କେନ୍ଦୁଝର ଜିଲ୍ଲା, ଚମ୍ପୁଆର ମୁସଲିମ ବସ୍ତି ଅଞ୍ଚଳରେ ସାଜୁ ଭାଇ ଏବଂ ତାଙ୍କ ଦଳ ପୁଣି ଥରେ ଏକ ନାଗ ସାପ (ଯାହାକୁ ଗୋଖୁର ମଧ୍ୟ କୁହାଯାଏ) ଉଦ୍ଧାର କରିଛନ୍ତି। ସୂଚନା ମିଳିବା ମାତ୍ରେ ହିଁ ସାଜୁ ଭାଇଙ୍କ ଦଳ ଘଟଣାସ୍ଥଳରେ ତୁରନ୍ତ ପହଞ୍ଚିଥିଲେ। ବହୁତ ସଂଘର୍ଷ କରିବା ପରେ, ସେମାନେ ସାପଟିକୁ ଧରି ଏହି ନିରୀହ ପ୍ରାଣୀକୁ ସୁରକ୍ଷିତ ଭାବେ ଦୂର ଜଙ୍ଗଲରେ ଛାଡ଼ି ଦେଇଥିଲେ।

ସ୍ୱାସ୍ଥ୍ୟ ବିଭାଗର ଏକ ବିକଳ ଚିତ୍ର ସାମ୍ନାକୁ ଆସିଛି, ଯେଉଁଠାରେ ରୋଗୀ ସେବାକୁ ଅଣଦେଖା କରି ସରକାରୀ ମେଡିକାଲରେ ବିନା ପରିମିସନରେ ଫିଲ୍ମ ସୁଟିଂକୁ ଗୁରୁତ୍ୱ ଦିଆଯାଇଛି। ଏଭଳି ଏକ ଘଟଣା ଭଦ୍ରକ ଜିଲ୍ଲାର ବାସୁଦେବପୁର ବ୍ଲକ ଅନ୍ତର୍ଗତ ଇରମ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ଦେଖିବାକୁ ମିଳିଛି।

OTV ଦିନ ୨ଟା ସମୟର ମୁଖ୍ୟ ଖବର ପ୍ରସାରଣ କରିଛି।

ଘସିପୁରା ବ୍ଳକ୍ ଅନ୍ତର୍ଗତ କେଶଦୁରାପାଳଠାରେ ଗ୍ରାମ ପଞ୍ଚାୟତ ସ୍ତରୀୟ ସୁଭଦ୍ରା ଶକ୍ତି ସମାବେଶ ଏବଂ ସୁଭଦ୍ରା ଶକ୍ତି ସମ୍ବାଦ କାର୍ଯ୍ୟକ୍ରମ ଆୟୋଜିତ ହୋଇଯାଇଛି।

କେନ୍ଦୁଝର ଜିଲ୍ଲା ଅନ୍ତର୍ଗତ ଘସିପୁରା ବ୍ଲକର କେଶଦୁରାପାଳ ପଞ୍ଚାୟତରେ ଏକ ପଞ୍ଚାୟତ ସ୍ତରୀୟ ସୁଭଦ୍ରା ଶକ୍ତି ସମାବେଶ ଏବଂ ସୁଭଦ୍ରା ଶକ୍ତି ସମ୍ବାଦ କାର୍ଯ୍ୟକ୍ରମ ଆୟୋଜିତ ହୋଇଛି।

