కరీంనగర్ నూతన కలెక్టరేట్‌లో రెండు కోట్ల రూపాయల అంచనాతో చేపట్టే అభివృద్ధి పనులకు మాజీ మంత్రి, కరీంనగర్ ఎమ్మెల్యే గంగుల కమలాకర్ శంకుస్థాపన చేశారు. సుడా నిధులతో చేపడుతున్న ఈ పనులకు ఎమ్మెల్యే కమలాకర్ తో పాటు మేయర్ శ్రీనివాస్, సుడా చైర్మన్ నరేందర్ రెడ్డి, కలెక్టర్ చిత్రామిశ్రా భూమి పూజ నిర్వహించారు. నూతనంగా నిర్మించిన కలెక్టరేట్ నుండి ఈశాన్య గేటు వరకు రహదారి అభివృద్ధి పనులతో పాటు, కలెక్టరేట్ కార్యాలయ గార్డెన్ సుందరీకరణ పనులు, హెలిపాడ్ నిర్మాణం పనులను త్వరితగతిన పూర్తి చేయాలని సంబంధిత అధికారులను ఎమ్మెల్యే ఆదేశించారు. త్వరలో కలెక్టరేట్ ప్రారంభోత్సవం జరుగుతున్న నేపథ్యంలో పనులను వేగవంతం చేయాలని ఆయన సూచించారు. అయితే, మున్సిపల్ తో పాటు సుడా నిధులతో నగరంలో చేపట్టే పనుల శంకుస్థాపన, ప్రారంభోత్సవాల సమాచారం తమకు ఇవ్వకపోవడంపై ఎమ్మెల్యే అసహనం వ్యక్తం చేశారు. స్థానిక ఎమ్మెల్యే అయిన తనకు సమాచారం ఇవ్వకపోవడం ఏమిటని ప్రశ్నించిన ఆయన, ఇకముందు ప్రోటోకాల్ పాటించాలని, ఎలాంటి పొరపాట్లు జరగకుండా చూడాలని కలెక్టర్ కు సూచించారు. ఈ ప్రోటోకాల్ వివాదం తలెత్తిన నేపథ్యంలో, భవిష్యత్తులో ఇలాంటి సంఘటనలు పునరావృతం కాకుండా తగు చర్యలు తీసుకోవాలని కలెక్టర్ సంబంధిత అధికారులను ఆదేశించారు.

K.V.REDDY

చిగురుమామిడి, కరీంనగర్, తెలంగాణ•

1 hr ago

కరీంనగర్ నూతన కలెక్టరేట్‌లో రెండు కోట్ల రూపాయల అంచనాతో చేపట్టే అభివృద్ధి పనులకు మాజీ మంత్రి, కరీంనగర్ ఎమ్మెల్యే గంగుల కమలాకర్ శంకుస్థాపన చేశారు. సుడా నిధులతో చేపడుతున్న ఈ పనులకు ఎమ్మెల్యే కమలాకర్ తో పాటు మేయర్ శ్రీనివాస్, సుడా చైర్మన్ నరేందర్ రెడ్డి, కలెక్టర్ చిత్రామిశ్రా భూమి పూజ నిర్వహించారు. నూతనంగా నిర్మించిన కలెక్టరేట్ నుండి ఈశాన్య గేటు వరకు రహదారి అభివృద్ధి పనులతో పాటు, కలెక్టరేట్ కార్యాలయ గార్డెన్ సుందరీకరణ పనులు, హెలిపాడ్ నిర్మాణం పనులను త్వరితగతిన పూర్తి చేయాలని సంబంధిత అధికారులను ఎమ్మెల్యే

ఆదేశించారు. త్వరలో కలెక్టరేట్ ప్రారంభోత్సవం జరుగుతున్న నేపథ్యంలో పనులను వేగవంతం చేయాలని ఆయన సూచించారు. అయితే, మున్సిపల్ తో పాటు సుడా నిధులతో నగరంలో చేపట్టే పనుల శంకుస్థాపన, ప్రారంభోత్సవాల సమాచారం తమకు ఇవ్వకపోవడంపై ఎమ్మెల్యే అసహనం వ్యక్తం చేశారు. స్థానిక ఎమ్మెల్యే అయిన తనకు సమాచారం ఇవ్వకపోవడం ఏమిటని ప్రశ్నించిన ఆయన, ఇకముందు ప్రోటోకాల్ పాటించాలని, ఎలాంటి పొరపాట్లు జరగకుండా చూడాలని కలెక్టర్ కు సూచించారు. ఈ ప్రోటోకాల్ వివాదం తలెత్తిన నేపథ్యంలో, భవిష్యత్తులో ఇలాంటి సంఘటనలు పునరావృతం కాకుండా తగు చర్యలు తీసుకోవాలని కలెక్టర్ సంబంధిత అధికారులను ఆదేశించారు.