ନାୟାଗଡ ଜିଲ୍ଲାର ସରଣକୁଳ ନିକଟସ୍ଥ ଶିଖରପୁରରେ ତିନି ଠାକୁରଙ୍କ ସ୍ନାନ ପାଇଁ ବ୍ୟାପକ ପ୍ରସ୍ତୁତି ଆରମ୍ଭ ହୋଇଯାଇଛି। ଏହି ପବିତ୍ର ରୀତିନୀତି ପାଳନ ନିମନ୍ତେ ସମସ୍ତ ଆୟୋଜନ ଚାଲିଛି।

ପଞ୍ଚାୟତ ନିର୍ବାଚନ ପୂର୍ବରୁ ଗଞ୍ଜାମ ଜିଲ୍ଲାର କବିସୂର୍ଯ୍ୟନଗର ବ୍ଲକ ଅନ୍ତର୍ଗତ ନନ୍ଦିଆଗଡା ପଞ୍ଚାୟତର ସରପଞ୍ଚ ରାଜଲକ୍ଷ୍ମୀ ଦାସ ଏକ ବିଶାଳ ଶକ୍ତି ପ୍ରଦର୍ଶନ କରିଛନ୍ତି। ଏହି ଅବସରରେ ବିଶାଳ ପଦଯାତ୍ରା ସହ ମାରାଥନ ପ୍ରକଳ୍ପ ଉଦଘାଟନ କରାଯାଇ ଲୋକଙ୍କୁ ବିକାଶର ଚିଠା ପ୍ରଦାନ କରାଯାଇଛି। ସରପଞ୍ଚ ଦାୟିତ୍ୱ ନେବା ପରେ ଅଞ୍ଚଳରେ ହୋଇଥିବା ବିକାଶ କାର୍ଯ୍ୟର ଶୁଭ ଉଦଘାଟନ ଆସିକା ବିଧାୟକ ସରୋଜ କୁମାର ପାଢ଼ୀଙ୍କ ଦ୍ୱାରା କରାଯାଇଥିଲା ଏବଂ ପଞ୍ଚାୟତର ସମସ୍ତ ଗ୍ରାମରେ ଏକ ବିଶାଳ ପଦଯାତ୍ରା ଅନୁଷ୍ଠିତ ହୋଇଥିଲା। ସରପଞ୍ଚ ରାଜଲକ୍ଷ୍ମୀ ଦାସଙ୍କ ନେତୃତ୍ୱ ଓ ସରପଞ୍ଚ ପ୍ରତିନିଧି ମିଥୁନୁ ସାହୁଙ୍କ ପରିଚାଳନାରେ ଆୟୋଜିତ ଏହି କାର୍ଯ୍ୟକ୍ରମରେ ବିଧାୟକ ସରୋଜ କୁମାର ପାଢ଼ୀ ଯୋଗଦେବା ପରେ ପଥରା ଠାରେ ତାଙ୍କୁ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା। ଏହାପରେ ଏକ ବିରାଟ ପଦଯାତ୍ରା ମାଧ୍ୟମରେ ଗ୍ରାମ ପରିକ୍ରମା କରାଯାଇଥିଲା ଏବଂ ଗ୍ରାମରେ ନିର୍ମିତ କଲ୍ୟାଣ ମଣ୍ଡପ ନିକଟରେ ପହଞ୍ଚି ବିଧାୟକ ଏହାକୁ ଉଦଘାଟନ କରିଥିଲେ। ପରେ, ପଞ୍ଚାୟତର ଇ. ଡେଙ୍ଗାପଡା, ହିଣ୍ଡଳ ସହ ନନ୍ଦିଆଗଡା ଗ୍ରାମରେ ମଧ୍ୟ ପଦଯାତ୍ରା ଅନୁଷ୍ଠିତ ହୋଇଥିଲା। ଶେଷରେ ନନ୍ଦିଆଗଡା ଗ୍ରାମରେ ନିର୍ମିତ ବିଦ୍ୟାଳୟ ଅତିରିକ୍ତ ଗୃହ, ସୁଭଦ୍ରା ଶକ୍ତି ଗୃହ ଏବଂ ବଜାର ଗୃହ ଭଳି ବିଭିନ୍ନ ଉନ୍ନୟନ ପ୍ରକଳ୍ପର ଶୁଭ ଉଦଘାଟନ କରାଯାଇଛି। ଉକ୍ତ କାର୍ଯ୍ୟକ୍ରମରେ କବିସୂର୍ଯ୍ୟନଗର ଗୋଷ୍ଠୀ ଉନ୍ନୟନ ଅଧିକାରୀ ରାଜେନ୍ଦ୍ର ପ୍ରସାଦ ନାୟକ, ଆସିକା ବ୍ଲକ ଉପାଧ୍ୟକ୍ଷା ଏସ୍. ରେସ୍ମା ଦୋରା, ପାଇକଯମୁନା ପଞ୍ଚାୟତ ସରପଞ୍ଚ ସତ୍ୟବାନ ସାହୁ, ବୋଲସର ସରପଞ୍ଚଙ୍କ ସମେତ ବହୁ ପଞ୍ଚାୟତର ସରପଞ୍ଚ ପ୍ରତିନିଧି, ନିର୍ବାଚିତ ପ୍ରତିନିଧି ତଥା ବହୁ ଆଗଧାଡିର ନେତା, କର୍ମୀ ଏବଂ ସାଧାରଣ ଜନତା ଯୋଗଦେଇଥିଲେ।

ପୁରୀ ସଦର ବ୍ଲକ ଅନ୍ତର୍ଗତ ଜେନାସାହି ଗ୍ରାମବାସୀଙ୍କ ମଧ୍ୟରେ ପୁରୀ-କୋଣାର୍କ ରେଳ ଲାଇନ ପ୍ରକଳ୍ପକୁ କରାଇନଦେବା ନେଇ ଅସନ୍ତୋଷ ଚରମ ସୀମାରେ ପହଞ୍ଚିଛି। ଏହି ପ୍ରକଳ୍ପ ସମ୍ବନ୍ଧୀୟ କାର୍ଯ୍ୟ ପାଇଁ ଗ୍ରାମକୁ ଆସିଥିବା ପ୍ରଶାସନିକ ଅଧିକାରୀଙ୍କୁ ଗ୍ରାମବାସୀଙ୍କ ଘୋର ବିରୋଧର ସମ୍ମୁଖୀନ ହେବାକୁ ପଡିଥିଲା। ଏହି ଘଟଣାର ପ୍ରତିବାଦ କରି ସମିତି ସଭ୍ୟ ପ୍ରଦୀପ୍ତ ବାନୁ ଘଟୁଆରୀ ଏବଂ ଛପନ ସଭାପତି ଅନାମ ଚରଣ ଜେନାଙ୍କ ନେତୃତ୍ୱରେ ଗ୍ରାମବାସୀ ଏକତ୍ରିତ ହୋଇଥିଲେ। ଆନ୍ଦୋଳନରେ ସୁକାନ୍ତ ମହାପାତ୍ର, ମହେନ୍ଦ୍ର ଘଟୁଆରୀ, ଭୀମ ଜେନା, ଚନ୍ଦ୍ର ଶେଖର ଜେନା, ଭରତ ପ୍ରଧାନ, ବାବୁଆ ଜେନା ଏବଂ ନିରଞ୍ଜନ ମୁରୁଡି ପ୍ରମୁଖ ସାମିଲ ହୋଇ ପ୍ରକଳ୍ପକୁ ନେଇ ସରକାରଙ୍କୁ କଡା ଭାଷାରେ ସମାଲୋଚନା କରିଥିଲେ। ଗ୍ରାମବାସୀଙ୍କ ଏଭଳି ପ୍ରତିବାଦ ଓ ଦୃଢ଼ ଆଭିମୁଖ୍ୟ ଯୋଗୁଁ ଅଧିକାରୀମାନେ କୌଣସି କାର୍ଯ୍ୟ ସମ୍ପାଦନ ନ କରି ଶେଷରେ ନିରାଶ ହୋଇ ଫେରିବାକୁ ବାଧ୍ୟ ହୋଇଥିଲେ। ଏହି ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଥିବା ବେଳେ ପ୍ରଶାସନ ଏବେ କଣ ପଦକ୍ଷେପ ନେଉଛି, ତାହା ଉପରେ ସମସ୍ତଙ୍କ ନଜର ରହିଛି।

ଗଞ୍ଜାମ ଜିଲ୍ଲାର ରୋହିଗାଁ ଗ୍ରାମ ପଞ୍ଚାୟତ ଠାରେ ୨୯ ଜୁନ୍ ୨୦୨୬ ତାରିଖରେ ଏକ ଅଭିଯୋଗ ଶୁଣାଣୀ କାର୍ଯ୍ୟକ୍ରମ ଆୟୋଜିତ ହୋଇଛି।

ପବିତ୍ର ସ୍ନାନ ପୁର୍ଣ୍ଣିମା ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଶ୍ରୀମନ୍ଦିରରେ ପହଞ୍ଚିଛନ୍ତି। ସେ ଭଗବାନ ଜଗନ୍ନାଥଙ୍କ ଦର୍ଶନ କରିବା ପାଇଁ ଶ୍ରୀମନ୍ଦିରକୁ ଆସିଥିଲେ।

ରଥଯାତ୍ରାର ଠିକ୍ ୧୫ ଦିନ ପୂର୍ବରୁ ପଡ଼ୁଥିବା ଜ୍ୟେଷ୍ଠ ପୂର୍ଣ୍ଣିମା ତିଥିରେ ସ୍ନାନ ଯାତ୍ରା ଅନୁଷ୍ଠିତ ହୋଇଥାଏ। ଏହି ପବିତ୍ର ଅବସରରେ ପ୍ରଭୁ ଜଗନ୍ନାଥ, ବଳଭଦ୍ର, ଦେବୀ ସୁଭଦ୍ରା ଏବଂ ସୁଦର୍ଶନଙ୍କୁ ୧୦୮ ଗରା ଜଳରେ ସ୍ନାନ କରାଯାଏ। ସ୍ନାନ ସମାପ୍ତ ହେବା ପରେ ମହାପ୍ରଭୁ ୧୫ ଦିନ ପାଇଁ ଅଣସର ଘରେ ବିଶ୍ରାମ ନିଅନ୍ତି। ଏହି ସ୍ନାନ ପରେ ଠାକୁରମାନଙ୍କୁ ହାତୀ ବେଶ ବା ଗଣେଶ ବେଶରେ ଦର୍ଶନ କରିବାର ପରମ୍ପରା ରହିଛି। ଧାର୍ମିକ ମାନ୍ୟତା ଅନୁସାରେ, ସ୍ନାନ ଯାତ୍ରା ଦର୍ଶନ କଲେ ସମସ୍ତ ପାପ କ୍ଷୟ ହୋଇଥାଏ। ଜୟ ଜଗନ୍ନାଥ!

