सीमेवरील रक्षकांना चांदवडच्या विद्यार्थीनींचा ‘स्नेहबंध’; काश्मीर, लडाखमधील सैनिकांसाठी पाठवल्या राख्या! चांदवड येथील श्री नेमिनाथ जैन माध्यमिक व उच्च माध्यमिक विद्यालयात रक्षाबंधनानिमित्त ‘राखी बनवा कार्यशाळा’ उत्साहात पार पडली. या कार्यशाळेत विद्यार्थिनींनी स्वतःच्या हाताने सुंदर राख्या तयार केल्या. या राख्या काश्मीर आणि लडाख येथे देशाचे रक्षण करणार्‍या वीर सैनिकांसाठी पाठवून त्यांच्याप्रती अनोखा आदर व्यक्त करण्यात आला. विद्यालयामध्ये दरवर्षीप्रमाणे यावर्षीही कलाशिक्षक काशिनाथ अहिरे यांच्या मार्गदर्शनाखाली हा उपक्रम राबवण्यात आला. इयत्ता पाचवी ते दहावीच्या विद्यार्थ्यांनी कागद, कापड, रंगीत मणी आणि इतर शोभेच्या वस्तू वापरून आपल्या कल्पकतेतून आकर्षक राख्या बनवल्या. सीमेवर तैनात असलेल्या शौर्यवान सैनिकांना वंदन करणे, तसेच विद्यार्थ्यांमध्ये राष्ट्रप्रेम आणि देशाच्या सैनिकांप्रती अभिमान निर्माण करणे या उद्देशाने हा उपक्रम राबविण्यात आला. या निमित्ताने विद्यालयात एक विशेष कार्यक्रम आयोजित करण्यात आला होता. राष्ट्रीय रायफल्समध्ये देशसेवा बजावणारे शुभम खुटे, अभिषेक वाळके आणि इंजिनिअर रेजिमेंटचे वैभव जाधव या सैनिकांचा विद्यालयाच्या वतीने गौरव करण्यात आला. प्राचार्य शिवदास शिंदे, उपप्राचार्य देवेंद्रराज जैन, पर्यवेक्षक रामचंद्र पाटील आणि एनसीसी ऑफिसर राजेश चव्हाण यांच्याहस्ते या जवानांचा सन्मान करण्यात आला. याप्रसंगी ज्येष्ठ शिक्षिका ललिता कर्नावट आणि इयत्ता सहावीतील विद्यार्थिनी स्वराली दिवटे यांनी उपस्थित सैनिकांना प्रत्यक्ष राखी बांधून कृतज्ञता व्यक्त केली. कार्यक्रमादरम्यान राष्ट्रीय रायफल्सचे अभिषेक वाळके, इंजिनिअर रेजिमेंटचे वैभव जाधव आणि प्राचार्य शिवदास शिंदे यांनी विद्यार्थ्यांना मोलाचे मार्गदर्शन केले. सैनिकांनी आपल्या अनुभवातून देशाच्या रक्षणाची जबाबदारी आणि सैनिकांचे जीवन यावर प्रकाश टाकला, ज्यामुळे उपस्थित विद्यार्थी कमालीचे प्रेरित झाले. याप्रसंगी सर्व शिक्षक, शिक्षिका, शिक्षकेतर कर्मचारी व विद्यार्थी उपस्थित होते.

Mahendra kantubhai Gujrathi

Local News Reporter चांदवड, नाशिक, महाराष्ट्र•

1 day ago

सीमेवरील रक्षकांना चांदवडच्या विद्यार्थीनींचा ‘स्नेहबंध’; काश्मीर, लडाखमधील सैनिकांसाठी पाठवल्या राख्या! चांदवड येथील श्री नेमिनाथ जैन माध्यमिक व उच्च माध्यमिक विद्यालयात रक्षाबंधनानिमित्त ‘राखी बनवा कार्यशाळा’ उत्साहात पार पडली. या कार्यशाळेत विद्यार्थिनींनी स्वतःच्या हाताने सुंदर राख्या तयार केल्या. या राख्या काश्मीर आणि लडाख येथे देशाचे रक्षण करणार्‍या वीर सैनिकांसाठी पाठवून त्यांच्याप्रती अनोखा आदर व्यक्त करण्यात आला. विद्यालयामध्ये दरवर्षीप्रमाणे यावर्षीही कलाशिक्षक काशिनाथ अहिरे यांच्या मार्गदर्शनाखाली हा उपक्रम राबवण्यात आला. इयत्ता पाचवी ते दहावीच्या विद्यार्थ्यांनी कागद, कापड, रंगीत मणी आणि इतर शोभेच्या वस्तू वापरून आपल्या कल्पकतेतून आकर्षक राख्या बनवल्या. सीमेवर तैनात असलेल्या शौर्यवान सैनिकांना वंदन करणे, तसेच विद्यार्थ्यांमध्ये राष्ट्रप्रेम आणि देशाच्या सैनिकांप्रती अभिमान निर्माण करणे या उद्देशाने हा उपक्रम राबविण्यात आला. या निमित्ताने विद्यालयात एक विशेष कार्यक्रम आयोजित करण्यात आला होता. राष्ट्रीय रायफल्समध्ये देशसेवा बजावणारे शुभम खुटे, अभिषेक वाळके आणि इंजिनिअर रेजिमेंटचे वैभव जाधव या सैनिकांचा विद्यालयाच्या वतीने गौरव करण्यात आला. प्राचार्य शिवदास शिंदे, उपप्राचार्य देवेंद्रराज जैन, पर्यवेक्षक रामचंद्र पाटील आणि एनसीसी ऑफिसर राजेश चव्हाण यांच्याहस्ते या जवानांचा सन्मान करण्यात आला. याप्रसंगी ज्येष्ठ शिक्षिका ललिता कर्नावट आणि इयत्ता सहावीतील विद्यार्थिनी स्वराली दिवटे यांनी उपस्थित सैनिकांना प्रत्यक्ष राखी बांधून कृतज्ञता व्यक्त केली. कार्यक्रमादरम्यान राष्ट्रीय रायफल्सचे अभिषेक वाळके, इंजिनिअर रेजिमेंटचे वैभव जाधव आणि प्राचार्य शिवदास शिंदे यांनी विद्यार्थ्यांना मोलाचे मार्गदर्शन केले. सैनिकांनी आपल्या अनुभवातून देशाच्या रक्षणाची जबाबदारी आणि सैनिकांचे जीवन यावर प्रकाश टाकला, ज्यामुळे उपस्थित विद्यार्थी कमालीचे प्रेरित झाले. याप्रसंगी सर्व शिक्षक, शिक्षिका, शिक्षकेतर कर्मचारी व विद्यार्थी उपस्थित होते.