તરણેતર બન્ની ભેંસ બની "ચેમ્પિયન ઓફ ધ શો", મળ્યું રૂ. ૧ લાખનું ઈનામ તરણેતર બન્ની ભેંસ બની "ચેમ્પિયન ઓફ ધ શો", મળ્યું રૂ. ૧ લાખનું ઈનામ દેશી ઓલાદની પશુ જાતોના સંવર્ધન અને પ્રોત્સાહન માટેનો અનોખો પ્રયાસ ગીર, કાંકરેજ, જાફરાબાદી અને બન્ની ભેંસના ઉત્કૃષ્ટ ઉછેરને પ્રોત્સાહન આપવા ૨૧૩ પશુઓ વચ્ચે યોજાઈ હરીફાઈ વિજેતાઓને મળ્યા લાખો રૂપિયાના ઈનામો અને ભાગ લેનાર પ્રત્યેક પશુપાલકને આશ્વાસન ઈનામ, પરિવહન તથા નિભાવ સહાય ગુજરાતની પ્રગતિમાં પાયારૂપ એવા પશુપાલન વ્યવસાયને પ્રોત્સાહન આપવાના ઉદ્દેશથી રાજ્ય સરકાર દ્વારા દર વર્ષે સુરેન્દ્રનગર જિલ્લાના થાન તાલુકાના વિશ્વપ્રસિદ્ધ તરણેતર ખાતે શુદ્ધ દેશી ઓલાદના ઉચ્ચ લક્ષણો ધરાવતા પશુઓ જેવાં કે ગીર અને કાંકરેજ ગાય તેમજ જાફરાબાદી અને બન્ની ભેંસના ઉછેરને પ્રોત્સાહિત કરવા પશુ પ્રદર્શન હરીફાઈનું આયોજન કરવામાં આવે છે. ચાલુ વર્ષે પણ ૧૪ સપ્ટેમ્બર (ભાદરવા સુદ ત્રીજ) થી ૧૬ સપ્ટેમ્બર (ભાદરવા સુદ પાંચમ) દરમિયાન આ ભવ્ય પશુ પ્રદર્શન હરીફાઈ યોજવામાં આવી હતી. જેમાં શહેરી વિકાસ અને શહેરી ગૃહ નિર્માણ રાજ્ય મંત્રીશ્રી દર્શનાબેન વાઘેલાએ ગૌ-પૂજન કરીને પ્રદર્શનની મુલાકાત લીધી હતી. આ પ્રસંગે નાયબ મુખ્ય દંડક શ્રી જગદીશભાઈ મકવાણા, સાંસદશ્રી ચંદુભાઈ શિહોરા, જિલ્લા પંચાયત પ્રમુખ શ્રી રંજનબેન ભૂસડીયા, સર્વે ધારાસભ્યશ્રી શામજીભાઈ ચૌહાણ, શ્રી પ્રકાશભાઈ વરમોરા, શ્રી પી. કે. પરમાર, કલેક્ટરશ્રી જી. એચ. સોલંકી, જિલ્લા વિકાસ અધિકારીશ્રી કે.એસ. યાજ્ઞિક તથા પશુપાલન નિયામકશ્રી સહિતના મહાનુભાવો ઉપસ્થિત રહ્યા હતા. આ વર્ષે યોજાયેલી હરીફાઈમાં કુલ ૨૧૩ પશુઓની નોંધણી થઈ હતી, જેમાં ૮૧ ગીર ગાય, ૪૭ કાંકરેજ ગાય, ૪૪ જાફરાબાદી ભેંસ અને ૪૧ બન્ની ભેંસ વચ્ચે સ્પર્ધા યોજાઈ હતી. વર્ષ ૨૦૦૮માં તત્કાલીન મુખ્યમંત્રી શ્રી નરેન્દ્રભાઈ મોદીના માર્ગદર્શન હેઠળ શરૂ થયેલી આ પ્રથા વર્તમાન મુખ્યમંત્રી શ્રી ભૂપેન્દ્રભાઈ પટેલના નેતૃત્વ હેઠળ નિરંતર આગળ વધી રહી છે. આ હરીફાઈમાં ગાય અને ભેંસ એમ બંને વર્ગની ઓલાદો માટે ત્રણ-ત્રણ કેટેગરી રાખવામાં આવી હતી; જેમાં ગાય વર્ગમાં વોડકી, ગાય અને સાંઢ તથા ભેંસ વર્ગમાં ભેંસ, જોટું (ખડેલી) અને પાડોનો સમાવેશ થાય છે. સ્પર્ધામાં ઉત્કૃષ્ટ પ્રદર્શન કરનાર પશુઓને આકર્ષક ઈનામો આપવામાં આવે છે. દરેક વર્ગની કેટેગરીમાં પ્રથમ વિજેતાને રૂ. ૫૦ હજાર તથા દ્વિતીય વિજેતાને રૂ. ૪૦ હજારનું ઈનામ ચૂકવવામાં આવે છે. આ રીતે કુલ ૨૫ ઈનામો માટે રૂ. ૧૧.૮૦ લાખની રકમ ચૂકવવામાં આવે છે. ઉપરાંત હરીફાઈમાં ભાગ લેનાર પ્રત્યેક પશુ માટે રૂ. ૪ હજારનું આશ્વાસન ઈનામ આપવામાં આવે છે. પશુપાલકો પર આર્થિક બોજ ન પડે તે માટે પશુપાલન નિયામકની કચેરી દ્વારા વિવિધ તાલુકાઓ અને જિલ્લાઓ મુજબ રૂ. ૧,૪૦૦ થી રૂ. ૮,૦૦૦ સુધીની પશુ પરિવહન સહાય અને પ્રતિ પશુ દૈનિક રૂ. ૧,૦૦૦ લેખે ૩ દિવસનો નિભાવ ખર્ચ પણ ચૂકવવામાં આવે છે. પશુપાલન નિયામક શ્રી ડૉ. ફાલ્ગુની ઠાકરના જણાવ્યા મુજબ, દેશી ઓલાદોને પ્રોત્સાહિત કરવામાં આ હરીફાઈ પશુપાલકો માટે આશીર્વાદરૂપ સાબિત થઈ છે, કારણ કે તેમના માટે ઈનામ કરતાં પશુઓની ઓલાદનું સન્માન વધુ મહત્ત્વનું છે. ચાલુ વર્ષની હરીફાઈમાં કચ્છ જિલ્લાના ભુજ તાલુકાના ઢોરી ગામના પશુપાલક શ્રી મહેન્દ્રભાઈ હરિભાઈ ગાગલની 'ધાલી' બન્ની ભેંસ સર્વશ્રેષ્ઠ પ્રદર્શન કરીને "ચેમ્પિયન ઓફ ધ શો" બની હતી. મંત્રીશ્રી દર્શનાબેન વાઘેલાના હસ્તે વિજેતા બન્ની ભેંસના પશુપાલકને "ચેમ્પિયન ઓફ ધ શો" ની ટ્રોફી અને રૂ. ૧ લાખનું રોકડ ઈનામ એનાયત કરવામાં આવ્યું હતું. તે સાથે જ અન્ય તમામ કેટેગરીના વિજેતા પશુપાલકોને પણ પ્રમાણપત્રો આપી સન્માનિત કરવામાં આવ્યા હતા. આમ, ભાતીગળ સંસ્કૃતિ માટે જાણીતો તરણેતરનો મેળો રાજ્યમાં દેશી પશુધનની જાળવણી અને સંવર્ધનનો અનન્ય પ્રતીક બની રહ્યો છે.

