హెడ్‌మాస్టర్ మాలకొండయ్య పదవీ విరమణ కార్యక్రమంలో పాల్గొన్న ఎమ్మెల్యే కాకర్ల పాఠశాలను స్వగృహంలా భావించి అభివృద్ధికి కృషి చేశారని ప్రసంశ..! వింజమూరు పట్టణంలోని జిల్లా పరిషత్ ఉన్నత పాఠశాలలో హెడ్‌మాస్టర్ గా (గ్రేడ్-II) దీర్ఘకాలం సేవలందించిన చీర్లదిన్నె మాలకొండయ్య పదవీ విరమణ కార్యక్రమం ఘనంగా నిర్వహించబడింది. ఈ కార్యక్రమానికి ఉదయగిరి శాసనసభ్యులు కాకర్ల సురేష్ ముఖ్య అతిథిగా హాజరై, మాలకొండయ్య ని శాలువాతో సన్మానించి వారి విశిష్ట సేవలకు తెలియజేశారు. ఈ సందర్భంగా ఎమ్మెల్యే కాకర్ల సురేష్ మాట్లాడుతూ, మాలకొండయ్య గత 37 సంవత్సరాల పాటు ఉపాధ్యాయ వృత్తిలో నిబద్ధతతో, అంకితభావంతో పనిచేసి విద్యారంగానికి అపారమైన సేవలు అందించారని ప్రశంసించారు. తాను పనిచేసిన పాఠశాలను స్వగృహంలా భావించి, అక్కడి విద్యార్థుల భవిష్యత్తు కోసం, పాఠశాల అభివృద్ధి కోసం నిరంతరం కృషి చేసిన వ్యక్తిగా ఆయన నిలిచారని కొనియాడారు. పాఠశాలలో అవసరమైన మౌలిక వసతులను గుర్తించి వాటి సాధన కోసం చేసిన కృషి నిజంగా ఆదర్శప్రాయమని పేర్కొన్నారు.గ్రామీణ ప్రాంతాల్లో విద్యార్థులకు నాణ్యమైన విద్య అందించడం ఎంతో సవాలుతో కూడుకున్నదని, అయినప్పటికీ మాలకొండయ్య విద్యార్థులను ఉన్నత శిఖరాలకు చేర్చేందుకు తమ శక్తి వంచన లేకుండా పనిచేశారని అన్నారు. ఉపాధ్యాయులు సమాజ నిర్మాణంలో కీలక పాత్ర పోషిస్తారని, వారు అందించే జ్ఞానం అనేక తరాల భవిష్యత్తును తీర్చిదిద్దుతుందని గుర్తుచేశారు.పదవీ విరమణ అనంతరం కూడా మాలకొండయ్య సమాజ సేవలో చురుకుగా పాల్గొని, తన అనుభవాన్ని సమాజానికి ఉపయోగపడే విధంగా వినియోగిస్తారని ఆశాభావం వ్యక్తం చేశారు. ఒక ఉపాధ్యాయుడు తన వృత్తిలో రాణించాలంటే కుటుంబ సభ్యుల సహకారం ఎంతో అవసరమని, ఈ సందర్భంగా వారి కుటుంబ సభ్యుల సహకారానికి ప్రత్యేక అభినందనలు తెలియజేశారు. మాలకొండయ్య సేవలను స్మరించుకుంటూ, సమాజం పట్ల ఆయన చూపిన అంకితభావాన్ని కొనియాడుతూ, పదవీ విరమణ అనంతరం ఆయన శేష జీవితం ఆరోగ్యంతో, ఆనందంతో, సుఖసంతోషాలతో నిండి ఉండాలని ఎమ్మెల్యే హృదయపూర్వకంగా ఆకాంక్షించారు. ఈ కార్యక్రమంలో స్థానిక నాయకులు కార్యకర్తలు తదితరులు పాల్గొన్నారు.

Chandu Chandu

కలిగిరి, ఎస్పీఎస్ఆర్ నెల్లూరు, ఆంధ్రప్రదేశ్•

17 hrs ago

హెడ్‌మాస్టర్ మాలకొండయ్య పదవీ విరమణ కార్యక్రమంలో పాల్గొన్న ఎమ్మెల్యే కాకర్ల పాఠశాలను స్వగృహంలా భావించి అభివృద్ధికి కృషి చేశారని ప్రసంశ..! వింజమూరు పట్టణంలోని జిల్లా పరిషత్ ఉన్నత పాఠశాలలో హెడ్‌మాస్టర్ గా (గ్రేడ్-II) దీర్ఘకాలం సేవలందించిన చీర్లదిన్నె మాలకొండయ్య పదవీ విరమణ కార్యక్రమం ఘనంగా నిర్వహించబడింది. ఈ కార్యక్రమానికి ఉదయగిరి శాసనసభ్యులు కాకర్ల సురేష్ ముఖ్య అతిథిగా హాజరై, మాలకొండయ్య ని శాలువాతో సన్మానించి వారి విశిష్ట సేవలకు తెలియజేశారు. ఈ సందర్భంగా ఎమ్మెల్యే కాకర్ల సురేష్ మాట్లాడుతూ, మాలకొండయ్య గత 37 సంవత్సరాల పాటు ఉపాధ్యాయ వృత్తిలో నిబద్ధతతో, అంకితభావంతో పనిచేసి విద్యారంగానికి అపారమైన సేవలు అందించారని ప్రశంసించారు. తాను పనిచేసిన పాఠశాలను స్వగృహంలా భావించి, అక్కడి విద్యార్థుల భవిష్యత్తు కోసం, పాఠశాల అభివృద్ధి కోసం నిరంతరం కృషి చేసిన వ్యక్తిగా ఆయన నిలిచారని కొనియాడారు. పాఠశాలలో అవసరమైన మౌలిక వసతులను గుర్తించి వాటి సాధన కోసం చేసిన కృషి నిజంగా ఆదర్శప్రాయమని పేర్కొన్నారు.గ్రామీణ ప్రాంతాల్లో విద్యార్థులకు నాణ్యమైన విద్య అందించడం ఎంతో సవాలుతో కూడుకున్నదని, అయినప్పటికీ మాలకొండయ్య విద్యార్థులను ఉన్నత శిఖరాలకు చేర్చేందుకు తమ శక్తి వంచన లేకుండా పనిచేశారని అన్నారు. ఉపాధ్యాయులు సమాజ నిర్మాణంలో కీలక పాత్ర పోషిస్తారని, వారు అందించే జ్ఞానం అనేక తరాల భవిష్యత్తును తీర్చిదిద్దుతుందని గుర్తుచేశారు.పదవీ విరమణ అనంతరం కూడా మాలకొండయ్య సమాజ సేవలో చురుకుగా పాల్గొని, తన అనుభవాన్ని సమాజానికి ఉపయోగపడే విధంగా వినియోగిస్తారని ఆశాభావం వ్యక్తం చేశారు. ఒక ఉపాధ్యాయుడు తన వృత్తిలో రాణించాలంటే కుటుంబ సభ్యుల సహకారం ఎంతో అవసరమని, ఈ సందర్భంగా వారి కుటుంబ సభ్యుల సహకారానికి ప్రత్యేక అభినందనలు తెలియజేశారు. మాలకొండయ్య సేవలను స్మరించుకుంటూ, సమాజం పట్ల ఆయన చూపిన అంకితభావాన్ని కొనియాడుతూ, పదవీ విరమణ అనంతరం ఆయన శేష జీవితం ఆరోగ్యంతో, ఆనందంతో, సుఖసంతోషాలతో నిండి ఉండాలని ఎమ్మెల్యే హృదయపూర్వకంగా ఆకాంక్షించారు. ఈ కార్యక్రమంలో స్థానిక నాయకులు కార్యకర్తలు తదితరులు పాల్గొన్నారు.