ఆదిలాబాద్‌లోని స్థానిక గాంధీ పార్కులో ఆదివారం, జూన్ 21న చిన్నారుల రైలును తిరిగి అందుబాటులోకి తీసుకువచ్చారు. జిల్లా కలెక్టర్ రాజర్షి షా, స్థానిక ఎమ్మెల్యే పాయల్ శంకర్, మున్సిపల్ చైర్‌పర్సన్ బండారి అనూషలతో కలిసి ముఖ్య అతిథిగా హాజరై రిబ్బన్ కట్ చేసి ఈ రైలును ప్రారంభించారు. ఈ సందర్భంగా కలెక్టర్ రాజర్షి షా మాట్లాడుతూ, సమిష్టి కృషితో చిన్నారుల రైలును తిరిగి అందుబాటులోకి తీసుకురావడం జరిగిందని తెలిపారు. ఆదిలాబాద్ పట్టణానికే కాకుండా చుట్టుపక్కల గ్రామాల ప్రజలకు కూడా ఈ పార్కు ఒక పెద్ద ఆహ్లాదకర ప్రాంతమని, సెలవు రోజుల్లో పిల్లలు, పెద్దలు ఇక్కడి రైడ్స్, స్వింగ్స్‌తో వినోదం పొందుతున్నారని వివరించారు. ఎమ్మెల్యే, చైర్‌పర్సన్ సూచనల మేరకు 'అర్బన్ ఛాలెంజ్ ఫండ్', 'టి.ఎఫ్.ఐ.డి.సి నిధులతో పార్కును మరింత అభివృద్ధి చేయడానికి ప్రణాళికలు సిద్ధంగా ఉన్నాయని, త్వరలోనే మరిన్ని వినోద సౌకర్యాలను మెరుగుపరుస్తామని ఆయన స్పష్టం చేశారు. ఎమ్మెల్యే పాయల్ శంకర్ మాట్లాడుతూ, గత ఏడెనిమిది సంవత్సరాలుగా పెండింగ్‌లో ఉన్న చిన్న పిల్లల రైలును కలెక్టర్ ప్రత్యేక చొరవతో ఈరోజు పునఃప్రారంభించడం పట్ల హర్షం వ్యక్తం చేశారు. పార్కులో పిల్లలందరికీ ఉల్లాసభరితమైన వాతావరణాన్ని కల్పించడమే తమ ధ్యేయమని పేర్కొన్నారు. ఆదిలాబాద్ పట్టణ ప్రజలకు ఉదయం, సాయంత్రం వాకింగ్ చేయడానికి ప్రస్తుతం ఉన్న స్టేడియంలో స్థలం సరిపోవడం లేదని, ఈ సమస్యను అధిగమించడానికి గాంధీ పార్క్ చుట్టూ ఉన్న ప్రహరీ గోడ వైపు దాదాపు 15 నుండి 20 ఫీట్ల వెడల్పుతో ఒక అధునాతన వాకింగ్ ట్రాక్‌ను ఏర్పాటు చేయాలనే ఆలోచనతో ఉన్నట్లు వెల్లడించారు. దీనికోసం మున్సిపాలిటీ పరంగా ప్రత్యేక ఆర్థిక వనరులను సమకూర్చుకునే ప్రయత్నాలు ఇప్పటికే జరుగుతున్నాయని తెలిపారు. పట్టణ అభివృద్ధికి అవసరమైన నిధుల కోసం కేంద్ర, రాష్ట్ర ప్రభుత్వాల సమన్వయంతో ముందుకు వెళ్తున్నట్లు వివరిస్తూ, అర్బన్ ఛాలెంజ్ ఫండ్ కింద కేంద్ర ప్రభుత్వం నుండి దాదాపు 800 కోట్ల రూపాయల నిధులను సాధించే విషయమై ఇప్పటికే కేంద్ర మంత్రితో పాటు రాష్ట్ర ముఖ్యమంత్రితో మాట్లాడటం జరిగిందని చెప్పారు. ఈ ప్రాజెక్టును వీలైనంత త్వరలోనే పట్టణానికి తీసుకువచ్చేందుకు తన వంతు ప్రయత్నం చేస్తున్నట్లు భరోసా ఇచ్చారు. మున్సిపల్ చైర్‌పర్సన్ బండారి అనూష మాట్లాడుతూ, పిల్లల ఆహ్లాద వాతావరణం కొరకు పార్కును మరింత అభివృద్ధి పరచేందుకు నిధులు కేటాయిస్తామన్నారు. ఈ కార్యక్రమంలో స్థానిక సంస్థల అదనపు కలెక్టర్ రాజేశ్వర్, మున్సిపల్ కమిషనర్ జగదీశ్వర్ గౌడ్, కౌన్సిలర్ జ్యోతి, చిన్నారులు, తదితరులు పాల్గొన్నారు.