Dinesh Gambhava Report

ધ્રાંગધ્રા, સુરેન્દ્રનગર, ગુજરાત•

9 hrs ago

તરણેતર બન્ની ભેંસ બની "ચેમ્પિયન ઓફ ધ શો", મળ્યું રૂ. ૧ લાખનું ઈનામ તરણેતર બન્ની ભેંસ બની "ચેમ્પિયન ઓફ ધ શો", મળ્યું રૂ. ૧ લાખનું ઈનામ દેશી ઓલાદની પશુ જાતોના સંવર્ધન અને પ્રોત્સાહન માટેનો અનોખો પ્રયાસ ગીર, કાંકરેજ, જાફરાબાદી અને બન્ની ભેંસના ઉત્કૃષ્ટ ઉછેરને પ્રોત્સાહન આપવા ૨૧૩ પશુઓ વચ્ચે યોજાઈ હરીફાઈ વિજેતાઓને મળ્યા લાખો રૂપિયાના ઈનામો અને ભાગ લેનાર પ્રત્યેક પશુપાલકને આશ્વાસન ઈનામ, પરિવહન તથા નિભાવ સહાય ગુજરાતની પ્રગતિમાં પાયારૂપ એવા પશુપાલન વ્યવસાયને પ્રોત્સાહન આપવાના ઉદ્દેશથી રાજ્ય સરકાર દ્વારા દર વર્ષે સુરેન્દ્રનગર જિલ્લાના થાન તાલુકાના વિશ્વપ્રસિદ્ધ તરણેતર ખાતે શુદ્ધ દેશી ઓલાદના ઉચ્ચ લક્ષણો ધરાવતા પશુઓ જેવાં કે ગીર અને કાંકરેજ ગાય તેમજ જાફરાબાદી અને બન્ની ભેંસના ઉછેરને પ્રોત્સાહિત કરવા પશુ પ્રદર્શન હરીફાઈનું આયોજન કરવામાં આવે છે. ચાલુ વર્ષે પણ ૧૪ સપ્ટેમ્બર (ભાદરવા સુદ ત્રીજ) થી ૧૬ સપ્ટેમ્બર (ભાદરવા સુદ પાંચમ) દરમિયાન આ ભવ્ય પશુ પ્રદર્શન હરીફાઈ યોજવામાં આવી હતી. જેમાં શહેરી વિકાસ અને શહેરી ગૃહ નિર્માણ રાજ્ય મંત્રીશ્રી દર્શનાબેન વાઘેલાએ ગૌ-પૂજન કરીને પ્રદર્શનની મુલાકાત લીધી હતી. આ પ્રસંગે નાયબ મુખ્ય દંડક શ્રી જગદીશભાઈ મકવાણા, સાંસદશ્રી ચંદુભાઈ શિહોરા, જિલ્લા પંચાયત પ્રમુખ શ્રી રંજનબેન ભૂસડીયા, સર્વે ધારાસભ્યશ્રી શામજીભાઈ ચૌહાણ, શ્રી પ્રકાશભાઈ વરમોરા, શ્રી પી. કે. પરમાર, કલેક્ટરશ્રી જી. એચ. સોલંકી, જિલ્લા વિકાસ અધિકારીશ્રી કે.એસ. યાજ્ઞિક તથા પશુપાલન નિયામકશ્રી સહિતના મહાનુભાવો ઉપસ્થિત રહ્યા હતા. આ વર્ષે યોજાયેલી હરીફાઈમાં કુલ ૨૧૩ પશુઓની નોંધણી થઈ હતી, જેમાં ૮૧ ગીર ગાય, ૪૭ કાંકરેજ ગાય, ૪૪ જાફરાબાદી ભેંસ અને ૪૧ બન્ની ભેંસ વચ્ચે સ્પર્ધા યોજાઈ હતી. વર્ષ ૨૦૦૮માં તત્કાલીન મુખ્યમંત્રી શ્રી નરેન્દ્રભાઈ મોદીના માર્ગદર્શન હેઠળ શરૂ થયેલી આ પ્રથા વર્તમાન મુખ્યમંત્રી શ્રી ભૂપેન્દ્રભાઈ પટેલના નેતૃત્વ હેઠળ નિરંતર આગળ

