ମୟୂରଭଞ୍ଜ ଜିଲ୍ଲା ଶୁଳିଆପଦା ପୋଲିସ୍ ଶୁକ୍ରବାର ବିଳମ୍ୱିତ ରାତିରେ ସୀଙ୍ଗୀମାରା ଠାରେ ଚଢ଼ଉ କରି ଏକ ଚୋରା ବାଲି ବୋଝେଇ ଟ୍ରାକ୍ଟର ଜବତ କରିଛି। ଏହି କାର୍ଯ୍ୟାନୁଷ୍ଠାନ ପରେ ଅଞ୍ଚଳରେ ଚୋରା ବାଲି ଚାଲାଣ ଉପରେ ରୋକ୍ ଲାଗିବ ବୋଲି ସାଧାରଣରେ ଆଲୋଚନା ହେଉଛି। ସୂଚନା ଅନୁଯାୟୀ, ଶୁକ୍ରବାର ରାତିରେ ପେଟ୍ରୋଲିଂ ସମୟରେ ପୋଲିସ ସୀଙ୍ଗୀମାରା ଅଞ୍ଚଳରେ ଏକ ସନ୍ଦେହଜନକ ଟ୍ରାକ୍ଟର ଦେଖିବାକୁ ପାଇଥିଲା। ଯାଞ୍ଚ ବେଳେ ଏହା ବେଆଇନ ଭାବେ ବାଲି ବୋଝେଇ କରି ପାକଟିଆ ନେଉଥିବା ଜଣାପଡ଼ିଥିଲା। ପୋଲିସ୍ ତୁରନ୍ତ ଟ୍ରାକ୍ଟର ସହ ବାଲିକୁ ଜବତ କରି ଥାନାକୁ ଆଣିଥିଲା। ଏହି ଘଟଣାରେ ଟ୍ରାକ୍ଟର ଚାଳକ ଉତ୍ତମ ନାଏକ ଏବଂ ମାଲିକ ବଉଦ୍ଧବ କୁମାର ନାଏକଙ୍କ ବିରୁଦ୍ଧରେ ଶୁଳିଆପଦା ଥାନାରେ ଖଣି ଓ ଭୂତ୍ତ୍ୱ ଆଇନ ଅନୁଯାୟୀ କେଶ ନମ୍ବର ୮୬ ରେ ଏକ ମାମଲା ରୁଜୁ କରାଯାଇଛି। ପୋଲିସ କହିଛି ଯେ ଚୋରା ବାଲି ଚାଲାଣରେ ସଂପୃକ୍ତ ଥିବା ଅନ୍ୟ ଲୋକଙ୍କୁ ଚିହ୍ନଟ କରି କାର୍ଯ୍ୟାନୁଷ୍ଠାନ ନିଆଯିବ। ଦୀର୍ଘ ଦିନ ହେବ ଶୁଳିଆପଦା ଅଞ୍ଚଳରେ ରାତି ଅଧରେ ଚୋରା ବାଲି ଚାଲାଣ ଯୋଗୁଁ ସରକାରୀ ରାଜସ୍ୱ କ୍ଷତି ହେଉଥିବା ସହ ରାସ୍ତାଘାଟ ମଧ୍ୟ ନଷ୍ଟ ହେଉଥିଲା। ପୋଲିସର ଏହି କାର୍ଯ୍ୟାନୁଷ୍ଠାନକୁ ଗ୍ରାମବାସୀମାନେ ସ୍ୱାଗତ କରିଛନ୍ତି। ଶୁଳିଆପଦା ଥାନା ଅଧିକାରୀ ସତ୍ୟନାରାୟଣ ବଳ ସ୍ପଷ୍ଟ କରିଛନ୍ତି ଯେ ଚୋରା ବାଲି ଚାଲାଣ ଉପରେ ସେମାନଙ୍କର ନଜର ରହିଛି ଏବଂ ଆଗକୁ ମଧ୍ୟ ଏଭଳି ଚଢ଼ଉ ଜାରି ରହିବ। ସେ କହିଛନ୍ତି ଯେ କେହି ବେଆଇନ କାମରେ ସଂପୃକ୍ତ ଥିଲେ ଛଡ଼ାଯିବେ ନାହିଁ। ପୋଲିସର ଏହି ଦୃଢ଼ କାର୍ଯ୍ୟାନୁଷ୍ଠାନ ପରେ ଅଞ୍ଚଳରେ ଚୋରା ବାଲି ମାଫିଆଙ୍କ ମଧ୍ୟରେ ଛନକା ପଶିଛି।

JAYANTA DHADA

Photographer ସୁଳିଆପଡ଼ା, ମୟୂରଭଞ୍ଜ, ଓଡ଼ିଶା•

17 hrs ago

ମୟୂରଭଞ୍ଜ ଜିଲ୍ଲା ଶୁଳିଆପଦା ପୋଲିସ୍ ଶୁକ୍ରବାର ବିଳମ୍ୱିତ ରାତିରେ ସୀଙ୍ଗୀମାରା ଠାରେ ଚଢ଼ଉ କରି ଏକ ଚୋରା ବାଲି ବୋଝେଇ ଟ୍ରାକ୍ଟର ଜବତ କରିଛି। ଏହି କାର୍ଯ୍ୟାନୁଷ୍ଠାନ ପରେ ଅଞ୍ଚଳରେ ଚୋରା ବାଲି ଚାଲାଣ ଉପରେ ରୋକ୍ ଲାଗିବ ବୋଲି ସାଧାରଣରେ ଆଲୋଚନା ହେଉଛି। ସୂଚନା ଅନୁଯାୟୀ, ଶୁକ୍ରବାର ରାତିରେ ପେଟ୍ରୋଲିଂ ସମୟରେ ପୋଲିସ ସୀଙ୍ଗୀମାରା ଅଞ୍ଚଳରେ ଏକ ସନ୍ଦେହଜନକ ଟ୍ରାକ୍ଟର ଦେଖିବାକୁ ପାଇଥିଲା। ଯାଞ୍ଚ ବେଳେ ଏହା ବେଆଇନ ଭାବେ ବାଲି ବୋଝେଇ କରି ପାକଟିଆ ନେଉଥିବା ଜଣାପଡ଼ିଥିଲା। ପୋଲିସ୍ ତୁରନ୍ତ ଟ୍ରାକ୍ଟର ସହ ବାଲିକୁ ଜବତ କରି ଥାନାକୁ ଆଣିଥିଲା। ଏହି ଘଟଣାରେ ଟ୍ରାକ୍ଟର ଚାଳକ ଉତ୍ତମ ନାଏକ ଏବଂ ମାଲିକ ବଉଦ୍ଧବ କୁମାର ନାଏକଙ୍କ ବିରୁଦ୍ଧରେ ଶୁଳିଆପଦା ଥାନାରେ ଖଣି ଓ ଭୂତ୍ତ୍ୱ ଆଇନ ଅନୁଯାୟୀ କେଶ ନମ୍ବର ୮୬ ରେ ଏକ ମାମଲା ରୁଜୁ କରାଯାଇଛି। ପୋଲିସ କହିଛି ଯେ ଚୋରା ବାଲି ଚାଲାଣରେ ସଂପୃକ୍ତ ଥିବା ଅନ୍ୟ ଲୋକଙ୍କୁ ଚିହ୍ନଟ କରି କାର୍ଯ୍ୟାନୁଷ୍ଠାନ ନିଆଯିବ। ଦୀର୍ଘ ଦିନ ହେବ ଶୁଳିଆପଦା ଅଞ୍ଚଳରେ ରାତି ଅଧରେ ଚୋରା ବାଲି ଚାଲାଣ ଯୋଗୁଁ ସରକାରୀ ରାଜସ୍ୱ କ୍ଷତି ହେଉଥିବା ସହ ରାସ୍ତାଘାଟ ମଧ୍ୟ ନଷ୍ଟ ହେଉଥିଲା। ପୋଲିସର ଏହି କାର୍ଯ୍ୟାନୁଷ୍ଠାନକୁ ଗ୍ରାମବାସୀମାନେ ସ୍ୱାଗତ କରିଛନ୍ତି। ଶୁଳିଆପଦା ଥାନା ଅଧିକାରୀ ସତ୍ୟନାରାୟଣ ବଳ ସ୍ପଷ୍ଟ କରିଛନ୍ତି ଯେ ଚୋରା ବାଲି ଚାଲାଣ ଉପରେ ସେମାନଙ୍କର ନଜର ରହିଛି ଏବଂ ଆଗକୁ ମଧ୍ୟ ଏଭଳି ଚଢ଼ଉ ଜାରି ରହିବ। ସେ କହିଛନ୍ତି ଯେ କେହି ବେଆଇନ କାମରେ ସଂପୃକ୍ତ ଥିଲେ ଛଡ଼ାଯିବେ ନାହିଁ। ପୋଲିସର ଏହି ଦୃଢ଼ କାର୍ଯ୍ୟାନୁଷ୍ଠାନ ପରେ ଅଞ୍ଚଳରେ ଚୋରା ବାଲି ମାଫିଆଙ୍କ ମଧ୍ୟରେ ଛନକା ପଶିଛି।