मंठा शहर आणि परिसरात बेकायदेशीरपणे धारदार शस्त्रे बाळगणाऱ्यांविरोधात मंठा पोलिसांनी कठोर कारवाई केली आहे. या कारवाईत दोन व्यक्तींविरुद्ध भारतीय हत्यार कायदा कलम 4/25 अन्वये गुन्हे दाखल करण्यात आले असून, त्यांच्याकडून दोन धारदार तलवारी जप्त करण्यात आल्या आहेत. रविवारी (दि. 21 जून) पोलीस ठाणे मंठा येथील अधिकारी व अंमलदार हद्दीत पेट्रोलिंग करत असताना मिळालेल्या गोपनीय माहितीच्या आधारे अहमदपुरा आणि बाबानगर परिसरात छापेमारी करण्यात आली. यावेळी संशयितांची झडती घेतली असता त्यांच्या ताब्यात बेकायदेशीर तलवारी आढळून आल्या. या कारवाईमध्ये जावेद जुमा शेख (वय 27, रा. अहमदपुरा, ता. मंठा) याच्याकडून एक धारदार तलवार जप्त करण्यात आली, ज्यानंतर त्याच्याविरुद्ध गुन्हा रजिस्टर क्रमांक 341/2026 नुसार भारतीय हत्यार कायदा कलम 4/25 अन्वये गुन्हा दाखल झाला. याचप्रकारे, विनायक नारायणराव इंगोले (वय 43, रा. बाबानगर, ह.मु. डॉ. बाबासाहेब आंबेडकर पुतळा परिसर, मंठा) याच्याकडूनही एक धारदार तलवार जप्त करून त्याच्याविरुद्ध गुन्हा रजिस्टर क्रमांक 342/2026 नुसार संबंधित कलमाखाली गुन्हा नोंदवण्यात आला. या दोन्ही आरोपींकडून जप्त करण्यात आलेली शस्त्रे पोलिसांनी ताब्यात घेतली असून, मंठा पोलीस ठाण्यामार्फत प्रकरणाचा पुढील तपास सुरू आहे. ही कारवाई पोलीस अधीक्षक जालना, अपर पोलीस अधीक्षक जालना आणि उपविभागीय पोलीस अधिकारी परतूर यांच्या मार्गदर्शनाखाली पार पडली.

Sandip Gaikwad

Accountant मंठा, जालना, महाराष्ट्र•

2 hrs ago

मंठा शहर आणि परिसरात बेकायदेशीरपणे धारदार शस्त्रे बाळगणाऱ्यांविरोधात मंठा पोलिसांनी कठोर कारवाई केली आहे. या कारवाईत दोन व्यक्तींविरुद्ध भारतीय हत्यार कायदा कलम 4/25 अन्वये गुन्हे दाखल करण्यात आले असून, त्यांच्याकडून दोन धारदार तलवारी जप्त करण्यात आल्या आहेत. रविवारी (दि. 21 जून) पोलीस ठाणे मंठा येथील अधिकारी व अंमलदार हद्दीत पेट्रोलिंग करत असताना मिळालेल्या गोपनीय माहितीच्या आधारे अहमदपुरा आणि बाबानगर परिसरात छापेमारी करण्यात आली. यावेळी संशयितांची झडती घेतली असता त्यांच्या ताब्यात बेकायदेशीर तलवारी आढळून आल्या. या कारवाईमध्ये जावेद जुमा शेख (वय 27, रा. अहमदपुरा, ता. मंठा) याच्याकडून एक धारदार तलवार जप्त करण्यात आली, ज्यानंतर त्याच्याविरुद्ध गुन्हा रजिस्टर क्रमांक 341/2026 नुसार भारतीय हत्यार कायदा कलम 4/25 अन्वये गुन्हा दाखल झाला. याचप्रकारे, विनायक नारायणराव इंगोले (वय 43, रा. बाबानगर, ह.मु. डॉ. बाबासाहेब आंबेडकर पुतळा परिसर, मंठा) याच्याकडूनही एक धारदार तलवार जप्त करून त्याच्याविरुद्ध गुन्हा रजिस्टर क्रमांक 342/2026 नुसार संबंधित कलमाखाली गुन्हा नोंदवण्यात आला. या दोन्ही आरोपींकडून जप्त करण्यात आलेली शस्त्रे पोलिसांनी ताब्यात घेतली असून, मंठा पोलीस ठाण्यामार्फत प्रकरणाचा पुढील तपास सुरू आहे. ही कारवाई पोलीस अधीक्षक जालना, अपर पोलीस अधीक्षक जालना आणि उपविभागीय पोलीस अधिकारी परतूर यांच्या मार्गदर्शनाखाली पार पडली.