पुण्यातील ध्रुवतारा फाऊंडेशनतर्फे दिला जाणारा चौथा मानाचा खाशाबा जाधव पुरस्कार ऑलिम्पिकपटू बंडा पाटील यांना जाहीर झाला आहे. कोल्हापूर येथे ऑलिम्पिक दिनानिमित्त मंगळवार, २३ जून रोजी हा पुरस्कार समारंभ आयोजित करण्यात आला आहे. याच निमित्ताने खाशाबा जाधव यांच्या चरित्राचे लेखक संजय दुधाणे यांचे सलग तीन कार्यक्रम कोल्हापूर आणि कराडमध्ये होणार आहेत. कोल्हापुरातील ऐतिहासिक मेन राजाराम हायस्कूल व ज्युनिअर कॉलेजच्या सभागृहात सकाळी १० वाजता बंडा पाटील यांना सन्मानित केले जाईल. या पुरस्काराचे स्वरूप शाल, श्रीफळ, गौरव चिन्ह, रोख ५ हजार रुपये आणि पुस्तक असे आहे. उद्योजक रोहित मुसळे आणि मनीष झंवर यांच्या हस्ते हा सन्मान केला जाईल, तर जिल्हा परिषदेच्या शिक्षणाधिकारी मीना शेंडकर, शासनाचे कुस्ती क्रीडा अधिकारी अरुण पाटील आणि प्राचार्य गजानन खाडे प्रमुख उपस्थित राहणार आहेत. याप्रसंगी ऑलिम्पिकपटूंच्या परिवारातील शामराव जाधव व माणिक माणगावे, राष्ट्रीय खो-खो खेळाडू सानिका चाफे, अमृता पाटील, श्रावणी पाटील, कुस्तीगीर पृथ्वीराज मोहिते आणि क्रीडा प्रशिक्षक भीमा भांदिगरे यांचाही सत्कार करण्यात येणार असल्याची माहिती ध्रुवतारा फाऊंडेशनचे अध्यक्ष संजय दुधाणे यांनी दिली आहे. ऑलिम्पिकपटू बंडा पाटील यांनी १९६४ च्या टोकियो ऑलिम्पिकमध्ये सहभाग घेतला होता. कोल्हापूर जिल्ह्यातील शाहूवाडी तालुक्यातील रेठरे गावचे रहिवासी असलेल्या बंडा पाटील यांनी सलग ७ वेळा राज्यस्तरीय कुस्ती स्पर्धेत, तर २ वेळा राष्ट्रीय कुस्ती स्पर्धेत पदके जिंकण्याचा पराक्रम केला आहे. यापूर्वी ऑलिम्पिकपटू मनोज पिंगळे, महाराष्ट्र केसरी बालारफिक शेख आणि महाराष्ट्र केसरी हर्षवर्धन सदगीर यांनाही खाशाबा जाधव पुरस्काराने गौरवण्यात आले आहे. राष्ट्रीय शालेय खो-खो स्पर्धेत कोल्हापूरच्या सानिका चाफेने महाराष्ट्राचे प्रतिनिधित्व केले होते. खाशाबा जाधव यांच्या जीवनकार्याचा प्रेरणादायी प्रवास विद्यार्थ्यांपर्यंत पोहोचवण्यासाठी आंतरराष्ट्रीय ऑलिम्पिक दिनाच्या पूर्वसंध्येला, सोमवारी (दि. २२) सकाळी ११ वाजता शिवाजी पेठ, सरनाईक कॉलनी येथील आदर्श प्रशालेत लेखक संजय दुधाणे यांचा विशेष संवाद कार्यक्रम आयोजित करण्यात आला आहे. विशेष म्हणजे, मेन राजाराम हायस्कूलच्या सभागृहात १९५२ साली खाशाबा जाधव यांचा कोल्हापूरकरांनी नागरी सत्कार केला होता आणि आता याच ऐतिहासिक सभागृहात खाशाबा जाधव पुरस्कार समारंभ रंगणार आहे. यावेळी संजय दुधाणे कोल्हापुरातील खाशाबांच्या आठवणींना उजाळा देतील. कराडमध्येही 'लेखक आपल्या भेटीला' हा कार्यक्रम आयोजित करण्यात आला आहे.

