గోదావరిఖని నుంచి కరీంనగర్ వైపు వస్తున్న ఆర్టీసీ ఎలక్ట్రికల్ బస్సు సాంకేతిక లోపం కారణంగా మార్గమధ్యంలోనే నిలిచిపోయింది. తొలుత సుల్తానాబాద్ వద్ద పది నిమిషాల పాటు ఆగిన ఈ బస్సు, ఆ తర్వాత కరీంనగర్ ఆర్ట్స్ కాలేజీ వద్దకు చేరుకోగానే మళ్లీ మొరాయించింది. బస్సు సిబ్బంది ఎంత ప్రయత్నించినా కూడా సాంకేతిక లోపాన్ని సరిదిద్దలేకపోవడంతో ప్రయాణికులు తీవ్ర ఇబ్బందులు పడ్డారు. చివరకు విసిగిపోయిన ప్రయాణికులు బస్సు దిగి, మరో మార్గం లేక కాలినడకనే బస్టాండ్‌కు చేరుకున్నారు. ముందస్తు తనిఖీలు సరిగా లేకపోవడం వల్లే ఇలాంటి ఘటనలు పునరావృతమవుతున్నాయని వారు తీవ్ర ఆగ్రహం వ్యక్తం చేశారు.

గోదావరిఖని నుంచి కరీంనగర్ వైపు వస్తున్న ఆర్టీసీ ఎలక్ట్రికల్ బస్సు సాంకేతిక లోపం కారణంగా మార్గమధ్యంలోనే నిలిచిపోయింది. తొలుత సుల్తానాబాద్ వద్ద పది నిమిషాల పాటు ఆగిన ఈ బస్సు, ఆ తర్వాత కరీంనగర్ ఆర్ట్స్ కాలేజీ వద్దకు చేరుకోగానే మళ్లీ మొరాయించింది. బస్సు సిబ్బంది ఎంత ప్రయత్నించినా కూడా సాంకేతిక లోపాన్ని సరిదిద్దలేకపోవడంతో ప్రయాణికులు తీవ్ర ఇబ్బందులు పడ్డారు. చివరకు విసిగిపోయిన ప్రయాణికులు బస్సు దిగి, మరో మార్గం లేక కాలినడకనే బస్టాండ్‌కు చేరుకున్నారు. ముందస్తు తనిఖీలు సరిగా లేకపోవడం వల్లే ఇలాంటి ఘటనలు పునరావృతమవుతున్నాయని వారు తీవ్ర ఆగ్రహం వ్యక్తం చేశారు.

కరీంనగర్ నగరంలోని కోతీరాంపూర్‌కు చెందిన ఆటో డ్రైవర్ భూక్యా లాలు కుమార్తె వెన్నెల వివాహానికి బీఆర్ఎస్ సీనియర్ నాయకులు నరాదాసు వసంత రావు మేనమామగా ఆర్థిక సహాయం అందించారు. ఈ నెల 25వ తేదీన జరగనున్న వెన్నెల వివాహ సందర్భంగా, వసంత రావు ఈరోజు వారి ఇంటికి వెళ్లి ₹5016 అందజేశారు. గత నెలలో జరిగిన ఆటో యూనియన్ ప్రమాణ స్వీకారోత్సవం సందర్భంగా ఆటో కార్మికుల ఆడపిల్లల వివాహాలకు ₹5000 ఆర్థిక సహాయం అందిస్తానని వసంత రావు ప్రకటించారు. భూక్యా సత్తమ్మ, లాలు దంపతుల కుమార్తె వివాహం నిశ్చయమైన విషయం తెలుసుకున్న తర్వాత, ఆ వాగ్దానాన్ని నిలబెట్టుకుంటూ ఆయన ఈ సహాయాన్ని అందించారు. ఆడబిడ్డ పెళ్లికి చిన్న సహాయం అందించడం పట్ల ఆయన సంతోషం వ్యక్తం చేశారు. అంతేకాకుండా, కరీంనగర్ నగరంలోని ఏ ఆటో కార్మికుడైనా తన కుమార్తె వివాహం చేస్తే, తనను సంప్రదించి ₹5016 ఆర్థిక