তামুলপুৰত পুনৰ মেলেৰিয়াৰ প্ৰাদুৰ্ভাৱ, স্বাস্থ্য বিভাগৰ তৎপৰতা অব্যাহত। তামুলপুৰত পুনৰ মেলেৰিয়াৰ প্ৰাদুৰ্ভাৱ, স্বাস্থ্য বিভাগৰ তৎপৰতা অব্যাহত তামুলপুৰ জিলাৰ কেইবাটাও অঞ্চলত শেহতীয়াকৈ মেলেৰিয়া ৰোগৰ প্ৰাদুৰ্ভাৱে পুনৰ তীব্ৰ ৰূপ ধাৰণ কৰাত অঞ্চলজুৰি উদ্বেগৰ সৃষ্টি হৈছে। বিশেষকৈ কালচেনী, ২ নম্বৰ পিপলেনী আৰু নাগ্ৰীজুলি চাহ বাগিচা অঞ্চলত ইতিমধ্যে পঞ্চাশজনতকৈও অধিক লোক মেলেৰিয়াত আক্ৰান্ত হোৱা বুলি জানিব পৰা গৈছে। পৰিস্থিতিৰ গাম্ভীৰ্যলৈ লক্ষ্য ৰাখি জিলাখনৰ স্বাস্থ্য বিভাগ আৰু মেলেৰিয়া নিৰ্মূল শাখাই দিনে-নিশাই ব্যাপক অভিযান অব্যাহত ৰাখিছে। আক্ৰান্ত অঞ্চলসমূহত স্বাস্থ্য কৰ্মীসকলে ঘৰে ঘৰে গৈ স্বাস্থ্য পৰীক্ষা কৰাৰ লগতে প্ৰয়োজনীয় মেলেৰিয়া প্ৰতিৰোধী ঔষধ বিতৰণ কৰিছে। ইয়াৰ উপৰি ৰাইজৰ মাজত সজাগতা সৃষ্টিৰ লক্ষ্যৰে বিভিন্ন সজাগতামূলক সভা অনুষ্ঠিত কৰা হৈছে। মহৰ বংশবৃদ্ধি ৰোধ কৰিবলৈ চৰকাৰীভাৱে ঔষধযুক্ত আঠুৱা বিতৰণ কৰাৰ লগতে বিভিন্ন এলেকাত ফগিং ব্যৱস্থাও গ্ৰহণ কৰিছে স্বাস্থ্য বিভাগে। স্বাস্থ্য বিভাগৰ এই সক্ৰিয় ভূমিকাৰ ফলত অঞ্চলটোত মেলেৰিয়াৰ ক্ৰমবৰ্ধমান প্ৰকোপ কিছু পৰিমাণে নিয়ন্ত্ৰণলৈ অহাৰ আশা প্ৰকাশ কৰা হৈছে। লগতে জনসাধাৰণক পৰিষ্কাৰ-পৰিচ্ছন্নতা বজাই ৰাখিবলৈ, জমা পানী আঁতৰাবলৈ আৰু সদায় সতৰ্ক হৈ থাকিবলৈ আহ্বান জনাইছে বিভাগীয় কৰ্তৃপক্ষই।

NAlive24

Local News Reporter তামুলপুৰ, তামুলপুৰ, অসম•

3 hrs ago

তামুলপুৰত পুনৰ মেলেৰিয়াৰ প্ৰাদুৰ্ভাৱ, স্বাস্থ্য বিভাগৰ তৎপৰতা অব্যাহত। তামুলপুৰত পুনৰ মেলেৰিয়াৰ প্ৰাদুৰ্ভাৱ, স্বাস্থ্য বিভাগৰ তৎপৰতা অব্যাহত তামুলপুৰ জিলাৰ কেইবাটাও অঞ্চলত শেহতীয়াকৈ মেলেৰিয়া ৰোগৰ প্ৰাদুৰ্ভাৱে পুনৰ তীব্ৰ ৰূপ ধাৰণ কৰাত অঞ্চলজুৰি উদ্বেগৰ সৃষ্টি হৈছে। বিশেষকৈ কালচেনী, ২ নম্বৰ পিপলেনী আৰু নাগ্ৰীজুলি চাহ বাগিচা অঞ্চলত ইতিমধ্যে পঞ্চাশজনতকৈও অধিক লোক মেলেৰিয়াত আক্ৰান্ত হোৱা বুলি জানিব পৰা গৈছে। পৰিস্থিতিৰ গাম্ভীৰ্যলৈ লক্ষ্য ৰাখি জিলাখনৰ স্বাস্থ্য বিভাগ আৰু মেলেৰিয়া নিৰ্মূল শাখাই দিনে-নিশাই ব্যাপক অভিযান অব্যাহত ৰাখিছে। আক্ৰান্ত অঞ্চলসমূহত স্বাস্থ্য কৰ্মীসকলে ঘৰে ঘৰে গৈ স্বাস্থ্য পৰীক্ষা কৰাৰ লগতে প্ৰয়োজনীয় মেলেৰিয়া প্ৰতিৰোধী ঔষধ বিতৰণ কৰিছে। ইয়াৰ উপৰি ৰাইজৰ মাজত সজাগতা সৃষ্টিৰ লক্ষ্যৰে বিভিন্ন সজাগতামূলক সভা অনুষ্ঠিত কৰা হৈছে। মহৰ বংশবৃদ্ধি ৰোধ কৰিবলৈ চৰকাৰীভাৱে ঔষধযুক্ত আঠুৱা বিতৰণ কৰাৰ লগতে বিভিন্ন এলেকাত ফগিং ব্যৱস্থাও গ্ৰহণ কৰিছে স্বাস্থ্য বিভাগে। স্বাস্থ্য বিভাগৰ এই সক্ৰিয় ভূমিকাৰ ফলত অঞ্চলটোত মেলেৰিয়াৰ ক্ৰমবৰ্ধমান প্ৰকোপ কিছু পৰিমাণে নিয়ন্ত্ৰণলৈ অহাৰ আশা প্ৰকাশ কৰা হৈছে। লগতে জনসাধাৰণক পৰিষ্কাৰ-পৰিচ্ছন্নতা বজাই ৰাখিবলৈ, জমা পানী আঁতৰাবলৈ আৰু সদায় সতৰ্ক হৈ থাকিবলৈ আহ্বান জনাইছে বিভাগীয় কৰ্তৃপক্ষই।