கோயம்புத்தூர் வடக்கு தொகுதியில் நிலவும் சுகாதாரக் குறைபாடுகளுக்குத் தீர்வு காணக் கோரி, நாம் தமிழர் கட்சியின் நிர்வாகிகள் மாவட்ட ஆட்சியர் அலுவலகத்தில் மனு அளித்துள்ளனர். கோவை வடக்கு சட்டமன்றத் தொகுதிக்குட்பட்ட வெங்கடாபுரம் கோவில் மேடு பகுதியில் உள்ள சாக்கடை கால்வாய்கள் நெகிழி கழிவுகள் மற்றும் குப்பைகளால் முழுவதுமாக அடைக்கப்பட்டு இருப்பதால் பொதுமக்கள் கடும் அவதிக்குள்ளாகி வருகின்றனர். மழைக்காலங்களில் கழிவுநீர் தேங்கி துர்நாற்றம் வீசுவதுடன், கொசுத்தொல்லையும் அதிகரித்து சுகாதாரப் பாதிப்புகள் ஏற்படும் அபாயம் நிலவுகிறது. இதனை உடனடியாக அகற்றி, கால்வாய்களை சுத்தம் செய்ய மாநகராட்சி நிர்வாகம் நடவடிக்கை எடுக்க வேண்டும் என அந்த மனுவில் வலியுறுத்தப்பட்டுள்ளது. அதேபோல், கண்ணப்பன் நகர் பகுதியில் பொதுமக்களின் பயன்பாட்டிற்காக கட்டப்பட்டுள்ள சுகாதார வளாகம் மற்றும் கழிப்பிடம் இதுவரை திறக்கப்படாமல் இருப்பதால் அப்பகுதி மக்கள் மிகுந்த சிரமத்திற்கு ஆளாகியுள்ளனர். குறிப்பாக, பெண்கள், முதியவர்கள் மற்றும் குழந்தைகள் இதன் காரணமாக பெரிதும் பாதிக்கப்படுவதாகவும் மனுவில் சுட்டிக்காட்டப்பட்டுள்ளது. எனவே, பொதுமக்களின் அடிப்படை தேவையை கருத்தில் கொண்டு கண்ணப்பன் நகர் சுகாதார வளாகத்தை உடனடியாக பொதுமக்கள் பயன்பாட்டிற்கு திறக்க வேண்டும் என்றும், தேவையான பராமரிப்பு மற்றும் குடிநீர் வசதிகளுடன் அதை செயல்படுத்த நடவடிக்கை எடுக்க வேண்டும் என்றும் கோரிக்கை விடுக்கப்பட்டுள்ளது. மேலும், கோவை வடக்கு பகுதிகளில் நிலவும் இத்தகைய சுகாதாரப் பிரச்சினைகளுக்கு நிரந்தரத் தீர்வு காண மாவட்ட நிர்வாகம் விரைந்து நடவடிக்கை எடுக்க வேண்டும் எனவும் நாம் தமிழர் கட்சியின் நிர்வாகிகள் வலியுறுத்தியுள்ளனர். இந்த மனு அளிக்கும் நிகழ்வில், நாம் தமிழர் கட்சியின் மாநில ஒருங்கிணைப்பாளர் கோபாலகிருஷ்ணன், சாய்பாபா காலனி மாவட்ட தலைவர் கையிரப்பன், தகவல் தொழில்நுட்ப பாசறை மாநில ஒருங்கிணைப்பாளர் பிரவீன் குமார், இளைஞர் பாசறை மாநில ஒருங்கிணைப்பாளர்கள் ஹரி பிரசாத் மற்றும் திருக்கண்ணன் ஆகியோர் கலந்து கொண்டனர்.

Political Pulse

Reporter கோயம்புத்தூர் தெற்கு, கோயம்புத்தூர், தமிழ்நாடு•

12 hrs ago

கோயம்புத்தூர் வடக்கு தொகுதியில் நிலவும் சுகாதாரக் குறைபாடுகளுக்குத் தீர்வு காணக் கோரி, நாம் தமிழர் கட்சியின் நிர்வாகிகள் மாவட்ட ஆட்சியர் அலுவலகத்தில் மனு அளித்துள்ளனர். கோவை வடக்கு சட்டமன்றத் தொகுதிக்குட்பட்ட வெங்கடாபுரம் கோவில் மேடு பகுதியில் உள்ள சாக்கடை கால்வாய்கள் நெகிழி கழிவுகள் மற்றும் குப்பைகளால் முழுவதுமாக அடைக்கப்பட்டு இருப்பதால் பொதுமக்கள் கடும் அவதிக்குள்ளாகி வருகின்றனர். மழைக்காலங்களில் கழிவுநீர் தேங்கி துர்நாற்றம் வீசுவதுடன், கொசுத்தொல்லையும் அதிகரித்து சுகாதாரப் பாதிப்புகள் ஏற்படும் அபாயம் நிலவுகிறது. இதனை உடனடியாக அகற்றி, கால்வாய்களை சுத்தம் செய்ய மாநகராட்சி நிர்வாகம் நடவடிக்கை எடுக்க வேண்டும் என அந்த மனுவில் வலியுறுத்தப்பட்டுள்ளது. அதேபோல், கண்ணப்பன் நகர் பகுதியில் பொதுமக்களின் பயன்பாட்டிற்காக கட்டப்பட்டுள்ள சுகாதார வளாகம் மற்றும் கழிப்பிடம் இதுவரை திறக்கப்படாமல் இருப்பதால் அப்பகுதி மக்கள் மிகுந்த சிரமத்திற்கு ஆளாகியுள்ளனர். குறிப்பாக, பெண்கள், முதியவர்கள் மற்றும் குழந்தைகள்

இதன் காரணமாக பெரிதும் பாதிக்கப்படுவதாகவும் மனுவில் சுட்டிக்காட்டப்பட்டுள்ளது. எனவே, பொதுமக்களின் அடிப்படை தேவையை கருத்தில் கொண்டு கண்ணப்பன் நகர் சுகாதார வளாகத்தை உடனடியாக பொதுமக்கள் பயன்பாட்டிற்கு திறக்க வேண்டும் என்றும், தேவையான பராமரிப்பு மற்றும் குடிநீர் வசதிகளுடன் அதை செயல்படுத்த நடவடிக்கை எடுக்க வேண்டும் என்றும் கோரிக்கை விடுக்கப்பட்டுள்ளது. மேலும், கோவை வடக்கு பகுதிகளில் நிலவும் இத்தகைய சுகாதாரப் பிரச்சினைகளுக்கு நிரந்தரத் தீர்வு காண மாவட்ட நிர்வாகம் விரைந்து நடவடிக்கை எடுக்க வேண்டும் எனவும் நாம் தமிழர் கட்சியின் நிர்வாகிகள் வலியுறுத்தியுள்ளனர். இந்த மனு அளிக்கும் நிகழ்வில், நாம் தமிழர் கட்சியின் மாநில ஒருங்கிணைப்பாளர் கோபாலகிருஷ்ணன், சாய்பாபா காலனி மாவட்ட தலைவர் கையிரப்பன், தகவல் தொழில்நுட்ப பாசறை மாநில ஒருங்கிணைப்பாளர் பிரவீன் குமார், இளைஞர் பாசறை மாநில ஒருங்கிணைப்பாளர்கள் ஹரி பிரசாத் மற்றும் திருக்கண்ணன் ஆகியோர் கலந்து கொண்டனர்.