उमराणेतील श्री रामेश्वर कृषी मार्केटचा खासगी बाजार परवाना रद्द पणन संचालकांचा आदेश, शेतमाल खरेदी विक्रीवर बंदी देवळा : देवळा तालुक्यातील महात्मा फुलेनगर (उमराणे) येथील श्री रामेश्वर कृषी मार्केटला देण्यात आलेला खासगी बाजार परवाना पणन संचालक शरद जरे यांनी रद्द केला आहे. गुरुवारी (दि. ३०) जारी करण्यात आलेल्या या आदेशामुळे संबंधित बाजारातील शेतमालाच्या खरेदी-विक्रीचे व्यवहार तत्काळ बंद होणार असल्याने तालुक्यात खळबळ उडाली आहे. मागील वर्षी जून २०२५ मध्ये पणन विभागाच्या सहसंचालक स्नेहा जोशी यांनी या खासगी बाजाराची सविस्तर तपासणी केली होती. तपासणीत व्यापाऱ्यांच्या व्यवहारांवर बाजार व्यवस्थापनाचे प्रभावी नियंत्रण नसल्याचे निदर्शनास आले. शेतकऱ्यांना शेतमालाचे पैसे नियमानुसार व वेळेत मिळत आहेत की नाही, याबाबतही बाजार परवानाधारक अनभिज्ञ असल्याचे स्पष्ट झाले. तपासणीदरम्यान काही व्यापाऱ्यांकडे शेतमाल खरेदी व शेतकऱ्यांना देयके अदा केल्याची आवश्यक कागदपत्रे उपलब्ध नव्हती. याचवेळी हर्षद ट्रेडर्सविरोधात बाजार परिसरात घोषणाबाजी झाल्यानंतर शेतकऱ्यांकडून अर्ज मागवण्यात आले होते. त्यात तब्बल ३८ तक्रारी प्राप्त झाल्या होत्या. अहवालानुसार, शेतकऱ्यांच्या थकीत देयकांच्या वसुलीसाठी बाजार व्यवस्थापनाने कोणतीही प्रभावी कार्यवाही केली नसल्याचे तसेच त्याबाबतचे अभिलेखही उपलब्ध नसल्याचे आढळले. व्यापाऱ्यांच्या व्यवहारांवर आवश्यक पर्यवेक्षण व नियंत्रण नसल्याचाही निष्कर्ष नोंदवण्यात आला. दरम्यान, या प्रकरणी घेण्यात आलेल्या ११ सुनावण्यांना बाजार परवानाधारकांनी प्रतिसाद दिला नसल्याने चौकशी प्रक्रियेत अडथळा निर्माण झाल्याचा ठपकाही आदेशात ठेवण्यात आला आहे. या सर्व बाबींचा विचार करत संबंधित खासगी बाजाराने वैधानिक जबाबदाऱ्यांचे गंभीर उल्लंघन केल्याचे नमूद करत पणन संचालकांनी बाजारचा परवाना रद्द केला आहे. या आदेशानंतर संबंधित बाजारात शेतमालाच्या खरेदी-विक्रीचे व्यवहार केल्यास कायदेशीर कारवाईचा इशाराही देण्यात आला आहे. दरम्यान, या निर्णयाबाबत श्री रामेश्वर कृषी मार्केटच्या संचालक मंडळाशी संपर्क साधण्याचा प्रयत्न करण्यात आला असतो तो होऊ शकला नाही.

Dadasaheb Gaikwad

Nashik, Maharashtra•

2 hrs ago

उमराणेतील श्री रामेश्वर कृषी मार्केटचा खासगी बाजार परवाना रद्द पणन संचालकांचा आदेश, शेतमाल खरेदी विक्रीवर बंदी देवळा : देवळा तालुक्यातील महात्मा फुलेनगर (उमराणे) येथील श्री रामेश्वर कृषी मार्केटला देण्यात आलेला खासगी बाजार परवाना पणन संचालक शरद जरे यांनी रद्द केला आहे. गुरुवारी (दि. ३०) जारी करण्यात आलेल्या या आदेशामुळे संबंधित बाजारातील शेतमालाच्या खरेदी-विक्रीचे व्यवहार तत्काळ बंद होणार असल्याने तालुक्यात खळबळ उडाली आहे. मागील वर्षी जून २०२५ मध्ये पणन विभागाच्या सहसंचालक स्नेहा जोशी यांनी या खासगी बाजाराची सविस्तर तपासणी केली होती. तपासणीत व्यापाऱ्यांच्या व्यवहारांवर बाजार व्यवस्थापनाचे प्रभावी नियंत्रण नसल्याचे निदर्शनास आले. शेतकऱ्यांना शेतमालाचे पैसे नियमानुसार व वेळेत मिळत आहेत की नाही, याबाबतही बाजार परवानाधारक अनभिज्ञ असल्याचे स्पष्ट झाले. तपासणीदरम्यान काही व्यापाऱ्यांकडे शेतमाल खरेदी व शेतकऱ्यांना देयके अदा केल्याची आवश्यक कागदपत्रे उपलब्ध नव्हती. याचवेळी हर्षद ट्रेडर्सविरोधात बाजार परिसरात घोषणाबाजी झाल्यानंतर शेतकऱ्यांकडून अर्ज मागवण्यात आले होते. त्यात तब्बल ३८ तक्रारी प्राप्त झाल्या होत्या. अहवालानुसार, शेतकऱ्यांच्या थकीत देयकांच्या वसुलीसाठी बाजार व्यवस्थापनाने कोणतीही प्रभावी कार्यवाही केली नसल्याचे तसेच त्याबाबतचे अभिलेखही उपलब्ध नसल्याचे आढळले. व्यापाऱ्यांच्या व्यवहारांवर आवश्यक पर्यवेक्षण व नियंत्रण नसल्याचाही निष्कर्ष नोंदवण्यात आला. दरम्यान, या प्रकरणी घेण्यात आलेल्या ११ सुनावण्यांना बाजार परवानाधारकांनी प्रतिसाद दिला नसल्याने चौकशी प्रक्रियेत अडथळा निर्माण झाल्याचा ठपकाही आदेशात ठेवण्यात आला आहे. या सर्व बाबींचा विचार करत संबंधित खासगी बाजाराने वैधानिक जबाबदाऱ्यांचे गंभीर उल्लंघन केल्याचे नमूद करत पणन संचालकांनी बाजारचा परवाना रद्द केला आहे. या आदेशानंतर संबंधित बाजारात शेतमालाच्या खरेदी-विक्रीचे व्यवहार केल्यास कायदेशीर कारवाईचा इशाराही देण्यात आला आहे. दरम्यान, या निर्णयाबाबत श्री रामेश्वर कृषी मार्केटच्या संचालक मंडळाशी संपर्क साधण्याचा प्रयत्न करण्यात आला असतो तो होऊ शकला नाही.