సహాయాన్ని పొందవచ్చని వసంత రావు విజ్ఞప్తి చేశారు. తెలంగాణ తొలి ముఖ్యమంత్రి కేసీఆర్ కల్యాణలక్ష్మి పథకాన్ని ఆదర్శంగా తీసుకుని ఈ కార్యక్రమాన్ని చేపడుతున్నట్లు ఆయన పేర్కొన్నారు. ఈ కార్యక్రమంలో నరాదాసు వసంత రావుతో పాటు, గ్రంధాలయ సంస్థ మాజీ చైర్మన్ పొన్నం అనిల్ కుమార్ గౌడ్, బిఆర్ఎస్ పార్టీ సీనియర్ నాయకులు అఫ్రోజ్ ఖాన్, ఆరే రవి, ఆటో యూనియన్ అధ్యక్షుడు బొమ్మడి శ్రీనివాస్ రెడ్డి, ప్రధాన కార్యదర్శి బండారు సంపత్ పటేల్, ఉపాధ్యక్షులు ఇరవేని కుమార్, కుక్కట్ల సంపత్, కోశాధికారి చిట్టిమల్ల నాగభూషణం, ఈసీ మెంబర్స్ కూర్మచలం వేణుమాధవ్, బొంగోని శ్రీనివాస్ గౌడ్ తదితరులు పాల్గొన్నారు.

కరీంనగర్ జిల్లాలోని అల్గనూర్ వద్ద నిన్న జరిగిన బస్సు దగ్ధం ప్రమాదంలో, కరీంనగర్ ఆర్టీసీ 2 డిపోకు చెందిన బస్సు డ్రైవర్ బోయిని ప్రశాంత్ తన ధైర్య సాహసాలను ప్రదర్శించి 40 మంది ప్రయాణికుల ప్రాణాలను కాపాడారు. ఆర్టీసీ ఎలక్ట్రిక్ బస్సు పూర్తిగా దగ్ధమవుతున్న సమయంలో, ఆయన సమయస్ఫూర్తితో వ్యవహరించి బస్సును ఆపి, ప్రయాణికులందరినీ కిందకు దించడంతో దాదాపు 40 మంది ప్రాణాలు దక్కాయని తెలంగాణ రక్షణ సేన జిల్లా బాధ్యుడు గుంజపడుగు హరిప్రసాద్ అన్నారు. ఈ సందర్భంగా తెలంగాణ రక్షణ సేన ఆధ్వర్యంలో డ్రైవర్ బోయిని ప్రశాంత్‌ను సన్మానించి అభినందించారు. వారు మాట్లాడుతూ, ప్రశాంత్ సమయస్ఫూర్తితో స్పందించడం వల్లే ఇంతమంది ప్రాణాలు కాపాడుకోగలిగామని అన్నారు. ప్రభుత్వం కూడా ఆర్టీసీ బస్సులు బయలుదేరే ముందు అన్ని విధాలా తనిఖీలు చేసిన తర్వాతే బయటికి పంపాలని, బస్సు కాలిపోవడానికి గల కారణాలను విచారించి ఇటువంటి ఘటనలు పునరావృత్తం కాకుండా చర్యలు తీసుకోవాలని డిమాండ్ చేశారు. బస్సు ప్రమాదాలకు దారితీసిన కారణాలపై ప్రభుత్వం విచారణ జరిపి, భవిష్యత్తులో ఇటువంటి సంఘటనలు జరగకుండా నివారించాలని, ఆర్టీసీ బస్సు ప్రమాదాలను అరికట్టాలని తెలంగాణ రక్షణ సేన ప్రభుత్వాన్ని కోరుతోందని గుంజపడుగు హరిప్రసాద్ స్పష్టం చేశారు. ఈ కార్యక్రమంలో జిల్లా ఆదివాసీ విభాగం అధ్యక్షుడు కుతాడి శ్రీనివాస్, జిల్లా సీనియర్ నాయకులు రంగరవేణి లక్ష్మణ్, జంగ అపర్ణ సాగర్, బాసావేణి రజేందర్, నూతి చరణ్, యండి హుస్సేన్, గర్షకుర్తి విద్యాసాగర్ తదితరులు పాల్గొన్నారు.

