କେନ୍ଦୁଝର ସଦର ବ୍ଲକ ଅନ୍ତର୍ଗତ ପର୍ଜନପୁର ପଞ୍ଚାୟତର ନଈଗାଁରେ ମେଗା ପାନୀୟ ଜଳ ପ୍ରକଳ୍ପର ଅବ୍ୟବସ୍ଥା ଯୋଗୁଁ ଗ୍ରାମବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ଗତ ସପ୍ତାହେ ହେବ ନିୟମିତ ପାନୀୟ ଜଳ ଯୋଗାଣ ବନ୍ଦ ରହିଥିବାରୁ ଏଠାକାର ଶତାଧିକ ପରିବାର ଚରମ ଦୁର୍ଦ୍ଦଶାର ସମ୍ମୁଖୀନ ହେଉଛନ୍ତି। ସ୍ଥାନୀୟ ଲୋକଙ୍କ ଅଭିଯୋଗ ଅନୁସାରେ, ମରାମତି କାମ ଚାଲିଛି ବୋଲି ଦର୍ଶାଇ ଏହି ଜଳ ଯୋଗାଣ ବନ୍ଦ ରଖାଯାଇଛି। ଦିନକ ମଧ୍ୟରେ ମାତ୍ର ଥରେ ପାଣି ଛଡ଼ାଯାଉଥିବା ବେଳେ ତାହାର ମଧ୍ୟ କୌଣସି ନିର୍ଦ୍ଦିଷ୍ଟ ସମୟ ରହୁନାହିଁ। ଫଳରେ ଅନେକ ପରିବାର ପାଣି ସଂଗ୍ରହ କରିବାରୁ ବଞ୍ଚିତ ହୋଇ ନଳକୂଅ ଓ ଅନ୍ୟାନ୍ୟ ବିକଳ୍ପ ଉତ୍ସ ଉପରେ ନିର୍ଭର କରିବାକୁ ବାଧ୍ୟ ହେଉଛନ୍ତି। ଏପରିକି ପାଣି ଛାଡ଼ିବା ଦାୟିତ୍ୱରେ ଥିବା କର୍ମଚାରୀଙ୍କୁ ବାରମ୍ବାର ଫୋନ୍ କରାଗଲେ ମଧ୍ୟ ସେ ଫୋନ୍ ଉଠାଉ ନାହାନ୍ତି, ଯାହାଫଳରେ ଜଳ ଯୋଗାଣ ସ୍ୱାଭାବିକ ହେବା ନେଇ କୌଣସି ସୂଚନା ମିଳିପାରୁନାହିଁ। ଏହି ସମସ୍ୟାକୁ ନେଇ ନଈଗାଁର ପୂର୍ବତନ ୱାର୍ଡ ସଭ୍ୟ ଧ୍ୟାନକୃଷ୍ଣ ନାୟକ କହିଛନ୍ତି ଯେ ପାନୀୟ ଜଳ ଲୋକଙ୍କ ମୌଳିକ ଅଧିକାର ଏବଂ ସପ୍ତାହେ ଧରି ଏହା ବ୍ୟାହତ ରହିବା ଅତ୍ୟନ୍ତ ଦୁର୍ଭାଗ୍ୟଜନକ ଅଟେ। ମରାମତି ନାଁରେ ଲୋକଙ୍କୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ପାଣିରୁ ବଞ୍ଚିତ କରାଯାଇ ପାରିବ ନାହିଁ। ପ୍ରକଳ୍ପର ମରାମତି କାର୍ଯ୍ୟ ତୁରନ୍ତ ଶେଷ କରି ନିୟମିତ ଓ ନିର୍ଦ୍ଦିଷ୍ଟ ସମୟରେ ଜଳ ଯୋଗାଣ ସୁନିଶ୍ଚିତ କରିବାକୁ ସମ୍ପୃକ୍ତ ବିଭାଗ ନିକଟରେ ଦାବି ହୋଇଛି।

