पष्ट निर्देश दिले होते. असे असतानाही, परिसरातील शेकडो मोटार पंप दिवसा-रात्र सुरू ठेवून मोठ्या प्रमाणावर पाण्याची अवैध उचल केली जात आहे. प्रशासनाच्या ढिम्म कारभारावर आणि संबंधित विभागाच्या दुर्लक्षामुळे या नियमांचे सर्रास उल्लंघन होत आहे. आज प्रकल्पात ३३ टक्के जलसाठा उपलब्ध असला तरी, अनधिकृतपणे पाणी उपसले जात असल्याने पिण्याच्या पाण्याचे संकट अधिक गडद होण्याची शक्यता निर्माण झाली आहे. या अनधिकृत पाणी उपशामुळे शेती आणि पिण्याच्या पाण्याचा प्रश्न गंभीर बनला असून, आता वरिष्ठ अधिकारी याकडे गांभीर्याने लक्ष देऊन ठोस कारवाई कधी करणार, याकडे संपूर्ण जिल्ह्याचे लक्ष लागले आहे.