વધી રહી છે. આ હરીફાઈમાં ગાય અને ભેંસ એમ બંને વર્ગની ઓલાદો માટે ત્રણ-ત્રણ કેટેગરી રાખવામાં આવી હતી; જેમાં ગાય વર્ગમાં વોડકી, ગાય અને સાંઢ તથા ભેંસ વર્ગમાં ભેંસ, જોટું (ખડેલી) અને પાડોનો સમાવેશ થાય છે. સ્પર્ધામાં ઉત્કૃષ્ટ પ્રદર્શન કરનાર પશુઓને આકર્ષક ઈનામો આપવામાં આવે છે. દરેક વર્ગની કેટેગરીમાં પ્રથમ વિજેતાને રૂ. ૫૦ હજાર તથા દ્વિતીય વિજેતાને રૂ. ૪૦ હજારનું ઈનામ ચૂકવવામાં આવે છે. આ રીતે કુલ ૨૫ ઈનામો માટે રૂ. ૧૧.૮૦ લાખની રકમ ચૂકવવામાં આવે છે. ઉપરાંત હરીફાઈમાં ભાગ લેનાર પ્રત્યેક પશુ માટે રૂ. ૪ હજારનું આશ્વાસન ઈનામ આપવામાં આવે છે. પશુપાલકો પર આર્થિક બોજ ન પડે તે માટે પશુપાલન નિયામકની કચેરી દ્વારા વિવિધ તાલુકાઓ અને જિલ્લાઓ મુજબ રૂ. ૧,૪૦૦ થી રૂ. ૮,૦૦૦ સુધીની પશુ પરિવહન સહાય અને પ્રતિ પશુ દૈનિક રૂ. ૧,૦૦૦ લેખે ૩ દિવસનો નિભાવ ખર્ચ પણ ચૂકવવામાં આવે છે. પશુપાલન નિયામક શ્રી ડૉ. ફાલ્ગુની ઠાકરના જણાવ્યા મુજબ, દેશી ઓલાદોને પ્રોત્સાહિત કરવામાં આ હરીફાઈ પશુપાલકો માટે આશીર્વાદરૂપ સાબિત થઈ છે, કારણ કે તેમના માટે ઈનામ કરતાં પશુઓની ઓલાદનું સન્માન વધુ મહત્ત્વનું છે. ચાલુ વર્ષની હરીફાઈમાં કચ્છ જિલ્લાના ભુજ તાલુકાના ઢોરી ગામના પશુપાલક શ્રી મહેન્દ્રભાઈ હરિભાઈ ગાગલની 'ધાલી' બન્ની ભેંસ સર્વશ્રેષ્ઠ પ્રદર્શન કરીને "ચેમ્પિયન ઓફ ધ શો" બની હતી. મંત્રીશ્રી દર્શનાબેન વાઘેલાના હસ્તે વિજેતા બન્ની ભેંસના પશુપાલકને "ચેમ્પિયન ઓફ ધ શો" ની ટ્રોફી અને રૂ. ૧ લાખનું રોકડ ઈનામ એનાયત કરવામાં આવ્યું હતું. તે સાથે જ અન્ય તમામ કેટેગરીના વિજેતા પશુપાલકોને પણ પ્રમાણપત્રો આપી સન્માનિત કરવામાં આવ્યા હતા. આમ, ભાતીગળ સંસ્કૃતિ માટે જાણીતો તરણેતરનો મેળો રાજ્યમાં દેશી પશુધનની જાળવણી અને સંવર્ધનનો અનન્ય પ્રતીક બની રહ્યો છે.