ପବିତ୍ର ସ୍ନାନ ପୂର୍ଣ୍ଣିମା ଅବସରରେ ମୁଖ୍ୟମନ୍ତ୍ରୀ ପ୍ରଭୁ ଜଗନ୍ନାଥଙ୍କୁ ଦର୍ଶନ କରିଛନ୍ତି। ଏହି ଅବସରରେ ସେ କହିଛନ୍ତି ଯେ, ରଥଯାତ୍ରା ଯେପରି ସୁରୁଖୁରୁରେ ସମ୍ପର୍ଣ୍ଣ ହେବ ଏବଂ ଓଡ଼ିଶା ସମୃଦ୍ଧି ହେବ, ସେଥିପାଇଁ ସେ ଜଗନ୍ନାଥଙ୍କୁ ଜଣାଇଛନ୍ତି।

ଆଜି, ୨୯ ଜୁନ୍ ୨୦୨୬, ସୋମବାର, ରାଜ୍ୟରେ ମହାନଦୀ ଜଳସ୍ତର ହ୍ରାସ, ମାଓବାଦୀଙ୍କ ଆତ୍ମସମର୍ପଣ, ଓଲିଭ୍ ରିଡ୍ଲେ କଚ୍ଛପ ମୃତ୍ୟୁ ଏବଂ ନୂଆ ଯୋଜନା ଭଳି ପ୍ରମୁଖ ଖବର ସାମ୍ନାକୁ ଆସିଛି। ଛତିଶଗଡ଼ର କଲମା ବ୍ୟାରେଜ୍‌ର ୨ଟି ଗେଟ୍ ଖୋଲାଯାଇଥିଲେ ମଧ୍ୟ ହୀରାକୁଦକୁ ପାଣି ଆସୁନଥିବାରୁ ମହାନଦୀ ଶୁଖିଯାଇଛି, ଯାହା ପଶ୍ଚିମ ଓଡ଼ିଶାରେ ଚାଷୀ ଓ ପିଇବା ପାଣି ସଙ୍କଟ ସୃଷ୍ଟି କରିଛି। ଏହା ସହିତ CHSE ପକ୍ଷରୁ ପ୍ଲସ୍-ଟୁ ପିଲାଙ୍କ ପାଇଁ ନୂଆ ଇମ୍ପ୍ରୁଭମେଣ୍ଟ ବ୍ୟବସ୍ଥା ଘୋଷଣା କରାଯାଇଛି, ଯେଉଁଥିରେ ଗୋଟିଏ ବିଷୟରେ ଫେଲ୍ ହେଲେ ବି ପିଲାମାନଙ୍କୁ ସୁଯୋଗ ମିଳିବ। କନ୍ଧମାଳରେ ସୁରକ୍ଷା ବାହିନୀକୁ ଏକ ବଡ଼ ସଫଳତା ମିଳିଛି, ଯେଉଁଠାରେ ୧୦ ଜଣ ମାଓବାଦୀ ଫୁଲବାଣୀରେ ପୋଲିସ ଆଗରେ ଆତ୍ମସମର୍ପଣ କରିଛନ୍ତି; ସେମାନଙ୍କ ମଧ୍ୟରେ ₹୫୫ ଲକ୍ଷ ପୁରସ୍କାର ଥିବା ରାଜ୍ୟ କମିଟିର ଜଣେ ସଦସ୍ୟ ମଧ୍ୟ ଅଛନ୍ତି। ପରିବେଶକୁ ନେଇ ଚିନ୍ତା ବଢ଼ିଛି, କାରଣ ଗଞ୍ଜାମ-ପୁରୀ ବେଳାଭୂମିରେ ପ୍ରାୟ ୧୫୦୦ ଓଲିଭ୍ ରିଡ୍ଲେ କଚ୍ଛପଙ୍କ ମୃତଦେହ ମିଳିଛି, ଯାହା ଟ୍ରଲର ଧକ୍କା ଯୋଗୁଁ ହୋଇଥିବା ସନ୍ଦେହ କରାଯାଉଛି। ଏକ ସାମାଜିକ ଯୋଜନା ଅନୁଯାୟୀ, ରାଜ୍ୟ ସରକାର BPL ପରିବାରର ଝିଅ ବାହାଘର ପାଇଁ ₹୪୫,୦୦୦ ସହାୟତା ଦେବାକୁ ଘୋଷଣା କରିଛନ୍ତି। ଜାତୀୟସ୍ତରରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଗୃହମନ୍ତ୍ରୀ ଅମିତ ଶାହା ଅଲଗା ଅଲଗା ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟିବା ପରେ ଏକ ବଡ଼ ଘୋଷଣା ଆସିବାର ସମ୍ଭାବନା ରହିଛି। ସେନସେକ୍ସ ୮୪,୫୦୦ ଉପରେ ସ୍ଥିର ଭାବେ ବନ୍ଦ ହୋଇଛି, ଯାହା ଆମେରିକା-ଇରାନ ମଧ୍ୟରେ ତିକ୍ତତା କମିବା ଆଶାରେ ବଜାରକୁ ସମ୍ଭାଳିବାରେ ସହାୟକ ହୋଇଛି। ଆନ୍ତର୍ଜାତୀୟ ଖବର ଅନୁଯାୟୀ, ୟୁକ୍ରେନ୍ ରୁଷିଆର କ୍ରାସ୍ନୋଦାର ଓ ୟାରୋସ୍ଲାଭଲ ରିଫାଇନାରୀରେ ଡ୍ରୋନ୍ ଆକ୍ରମଣ କରି ୨ଟି ତୈଳ କାରଖାନା ଉଡାଇ ଦେଇଛି, ଫଳରେ ରୁଷିଆରେ ପେଟ୍ରୋଲ ପାଇଁ ଲମ୍ବା ଲାଇନ୍ ଏବଂ ରେସନିଂ ଦେଖିବାକୁ ମିଳିଛି। ହରମୁଜ ଜଳପଥରେ ପୁଣି ଜାହାଜ ଉପରେ ଆକ୍ରମଣ ହୋଇଛି, ଯେଉଁଠାରେ ଇରାନ ଗାର୍ଡ଼ “ଚେତାବନୀ ଗୁଳି” ଚଳାଇବା ପରେ ତୈଳ ଦର ୨% ବୃଦ୍ଧି ପାଇଛି। କ୍ରୀଡ଼ା ଜଗତରୁ, BCCI IPL ୨୦୨୬ ର ନୂଆ ସିଜିନ୍ ତାରିଖ ଘୋଷଣା କରିଛି, ଯାହା ମାର୍ଚ୍ଚ ୨୮ ରୁ ଆରମ୍ଭ ହେବ। ଆଜି ସ୍ନାନ ପୂର୍ଣ୍ଣିମା, ମହାପ୍ରଭୁଙ୍କ ସ୍ନାନ ଯାତ୍ରା ଅବସରରେ ଦର୍ଶନ କରିବାକୁ ଭକ୍ତମାନେ ଉତ୍ସାହିତ ଅଛନ୍ତି।

2n1¹1

ପୁରୀ ଜାତୀୟ ରାଜପଥର କୌଶଲ୍ୟାଗଙ୍ଗ ଫାଣ୍ଡି ଅଧୀନ ଗୁଡ଼ିଆ ପୋଖରୀ ହୁଣ୍ଡାଇ ସୋ’ ରୁମ ନିକଟରେ ଆଜି ସନ୍ଧ୍ୟା ପ୍ରାୟ ୫ଟା ୩୦ ମିନିଟ୍ ସମୟରେ ଘଟିଥିବା ଏକ ସିରିଜ୍ ଦୁର୍ଘଟଣାକୁ ନେଇ ବାଳକାଟି ବ୍ରିଜ୍ ଉପରେ ତୁମୁଳ କାଣ୍ଡ ଘଟିଛି। ଉତ୍ୟକ୍ତ ଗାଡ଼ି ଚାଳକମାନଙ୍କ ମାଡ଼ରେ ମଞ୍ଚେଶ୍ୱର ଥାନା ଅଧୀନ ପଳାଶୁଣିରେ ରହୁଥିବା ବିଭୁତି ଭୂଷଣ ରାଉତ (୪୦) ଗୁରୁତର ଆହତ ହୋଇଥିବା ବେଳେ ତାଙ୍କୁ ରକ୍ଷା କରିବାକୁ ଯାଇ ତାଙ୍କ ସହ ଥିବା ପୁଅ ମଧ୍ୟ ସାମାନ୍ୟ ଆହତ ହୋଇଛନ୍ତି। ସୂଚନା ଅନୁସାରେ, ବିଭୁତି ଗୁଡ଼ିଆ ପୋଖରୀରୁ ଏକ ନିର୍ବନ୍ଧ ଭୋଜି ଖାଇ ମହିନ୍ଦ୍ରା ଟ୍ୟୁବ-୩୦୦ ଗାଡ଼ିରେ ଭୁବନେଶ୍ୱର ଅଭିମୁଖେ ଆସୁଥିବା ବେଳେ ନିୟନ୍ତ୍ରଣ ହରାଇ ଅନ୍ୟ ଦୁଇଟି କାରକୁ ଧକ୍କା ଦେଇଥିଲେ। ଏଥିରେ ମଝିରେ ରହିଯାଇଥିବା ଅନ୍ୟ ଜଣେ ବାଇକ୍ ଆରୋହୀ ମଧ୍ୟ ଆହତ ହୋଇଥିଲେ। ଦୁର୍ଘଟଣାଗ୍ରସ୍ତ ଅନ୍ୟ ଦୁଇଟି କାରରେ ଥିବା ଯୁବକମାନେ ବିଭୁତିଙ୍କୁ ପିଛା କରିଥିଲେ। ସେ ରକ୍ଷା ପାଇବା ପାଇଁ ବାଳକାଟି ଭାର୍ଗବୀ ବ୍ରିଜ୍ ଅଭିମୁଖେ ଗାଡ଼ି ନେଇଯାଇଥିଲେ। ଭାର୍ଗବୀ ବ୍ରିଜ୍ ଉପରେ ଯୁବକମାନେ ବିଭୁତିଙ୍କୁ ଅଟକାଇବା ବେଳେ ସେ ଗାଡ଼ି ରଖିଦେବାରୁ ପଛପଟୁ ଆସୁଥିବା ଅନ୍ୟ ଏକ କାର ନିୟନ୍ତ୍ରଣ ହରାଇ ପିଟି ହୋଇଯାଇଥିଲା। ଏହା ପରେ ଯୁବକମାନେ ବିଭୁତିଭୂଷଣଙ୍କୁ କାର ଭିତରୁ ଟାଣି ଆଣି ରାସ୍ତାରେ ପକାଇ ପ୍ରବଳ ମାଡ଼ ମାରିଥିଲେ। ଏହି ଘଟଣା ଯୋଗୁଁ ସରଦେଇପୁର-ନିମାପଡ଼ା ପୂର୍ତ୍ତ ବିଭାଗ ରାସ୍ତା ପୂରା ଜାମ୍ ହୋଇଯାଇଥିଲା ଏବଂ ଘଟଣାସ୍ଥଳରେ ପ୍ରବଳ ଉତ୍ତେଜନା ଦେଖାଦେଇଥିଲା। ଖବର ପାଇ ବାଳକାଟି ଫାଣ୍ଡି ଅଧିକାରୀ ଘଟଣାସ୍ଥଳରେ ପହଞ୍ଚି ବୁଝାସୁଝା କରିବା ପରେ ପରିସ୍ଥିତି ଶାନ୍ତ ପଡ଼ିଥିଲା। ପୁଲିସ ବିଭୁତି ଭୂଷଣ ରାଉତଙ୍କୁ ବାଳକାଟି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା କରାଇଥିଲା। ପୁଲିସ ଦୁର୍ଘଟଣାଗ୍ରସ୍ତ ଚାରୋଟି କାରକୁ ଜବତ କରି ବାଳକାଟି ଫାଣ୍ଡିକୁ ଆଣିଛି। ଫାଣ୍ଡି ପୁଲିସ କାର ଚାଳକଙ୍କ ସମେତ କାର ଭିତରେ ଥିବା ଯୁବକମାନଙ୍କୁ ଥାନାରେ ଅଟକ ରଖି ପଚରାଉଚରା କରୁଛି। ତେବେ ଆହତ ବାଇକ୍ ଚାଳକଙ୍କ ପରିଚୟ ବର୍ତ୍ତମାନ ସୁଦ୍ଧା ମିଳିପାରି ନାହିଁ। ଅନ୍ୟପକ୍ଷରେ, କୌଶଲ୍ୟାଗଙ୍ଗ ଫାଣ୍ଡିରେ ଏସଂକ୍ରାନ୍ତରେ କୌଣସି ଅଭିଯୋଗ ହୋଇନଥିବା ଫାଣ୍ଡି ଅଧିକାରୀ କହିଛନ୍ତି।