పెద్దపల్లి జిల్లా రామగుండంలోని మూతపడిన బి- పవర్ హౌస్ విద్యుత్ ప్లాంట్‌ను త్వరలో డిస్మెటల్ చేయనున్నారు. ఎనర్జీ స్పెషల్ చీఫ్ సెక్రటరీ నవీన్ మిట్టల్, జెన్కో ట్రాన్స్ కో సీఎండి హరీష్ రెడ్డి అధికారులతో కలిసి ఈ ప్లాంట్‌ను పరిశీలించారు. ఈ పర్యటనలో, వారు ప్రస్తుత విద్యుత్ ప్లాంట్ స్థితిగతులను గురించి స్థానిక అధికారులతో చర్చించారు. నూతనంగా నిర్మించబోయే విద్యుత్ ప్లాంట్ నిర్మాణం కోసం సంబంధించిన వనరులపైనా స్థానిక అధికారులతో ప్రస్తావించారు. త్వరలోనే డిస్మెటల్ పనులు చేపట్టడం జరుగుతుందని నవీన్ మిట్టల్ పేర్కొన్నారు. ఈ సందర్భంగా, ప్లాంట్‌కు సంబంధించిన అధికారులు ఆయనను ఆత్మీయంగా సన్మానించారు.

తెలంగాణ రాజ్యాధికార పార్టీ ఆధ్వర్యంలో జూలై 5న భువనగిరిలో నిర్వహించనున్న “రాజ్యాధికార సమరభేరి – హలో బీసీ.. చలో భువనగిరి” మహాసభ పోస్టర్‌ను సిరిసిల్ల ప్రెస్‌క్లబ్‌లో ఆవిష్కరించారు. ఈ ఆవిష్కరణ కార్యక్రమంలో పార్టీ రాష్ట్ర వర్కింగ్ ప్రెసిడెంట్ మోదం రజనీకుమార్ యాదవ్, రాష్ట్ర కార్యదర్శి అఖిల్ పాషా, జిల్లా అధ్యక్షుడు దండు వినోద్‌తో పాటు పలువురు నాయకులు పాల్గొన్నారు. ఈ సందర్భంగా నాయకులు మాట్లాడుతూ, రాష్ట్ర అధ్యక్షుడు తీన్మార్ మల్లన్న నాయకత్వంలో జరగనున్న ఈ మహాసభకు రాజన్న సిరిసిల్ల జిల్లా నుంచి లక్ష మందికి పైగా ప్రజలు, నాయకులు, కార్యకర్తలు భారీ సంఖ్యలో తరలివచ్చి విజయవంతం చేయాలని పిలుపునిచ్చారు. రాబోయే రోజుల్లో సిరిసిల్ల, వేములవాడ నియోజకవర్గాల్లో బీసీ నాయకత్వాన్ని మరింత బలోపేతం చేసేందుకు తెలంగాణ రాజ్యాధికార పార్టీ కృషి చేస్తుందని వారు పేర్కొన్నారు. ఈ కార్యక్రమంలో జిల్లా మహిళా అధ్యక్షురాలు కలికోట రేణుక, కార్మిక విభాగం జిల్లా అధ్యక్షుడు కొడూరి శ్రీహరి, పట్టణ అధ్యక్షుడు ఆరుకల రమేష్, మహిళా పట్టణ అధ్యక్షురాలు బిట్ల జ్యోత్స్న, ప్రధాన కార్యదర్శి చెట్టిపల్లి నరేందర్, మండల అధ్యక్షుడు మొగిళ్ల బాబు, కొంకటి శ్రీధర్, చెన్నోజి విద్యాసాగర్, దూడం సత్యం, గాంధీబాబు, చంద్రమౌళి తదితరులు పాల్గొన్నారు.

కరీంనగర్ సీపి గౌస్ ఆలం ఆదేశాల మేరకు డ్రగ్స్ అవగాహన కార్యక్రమం లో భాగంగా వీణవంక ప్రభుత్వ పాఠశాలలో మంగళవారం ఫ్రెండ్లీ క్రికెట్ మ్యాచ్ ను నిర్వహించారు. ఎస్సై ఆవుల తిరుపతి ఈ మ్యాచ్ ను ప్రారంభించగా, జమ్మికుంట రూరల్ సీఐ పులి వెంకట్ ముఖ్య అతిథిగా హాజరై పాల్గొన్నారు. ఈ క్రికెట్ మ్యాచ్ లో పోలీస్, ప్రెస్ యూత్ టీంలు ఉత్సాహంగా పాల్గొన్నాయి. నేటి సమాజంలో డ్రగ్స్ కు బానిసలై తమ విలువైన జీవితాలను నాశనం చేసుకుంటున్న యువతను చెడు అలవాట్లకు దూరంగా ఉంచడానికి, వారి ఆలోచనలను ఆటల వైపు మళ్లించే ఉద్దేశ్యంతో ఈ అవగాహన కార్యక్రమాన్ని ఏర్పాటు చేసినట్లు నిర్వాహకులు తెలిపారు. యువత విద్యార్థులు చదువుతో పాటు క్రీడలలో కూడా రాణించాలని, మత్తు పదార్థాలకు దూరంగా ఉండాలని సీఐ పులి వెంకట్ ఈ సందర్భంగా కోరారు. మాదక ద్రవ్యాల అక్రమ రవాణా, వినియోగం, విక్రయాలపై ఏదైనా సమాచారం ఉంటే వెంటనే పోలీసులకు తెలియజేయాలని ఆయన సూచించారు. ఈ సందర్భంగా రెడ్డిపల్లి, వీణవంక, నర్సింగాపూర్, వల్బపూర్, భేతిగల్ గ్రామాలకు చెందిన యువకులకు క్రికెట్ బ్యాట్లు, షటిల్స్, ఫుట్ బాల్ లను పంపిణీ చేశారు. ఈ కార్యక్రమంలో పోలీస్ సిబ్బంది, ప్రెస్ మిత్రులు మరియు యువత పెద్ద సంఖ్యలో పాల్గొన్నారు.

రాజన్న సిరిసిల్ల జిల్లా బోయినపల్లి మండలం జగ్గారావు పల్లిలో గ్రామస్థులు పోచమ్మ బోనాలను అత్యంత వైభవంగా నిర్వహించారు. ఈ వేడుకలో మహిళలు ఉపవాసంతో తమ తలపై బోనం ఎత్తుకొని, డప్పు చప్పుళ్ల మధ్య, బైండ్ల పూజారుల విన్యాసాల నడుమ ఊరేగింపుగా పోచమ్మ ఆలయానికి చేరుకున్నారు. అక్కడ వారు నైవేద్యం సమర్పించి, తమ మొక్కులను చెల్లించుకున్నారు. ఈ సందర్భంగా సర్పంచ్ మధు మాట్లాడుతూ, గ్రామానికి సమృద్ధిగా వర్షాలు కురిసి సుభిక్షంగా ఉండాలని, పాడిపంటలు, గ్రామస్తులు బాగుండాలని పోచమ్మ తల్లిని వేడుకున్నట్లు తెలిపారు. పోచమ్మ బోనాల నిర్వహణకు సహకరించిన గ్రామస్థులందరికీ ఆయన ధన్యవాదాలు తెలియజేశారు.