ମୟୂରଭଞ୍ଜ ଜିଲ୍ଲାର ଗୋପବନ୍ଧୁ ନଗର ବ୍ଲକ ପକ୍ଷରୁ ଆୟୋଜିତ 'ବିକାଶର ଧାରା ଓଡ଼ିଶା ସାରା' ଶୀର୍ଷକ ବ୍ଲକ ସ୍ତରୀୟ କାର୍ଯ୍ୟକ୍ରମ ମଙ୍ଗଳବାର ଦିନ ସମ୍ପନ୍ନ ହୋଇଛି। ୪ ଦିନ ଧରି ବିଭିନ୍ନ ବିଭାଗକୁ ନେଇ ଚାଲିଥିବା ଏହି ଶିବିରର ଉଦ୍‌ଯାପନୀ ଉତ୍ସବରେ ଉଦଳା ବିଧାୟକ ଭାସ୍କର ମଢ଼େଇ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଅନ୍ୟମାନଙ୍କ ମଧ୍ୟରେ ବିଡ଼ିଓ ପୃଥିରାଜ ପରିଡ଼ା, ଜିଲ୍ଲା ଶ୍ରମ ଅଧିକାରୀ ଚନ୍ଦନ ମାଝୀ, ସିଡ଼ିପିଓ ଭାନୁମତି ବେହେରା ଏବଂ ସ୍ୱାସ୍ଥ୍ୟ ସମ୍ପ୍ରସାରଣ ଅଧିକାରୀ ସତ୍ୟଜିତ ଦାସ ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ବିଡିଓ ଶ୍ରୀ ପରିଡ଼ା ରାଜ୍ୟ ସରକାରଙ୍କ ୨ ବର୍ଷ ପୂର୍ତ୍ତି ଏବଂ ଏହି ସମୟ ମଧ୍ୟରେ ଲୋକଙ୍କ ବିକାଶ ପାଇଁ ପ୍ରଣିତ ବିଭିନ୍ନ ଜନ କଲ୍ୟାଣକାରୀ ଯୋଜନା ସମ୍ପର୍କରେ ଆଲୋକପାତ କରିଥିଲେ। ସେ ସୂଚାଇଥିଲେ ଯେ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବା ହିଁ ଏହି କାର୍ଯ୍ୟକ୍ରମର ମୂଳ ଲକ୍ଷ୍ୟ। କାର୍ଯ୍ୟକ୍ରମ ସମୟରେ, ଚୟନ ହୋଇଥିବା ଅନ୍ତ୍ୟୋଦୟ ଗୃହ ଯୋଜନା, ନୂତନ ଭତ୍ତା, ଆୟୁଷ୍ମାନ କାର୍ଡ଼, ରାସନକାର୍ଡ଼ ଏବଂ ଲେବର କାର୍ଡ଼ ଇତ୍ୟାଦିର ନୂତନ ହିତାଧିକାରୀମାନଙ୍କୁ ଏଗୁଡ଼ିକ ପ୍ରଦାନ କରାଯାଇ ଯୋଜନାରେ ସାମିଲ କରାଯାଇଥିଲା।

ବାଲେଶ୍ୱରର ଶିଳ୍ପାଞ୍ଚଳ ଥାନା ଅନ୍ତର୍ଗତ ଡିଏଭି ସ୍କୁଲ୍ ଛକ ନିକଟରେ ଏକ ଅଭାବନୀୟ ଘଟଣା ଘଟିଛି, ଯେଉଁଠାରେ ଦୁଇ ଲୁଟେରା ପ୍ରଥମେ ନକଲି ସୁନା ଝାମ୍ପି ଖସିଯାଇଥିବା ବେଳେ ପୁଣି ଥରେ ଅସଲି ସୁନା ଝାମ୍ପିବାକୁ ଆସି ଲୋକଙ୍କ ହାତରେ ଧରାପଡ଼ି ଉତ୍ତମ ମଧ୍ୟମ ଖାଇଛନ୍ତି। ସୂଚନା ଅନୁଯାୟୀ, ଦୁଇ ଲୁଟେରା ପ୍ରଥମେ ଜଣେ ବ୍ୟକ୍ତିଙ୍କ ବେକରୁ ସିଟି ଗୋଲ୍ଡ (ନକଲି ସୁନା) ଚେନ୍ ସୁନା ଭାବି ଝାମ୍ପି ନେଇ ଚାଲିଯାଇଥିଲେ। ତେବେ ପୁଣି ଫେରି ସେହି ଅଞ୍ଚଳରେ ଅନ୍ୟ ଜଣେ ମହିଳାଙ୍କ ବେକରୁ ସୁନା ଚେନ୍ ଝାମ୍ପି ଖସି ପଳାଉଥିବା ସମୟରେ ଲୋକେ ସେମାନଙ୍କୁ କାବୁ କରିନେଇଥିଲେ। ଜନତାଙ୍କ ହାତରେ ଧରାପଡ଼ିବା ପରେ ଦୁଇ ଲୁଟେରାଙ୍କୁ ଉତ୍ତମ ମଧ୍ୟମ ଦିଆଯାଇଥିଲା।

