अवैध गर्भपात रॅकेटचा पर्दाफाश; ६ जनाविरुद्ध गुन्हा दाखल अवैध गर्भपात रॅकेटचा पर्दाफाश; ६ जनाविरुद्ध गुन्हा दाखल छत्रपती संभाजीनगर शहरातील रशीदपुरा भागात अवैध गर्भपात करणाऱ्या टोळीचा सिटी चौक पोलिस व आरोग्य विभागाने संयुक्त कारवाईत पर्दाफाश केला आहे. मंगळवारी (दि. २८) पहाटे २ वाजेच्या सुमारास ‘खमर विला’ (प्लॉट नं. १६) येथे सुरू असलेल्या बेकायदेशीर गर्भपात केंद्रावर धाड टाकण्यात आली. मिळालेल्या माहितीनुसार, २७ एप्रिल रोजी सायंकाळी एका गर्भवती महिलेला गर्भपातासाठी या ठिकाणी आणण्यात आले होते. तिला गर्भपाताच्या गोळ्या देण्यात आल्या; मात्र त्यानंतर पहाटे तिची प्रकृती अचानक बिघडली. तातडीने तिला शासकीय वैद्यकीय महाविद्यालय व रुग्णालय (घाटी) येथे पहाटे ३:३० वाजता उपचारासाठी दाखल करण्यात आले आहे. घटनेची माहिती वरिष्ठ पोलीस निरीक्षक निर्मला परदेशी यांनी आरोग्य अधिकारी डॉ. पारस मंडलेचा यांना दिल्यानंतर तात्काळ संयुक्त धाड टाकण्यात आली. या कारवाईदरम्यान अवैध गर्भपातासाठी वापरण्यात येणारे साहित्य, सोनोग्राफी प्रोब तसेच औषधांचा मोठा साठा जप्त करण्यात आला. या प्रकरणी एकूण सहा आरोपींविरुद्ध सिटी चौक पोलीस ठाण्यात गुन्हा दाखल करण्याची प्रक्रिया सुरू असून, शहरात महिनाभरात तिसऱ्यांदा अशा रॅकेटचा पर्दाफाश झाल्याने मोठी खळबळ उडाली आहे. घटनेचा पुढील तपास सिटी चौक पोलीस करत आहेत.

पत्रकार ओमप्रकाश उढाण

घनसावंगी, जालना, महाराष्ट्र•

14 hrs ago

अवैध गर्भपात रॅकेटचा पर्दाफाश; ६ जनाविरुद्ध गुन्हा दाखल अवैध गर्भपात रॅकेटचा पर्दाफाश; ६ जनाविरुद्ध गुन्हा दाखल छत्रपती संभाजीनगर शहरातील रशीदपुरा भागात अवैध गर्भपात करणाऱ्या टोळीचा सिटी चौक पोलिस व आरोग्य विभागाने संयुक्त कारवाईत पर्दाफाश केला आहे. मंगळवारी (दि. २८) पहाटे २ वाजेच्या सुमारास ‘खमर विला’ (प्लॉट नं. १६) येथे सुरू असलेल्या बेकायदेशीर गर्भपात केंद्रावर धाड टाकण्यात आली. मिळालेल्या माहितीनुसार, २७ एप्रिल रोजी सायंकाळी एका गर्भवती महिलेला गर्भपातासाठी या ठिकाणी आणण्यात आले होते. तिला गर्भपाताच्या गोळ्या देण्यात आल्या; मात्र त्यानंतर पहाटे तिची प्रकृती अचानक बिघडली. तातडीने तिला शासकीय वैद्यकीय महाविद्यालय व रुग्णालय (घाटी) येथे पहाटे ३:३० वाजता उपचारासाठी दाखल करण्यात आले आहे. घटनेची माहिती वरिष्ठ पोलीस निरीक्षक निर्मला परदेशी यांनी आरोग्य अधिकारी डॉ. पारस मंडलेचा यांना दिल्यानंतर तात्काळ संयुक्त धाड टाकण्यात आली. या कारवाईदरम्यान अवैध गर्भपातासाठी वापरण्यात येणारे साहित्य, सोनोग्राफी प्रोब तसेच औषधांचा मोठा साठा जप्त करण्यात आला. या प्रकरणी एकूण सहा आरोपींविरुद्ध सिटी चौक पोलीस ठाण्यात गुन्हा दाखल करण्याची प्रक्रिया सुरू असून, शहरात महिनाभरात तिसऱ्यांदा अशा रॅकेटचा पर्दाफाश झाल्याने मोठी खळबळ उडाली आहे. घटनेचा पुढील तपास सिटी चौक पोलीस करत आहेत.