કરણ ગામ નજીક નેશનલ હાઈવે-48 પર અકસ્માત : અજાણ્યા વાહને બાઈકને મારી ટક્કર, યુવક ગંભીર ઇજાગ્રસ્ત કરણ ગામ નજીક ઓવરબ્રિજના ડાયવર્ઝન પાસે અકસ્માતની ઘટના, 108 મારફતે ઇજાગ્રસ્તને હોસ્પિટલ ખસેડાયો સુરત જિલ્લાના પલસાણા તાલુકાના કરણ ગામ નજીક નેશનલ હાઈવે નંબર-48 પર અકસ્માતની ઘટના સામે આવી છે. કરણ ગામ સ્થિત શક્તિ પેટ્રોલ પંપની સામે હાલ ઓવરબ્રિજનું કામ ચાલી રહ્યું હોવાથી વાહન વ્યવહાર માટે ડાયવર્ઝન આપવામાં આવ્યું છે. આ દરમિયાન મુંબઈથી અમદાવાદ તરફ જતા માર્ગ પર એક અજાણ્યા વાહન ચાલકે બાઈક સવારને પાછળથી ટક્કર મારતા ગંભીર અકસ્માત સર્જાયો હતો. મળતી માહિતી મુજબ, મોટરસાયકલ નંબર GJ 05 TF 4252 પર સવાર વિમલ રમેશચંદ્ર પાંડે (રહે. P/86, પટેલ નગર, ગોડાદરા, સુરત શહેર) રવિવારે રાત્રે આશરે 11 વાગ્યાના અરસામાં પોતાના કામ અર્થે જઈ રહ્યા હતા. ત્યારે અજાણ્યા વાહન ચાલકે બાઈકને પાછળથી જોરદાર ટક્કર મારી હતી. અકસ્માતમાં બાઈક ચાલકને જમણા પગે ગંભીર ઇજાઓ પહોંચી હતી. અકસ્માત બાદ સ્થાનિક લોકો તરત જ મદદે દોડી આવ્યા હતા અને 108 ઇમરજન્સી સેવાને જાણ કરવામાં આવી હતી. 108ની ટીમ ઘટના સ્થળે પહોંચી ઇજાગ્રસ્તને પ્રાથમિક સારવાર આપી વધુ સારવાર માટે નજીકની હોસ્પિટલમાં ખસેડ્યો હતો. અકસ્માત સર્જનાર અજાણ્યું વાહન ઘટના બાદ ફરાર થઈ ગયું હોવાનું જાણવા મળ્યું છે. બનાવને પગલે હાઈવે પર થોડા સમય માટે ટ્રાફિકની સમસ્યા સર્જાઈ હતી. સ્થાનિકોમાં ઓવરબ્રિજના કામ દરમિયાન યોગ્ય ટ્રાફિક વ્યવસ્થાની માંગ ઉઠી રહી છે.

રમેશ ખંભાતી

Photographer બારડોલી, સુરત, ગુજરાત•

3 hrs ago

કરણ ગામ નજીક નેશનલ હાઈવે-48 પર અકસ્માત : અજાણ્યા વાહને બાઈકને મારી ટક્કર, યુવક ગંભીર ઇજાગ્રસ્ત કરણ ગામ નજીક ઓવરબ્રિજના ડાયવર્ઝન પાસે અકસ્માતની ઘટના, 108 મારફતે ઇજાગ્રસ્તને હોસ્પિટલ ખસેડાયો સુરત જિલ્લાના પલસાણા તાલુકાના કરણ ગામ નજીક નેશનલ હાઈવે નંબર-48 પર અકસ્માતની ઘટના સામે આવી છે. કરણ ગામ સ્થિત શક્તિ પેટ્રોલ પંપની સામે હાલ ઓવરબ્રિજનું કામ ચાલી રહ્યું હોવાથી વાહન વ્યવહાર માટે ડાયવર્ઝન આપવામાં આવ્યું છે. આ દરમિયાન મુંબઈથી અમદાવાદ તરફ જતા માર્ગ પર એક અજાણ્યા વાહન ચાલકે બાઈક સવારને પાછળથી ટક્કર મારતા ગંભીર અકસ્માત સર્જાયો હતો. મળતી માહિતી મુજબ, મોટરસાયકલ નંબર GJ 05 TF 4252 પર સવાર વિમલ રમેશચંદ્ર પાંડે (રહે. P/86, પટેલ નગર, ગોડાદરા, સુરત શહેર) રવિવારે રાત્રે આશરે 11 વાગ્યાના અરસામાં પોતાના કામ અર્થે જઈ રહ્યા હતા. ત્યારે અજાણ્યા વાહન ચાલકે બાઈકને પાછળથી જોરદાર ટક્કર મારી હતી. અકસ્માતમાં બાઈક ચાલકને જમણા પગે ગંભીર ઇજાઓ પહોંચી હતી. અકસ્માત બાદ સ્થાનિક લોકો તરત જ મદદે દોડી આવ્યા હતા અને 108 ઇમરજન્સી સેવાને જાણ કરવામાં આવી હતી. 108ની ટીમ ઘટના સ્થળે પહોંચી ઇજાગ્રસ્તને પ્રાથમિક સારવાર આપી વધુ સારવાર માટે નજીકની હોસ્પિટલમાં ખસેડ્યો હતો. અકસ્માત સર્જનાર અજાણ્યું વાહન ઘટના બાદ ફરાર થઈ ગયું હોવાનું જાણવા મળ્યું છે. બનાવને પગલે હાઈવે પર થોડા સમય માટે ટ્રાફિકની સમસ્યા સર્જાઈ હતી. સ્થાનિકોમાં ઓવરબ્રિજના કામ દરમિયાન યોગ્ય ટ્રાફિક વ્યવસ્થાની માંગ ઉઠી રહી છે.