కరీంనగర్ పీఎంజే జ్యువెలరీ షోరూంలో మే 3న జరిగిన సంచలన సాయుధ దోపిడీ కేసును ఛేదించి, కీలక నిందితులను అరెస్ట్ చేసిన కరీంనగర్ పోలీస్ కమిషనర్ గౌష్ ఆలంను ఎంఐఎం నాయకులు మంగళవారం ఆయన కార్యాలయంలో ఘనంగా సన్మానించారు. ఎంఐఎం కరీంనగర్ అధ్యక్షుడు సయ్యద్ గులాం అహ్మద్ హుస్సేన్ ఆధ్వర్యంలో ఎంఐఎం కార్పొరేటర్లు, నాయకులు మర్యాద పూర్వకంగా కలిసి, పూల బోకేను అందించి, శాలువాతో సన్మానం చేశారు. ఈ సందర్భంగా గులాం అహ్మద్ హుస్సేన్ మాట్లాడుతూ, ఈ కేసును అత్యంత ప్రతిష్టాత్మకంగా తీసుకుని, దేశంలోని వివిధ రాష్ట్రాల్లో పెద్ద పెద్ద దోపిడీలు చేసి పోలీసుల నుంచి తప్పించుకు తిరుగుతున్న కరుడుగట్టిన ముఖ్య నిందితుడితో పాటు మరో ఇద్దరు అంతర్రాష్ట్ర నిందితులను కమిషనర్ గౌష్ ఆలం అత్యాధునిక సాంకేతిక పరిజ్ఞానంతో, మెరుగైన నెట్‌వర్క్‌తో చాకచక్యంగా పట్టుకున్నారని ప్రశంసించారు. నిందితుల నుంచి కీలకమైన ఆధారాలు, ఆయుధాలను స్వాధీనం చేసుకున్నారని తెలిపారు. ఆయన సేవలు విమర్శకుల నోళ్లు మూయించి, 'తెలంగాణ పోలీస్ బెటర్ పోలీస్' అని నిరూపించడమే కాకుండా, కరీంనగర్ పేరును దేశం గర్వించే స్థాయిలో నిలబెట్టాయని అన్నారు. నేరస్థులకు పాలిట సింహస్వప్నంలా మారి, నేర రహిత సమాజం కోసం అహర్నిశలు కృషి చేస్తూ ప్రభుత్వానికి మంచి పేరు తీసుకొస్తున్న ఇలాంటి నిజాయితీగల అధికారి కరీంనగర్‌లో సేవలు అందించడం జిల్లా ప్రజల అదృష్టమని గులాం అహ్మద్ హుస్సేన్ పేర్కొన్నారు. ఈ కార్యక్రమంలో ఎంఐఎం జాయింట్ సెక్రటరీ సయ్యద్ మొయిజుద్దీన్ ఖాద్రి, కో కార్పొరేటర్ సయ్యద్ ఇబ్రహీం, కార్పొరేటర్ మాజిద్ హుస్సేన్, మాజీ కార్పొరేటర్లు ఆరిఫ్ అహ్మద్, అహ్మద్ మొహియుద్దీన్ బాబుజానీ, లింగంపల్లి శ్రీను, కంటేస్టీడ్ కార్పొరేటర్లు సురేశ్, వాజిద్ అలీఖాన్, అబ్దుల్ గఫ్ఫార్, అబ్దుల్లా ఆసిమ్, నాయకులు ఫసియుద్దీన్ ఖాలీద్, ఎంఏ సలీం, ఖమరొద్దీన్ షబ్బీర్, అబ్దుల్లా ఖాన్, మేరాజ్, ఇలియాజ్, అల్మాస్ హంజ, యునూస్ తదితరులు పాల్గొన్నారు.