M.RAJKIRAN REDDY

Adilabad Urban, Telangana•

5 hrs ago

ఆదిలాబాద్‌లోని స్థానిక గాంధీ పార్కులో ఆదివారం, జూన్ 21న చిన్నారుల రైలును తిరిగి అందుబాటులోకి తీసుకువచ్చారు. జిల్లా కలెక్టర్ రాజర్షి షా, స్థానిక ఎమ్మెల్యే పాయల్ శంకర్, మున్సిపల్ చైర్‌పర్సన్ బండారి అనూషలతో కలిసి ముఖ్య అతిథిగా హాజరై రిబ్బన్ కట్ చేసి ఈ రైలును ప్రారంభించారు. ఈ సందర్భంగా కలెక్టర్ రాజర్షి షా మాట్లాడుతూ, సమిష్టి కృషితో చిన్నారుల రైలును తిరిగి అందుబాటులోకి తీసుకురావడం జరిగిందని తెలిపారు. ఆదిలాబాద్ పట్టణానికే కాకుండా చుట్టుపక్కల గ్రామాల ప్రజలకు కూడా ఈ పార్కు ఒక పెద్ద ఆహ్లాదకర ప్రాంతమని, సెలవు రోజుల్లో

పిల్లలు, పెద్దలు ఇక్కడి రైడ్స్, స్వింగ్స్‌తో వినోదం పొందుతున్నారని వివరించారు. ఎమ్మెల్యే, చైర్‌పర్సన్ సూచనల మేరకు 'అర్బన్ ఛాలెంజ్ ఫండ్', 'టి.ఎఫ్.ఐ.డి.సి నిధులతో పార్కును మరింత అభివృద్ధి చేయడానికి ప్రణాళికలు సిద్ధంగా ఉన్నాయని, త్వరలోనే మరిన్ని వినోద సౌకర్యాలను మెరుగుపరుస్తామని ఆయన స్పష్టం చేశారు. ఎమ్మెల్యే పాయల్ శంకర్ మాట్లాడుతూ, గత ఏడెనిమిది సంవత్సరాలుగా పెండింగ్‌లో ఉన్న చిన్న పిల్లల రైలును కలెక్టర్ ప్రత్యేక చొరవతో ఈరోజు పునఃప్రారంభించడం పట్ల హర్షం వ్యక్తం చేశారు. పార్కులో పిల్లలందరికీ ఉల్లాసభరితమైన వాతావరణాన్ని కల్పించడమే తమ ధ్యేయమని పేర్కొన్నారు. ఆదిలాబాద్ పట్టణ ప్రజలకు

ఉదయం, సాయంత్రం వాకింగ్ చేయడానికి ప్రస్తుతం ఉన్న స్టేడియంలో స్థలం సరిపోవడం లేదని, ఈ సమస్యను అధిగమించడానికి గాంధీ పార్క్ చుట్టూ ఉన్న ప్రహరీ గోడ వైపు దాదాపు 15 నుండి 20 ఫీట్ల వెడల్పుతో ఒక అధునాతన వాకింగ్ ట్రాక్‌ను ఏర్పాటు చేయాలనే ఆలోచనతో ఉన్నట్లు వెల్లడించారు. దీనికోసం మున్సిపాలిటీ పరంగా ప్రత్యేక ఆర్థిక వనరులను సమకూర్చుకునే ప్రయత్నాలు ఇప్పటికే జరుగుతున్నాయని తెలిపారు. పట్టణ అభివృద్ధికి అవసరమైన నిధుల కోసం కేంద్ర, రాష్ట్ర ప్రభుత్వాల సమన్వయంతో ముందుకు వెళ్తున్నట్లు వివరిస్తూ, అర్బన్ ఛాలెంజ్ ఫండ్ కింద కేంద్ర

ప్రభుత్వం నుండి దాదాపు 800 కోట్ల రూపాయల నిధులను సాధించే విషయమై ఇప్పటికే కేంద్ర మంత్రితో పాటు రాష్ట్ర ముఖ్యమంత్రితో మాట్లాడటం జరిగిందని చెప్పారు. ఈ ప్రాజెక్టును వీలైనంత త్వరలోనే పట్టణానికి తీసుకువచ్చేందుకు తన వంతు ప్రయత్నం చేస్తున్నట్లు భరోసా ఇచ్చారు. మున్సిపల్ చైర్‌పర్సన్ బండారి అనూష మాట్లాడుతూ, పిల్లల ఆహ్లాద వాతావరణం కొరకు పార్కును మరింత అభివృద్ధి పరచేందుకు నిధులు కేటాయిస్తామన్నారు. ఈ కార్యక్రమంలో స్థానిక సంస్థల అదనపు కలెక్టర్ రాజేశ్వర్, మున్సిపల్ కమిషనర్ జగదీశ్వర్ గౌడ్, కౌన్సిలర్ జ్యోతి, చిన్నారులు, తదితరులు పాల్గొన్నారు.