திண்டுக்கல் மாவட்டம் பழநி தண்டபாணி சுவாமிகள் மடத்துக்குச் சொந்தமான, சுமார் ரூ.100 கோடி மதிப்புள்ள 1.40 ஏக்கர் நிலம், உச்ச நீதிமன்றம் மற்றும் உயர் நீதிமன்ற உத்தரவுகளை மீறி அண்மையில் தனிநபர்களுக்குச் சட்டவிரோதமாகப் பத்திரப்பதிவு செய்யப்பட்டுள்ளது. நீதிமன்றங்களின் உத்தரவுகளைப் புறந்தள்ளி நடத்தப்பட்டுள்ள இந்தச் செயல், பக்தர்கள் மற்றும் தேவஸ்தான அதிகாரிகளிடையே பெரும் அதிர்ச்சியை ஏற்படுத்தியுள்ளது. பழநி அடிவாரம் பூங்கா சாலையில் அமைந்துள்ள இந்த நிலம், பழநி முருகன் கோயிலுக்கு வரும் பக்தர்கள் தங்கி இளைப்பாறவும், அன்னதானம் வழங்கவும் பயன்படுத்தப்பட்டு வந்தது. இதன் மூலம் கிடைத்த வருவாய் கோயில் கட்டளைக்கு பயன்படுத்தப்பட்டு வந்த நிலையில், காலப்போக்கில் இந்த நிலத்தை சிலர் ஆக்கிரமித்தனர். இதுதொடர்பாக பழநி தேவஸ்தானம் சார்பில் உயர் நீதிமன்றம் மற்றும் உச்ச நீதிமன்றத்தில் வழக்கு தொடரப்பட்டது. வழக்கை விசாரித்த நீதிமன்றங்கள், பழநி தண்டாயுதபாணி சுவாமி கோயில் இணை ஆணையரை இந்த மடத்தின் தக்காராக நியமித்ததுடன், இந்த நிலத்தை தேவஸ்தானத்துடன் இணைத்து உத்தரவிட்டன. இதன்படி, தக்கார் மற்றும் பழநி கோயில் இணை ஆணையரான மாரிமுத்து தலைமையில், 60 ஆண்டுகளுக்குப் பிறகு செப்டம்பர் 12-ம் தேதி இந்த நிலம் மீட்கப்பட்டது. தற்போது அந்த நிலத்தில் பக்தர்களின் வசதிக்காக இலவச வாகன நிறுத்தம் அமைக்கப்பட்டு பயன்பாட்டில் உள்ளது. இதற்கிடையே, பழநி இணை சார்பதிவாளர் கடந்த 2-ம் தேதி பணிமாறுதலில் சென்ற நிலையில், கூடுதல் பொறுப்பாக கவனித்து வந்த மற்றொரு இணை சார்பதிவாளர் மூலம் கடந்த 6-ம் தேதி இந்த நிலம் சட்டவிரோதமாக தனிநபர்களுக்குப் பத்திரப்பதிவு செய்யப்பட்டுள்ளது. இந்த முறைகேடான பத்திரப்பதிவுகளை உடனடியாக ரத்து செய்யக்கோரி, பதிவுத்துறை தலைவர், துணைத் தலைவர் மற்றும் மாவட்ட பதிவாளர் ஆகியோருக்கு பழநி கோயில் இணை ஆணையர் மாரிமுத்து அறிக்கை அனுப்பியுள்ளார்.

N-KIPSRA

Madurai North, Tamil Nadu•

1 hr ago

திண்டுக்கல் மாவட்டம் பழநி தண்டபாணி சுவாமிகள் மடத்துக்குச் சொந்தமான, சுமார் ரூ.100 கோடி மதிப்புள்ள 1.40 ஏக்கர் நிலம், உச்ச நீதிமன்றம் மற்றும் உயர் நீதிமன்ற உத்தரவுகளை மீறி அண்மையில் தனிநபர்களுக்குச் சட்டவிரோதமாகப் பத்திரப்பதிவு செய்யப்பட்டுள்ளது. நீதிமன்றங்களின் உத்தரவுகளைப் புறந்தள்ளி நடத்தப்பட்டுள்ள இந்தச் செயல், பக்தர்கள் மற்றும் தேவஸ்தான அதிகாரிகளிடையே பெரும் அதிர்ச்சியை ஏற்படுத்தியுள்ளது. பழநி அடிவாரம் பூங்கா சாலையில் அமைந்துள்ள இந்த நிலம், பழநி முருகன் கோயிலுக்கு வரும் பக்தர்கள் தங்கி இளைப்பாறவும், அன்னதானம் வழங்கவும் பயன்படுத்தப்பட்டு வந்தது. இதன் மூலம் கிடைத்த வருவாய் கோயில் கட்டளைக்கு பயன்படுத்தப்பட்டு வந்த நிலையில், காலப்போக்கில் இந்த நிலத்தை சிலர் ஆக்கிரமித்தனர். இதுதொடர்பாக பழநி தேவஸ்தானம் சார்பில் உயர் நீதிமன்றம் மற்றும் உச்ச நீதிமன்றத்தில் வழக்கு தொடரப்பட்டது. வழக்கை விசாரித்த நீதிமன்றங்கள், பழநி தண்டாயுதபாணி சுவாமி கோயில் இணை ஆணையரை இந்த மடத்தின் தக்காராக நியமித்ததுடன், இந்த நிலத்தை தேவஸ்தானத்துடன் இணைத்து உத்தரவிட்டன. இதன்படி, தக்கார் மற்றும் பழநி கோயில் இணை ஆணையரான மாரிமுத்து தலைமையில், 60 ஆண்டுகளுக்குப் பிறகு செப்டம்பர் 12-ம் தேதி இந்த நிலம் மீட்கப்பட்டது. தற்போது அந்த நிலத்தில் பக்தர்களின் வசதிக்காக இலவச வாகன நிறுத்தம் அமைக்கப்பட்டு பயன்பாட்டில் உள்ளது. இதற்கிடையே, பழநி இணை சார்பதிவாளர் கடந்த 2-ம் தேதி பணிமாறுதலில் சென்ற நிலையில், கூடுதல் பொறுப்பாக கவனித்து வந்த மற்றொரு இணை சார்பதிவாளர் மூலம் கடந்த 6-ம் தேதி இந்த நிலம் சட்டவிரோதமாக தனிநபர்களுக்குப் பத்திரப்பதிவு செய்யப்பட்டுள்ளது. இந்த முறைகேடான பத்திரப்பதிவுகளை உடனடியாக ரத்து செய்யக்கோரி, பதிவுத்துறை தலைவர், துணைத் தலைவர் மற்றும் மாவட்ட பதிவாளர் ஆகியோருக்கு பழநி கோயில் இணை ஆணையர் மாரிமுத்து அறிக்கை அனுப்பியுள்ளார்.