E city news network

Local News Reporter करवीर, कोल्हापूर, महाराष्ट्र•

6 hrs ago

पुण्यातील ध्रुवतारा फाऊंडेशनतर्फे दिला जाणारा चौथा मानाचा खाशाबा जाधव पुरस्कार ऑलिम्पिकपटू बंडा पाटील यांना जाहीर झाला आहे. कोल्हापूर येथे ऑलिम्पिक दिनानिमित्त मंगळवार, २३ जून रोजी हा पुरस्कार समारंभ आयोजित करण्यात आला आहे. याच निमित्ताने खाशाबा जाधव यांच्या चरित्राचे लेखक संजय दुधाणे यांचे सलग तीन कार्यक्रम कोल्हापूर आणि कराडमध्ये होणार आहेत. कोल्हापुरातील ऐतिहासिक मेन राजाराम हायस्कूल व ज्युनिअर कॉलेजच्या सभागृहात सकाळी १० वाजता बंडा पाटील यांना सन्मानित केले जाईल. या पुरस्काराचे स्वरूप शाल, श्रीफळ, गौरव चिन्ह, रोख ५ हजार रुपये आणि पुस्तक असे आहे. उद्योजक रोहित मुसळे आणि मनीष झंवर यांच्या हस्ते हा सन्मान केला जाईल, तर जिल्हा परिषदेच्या शिक्षणाधिकारी मीना शेंडकर, शासनाचे कुस्ती क्रीडा अधिकारी अरुण पाटील आणि प्राचार्य गजानन खाडे प्रमुख उपस्थित राहणार आहेत. याप्रसंगी ऑलिम्पिकपटूंच्या परिवारातील शामराव जाधव व माणिक माणगावे, राष्ट्रीय खो-खो खेळाडू सानिका चाफे, अमृता पाटील, श्रावणी पाटील, कुस्तीगीर पृथ्वीराज मोहिते आणि क्रीडा प्रशिक्षक भीमा भांदिगरे यांचाही सत्कार करण्यात येणार असल्याची माहिती ध्रुवतारा फाऊंडेशनचे अध्यक्ष संजय दुधाणे यांनी दिली आहे. ऑलिम्पिकपटू बंडा पाटील यांनी १९६४ च्या टोकियो ऑलिम्पिकमध्ये सहभाग घेतला होता. कोल्हापूर जिल्ह्यातील शाहूवाडी तालुक्यातील रेठरे गावचे रहिवासी असलेल्या बंडा पाटील यांनी सलग ७ वेळा राज्यस्तरीय कुस्ती स्पर्धेत, तर २ वेळा राष्ट्रीय कुस्ती स्पर्धेत पदके जिंकण्याचा पराक्रम केला आहे. यापूर्वी ऑलिम्पिकपटू मनोज पिंगळे, महाराष्ट्र केसरी बालारफिक शेख आणि महाराष्ट्र केसरी हर्षवर्धन सदगीर यांनाही खाशाबा जाधव पुरस्काराने गौरवण्यात आले आहे. राष्ट्रीय शालेय खो-खो स्पर्धेत कोल्हापूरच्या सानिका चाफेने महाराष्ट्राचे प्रतिनिधित्व केले होते. खाशाबा जाधव यांच्या जीवनकार्याचा प्रेरणादायी प्रवास विद्यार्थ्यांपर्यंत पोहोचवण्यासाठी आंतरराष्ट्रीय ऑलिम्पिक दिनाच्या पूर्वसंध्येला, सोमवारी (दि. २२) सकाळी ११ वाजता शिवाजी पेठ, सरनाईक कॉलनी येथील आदर्श प्रशालेत लेखक संजय दुधाणे यांचा विशेष संवाद कार्यक्रम आयोजित करण्यात आला आहे. विशेष म्हणजे, मेन राजाराम हायस्कूलच्या सभागृहात १९५२ साली खाशाबा जाधव यांचा कोल्हापूरकरांनी नागरी सत्कार केला होता आणि आता याच ऐतिहासिक सभागृहात खाशाबा जाधव पुरस्कार समारंभ रंगणार आहे. यावेळी संजय दुधाणे कोल्हापुरातील खाशाबांच्या आठवणींना उजाळा देतील. कराडमध्येही 'लेखक आपल्या भेटीला' हा कार्यक्रम आयोजित करण्यात आला आहे.