ଗଞ୍ଜାମ ଜିଲ୍ଲାର ରୋହିଗାଁ ଗ୍ରାମ ପଞ୍ଚାୟତ ଠାରେ ୨୯ ଜୁନ୍ ୨୦୨୬ ତାରିଖରେ ଏକ ଅଭିଯୋଗ ଶୁଣାଣୀ କାର୍ଯ୍ୟକ୍ରମ ଆୟୋଜିତ ହୋଇଛି।

କୁକୁଡ଼ାଖଣ୍ତି ଅଞ୍ଚଳରେ ବିଧାୟକଙ୍କ ଦ୍ୱାରା ସୁଭଦ୍ରା ଶକ୍ତି କାଫେ ଏବଂ ସଦଭାବନା ସଭାଗୃହ ଲୋକାର୍ପିତ ହୋଇଛି।

2n1¹1

ଗଞ୍ଜାମ ଜିଲ୍ଲାର ସାନଖେମୁଣ୍ଡି ବ୍ଲକ କାର୍ଯ୍ୟାଳୟ ପରିସରରେ କଂକୋରଡ଼ା ପଞ୍ଚାୟତର ସରପଞ୍ଚଙ୍କ ସମେତ ବହୁ ଗ୍ରାମବାସୀ ଦୀର୍ଘ ୨୧ ଦିନ ଧରି ଧାରଣାରେ ବସିଛନ୍ତି। ପଞ୍ଚାୟତ ବାସୀଙ୍କୁ ନ୍ୟାୟ ପ୍ରଦାନ କରିବା ଦାବିରେ ଏହି ପ୍ରତିବାଦ ଜାରି ରହିଛି। ଧାରଣାରେ ବସିଥିବା କଂକୋରଡ଼ା ଗ୍ରାମପଞ୍ଚାୟତର ସରପଞ୍ଚ ଓ ଗ୍ରାମର ଗରିବ ଲୋକମାନେ ମୁଖ୍ୟତଃ ଆନ୍ତରଦୟ ଗୃହ, ବାର୍ଦ୍ଧକ୍ୟ ଭତ୍ତା ଏବଂ ପଞ୍ଚାୟତର ଉନ୍ନତିମୂଳକ କାର୍ଯ୍ୟର ଦାବି ପୂରଣ ପାଇଁ ଅଡ଼ି ବସିଛନ୍ତି। ତେବେ ଏତେଦିନ ବିତିଗଲେ ମଧ୍ୟ ଜିଲ୍ଲା ପ୍ରଶାସନ ଓ ସରକାରଙ୍କ ପାଖରେ ଏହି ବିଷୟ ପହଞ୍ଚି ନଥିବା ବେଳେ ସରପଞ୍ଚ ଏନେଇ ପ୍ରତିକ୍ରିୟା ରଖିଛନ୍ତି ଏବଂ ପ୍ରତିବାଦ ଜାରି ରହିଛି।

ମୟୂରଭଞ୍ଜ ଜିଲ୍ଲାର କରଞ୍ଜିଆ ଅଞ୍ଚଳ ପାଇଁ ବର୍ଷା ହେବାର ସମ୍ଭାବନା ରହିଛି। ଏନେଇ ମିଳିଥିବା ପାଣିପାଗ ସୂଚନା ଉତ୍ତମ ବୋଲି ଜଣାପଡ଼ିଛି।

ଗଜପତି ଜିଲ୍ଲାର ଚନ୍ଦ୍ରଗିରି ଠାରେ କାଳିଆ ଶାହାନ୍ତଙ୍କ ପବିତ୍ର ଦେବସ୍ନାନ କାର୍ଯ୍ୟକ୍ରମ ପାଳନ କରାଯାଇଛି।

ନାୟାଗଡ ଜିଲ୍ଲାର ସରଣକୁଳ ନିକଟସ୍ଥ ଶିଖରପୁରରେ ତିନି ଠାକୁରଙ୍କ ସ୍ନାନ ପାଇଁ ବ୍ୟାପକ ପ୍ରସ୍ତୁତି ଆରମ୍ଭ ହୋଇଯାଇଛି। ଏହି ପବିତ୍ର ରୀତିନୀତି ପାଳନ ନିମନ୍ତେ ସମସ୍ତ ଆୟୋଜନ ଚାଲିଛି।

