Post by ত্ৰিদিপ দাস

Assamese sort video নিজা বাতৰি দিওঁতা, বামুণ গাঁৱৰ পৰা প্ৰচাৰিত কৰা

নুমলীগড়ৰ বিষ্ণুপুৰ বাইপাছৰ‌ ৩৯ নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনা। দুখন চাৰিচুকীয়া বাহনৰ মাজত মুখামুখি সংঘৰ্ষ । দুয়োখন বাহনেৰে সন্মুখভাগ সম্পূৰ্ণৰূপে ভাগি চূৰ্ণাকৃত । দুয়োখন বাহনেৰে মুঠ তিনিজন লোক গুৰুতৰভাৱে আহত । তাৎক্ষণিকভাৱে আহত কেইজনক VKNRL চিকিৎসালয়ত ভৰ্তি কৰিছে ।

Post by Assam Update

গৰৈমাৰীত হ'লি চাইল্ড স্কুলৰ শুভ উদ্বোধনঃ

সদ্যঘোষিত হাইস্কুল শিক্ষান্ত পৰীক্ষাত মথুৰাপুৰ ব্লচ'ছমছ পাব্লিক স্কুলৰ ডিষ্টিংছন আৰু ষ্টাৰ নম্বৰ লাভ কৰি সুখ্যাতিৰে উতীৰ্ণ হোৱা ছাত্ৰ-ছাত্ৰী সকলক মথুৰাপুৰ ব্লচ'মছ পাব্লিক স্কুল কৰ্তৃপক্ষৰ তৰফৰ পৰা অভিনন্দন জনোৱা হয়। ডিষ্টিংছন লাভ কৰি স্কুল টপাৰ হয় কৌশিক বৈশ্য, গৰিমা ৰাজকুমাৰী ডিষ্টিংছন, আনিছা বৰা ডিষ্টিংছন, ফাৰনাজ ইয়েছমিন ডিষ্টিংছন, তামান্না পাৰিক ষ্টাৰ মাৰ্ক, আফছা ইবনাত হুছেইন ষ্টাৰ মাৰ্ক, তৈয়বুৰ ৰহমান ষ্টাৰ মাৰ্ক, অৰপিতা বৰঠাকুৰ ষ্টাৰ মাৰ্ক, জায়েদ হাজৰিকা ষ্টাৰ মাৰ্ক, ৰিছাব কুমাৰ দেকা ষ্টাৰ মাৰ্ক, দেৱৰাজ বৰা ষ্টাৰ মাৰ্ক লাভ কৰি সুখ্যাতিৰে উতীৰ্ণ হোৱাৰ বাবে আজি স্কুলত আনুষ্ঠানিক ভাৱে অভিনন্দন জনোৱা হয়। ভাল ফলাফল কৰাৰ বাবে স্কুল খনৰ লগতে সমাজৰ বাবে তেওঁলোক একো একোজন নমস্য ব্যক্তি। সুখ্যাতিৰে উতীৰ্ণ হোৱা ছাত্ৰ-ছাত্ৰী সকল স্কুলখনৰ লগতে মাক-দেউতাকৰ প্ৰচেষ্ঠা আৰু ছাত্ৰ-ছাত্ৰীসকলে নিজৰ মনোবল আৰু অধ্যৱসায়ৰ বলত এই সফলতা অৰ্জন কৰিছে আৰু ছাত্ৰ-ছাত্ৰীসকলে ভৱিষ্যত জীৱনত অধিক সফলতা লাভ কৰক, নিজৰ লক্ষ্য প্ৰাপ্ত কৰক এই উদ্দেশ্যেৰে আজি সুখ্যাতিৰে উতীৰ্ণ ছাত্ৰ-ছাত্ৰীক এই সম্বৰ্ধনা জনোৱা হয় বুলি স্কুলখনৰ অধ্যক্ষা প্ৰণিতা মেচে তেওঁৰ ভাষণত উল্লেখ কৰে।

Post by Moran Dorpon

নুমলীগড়ৰ কাষৰীয়া লেটেকুজান চাহ বাগিচাত সাৰ দিয়াৰ লগতে বন মৰা দৰৱ প্ৰয়োগ কৰিছিল। এই খবৰটো ৰাইজক অৱগত কৰা হোৱা নাছিল। যাৰ ফলত আন দিনাৰ দৰেই বাগিচাখনৰ বিষ্ণুপুৰ নতুন লাইনৰ ৰাইজে পশুধন চৰিবলৈ এৰি দিছিল। কিন্তু, বাগিচাত দিয়া দৰৱযুক্ত ঘাঁহ ভক্ষণ কৰে প্ৰায় ২৫-৩০ টাকৈ গৰুৱে। ইতিধ্যেই গাভিনী গাই, খীৰতী গাইকে ধৰি ৬টাকৈ গো ধনৰ মৃত্যু হৈছে। বাকী প্ৰায় ২০ টা মান গৰুৱেও এই ঘাঁহ ভক্ষণ কৰিছে আৰু যিকোনো মুহূৰ্তত মৃত্যুমুখত পৰিব পাৰে বুলি ৰাইজ শংকিত হৈছে। ইপিনে, বাগিচা কৰ্তৃপক্ষক ক্ষতিপূৰণ প্ৰদানৰ দাবী ভুক্তভোগী ৰাইজৰ। ঘটনাক লৈ অঞ্চলজুৰি তীব্ৰ চাঞ্চল্যৰ সৃষ্টি হৈছে।