ଦୁର୍ଯ୍ୟୋଧନ ପାତ୍ର

Building society କେନ୍ଦୁଝର ସଦର, କେନ୍ଦୁଝର, ଓଡ଼ିଶା•

2 hrs ago

କେନ୍ଦୁଝର ସଦର ବ୍ଲକ ଅନ୍ତର୍ଗତ ପର୍ଜନପୁର ପଞ୍ଚାୟତର ନଈଗାଁରେ ମେଗା ପାନୀୟ ଜଳ ପ୍ରକଳ୍ପର ଅବ୍ୟବସ୍ଥା ଯୋଗୁଁ ଗ୍ରାମବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ଗତ ସପ୍ତାହେ ହେବ ନିୟମିତ ପାନୀୟ ଜଳ ଯୋଗାଣ ବନ୍ଦ ରହିଥିବାରୁ ଏଠାକାର ଶତାଧିକ ପରିବାର ଚରମ ଦୁର୍ଦ୍ଦଶାର ସମ୍ମୁଖୀନ ହେଉଛନ୍ତି। ସ୍ଥାନୀୟ ଲୋକଙ୍କ ଅଭିଯୋଗ ଅନୁସାରେ, ମରାମତି କାମ ଚାଲିଛି ବୋଲି ଦର୍ଶାଇ ଏହି ଜଳ ଯୋଗାଣ ବନ୍ଦ ରଖାଯାଇଛି। ଦିନକ ମଧ୍ୟରେ ମାତ୍ର ଥରେ

ପାଣି ଛଡ଼ାଯାଉଥିବା ବେଳେ ତାହାର ମଧ୍ୟ କୌଣସି ନିର୍ଦ୍ଦିଷ୍ଟ ସମୟ ରହୁନାହିଁ। ଫଳରେ ଅନେକ ପରିବାର ପାଣି ସଂଗ୍ରହ କରିବାରୁ ବଞ୍ଚିତ ହୋଇ ନଳକୂଅ ଓ ଅନ୍ୟାନ୍ୟ ବିକଳ୍ପ ଉତ୍ସ ଉପରେ ନିର୍ଭର କରିବାକୁ ବାଧ୍ୟ ହେଉଛନ୍ତି। ଏପରିକି ପାଣି ଛାଡ଼ିବା ଦାୟିତ୍ୱରେ ଥିବା କର୍ମଚାରୀଙ୍କୁ ବାରମ୍ବାର ଫୋନ୍ କରାଗଲେ ମଧ୍ୟ ସେ ଫୋନ୍ ଉଠାଉ ନାହାନ୍ତି, ଯାହାଫଳରେ ଜଳ ଯୋଗାଣ ସ୍ୱାଭାବିକ ହେବା ନେଇ କୌଣସି ସୂଚନା ମିଳିପାରୁନାହିଁ। ଏହି ସମସ୍ୟାକୁ ନେଇ

ନଈଗାଁର ପୂର୍ବତନ ୱାର୍ଡ ସଭ୍ୟ ଧ୍ୟାନକୃଷ୍ଣ ନାୟକ କହିଛନ୍ତି ଯେ ପାନୀୟ ଜଳ ଲୋକଙ୍କ ମୌଳିକ ଅଧିକାର ଏବଂ ସପ୍ତାହେ ଧରି ଏହା ବ୍ୟାହତ ରହିବା ଅତ୍ୟନ୍ତ ଦୁର୍ଭାଗ୍ୟଜନକ ଅଟେ। ମରାମତି ନାଁରେ ଲୋକଙ୍କୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ପାଣିରୁ ବଞ୍ଚିତ କରାଯାଇ ପାରିବ ନାହିଁ। ପ୍ରକଳ୍ପର ମରାମତି କାର୍ଯ୍ୟ ତୁରନ୍ତ ଶେଷ କରି ନିୟମିତ ଓ ନିର୍ଦ୍ଦିଷ୍ଟ ସମୟରେ ଜଳ ଯୋଗାଣ ସୁନିଶ୍ଚିତ କରିବାକୁ ସମ୍ପୃକ୍ତ ବିଭାଗ ନିକଟରେ ଦାବି ହୋଇଛି।