उरण नागाव समुद्रकिनारी पाच पर्यटकांचे थरारक बचाव; सुरक्षा उपाययोजनांच्या अभावामुळे धोका कायम धोक्याच्या सूचना फलकांचा अभाव, टेहाळणी चौक्यांची कमतरता; वारंवार घडणाऱ्या घटनांमुळे प्रशासनावर प्रश्नचिन्ह ० उरणच्या नागाव समुद्रकिनाऱ्यावर पर्यटकांची दिवसेंदिवस वाढ ० भरतीच्या वेळी पाण्यात अडकण्याच्या घटनांमध्ये सातत्याने वाढ ० किनाऱ्यावर धोक्याचे इशारे देणारे फलक नाहीत ग्रामपंचायत व प्रशासनाकडून सुरक्षा उपाययोजनांचा अभाव ० सागरी सुरक्षा रक्षकांकडे अपुरी साधनसामग्री ० सहा–सात किमी लांबीच्या किनाऱ्यावर टेहाळणी चौक्यांचा अभाव उरण तालुक्यातील नागाव समुद्रकिनाऱ्यावर सोमवारी संध्याकाळी पाच पर्यटक समुद्राच्या पाण्यात अडकल्याची धक्कादायक घटना घडली. मात्र सागर सुरक्षा रक्षकांनी प्रसंगावधान राखत तात्काळ धाव घेत सर्व पर्यटकांना सुरक्षित बाहेर काढत त्यांचा जीव वाचवला. या घटनेमुळे पुन्हा एकदा किनाऱ्यावरील सुरक्षेचा प्रश्न ऐरणीवर आला आहे. उरण तालुका हा निसर्गसंपन्न किनारपट्टीसाठी ओळखला जातो. येथील नागाव समुद्रकिनारा पर्यटकांसाठी आकर्षणाचा केंद्रबिंदू ठरत असून, दररोज मोठ्या संख्येने पर्यटक येथे भेट देतात. विशेषतः पिरवाडी परिसरात पीर दर्शनासाठी येणाऱ्या भाविकांचीही मोठी गर्दी असते. याच दरम्यान अनेक पर्यटक समुद्रात उतरून मौजमजा करताना भरतीच्या वेळी अडकण्याच्या घटना सातत्याने घडत आहेत. या किनाऱ्यावर धोक्याच्या सूचना देणारे फलक नसल्याने पर्यटक बेधडक पाण्यात उतरून आपला जीव धोक्यात घालत आहेत. तर येथे अशाप्रकारचे धोक्याच्या सूचना देणारे फलक लावण्याची मागणी आता होत आहे.  सोमवारी घडलेल्या घटनेत, पिरवाडी परिसरात पाच पर्यटक समुद्राच्या वाढत्या पाण्यात अडकले होते. माहिती मिळताच सागर सुरक्षा रक्षकांनी जीवाची पर्वा न करता बचावकार्य सुरू केले आणि सर्वांना सुखरूप बाहेर काढले. त्यांच्या तत्परतेमुळे मोठा अनर्थ टळला. मात्र, या किनाऱ्यावर वारंवार अशा घटना घडत असतानाही मूलभूत सुरक्षा उपाययोजनांचा अभाव गंभीर चिंता निर्माण करणारा ठरत आहे. किनाऱ्यावरील धोकादायक भागांबाबत इशारा देणारे फलक अद्याप लावण्यात आलेले नाहीत. तसेच ग्रामपंचायत, तहसील प्रशासन, जिल्हा आपत्ती व्यवस्थापन यंत्रणा किंवा बंदर विभागाकडून ठोस उपाययोजना होताना दिसत नाहीत. याशिवाय, सागरी सुरक्षा रक्षकांना कार्यरत राहण्यासाठी आवश्यक सुविधा देखील अपुऱ्या आहेत. जवळपास सहा ते सात किलोमीटर लांबीच्या या विस्तीर्ण किनाऱ्यावर एकही टेहाळणी चौकी नसल्याने रक्षकांना साहित्य ठेवण्यासाठी आणि सतत देखरेख ठेवण्यासाठी मोठ्या अडचणींचा सामना करावा लागत आहे. अपुऱ्या साधनसामग्रीतच ते जीव धोक्यात घालून पर्यटकांचे प्राण वाचवत आहेत. दरम्यान किनाऱ्यावर ज्याठिकाणी सातात्याने अपघात होत आहेत अशा ठिकाणी धोक्याच्या सूचना देणारे फलक असणे आवश्यक असताना प्रशासनाकडून किनातेही फलक लावण्यात आलेले नाहीत. ज्यामुळे पर्यटकांचे जीव अधिकच धोक्यात येतं आहेत.  दरवर्षी अशा प्रकारच्या घटनांमध्ये वाढ होत असल्याने नागाव समुद्रकिनाऱ्यावर तातडीने सुरक्षा उपाययोजना राबवण्याची मागणी जोर धरत आहे. धोक्याच्या ठिकाणी इशारा फलक उभारणे, टेहाळणी चौक्या उभारणे, तसेच सागरी सुरक्षा रक्षकांना आवश्यक साहित्य उपलब्ध करून देणे अत्यंत गरजेचे झाले आहे. पर्यटन वाढत असताना सुरक्षिततेकडे दुर्लक्ष होणे हे भविष्यात गंभीर दुर्घटनांना आमंत्रण देणारे ठरू शकते. त्यामुळे प्रशासनाने वेळीच पावले उचलून पर्यटकांच्या सुरक्षेची खात्री करावी, अशी मागणी स्थानिक नागरिकांकडून व्यक्त होत आहे.