ଗଜପତି ଜିଲ୍ଲା ଶାଖା ଉତ୍କଳ ସାମ୍ବାଦିକ ସଂଘ ପକ୍ଷରୁ ପାରଳାଖେମୁଣ୍ଡି ସ୍ଥିତ ଆତ୍ମନିଯୁକ୍ତି ପ୍ରଶିକ୍ଷଣ କେନ୍ଦ୍ର ସଭାଗୃହରେ ଏକ ଆଡ଼ମ୍ବରପୂର୍ଣ୍ଣ ବାର୍ଷିକ ଉତ୍ସବ ପାଳିତ ହୋଇଯାଇଛି। ସଂଘର ସଭାପତି ଦ୍ବୀଜେନ୍ଦ୍ରନାଥ ପାଢ଼ୀଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ପାରଳାଖେମୁଣ୍ଡି ବିଧାୟକ ଇଂ. ରୂପେଶ ପାଣିଗ୍ରାହୀ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ, ମୋହନା ବିଧାୟକ ଦାଶରଥି ଗମାଙ୍ଗ, ଗଜପତି ଆରକ୍ଷୀ ଅଧିକ୍ଷକ ପ୍ରହ୍ଲାଦ ସାହାୟ ମୀନା ଏବଂ ରା.ଉଦୟଗିରି ଏସଡିପିଓ ରାକେଶ କୁମାର ସାହୁ ସମ୍ମାନିତ ଅତିଥି ଭାବେ ଉପସ୍ଥିତ ଥିଲେ। ଏଥିରେ ପ୍ରଗତିବାଦୀ ଖବରକାଗଜର କାର୍ଯ୍ୟନିର୍ବାହୀ ସମ୍ପାଦକ ବିରୂପାକ୍ଷ ତ୍ରିପାଠୀ ମୁଖ୍ୟ ବକ୍ତା ଭାବେ ନିଜର ବକ୍ତବ୍ୟ ରଖିଥିଲେ। ଏହି ଅବସରରେ ‘ନାଗରିକ ସାମ୍ବାଦିକତାର ବୃଦ୍ଧି ଓ ତାହାର ପ୍ରଭାବ’ ଶୀର୍ଷକ ଏକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା, ଯେଉଁଥିରେ ବହୁ ବୁଦ୍ଧିଜୀବୀ ଓ ଶିକ୍ଷାବିତ୍ ଅଂଶଗ୍ରହଣ କରି ନିଜର ମତାମତ ଉପସ୍ଥାପନ କରିଥିଲେ। ମୁଖ୍ୟ ବକ୍ତା ବିରୂପାକ୍ଷ ତ୍ରିପାଠୀ ନାଗରିକ ସାମ୍ବାଦିକତାର ସକାରାତ୍ମକ ଓ ନକାରାତ୍ମକ ଦିଗ ସମ୍ପର୍କରେ ବିସ୍ତୃତ ଆଲୋଚନା କରିବା ସହ ସମାଜରେ ସାମ୍ବାଦିକଙ୍କ ଭୂମିକା, ଦାୟିତ୍ୱ ଓ ନୈତିକତା ଉପରେ ଆଲୋକପାତ କରିଥିଲେ। ମୁଖ୍ୟ ଅତିଥି ଇଂ. ରୂପେଶ ପାଣିଗ୍ରାହୀ ଏଭଳି କାର୍ଯ୍ୟକ୍ରମକୁ ପ୍ରଶଂସା କରି ସାମ୍ବାଦିକମାନଙ୍କୁ ସମାଜର ଜାଗ୍ରତ ପ୍ରହରୀ ବୋଲି ବର୍ଣ୍ଣନା କରିଥିଲେ। ସେ ଜିଲ୍ଲାର ସାମ୍ବାଦିକମାନଙ୍କ ସମସ୍ୟା ସମାଧାନ, ସେମାନଙ୍କ ପରିବାରର ଶିକ୍ଷା ଓ ସ୍ୱାସ୍ଥ୍ୟସେବା କ୍ଷେତ୍ରରେ ସର୍ବଦା ସହଯୋଗ କରିବାକୁ ପ୍ରତିଶ୍ରୁତି ଦେଇଥିଲେ, ଯାହା ସାମ୍ବାଦିକମାନଙ୍କ ମଧ୍ୟରେ ଉତ୍ସାହ ସୃଷ୍ଟି କରିଥିଲା। କାର୍ଯ୍ୟକ୍ରମ ସମୟରେ, ରା.ଉଦୟଗିରି ଏସଡିପିଓ ରାକେଶ କୁମାର ସାହୁଙ୍କୁ ତାଙ୍କର ଉଲ୍ଲେଖନୀୟ କାର୍ଯ୍ୟଶୈଳୀ, ଦକ୍ଷତା ଏବଂ ଜନସେବା ପ୍ରତି ନିଷ୍ଠା ପାଇଁ ଚଳିତ ବର୍ଷର ‘ଉତ୍କର୍ଷ ସମ୍ମାନ’ ପ୍ରଦାନ କରାଯାଇଥିଲା। ଶେଷରେ ସଂଘର ଉପସଭାପତି ସନ୍ତୋଷ ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ।

ଗଞ୍ଜାମ ଜିଲ୍ଲାର ରୋହିଗାଁ ଗ୍ରାମ ପଞ୍ଚାୟତ ଠାରେ ୨୯ ଜୁନ୍ ୨୦୨୬ ତାରିଖରେ ଏକ ଅଭିଯୋଗ ଶୁଣାଣୀ କାର୍ଯ୍ୟକ୍ରମ ଆୟୋଜିତ ହୋଇଛି।