ପ୍ରଧାନମନ୍ତ୍ରୀ ମୋଦୀ ବିଶ୍ୱର ସବୁଠୁ ବୟସ୍କ କଇଁଛ ଭାବେ ପରିଚିତ ଜୋନାଥନ୍ ସହ ଭେଟଘାଟ କରିଛନ୍ତି। ଏହି କଇଁଛର ବୟସ ଜାଣିଲେ ଯେକେହି ବି ଆଶ୍ଚର୍ଯ୍ୟ ହୋଇଯିବେ ବୋଲି କୁହାଯାଇଛି।

ସୁନ୍ଦରଗଡ଼ ଜିଲ୍ଲାର ବଣାଇଁ ଥାନା ଅନ୍ତର୍ଗତ ଇନ୍ଦ୍ରପୁର କ୍ରସର ସମ୍ମୁଖରେ ମଙ୍ଗଳବାର ସନ୍ଧ୍ୟା ପ୍ରାୟ ୫ଟା ସମୟରେ ଏକ ଯାତ୍ରୀବାହୀ ବସ୍ ଓ ହାଇୱା ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ଚାଞ୍ଚଲ୍ୟ ସୃଷ୍ଟି ହୋଇଛି। ଏହି ଦୁର୍ଘଟଣାରେ ବସରେ ଥିବା ଯାତ୍ରୀମାନେ ଆତଙ୍କିତ ହୋଇପଡ଼ିଥିଲେ ହେଁ, ଏକ ବଡ଼ ଧରଣର ଅଘଟଣ ଅଳ୍ପକେ ଟଳିଯାଇଛି। ସୂଚନା ଅନୁଯାୟୀ, ଢେଙ୍କାନାଳ ଜିଲ୍ଲାର ପରଜଙ୍ଗ ଅଞ୍ଚଳରୁ ବାବା ଚନ୍ଦ୍ରଶେଖର (OD-19A-A4619) ନାମକ ଏକ ଯାତ୍ରୀବାହୀ ବସରେ ପ୍ରାୟ ୩୮ ଜଣ ଯାତ୍ରୀ ନେପାଳ ଭ୍ରମଣ ସାରି ଫେରୁଥିଲେ। ସେହି ସମୟରେ ଇନ୍ଦ୍ରପୁର କ୍ରସର ନିକଟରେ ଥିବା ଏକ କ୍ରସରରୁ ବାହାରୁଥିବା ହାଇୱା (CG-10A-AS-8948) ସହ ବସଟିର ମୁହାଁମୁହିଁ ଧକ୍କା ହୋଇଥିଲା। ଏହି ଦୁର୍ଘଟଣାରେ ବସରେ ଥିବା ଅଧିକାଂଶ ଯାତ୍ରୀ ସାମାନ୍ୟ ଆହତ ହୋଇଥିବା ବେଳେ ୩ ଜଣ ଯାତ୍ରୀ ଗୁରୁତର ଆହତ ହୋଇଥିଲେ। ସମସ୍ତ ଆହତଙ୍କୁ ତୁରନ୍ତ ଉଦ୍ଧାର କରାଯାଇ ବଣାଇଁ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି। ବର୍ତ୍ତମାନ ସୁଦ୍ଧା ସମସ୍ତ ଆହତଙ୍କ ଅବସ୍ଥା ସ୍ଥିର ଥିବା ସୂଚନା ମିଳିଛି। ଖବର ପାଇ ବଣାଇଁ ପୋଲିସ ଘଟଣାସ୍ଥଳରେ ପହଞ୍ଚି ଉଭୟ ଦୁର୍ଘଟଣାଗ୍ରସ୍ତ ଯାନକୁ ଜବତ କରିବା ସହ ଦୁର୍ଘଟଣାର ପ୍ରକୃତ କାରଣ ନେଇ ତଦନ୍ତ ଆରମ୍ଭ କରିଛି। ଦ୍ରୁତ ଉଦ୍ଧାର କାର୍ଯ୍ୟ ଏବଂ ସ୍ଥାନୀୟ ଲୋକଙ୍କ ସହଯୋଗ ଯୋଗୁଁ ଏକ ବଡ଼ ଧରଣର ଅଘଟଣ ଟଳିଯାଇଥିବା ସାଧାରଣରେ ଆଲୋଚନା ହେଉଛି।