विरेश मधुकर मोडखरकर

उरण, रायगड, महाराष्ट्र•

2 hrs ago

उरण नागाव समुद्रकिनारी पाच पर्यटकांचे थरारक बचाव; सुरक्षा उपाययोजनांच्या अभावामुळे धोका कायम धोक्याच्या सूचना फलकांचा अभाव, टेहाळणी चौक्यांची कमतरता; वारंवार घडणाऱ्या घटनांमुळे प्रशासनावर प्रश्नचिन्ह ० उरणच्या नागाव समुद्रकिनाऱ्यावर पर्यटकांची दिवसेंदिवस वाढ ० भरतीच्या वेळी पाण्यात अडकण्याच्या घटनांमध्ये सातत्याने वाढ ० किनाऱ्यावर धोक्याचे इशारे देणारे फलक नाहीत ग्रामपंचायत व प्रशासनाकडून सुरक्षा उपाययोजनांचा अभाव ० सागरी सुरक्षा रक्षकांकडे अपुरी साधनसामग्री ० सहा–सात किमी लांबीच्या किनाऱ्यावर टेहाळणी चौक्यांचा अभाव उरण तालुक्यातील नागाव समुद्रकिनाऱ्यावर सोमवारी संध्याकाळी पाच पर्यटक समुद्राच्या पाण्यात अडकल्याची धक्कादायक घटना घडली. मात्र सागर सुरक्षा रक्षकांनी प्रसंगावधान राखत तात्काळ धाव घेत सर्व पर्यटकांना सुरक्षित बाहेर काढत त्यांचा जीव वाचवला. या घटनेमुळे पुन्हा एकदा किनाऱ्यावरील सुरक्षेचा प्रश्न ऐरणीवर आला आहे. उरण तालुका हा निसर्गसंपन्न किनारपट्टीसाठी ओळखला जातो. येथील नागाव समुद्रकिनारा पर्यटकांसाठी आकर्षणाचा केंद्रबिंदू ठरत असून, दररोज मोठ्या संख्येने पर्यटक येथे भेट देतात. विशेषतः पिरवाडी परिसरात पीर दर्शनासाठी येणाऱ्या भाविकांचीही मोठी गर्दी असते. याच दरम्यान अनेक पर्यटक समुद्रात उतरून मौजमजा करताना भरतीच्या वेळी अडकण्याच्या घटना सातत्याने घडत आहेत. या किनाऱ्यावर धोक्याच्या सूचना देणारे फलक नसल्याने पर्यटक बेधडक पाण्यात उतरून आपला जीव धोक्यात घालत आहेत. तर येथे अशाप्रकारचे धोक्याच्या सूचना देणारे फलक लावण्याची मागणी आता होत आहे.  सोमवारी घडलेल्या घटनेत, पिरवाडी परिसरात पाच पर्यटक समुद्राच्या वाढत्या पाण्यात अडकले होते. माहिती मिळताच सागर सुरक्षा रक्षकांनी जीवाची पर्वा न करता बचावकार्य सुरू

केले आणि सर्वांना सुखरूप बाहेर काढले. त्यांच्या तत्परतेमुळे मोठा अनर्थ टळला. मात्र, या किनाऱ्यावर वारंवार अशा घटना घडत असतानाही मूलभूत सुरक्षा उपाययोजनांचा अभाव गंभीर चिंता निर्माण करणारा ठरत आहे. किनाऱ्यावरील धोकादायक भागांबाबत इशारा देणारे फलक अद्याप लावण्यात आलेले नाहीत. तसेच ग्रामपंचायत, तहसील प्रशासन, जिल्हा आपत्ती व्यवस्थापन यंत्रणा किंवा बंदर विभागाकडून ठोस उपाययोजना होताना दिसत नाहीत. याशिवाय, सागरी सुरक्षा रक्षकांना कार्यरत राहण्यासाठी आवश्यक सुविधा देखील अपुऱ्या आहेत. जवळपास सहा ते सात किलोमीटर लांबीच्या या विस्तीर्ण किनाऱ्यावर एकही टेहाळणी चौकी नसल्याने रक्षकांना साहित्य ठेवण्यासाठी आणि सतत देखरेख ठेवण्यासाठी मोठ्या अडचणींचा सामना करावा लागत आहे. अपुऱ्या साधनसामग्रीतच ते जीव धोक्यात घालून पर्यटकांचे प्राण वाचवत आहेत. दरम्यान किनाऱ्यावर ज्याठिकाणी सातात्याने अपघात होत आहेत अशा ठिकाणी धोक्याच्या सूचना देणारे फलक असणे आवश्यक असताना प्रशासनाकडून किनातेही फलक लावण्यात आलेले नाहीत. ज्यामुळे पर्यटकांचे जीव अधिकच धोक्यात येतं आहेत.  दरवर्षी अशा प्रकारच्या घटनांमध्ये वाढ होत असल्याने नागाव समुद्रकिनाऱ्यावर तातडीने सुरक्षा उपाययोजना राबवण्याची मागणी जोर धरत आहे. धोक्याच्या ठिकाणी इशारा फलक उभारणे, टेहाळणी चौक्या उभारणे, तसेच सागरी सुरक्षा रक्षकांना आवश्यक साहित्य उपलब्ध करून देणे अत्यंत गरजेचे झाले आहे. पर्यटन वाढत असताना सुरक्षिततेकडे दुर्लक्ष होणे हे भविष्यात गंभीर दुर्घटनांना आमंत्रण देणारे ठरू शकते. त्यामुळे प्रशासनाने वेळीच पावले उचलून पर्यटकांच्या सुरक्षेची खात्री करावी, अशी मागणी स्थानिक नागरिकांकडून व्यक्त होत आहे.